ສະຖານີໂທລະພາບແຫ່ງຊາດລາວ

ຈາກ ວິກິພີເດຍ
Jump to navigation Jump to search
ສະຖານີໂທລະພາບແຫ່ງຊາດລາວ
ສັນ​ຍະລັກ ທຊລ.
ເລິ່ມອອກອາກາດ2 ​ທັນ​ວາ 1983
ເຄືອຂ່າຍສະຖານີໂທລະພາບ/ສະຖານີວິທະຍຸ
ເຈົ້າຂອງກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ
ລະບົບພາບ576 ໄອ
ຄຳຂວັນໂທລະພາບແຫ່ງຊາດລາວ ຂ່າວການສຶກສາ ການບັນເທີງຂອງທ່ານສໍາລັບທ່ານ
ປະເທດທຸງຊາດປະເທດລາວ ລາວ
ພື້ນທີ່ແພ່ພາບທຸງຊາດປະເທດລາວ ປະເທດລາວ
ເວັບໄຊຕ໌www.tnl.gov.la

ສະຖານີໂທລະພາບແຫ່ງຊາດລາວ; (ທຊລ ຫຼືຊື່ຫຍໍ້ເກົ່າ ສທລ)) ແມ່ນສະຖານີໂທລະພາບແຫ່ງຊາດແຫ່ງທຳອິດຂອງປະເທດລາວ

ປະຫວັດ[ແກ້ໄຂ]

ສະຖານີໂທລະພາບແຫ່ງຊາດລາວ ມີຊື່ຫຍໍ້ວ່າ ສທລ ກໍ່ຕັ້ງຂຶ້ນໃນວັນທີ 2 ທັນວາ ປີ 1983 ເປັນສ່ວນໜຶ່ງຂອງ ສະຖານີວິທະຍຸກະຈາຍສຽງແຫ່ງຊາດລາວ ໂດຍມີທ່ານໄກສອນ ພົມວິຫານ ນາຍົກລັດຖະມົນຕີ ເປັນປະທານເປິດສະຖານີ ໃນຍຸກທຳອິດ ສທລ ອອກອາກາດມຶ້ລະ 3 ຊົ່ວໂມງ ຕັ້ງແຕ່ເວລາ 19:00 ຫາ 22:00 ຂອງທຸກມື້ ແລະອອກອາກາດສະເພາະໃນນະຄອນຫຼວງວຽງຈັນທາງຊ່ອງ 8 ໂດຍ ສທລ ສ້າງຕັ້ງຂຶ້ນເພື່ອກະຈາຍຂ່າວສານລັດຖະບານໄປຍັງປະຊາຊົນ

ໃນປີ 1993 ສທລ ໄດ້ຮັບທຶນຈາກອົງການສື່ສານມວນຊົນແຫ່ງປະເທດໄທ ໃຫ້ຈັດຕັ້ງສະຖານີໂທລະພາບໃນບັນດາແຂວງ ແລະໄດ້ປ່ຽນເລກຊ່ອງຈາກ 8 ເປັນ 9 ແລະໄດ້ເປິດສະຖານີຊ່ອງ ສທລ.3 ອີກ 1 ສະຖານີ

ສທລ ໄດ້ປ່ຽນຊື່ຫຍໍ້ຈາກ ສທລ ເປັນ ທຊລ ໃນປີ 2009 ແລະໃນວັນທີ 1 ມັງກອນ 2013 ທຊລ.1 ຂະຫຍາຍໄລຍະເວລາການອອກອາກາດຈາກການອອກອາກາດ 2 ພາກ ໂດຍພາກເຊົ້າ ອອກອາກາດຕັ້ງແຕ່ເວລາ 06:30 ໂມງ ຫາ 13:00 ໂມງ ແລະພາກແລງ ອອກອາກາດຕັ້ງແຕ່ເວລາ 16:00 ໂມງ ຫາ 23:00 ໂມງ ເປັນອອກອາກາດພາກດຽວ ຕັ້ງແຕ່ເວລາ 05:30 ໂມງ ຫາ 23:00 ໂມງ ແລະໃນວັນທີ 1 ທັນວາ 2016 ໄດ້ຂະຫຍາຍເວລາການເປິດສະຖານີເປັນ 05:00 ໂມງ ໂດຍໄດ້ຂະຫຍາຍເວລາການອອກອາກາດຂ່າວເຊົ້າອາລຸນວັນໃໝ່ ເປັນ 2 ຊົ່ວໂມງ ຕັ້ງແຕ່ເວລາ 06:00 ໂມງ ຫາ 08:00 ໂມງ ແລະຍັງເພີ່ມລາຍການຂ່າວຕົ້ນຊົ່ວໂມງໃນຊ່ວງເວລາ 10:00 ໂມງ ຫາ 17:00 ໂມງ ແລະໄດ້ເລິ່ມນຳໃຊ້ ticker bar ໃນລາຍການຂ່າວພາກຄ່ຳ

ສະຖານີໃນສັງກັດ[ແກ້ໄຂ]

ສະຖານີສ່ວນກາງ[ແກ້ໄຂ]

ສະຖານີໂທລະພາບແຫ່ງຊາດລາວ ມີສະຖານີໂທລະພາບຢູ່ນະຄອນຫຼວງວຽງຈັນ 2 ສະຖານີ

  • ທຊລ.1 ອອກອາກາດໂດຍລະບົບ VHF ຊ່ອງ 9 ກຳລັງສົ່ງ 10/2 ກິໂລວັດ ຕັ້ງແຕ່ເວລາ 05:00 ໂມງ ຫາ 23:15 ໂມງ ສາມາດເບິ່ງໄດ້ໃນນະຄອນຫຼວງວຽງຈັນ ແລະໃນຈັງຫວັດໜອງຄາຍຂອງປະເທດໄທ ເນັ້ນລາຍການສາລະຂອງລັດຖະບານ ລາຍການສາລະຄະດີ ຂ່າວ ບັນເທິງທົ່ວໄປ ແລະຍັງເປັນສະຖານີຖ່າຍທອດການປະກາດຜົນລາງວັນຫວຍພັດທະນາໃນວັນຈັນ ແລະວັນພະຫັດ ເວລາ 20:00 ໂມງ
  • ທຊລ.3 ເລິ່ມອອກອາກາດໃນປີ 1993 ໂດຍການຮັບທຶນສ້າງຈາກສະຖານີໂທລະພາບຊ່ອງ 3 ປະເທດໄທ ປະຈຸບັນອອກອາກາດໃນລະບົບ UHF ຊ່ອງ 33 ກຳລັງສົ່ງ 20 ກິໂລວັດ ຕະຫຼອດ 24 ຊົ່ວໂມງ ເນັ້ນລາຍການບັນເທິງ ໂດຍສະເພາະລາຍການເພງແລະຮູບເງົາຕ່າງປະເທດ ໂດຍ ທຊລ.3 ເຄີຍເປັນສະຖານີຖ່າຍທອດສົດການແຂ່ງຂັນກີລາຊີເກມ ເຊິ່ງຈັດຢູ່ນະຄອນຫຼວງວຽງຈັນໃນປີ 2009 ເຮັດໃຫ້ທາງ ສທລ ຕ້ອງຂະຫຍາຍໄລຍະເວລາການອອກອາກາດເປັນມື້ລະ 24 ຊົ່ວໂມງ

ສະຖານີສ່ວນທ້ອງຖິ່ນ[ແກ້ໄຂ]

ທຊລ ມີສະຖານີໂທລະພາບສ່ວນທ້ອງຖິ່ນ ບໍລິຫານຮ່ວມລະຫວ່າງ ທຊລ ກັບຫ້ອງການປົກຄອງແຂວງ ໂດຍ 1 ແຂວງມີ 1 ຊ່ອງ ສະຖານີໂທລະພາບໃນບັນດາແຂວງຜະລິດລາຍການເອງ ແລະ ນຳລາຍການຈາກ ທຊລ ສ່ວນກາງ

ລາຍການທີມີຊື່ສຽງ[ແກ້ໄຂ]

ລາຍການຂ່າວ[ແກ້ໄຂ]

ໃນອະດີດລາຍການຂ່າວອອກອາກາດໃນ 5 ພາກ - ພາກເຊົ້າ ໃນລາຍການ ຂ່າວເຊົ້າອາລຸນວັນໃໝ່ ເວລາ 07:00-08:00 ໂມງ ພາກ 10 ໂມງ ເວລາ 10:00-10:30 ໂມງ ພາກທ່ຽງ ເວລາ 12:00-12:30 ໂມງ ພາກແລງ ເວລາ 18:45-19:30 ໂມງ ແລະພາກເດິກ ເວລາ 22:00-22:30 ໂມງ ໃນປີ 2013 ໄດ້ເພີ່ມລາຍການຂ່າວຕົ້ນຊົ່ວໂມງໃນທຸກຊົ່ວໂມງຕັ້ງແຕ່ເວລາ 10:00 ໂມງ ຫາ 17:00 ໂມງ ແລະຂະຫຍາຍລາຍການຂ່າວເຊົ້າອາລຸນວັນໃໝ່ເປັນ 06:30-08:00 ແລະໃນປີ 2016 ໄດ້ຂະຫຍາຍເປັນ 06:00-08:00

ນອກຈາກລາຍການຂ່າວໃນພາສາລາວ ທຊລ ກໍ່ມີລາຍການຂ່າວໃນພາສາມົ້ງ ພາສາກຶມມຸ ພາສາອັງກິດ ພາສາຝຣັ່ງ ແລະໃນປີ 2016 ໄດ້ເພີ່ມລາຍການຂ່າວໃນພາສາຫວຽດນາມອີກນຳ ໂດຍຂ່າວໃນພາສາມົ້ງແລະກຶມມຸ ປະຈຸບັນອອກອາກາດທຸກມື້ໃນເວລາ 05:00-06:00 ແລະ 18:00-18:45 ຂ່າວພາສາອັງກິດ ພາສາຝຣັ່ງ ອອກອາກາດໃນເວລາ 20:00-20:30 ແລະ 22:30-23:00 ແລະຂ່າວພາສາຫວຽດອອກອາກາດເປັນລາຍການສຸດທ້າຍ ໃນເວລາ 23:00-23:15 ໂມງ

ລາຍການທົ່ວໄປ[ແກ້ໄຂ]

  • ເພງຍາມບ່າຍ ລາຍການເພງລາວສະໄໝ ອອກອາກາດທາງ ທຊລ.3 ທຸກວັນຈັນ-ສຸກ ໃນເວລາ 12:30-13:30 ເລິ່ມອອກອາກາດໃນປີ 2008 ໂດຍມີວາດສະໜາ ໄຊອຸດົມ ເປັນພິທີກອນ
  • ຊ່ອງ 3 ຍາມແລງ ລາຍການເພງລາວສະໄໝ ອອກອາກາດທາງ ທຊລ.3 ທຸກວັນຈັນ-ສຸກ ໃນເວລາ 16:00-17:00 ເລິ່ມອອກອາກາດໃນປີ 2008 ໂດຍໃນຍຸກທຳອິດມີ ອານຸລັກ ວີລະວົງ ຫຼືວີເຈນ້ອຍ ເປັນພິທິກອນ
  • 7 ວັນຫັນສາ ລາຍການເພງລາວສະໄໝ ອອກອາກາດທາງ ທຊລ.3 ທຸກວັນຈັນ-ສຸກ ໃນເວລາ 17:00-18:00 ເລິ່ມອອກອາກາດໃນປີ 2008 ໂດຍມີສຸດາລັດ ຄຸນມາລາ ເປັນພິທີກອນ ເປັນລາຍການທີ່ໄດ້ຮັບຄວາມນິຍົມສູງສຸດໃນປະເທດລາວ
  • ສານຝັນໃຫ້ເປັນດາວ ລາຍການປະກວດຮ້ອງເພງແບບ Reality show ລາຍການທຳອິດຂອງປະເທດລາວ ອອກອາກາດທາງ ທຊລ.3 ໃນປີ 2011 ຜະລິດໂດຍບໍລິສັດ Lao Art Media ໂດຍອອກອາກາດຂ່າວສານຂອງບັນດາຜູ້ເຂົ້າແຂ່ງຂົນທຸກວັນຈັນ-ສຸກ ເວລາ 20:00-20:15 ໂມງ ແລະອອກອາກາດການຖ່າຍທອດສົດການປະກວດທຸກວັນເສົາແລງ
  • ດາວດວງນ້ອຍ ລາຍການທີ່ໃຫ້ເດັກມາສະແດງອອກແລະຂ່າວສານທົ່ວໄປສຳລັບເດັກ
  • ເມດຕາທຳ
  • ສະເໜ່ເພງລາວ
  • ຊິງກັບຊອງ
  • ຊຸບຊິບແຊບ

ພິທີກອນ[ແກ້ໄຂ]