ວິຕາມິນ

ວິຕາມິນ (ອັງກິດ: vitamin, ຝຣັ່ງ: vitamine) ແມ່ນສານອອກການິກທີ່ສິ່ງມີຊີວິດຈຳເປັນຕ້ອງໄດ້ຮັບໃນປໍລິມານເລັກນ້ອຍ ສຳລັບການເຕີບໂຕ ຂະຫຍາຍພັນ ແລະຊ່ອຍໃຫ້ມີສຸຂະພາບດີ.

ຖ້າຫາກສິ່ງມີຊີວິດຂາດວິຕາມິນໂຕໃດໂຕໜຶ່ງຈະມີອາການປ່ວຍເຊິ່ງມີລັກສະນະສະເພາະຂຶ້ນກັບວິຕາມິນທີ່ຂາດ.

ວິຕາມິນແບ່ງອອກເປັນ 2 ຈຳພວກ ແມ່ນ ວິຕາມິນທີ່ລະລາຍໃນໄຂມັນ ໄດ້ແກ່ A, D, E, K ແລະ ວິຕາມິນທີ່ລະລາຍໃນນ້ຳ ໄດ້ແກ່ B, C.

ປະໂຫຍດຂອງວິຕາມິນ

• ວິຕາມິນເອ ແມ່ນສານຕ້ານອະນຸມູນອິສະລະ ຊ່ອຍໃນການມອງເຫັນ ປ້ອງກັນພະຍາດຕາບອດ ບຳລຸງສາຍຕາ ບຳລຸງ ຜົມ ແລະ ເລັບ.
• ວິຕາມິນບີ1 ບຳລຸງປະສາດ ແກ້ເໜັບຊາ ຊ່ອຍເຜົາພານກະລູຊິດ ໄປເປັນພະລັງງານ ຖ້າຂາດຈະຫງຸດຫງິດງ່າຍ.
• ວິຕາມິນບີ2 ຊ່ອຍເຜົາພານກະລູຊິດ ຄັນຂາດຈະເປັນແຜຢູ່ມູມສົບ ຜິວຈະແຕກຫຍາບກະດ້າງ.
• ວິຕາມິນບີ3 ຊ່ອຍເຜົາພານໄຂມັນ ແລະກະລູຊິດ ບຳລຸງຜິວໜັງແລະລະບົບປະສາດ.
• ວິຕາມິນບີ5 ຊ່ອຍເຜົາພານກະລູຊິດ ໄຂມັນແລະປະໂລເຕອິນ ລົດອາການພູມແພ້ ຫອບຫືດ ນອນບໍ່ຫຼັບ.
• ວິຕາມິນບີ6 ຊ່ອຍບັນເທົາອາການກ່ອນຈະມີປະຈຳເດືອນ ແກ້ແພ້ທ້ອງ ບຳລຸງປະສາດ ລົດອາການໄຂມັນອຸດຕັນໃນເສັ້ນເລືອດ.
• ວິຕາມິນບີ7 ຊ່ອຍໃນການຍ່ອຍຫຼືແຕກໂຕຂອງປະໂລເຕອິນແລະໄຂມັນ.
• ວິຕາມິນບີ9 ຊ່ອຍສ້າງເມັດເລືອດແດງ ເສີມຄວາມຈຳ ຊ່ອຍປ້ອງກັນພະຍາດມະເຮັງລຳໄສ້ ແລະມະເຮັງເຕົ້ານົມ ຄັນໃນເລືອດມີກົດໂຟລິກຕ່ຳ ເຮັດໃຫ້ຈິດໃຈຫົດຫູ່ ຂາດຄວາມຮູ້ສຶກທາງເພດ.
• ວິຕາມິນບີ12 ຊ່ອຍເສີມສ້າງເມັດເລືອດ ບຳລຸງປະສາດ ປ້ອງກັນອາການອ່ອນເພຍ ເນື່ອງຈາກພະຍາດໂລຫິດຈາງ.
• ວິຕາມິນຊີ ຕ້ານອະນຸມູນອິສະລະ ສ້າງໂກນລາແຊນ ຊ່ອຍຄວບຄຸມລະດັບໂກແລສະເຕໂລນ. ບຳລຸງຜິວພັນແລະດູກ ປ້ອງກັນພະຍາດມະເຮັງ ລົດອາການພູມແພ້ ຊ່ອຍບັນເທົາອາການຫວັດ.
• ວິຕາມິນດີ ບຳລຸງດູກແລະແຂ້ວ ປ້ອງກັນພະຍາດດູກອ່ອນໃນເດັກນ້ອຍ ເຮັດໜ້າທີ່ຄວບຄຸມການດູດຊຶມການຊຽມ.
• ວິຕາມິນອີ ຕ້ານອະນຸມູນອິສະລະ ຊ່ອຍໃຫ້ເລືອດໄຫຼວຽນດີ ປ້ອງກັນການແຂງໂຕຂອງເລືອດ.
• ວິຕາມິນເຄ ຊ່ອຍໃຫ້ເລືອດແຂງໂຕ.

ອ້າງອີງ

ບັນນານຸກົມ

• Bender, David A. (2003). Nutritional biochemistry of the vitamins. Cambridge, U.K.: Cambridge University Press. ISBN 978-0-521-80388-5.
• Lieberman, S and Bruning, N (1990). The Real Vitamin & Mineral Book. NY: Avery Group, 3, ISBN 0-89529-769-8
• Maton, Anthea; Jean Hopkins, Charles William McLaughlin, Susan Johnson, Maryanna Quon Warner, David LaHart, Jill D. Wright (1993). Human Biology and Health. Englewood Cliffs, New Jersey, USA: Prentice Hall. ISBN 0-13-981176-1. OCLC 32308337.

ແຫຼ່ງຂໍ້ມູນອື່ນ

• USDA RDA chart in PDF format Archived 2006-11-05 at the Wayback Machine
• Health Canada Dietary Reference Intakes Reference Chart for Vitamins
• NIH Office of Dietary Supplements: Fact Sheets Archived 2008-09-16 at the Wayback Machine
• NIH Office of Dietary Supplements. Dietary Supplements: Background Information Archived 2008-09-16 at the Wayback Machine
• Interactive table based on United States Department of Agriculture Database
• Vitapred : A web server for predicting vitamin interacting residues in vitamin binding proteins