ໄທໃຫຍ່

ໄທໃຫຍ່
ໄຕ໊

ປະຊາກອນທັງໝົດ
ປະມານ 6 ລ້ານຄົນ
ພູມິພາກທີມີປະຊາກອນຢ່າງສຳຄັນ
ລັດສານ	ລັດຄະສິ່ນ
ລັດກະຫຼ່ຽງ	ເຂດມັນທະເລ
ປະເທດໄທ	ປະເທດຈີນ
ກຳປູເຈຍ	ຫວຽດນາມ
ພາສາ
ພາສາໄທໃຫຍ່, ຄຳເມືອງ, ພາສາພະມ້າ ແລະພາສາໄທ
ສາສະໜາ
ສ່ວນໃຫຍ່ນັບຖືສາສະໜາພຸດນິກາຍກຶງຈອງ ສ່ວນນ້ອຍນັບຖືນິກາຍກຶງໂຍນ

ໄທໃຫຍ່ ​​​​​​​​​​​​​​​​​​ຫຼື ສານ (ໄທໃຫຍ່: ໄຕ໊ ພະມ້າ: ရှမ်းလူမျိုး; Thai: ไทใหญ่ ຫຼື ฉาน; ຈີນ: 掸族 ຫຼື 傣族; ພິ່ນອິ່ນ: Dǎizú) ຫຼື ງ້ຽວ ເຊິ່ງເປັນຄຳເອິ້ນບໍ່ສຸພາບ ແມ່ນກຸ່ມຊາດພັນໃນຕະກູນໄທ-ໄຕ​​​​​​​ ອັນເປັນກຸ່ມຊາດພັນສ່ຳໃຫຍ່ອັນດັບສອງຂອງພະມ້າ. ສ່ວນຫຼາຍຢູ່ກິນໃນລັດໄທໃຫຍ່ ປະເທດພະມ້າແລະບາງສ່ວນອາໄສຢູ່ບໍລິເວນດອຍໄຕແລງ ຊາຍແດນປະເທດໄທ-ປະເທດພະມ້າ. ຄົນໄທໃຫຍ່ໃນປະເທດພະມ້າມີປະມານ 3 ຫຼື 4 ລ້ານຄົນ ແຕ່ມີໄທໃຫຍ່ຫຼາຍແສນຄົນຜູ້ໄດ້ອົບພະຍົບເຂົ້າສູ່ປະເທດໄທເພື່ອໜີບັນຫາທາງການເມືອງແລະການຫາວຽກ. ຕາມພາສາຂອງເຂົາເຈົ້າເອງຈະເອີ້ນໂຕເອງ ໄຕ໊ ຫຼື ໄຕ (ຕາມສຳນຽງລາວ) ພີ່ນ້ອງໄຕໃນພະມ້າມີຫຼາຍກຸ່ມ ເຊັ່ນ ໄຕຂືນ ໄຕແລງ ໄຕຄຳຕີ ໄຕລື້ ແລະ ໄຕເມົາ. ແຕ່ກຸ່ມໃຫຍ່ກວ່າໝູ່ແມ່ນ ໄຕໂຫຼງ ໄຕ = ໄທ ແລະ ໂຫຼງ (ຫຼວງ) = ໃຫຍ່ ອັນຄົນລາວເອີ້ນ ໄທໃຫຍ່. ເພາະສະນັ້ນຈະເຫັນໄດ້ວ່າພາສາໄທໃຫຍ່ ແລະພາສາລາວຄ້າຍຄືກັນແດ່ແຕ່ບໍ່ຄື​ກັນ. ນອກຈາກນີ້ຍັງມີຄຳຮຽກໄທໃຫຍ່ອີກຢ່າງວ່າ ງ້ຽວ ແຕ່ເປັນຄຳທີ່ບໍ່ສຸພາບໃນການເອີ່ນເຖິງຊາວໄທໃຫຍ່.

ຊາວໄທໃຫຍ່ຖືວັນທີ່ 7 ກຸມພາເປັນວັນຊາດ ນະຄອນຫຼວງຂອງລັດສານຄື ຕອງຍີ ມີປະຊາກອນປະມານ 150,000 ຄົນ ສ່ວນເມືອງສຳຄັນອື່ນໆ ໄດ້ແກ່ ສີປໍ້ ລ່າສ້ຽວ ຊຽງຕຸງ ແລະທ່າຂີ້ເຫຼັກ

ແຫຼ່ງຂໍ້ມູນອື່ນ

• H.R.H. Prince Hso Khan Pha of Yawnghwe
• Shan Relief Foundation
• Shan Human Rights Foundation
• Shan Women's Action Network (SWAN)
• Shan language page from Ethnologue site
• Photos of Shan State Army-South (SSA-S) military outposts along the border of Thailand, Chiang Rai province
• Help without Frontiers
• Shan Tradition Rules in a Northern Thai Town Sai Silp, The Irrawaddy, April 5 2007
• http://www.claudiawiens.com/englisch/vorlage_e.html Claudia Wiens, a photo essay about tribal people in Shan State
• Thai Yai cultural dance at Mae Hong Son, Thailand