ປະທານປະເທດ ແຫ່ງ ສປປ ລາວ

ປະທານປະເທດແຫ່ງສາທາລະນະລັດ ປະຊາທິປະໄຕ ປະຊາຊົນລາວ
ເຄື່ອງໝາຍຊາດ
ຜູ້ດຳລົງຕຳແໜ່ງຄົນປັດຈຸບັນ​​​ ທອງລຸນ ສີສຸລິດ ຕັ້ງແຕ່ 22 ມີນາ ຄ.ສ. 2021
ການຮຽກຂານ	ພະນະທ່ານ ທ່ານປະທານປະເທດ
ສະມາຊິກຂອງ	ພັກປະຊາຊົນປະຕິວັດລາວ
ທີ່ພຳນັກ	ຫໍຄຳ
ຜູ້ສະເໜີຊື່	ພັກປະຊາຊົນປະຕິວັດລາວ
ຜູ້ແຕ່ງຕັ້ງ	ສະພາແຫ່ງຊາດ
ວາລະ	5 ປີ (ບໍ່ຈຳກັດຈຳນວນສະໄໝ)
ກາສານແຕ່ງຕັ້ງ	ລັດຖະທຳມະນູນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ຕຳແໜ່ງກ່ອນໜ້າ	ພະມະຫາກະສັດລາວ
ຜູ້ປະເດີມຕຳແໜ່ງ	ສຸພານຸວົງ
ສ້າງຕັ້ງ	3 ທັນວາ ຄ.ສ. 1975
ຮອງ	ຮອງປະທານປະເທດ ແຫ່ງ ສປປ ລາວ
ເງິນເດືອນ​	1,170,000 ກີບ

ຄຳວ່າ "ປະທານປະເທດ" ໃນພາສາລາວໝາຍເຖິງ ຕຳແໜ່ງປະທານາທິບໍດີ ເຊິ່ງໃຊ້ທົ່ວໄປ ປະທານປະເທດສາທາລະນະລັດ ປະຊາທິປະໄຕ ປະຊາຊົນລາວ ເລີ່ມມີຜູ້ດຳລົງຕຳແໜ່ງດັ່ງກ່າວ ແຕ່ ຄ.ສ 1975 ເປັນຕົ້ນມາ

ຕາມລັດຖະທຳມະນູນແຫ່ງສາທາລະນະລັດ ປະຊາທິປະໄຕ ປະຊາຊົນລາວ ໝວດ 6 ມາດຕາ 65 ບັນຍັດໄວ້ວ່າ "ປະທານປະເທດເປັນປະມຸກລັດແຫ່ງສາທາລະນະລັດ ປະຊາທິປະໄຕ ປະຊາຊົນລາວ ເປັນຜູ້ຕາງໜ້າໃຫ້ ປະຊາຊົນລາວບັນດາເຜົ່າທັງຢູ່ພາຍໃນ ແລະ ຕ່າງປະເທດ"

ປະຫວັດ

ປະທານປະເທດລາວໄດ້ຮັບສືບຕໍ່ມາຈາກເຈົ້າສຸພານຸວົງ ປະທານປະເທດຄົນທໍາອິດ ຜູ້ເປັນສະມາຊິກໃນຕະກູນລາຊະສົກທີ່ຖືກໂຄ່ນລົ້ມ ແລະ ເປັນໜຶ່ງໃນ "ເຈົ້າສາມອົງ" ຜູ້ໄດ້ຂຶ້ນສູ່ຕໍ່ຕໍາແໜ່ງປະທານ ໃນເວລາທີ່ອະນາຈັກລາວເກົ່າ ຖືກໂຄ່ນລົ້ມໂດຍພັກປະເທດລາວ ໃນປີ 1975 ທ້າຍສົງຄາມພາຍໃນລາວ.

ທີ່ມາ ແລະ ວາລະດຳລົງຕຳແໜ່ງ

ປະທານປະເທດສາທາລະນະລັດ ປະຊາທິປະໄຕ ປະຊາຊົນລາວ ທີ່ມາຈາກການເລືອກຕັ້ງຂອງສະມາຊິກສະພາແຫ່ງຊາດ ໂດຍໄດ້ຮັບຄະແນນສຽງຫຼາຍກວ່າ 2 ໃນ 3 ຂອງຈຳນວນສະມາຊິກສະພາແຫ່ງຊາດທີ່ເຂົ້າຮ່ວມ ການປະຊຸມ ແລະ ມີວາລະການດຳລົງຕຳແໜ່ງເທົ່າກັບວາລະຂອງສະພາແຫ່ງຊາດ (ສະພາແຫ່ງຊາດມີວາລະ 5 ປີ)

ສິດ ແລະ ໜ້າທີ່

ໜ້າທີ່ຂອງປະທານປະເທດສາທາລະນະລັດ ປະຊາທິປະໄຕ ປະຊາຊົນລາວ ຕາມທີ່ກຳນົດໄວ້ໃນລັດຖະທຳມະນູນແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ມາດຕາ 67ມີດັ່ງນີ້:

1. ປະກາດໃຊ້ລັດຖະທຳມະນູນ ແລະ ກົດໝາຍທີ່ສະພາແຫ່ງຊາດໄດ້ຮັບຮອງແລ້ວ
2. ອອກລັດຖະດຳລັດ ແລະ ລັດຖະບັນຍັດຕາມຄຳສະເໜີຂອງຄະນະປະຈຳສະພາແຫ່ງຊາດ
3. ແຕ່ງຕັ້ງ ຫຼື ປົດຕຳແໜ່ງນາຍົກລັດຖະມົນຕີ ແລະ ສະມາຊິກລັດຖະບານ ແລ້ວສະເໜີຕໍ່ສະພາແຫ່ງຊາດພິຈາລະນາຮັບຮອງ
4. ແຕ່ງຕັ້ງນາຍົກ ຫຼື ປົດຕຳແໜ່ງເຈົ້າແຂວງ, ເຈົ້າຄອງນະຄອນຫຼວງ ຕາມການສະເໜີຂອງນາຍົກລັດຖະມົນຕີ
5. ຕົກລົງເລື່ອນຊັ້ນ ຫຼື ປົດຊັ້ນນາຍພົນຢູ່ໃນກຳລັງປ້ອງກັນຊາດ, ປ້ອງກັນຄວາມສະຫງົບ ຕາມການສະເໜີຂອງນາຍົກລັດຖະມົນຕີ
6. ເປັນແມ່ທັບກຳລັງປະກອບອາວຸດປະຊາຊົນ
7. ເປັນປະທານກອງປະຊຸມລັດຖະບານໃນເມື່ອເຫັນວ່າມີຄວາມຈຳເປັນ
8. ຕົກລົງປະດັບຫຼຽນຄຳແຫ່ງຊາດ, ຫຼຽນກຽດຕິຄຸນ, ຫຼຽນໄຊ ແລະ ນາມມະຍົດສູງສູດແຫ່ງລັດ
9. ຕົກລົງອະໄພຍະໂທດ

ຕຳແໜ່ງຮອງປະທານປະເທດ

ຮອງປະທານປະເທດລາວເປັນຜູ້ປະຕິບັດໜ້າທີ່ຕາມທີ່ໄດ້ຮັບມອບໝາຍຈາກປະທານປະເທດ ແລະ ປະຕິບັດໜ້າທີ່ແທນປະທານປະເທດໃນກໍລະນີປະທານປະເທດບໍ່ສາມາດເຮັດໜ້າທີ່ໄດ້ ທີ່ມີມາຈາກການເລືອກຕັ້ງຂອງ ສະມາຊິກສະພາແຫ່ງຊາດ ໂດຍໄດ້ຮັບຄະແນນສຽງ ຫຼາຍກວ່າເຄິ່ງໜຶ່ງຂອງຈຳນວນສະມາຊິກສະພາແຫ່ງຊາດທ່ີເຂົ້າຮ່ວມການປະຊຸມ.

ລາຍຊື່ປະທານປະເທດລາວ

ລາຍຊື່	ວາລະການດຳລົງຕຳແໜ່ງ
ທ່ານ ສຸພານຸວົງ	3 ທັນວາ ຄ.ສ 1975 - 15 ສິງຫາ ຄ.ສ 1991
ທ່ານ ພູມີ ວົງວິຈິດ	31 ຕຸລາ ຄ.ສ 1986 - 15 ສິງຫາ ຄ.ສ 1991 (ຮັກສາການແທນ ທ່ານ ສຸພານຸວົງ)
ທ່ານ ໄກສອນ ພົມວິຫານ	15 ສິງຫາ ຄ.ສ 1991 - 21 ພະຈິກ ຄ.ສ 1992
ທ່ານ ໜູຮັກ ພູມສະຫວັນ	25 ພະຈິກ ຄ.ສ 1992 - 24 ກຸມພາ ຄ.ສ 1998
ທ່ານ ຄຳໄຕ ສີພັນດອນ	24 ກຸມພາ ຄ.ສ 1998 - 8 ມິຖຸນາ ຄ.ສ 2006
ທ່ານ ຈູມມະລີ ໄຊຍະສອນ	8 ມິຖຸນາ ຄ.ສ 2006 - 20 ເມສາ ຄ.ສ 2016
ທ່ານ ບຸນຍັງ ວໍລະຈິດ	20 ເມສາ ຄ.ສ 2016 - 22 ມິນາ ຄ.ສ 2021
ທ່ານ ທອງລຸນ ສີສຸລິດ	22 ມີນາ ຄ.ສ 2021 -