ແຂວງອັດຕະປື
|
|||||||||||||||||||||
ອັດຕະປື (ອັງກິດ: Attapeu) ເປັນແຂວງຫນຶ່ງຂອງປະເທດລາວ ຕັ້ງຢູ່ທາງທິດຕະເວັນອອກສຽງໃຕ້ຂອງປະເທດລາວ ໄປທາງເໜືອຕິດກັບເຊກອງ ທາງຕະເວັນຕົກຕິດກັບຈຳປາສັກ ທາງຕະເວັນອອກ ມີພູເຂົາແຍກອັດຕະປືອອກຈາກຫວຽດນາມ ແຂວງອັດຕະປືຕິດກັບກຳປູເຈຍທາງໃຕ້
ແຂວງອັດຕະປື ເປັນແຂວງທີ່ຕັ້ງຢູ່ທາງພາກໃຕ້ສຸດຂອງລາວ ເບື້ອງຕາເວັນອອກສຽງໃຕ້ ປະຈຸບັນເຂດສາມຫລ່ຽມພັດທະນາເສດຖະກິດລະຫວ່າງລາວ-ຫວຽດນາມ-ກຳປູເຈຍ ຈະກາຍເປັນເຂດພັດທະນາສົ່ງເສີມການຄ້າ ແລະ ການທ່ອງທ່ຽວໃນອະນຸພາກພື້ນທີ່ຕິດພັນກັບທຳມະຊາດ ແລະ ວັດທະນະທຳສະຖານທີ່ທ່ອງທ່ຽວບ່ອນຫນຶ່ງທີ່ສວຍງາມ ໂດຍສະເພາະກໍ່ແມ່ນຫນອງຟ້າທີ່ຫນ້າງຶດງໍ້ ແລະ ມະຫັດສະຈັນ.
ເນື້ອໃນ |
ປະຫວັດແຂວງອັດຕະປື [ດັດແກ້]
ນັບຕັ້ງແຕ່ອະດີດຈົນເຖິງປັດຈຸບັນອັດຕະປື ຍັງຄົງຄວາມເປັນເອກະລັກໄວ້ໄດ້ເປັນຢ່າງດີນັ້ນກໍຄືວິຖີການດຳລົງຊີວິດ ແລະ ຮີດຄອງວັດທະນະທຳອັນເກົ່າແກ່ທີ່ມີມາແຕ່ບູຮານນະການ, ຫຼາຍຄົນອາດຈະສົງໃສວ່າທີ່ອັດຕະປືຈະມືເມືອງໆໜຶ່ງທີ່ມີຊື່ວ່າ ໄຊເຊດຖາເຊິ່ງຈະຄ້າຍໆ ກັບຊື່ເມືອງທີ່ຢູ່ນະຄອນຫຼວງວຽງຈັນ ແລະ ຄ້າຍຄືກັບຊື່ຂອງ ອະດີດພະເຈົ້າແຜ່ນດິນລ້ານຊ້າງສະໄໝກ່ອນ ນັ້ນກໍຄືພະເຈົ້າໄຊຍະເຊດຖານັ້ນເອງ, ແນ່ນອນຊື່ໆ ນີ້ມີຄວາມກ່ຽວຂ້ອງກັນ, ເພາະວ່າເມື່ອສະໄໝລາຊະການຂອງພະເຈົ້າໄຊຍະເສດຖາທິລາດພະອົງໄດ້ເດີນ ທາງລົງໄປກວດລາຊະການແຜ່ນດິນ ແລະ ປາບພວກກະບົດທີ່ພາກໃຕ້ລາວທີ່ເຂົ້າໃຈວ່າ ຈະຕ້ອງເປັນດິນແດນຂອງແຂວງອັດຕະປື ໃນປັດຈຸບັນນີ້ ແລະ ພະອົງໄດ້ຊິ້ນພະຊົນຢູ່ທີ່ນັ້ນ ເພື່ອເປັນການຈາລຶກບຸນຄຸນ ແລະ ຄຸນງາມຄວາມດີຂອງພະອົງເອົາໄວ້ຈິ່ງໄດ້ຕັ້ງຊື່ ເມືອງຂຶ້ນມາທີ່ຊື່ວ່າ ເມືອງໄຊເສດຖາ ແລະ ເຄີຍເປັນສູນກາງການປົກຄອງຂອງແຂວງ ກ່ອນທີ່ຈະປ່ຽນມາຕັ້ງໃໝ່ທີ່ເມືອງສາມັກຄີໄຊໃນດຽວນີ້.
ລັກສະນະພູມສັນຖານ [ດັດແກ້]
ອັດຕະປື ດິນແດນທີ່ຕັ້ງທາງທິດຕາເວັນອອກສຽງໃຕ້ຂອງລາວ ແລະ ເປັນດິນແດນທີ່ອຸດົມສົມບູນໄປດ້ວຍຊັບພະຍາກອນທຳມະຊາດອັນຫຼາກຫຼາຍ ແລະ ຂຶ້ນຊື່ລືນາມທາງດ້ານມູນເຊື່ອປະຫວັດສາດວັດທະນະທຳອັນເກົ່າແກ່ທີ່ແອບແຝງຄວາມໜ້າສົນໃຈເອົາໄວ້ເປັນໜ້າຄົ້ນຫາເປັນຢ່າງຍິ່ງ
ພູມີປະເທດສ່ວນໃຫຍ່ຂອງແຂວງອັດຕະປື ແມ່ນປະກອບໄປດ້ວຍປ່າໄມ້ ແລະ ຂຸນເຂົາທີ່ມີຄວາມອຸດົມສົມບູນທີ່ສຸດອີກແຫ່ງໜຶ່ງຂອງລາວໂດຍມີແມ່ນ້ຳເຊກອງ ແລະ ສາຍເຊຂະໝານໄຫຼຜ່ານໃຫ້ຄວາມຊຸ່ມເຢັນ ແລະຫຼໍ່ລ້ຽງຊີວິດຂອງພີ່ນ້ອງຊາວອັດຕະປືມາຕັ້ງແຕ່ບູຮານນະການ ແລະ ໄດ້ກາຍເປັນເອກະລັກໜຶ່ງທີ່ສຳຄັນຂອງແຂວງອັດຕະປືໂດຍສະເພາະນັກທ່ອງທ່ຽວທີ່ຢາກສຳຜັດກັບທຳມະຊາດ ແລະ ການຜະຈົນໄພ ມີນັກທ່ອງທ່ຽວຫຼາຍໆຄົນໃຫ້ສາຍຍາດິນແດນແຫ່ງນີ້ວ່າ “ເມືອງສວນ” ເນື່ອງຈາກມີທຳມະຊາດທີ່ອຸດົມສົມບູນ, ອາກາດບໍລິສຸດ ແລະບັນຍາກາດທີ່ງຽບສະຫງົບ.
ທີ່ຕັ້ງ [ດັດແກ້]
- ທິດເໜືອຕິດກັບ ແຂວງສາລະວັນ
- ທິດໃຕ້ຕິດກັບ ແຂວງຊຽງແຕງ ແລະ ແຂວງຣັດຕະນະຄີຣີ ຂອງ ຣາຊະອານາຈັກກຳປູເຈຍ
- ທິດຕາເວັນອອກຕິດກັບ ສ.ສ ຫວຽດນາມ
- ທິດຕາເວັນຕົກຕິດກັບ ແຂວງຈຳປາສັກ
ບັນດາເມືອງ [ດັດແກ້]
ແຂວງອັດຕະປຶປະກອບດ້ວຍ 5 ເມືອງ ໄດ້ແກ່ :
- 17-01 ໄຊເຊດຖາ (Xaysetha)
- 17-02 ສາມັກຄີໄຊ (Samakkhixay)
- 17-03 ສະໜາມໄຊ (Sanamxay)
- 17-04 ສານໄຊ (Sanxay)
- 17-05 ພູວົງ (Phouvong)
ແຫຼ່ງທ່ອງທ່ຽວ [ດັດແກ້]
- ວັດຫຼວງລັດຕະນາລາມ
- ວັດຟາງແຕງ
- ວັດຫລວງເມືອງເກົ່າວະລາລາມ
- ຂົວຂ້າມແມ່ນ້ຳເຊກອງ
- ຕະຫຼາດໃຫຍ່
- ຖ້ຳຜາ
- ອະນຸສາວະລີ ວິລະຊົນລາວ - ຫວຽດນາມ
- ອະນຸສາວະລີ ປະທານໄກສອນ ພົມວິຫານ
- ໜອງຟ້າ
 ເຂດການປົກຄອງ ຂອງ ສປປ ລາວ |
|
|---|---|
| ນະຄອນຫຼວງ | ນະຄອນຫຼວງວຽງຈັນ |
| ແຂວງ | ອັດຕະປຶ - ບໍ່ແກ້ວ - ບໍລິຄຳໄຊ - ຈຳປາສັກ - ຫົວພັນ - ຄໍາມ່ວນ - ຫຼວງນ້ຳທາ - ຫຼວງພະບາງ - ອຸດົມໄຊ -ຜົ້ງສາລີ - ສາລະວັນ - ສະຫວັນນະເຂດ - ວຽງຈັນ - ໄຊຍະບູລີ - ເຊກອງ - ຊຽງຂວາງ |
| ເຂດການປົກຄອງໃນອະດີດ | ເຂດພິເສດຊຽງຮ່ອນ-ຫົງສາ - ເຂດພິເສດໄຊສົມບູນ |
