ໂຮງໝໍຈຸລາລົງກອນ

ໂຮງໝໍຈຸລາລົງກອນ
ປະເພດ	ໂຮງໝໍໂຮງຮຽນແພດ
ທີ່ຕັ້ງ	1873 ແຂວງປະທຸມວັນ ເຂດປະທຸມວັນ ບາງກອກ ປະເທດໄທ
ຂໍ້ມູນທົ່ວໄປ
ກໍ່ຕັ້ງ	30 ພຶດສະພາ ຄ.ສ. 1914 (102 ປີ)
ສັງກັດ	ສະພາກາຊາດໄທ
ຜູ້ອຳນວຍການ	ສ.ນພ.ສຸດທິພົງ ວັດຊະລະສິນທຸ
ຈຳນວນຕຽງ	1,479
ບຸກຄະລາກອນ	3,275 ຄົນ
ເວັບໄຊຕ໌	www.chulalongkornhospital.go.th

ໂຮງໝໍຈຸລາລົງກອນ ແມ່ນໂຮງໝໍສັງກັດສະພາກາຊາດໄທ ໃນເຂດປະທຸມວັນ ບາງກອກ ກໍ່ຕັ້ງຂຶ້ນໃນປີ ຄ.ສ. 1914 ຕາມພະລາຊະດຳລິພະບາດສົມເດັດພະມຸງກຸດເກົ້າເຈົ້າຢູ່ຫົວ ເປັນທີຕັ້ງແລະທີດຳເນິນການຮຽນການສອນໃຫ້ກັບຄະນະແພດສາດ ຈຸລາລົງກອນມະຫາວິທະຍາໄລ ຖືເປັນໂຮງໝໍໂຮງຮຽນແພດແຫ່ງທີສອງຂອງປະເທດໄທ ຄະນາຈານສັງກັດຄະນະແພດສາດຈຸລາລົງກອນມະຫາວິທະຍາໄລ ຍັງປະຕິບັດໜ້າທີ່ເປັນແພດປະຈຳໂຮງໝໍຈຸລາລົງກອນນຳ ແລະຍັງເປັນບ່ອນປະທັບຮັກສາອາການພະປະຊວນຂອງສົມເດັດພະນາງເຈົ້າສິຣິກິດ ພະບໍຣົມລາຊິນີນາດ

ປະຫວັດ

ພະບາດສົມເດັດພະມຸງກຸດເກົ້າເຈົ້າຢູ່ຫົວ

ອາຄານອຳນວຍການຫຼັງທຳອິດຂອງໂຮງໝໍຈຸລາລົງກອນ

ໂຮງໝໍຈຸລາລົງກອນ ສ້າງຂຶ້ນຕາມພະລາຊະດຳລິໃນພະບາດສົມເດັດພະມຸງກຸດເກົ້າເຈົ້າຢູ່ຫົວ ພະອົງມີພະລາຊະປະສົງທີ່ຈະຊົງບຳເພັນພະລາຊະກຸສົນພ້ອມດ້ວຍພະລາຊະພາດາແລະພະຄິນີ ເພື່ອສະໜອງພະມະຫາກະລຸນາທິຄຸນຂອງພະບາດສົມເດັດພະຈຸລະຈອມເກົ້າເຈົ້າຢູ່ຫົວ ສົມເດັດພະບໍລົມຊະນົກນາດຂອງພະອົງ ນຳເມື່ອຄັ້ງພະພຸດທະເຈົ້າຫຼວງຊົງພະຊົນຢູ່ນັ້ນ ໄດ້ຊົງພະລາຊະດຳລິຈັດຕັ້ງສະພາກາຊາດໄທ ເຊິ່ງເອິ້ນໃນເວລານັ້ນວ່າ ສະພາອຸນາໂລມແດງ ຂຶ້ນໄວ້ ໂດຍຮັບການຮັກສາພະຍາບານຜູ້ເຈັບໄຂ້ໄດ້ປ່ວຍ ຕາມຄະຕິນານາຊາດທີ່ຈະເລີນແລ້ວ ແຕ່ການສະພາກາຊາດໄທຍັງບໍ່ແລ້ວເສັດສົມບູນ ຖ້າຈະບໍລິຈາກຊັບສ້າງໂຮງໝໍສະພາກາຊາດຂຶ້ນກໍຈະເປັນພະກຸສົນ ອັນປະກອບດ້ວຍຖາວອນປະໂຫຍດອະນຸໂລມ ຕາມພະລາຊະປະສົງແຫ່ງອົງສົມເດັດພະບໍລົມຊະນົກນາດ ແລະເປັນກຽດແກ່ລາຊະອານາຈັກໂດຍຊົງພະດຳລິເຫັນພ້ອງກັນບັນດາພະລາຊະໂອລົດ ພະລາຊະທິດາໃນພະບາດສົມເດັດພະຈຸລະຈອມເກົ້າເຈົ້າຢູ່ຫົວ ຈຶງຊົງບໍລິຈາກຊັບຮວມກັນເປັນຈຳນວນເງິນ 122,910 ບາດ.