ເກີຣລ໌ສ ອຸນ ພັນເຊີ

ເກີຣລ໌ສ ອຸນ ພັນເຊີ
ພາບສະແດງຫຼັກຂອງຊຸດອະນິເມະໂທລະພາບເກີຣລ໌ສ ອຸນ ພັນເຊີ ໂດຍມີຕົວລະຄອນຫຼັກທັງຫ້າຄື(ຊ້າຍຫາຂວາ): ຢູຄາຣິ ອາກິຢາມະ, ຊາໂຕຣິ ທາເຄເບະ, ມິໂຮະ ນິຊິຊຶມິ, ມາໂກະ ເຣເຊ ແລະ ຮານະ ອິຊູຊຸ
ຊື່	ເກີຣລ໌ສ ອຸນ ພັນເຊີ
ຊື່ພາສາຍີ່ປຸ່ນ	ガールズ＆パンツァー
ໂຣມາຈິ	Gāruzu ando Pantsā
ຊື່​ພາ​ສາ​ອັງ​ກິດ​​	Girls und Panzer
ປະເພດ	ແອັກຊັ້ນ, ຕະຫຼົກ, ການທະຫານ
ມັງງະ
ແຕ້ມໂດຍ	ຣຽວຮິຈິ ໄຊຕານິຢະ
ສຳນັກພິມ	ມີເດຍແຟັກໂຕຣີ
ນິດຕະຍະສານ	ຄອມມິກ ແຟລັບເປີ ລາຍເດືອນ
ກຸ່ມເປົ້າໝາຍ	ເຊເນັງ
ວາງຈຳໜ່າຍຕັ້ງແຕ່	ວັນທີ5 ມິຖຸນາປີ2012 – ວັນທີ5 ມີນາປີ2014
ຈຳນວນເຫຼັ້ມ	4
ມັງງະ
ກອງທັບຕົວນ້ອຍ
ແຕ້ມໂດຍ	ສືຈິອິ
ສຳນັກພິມ	ມີເດຍແຟັກໂຕຣີ
ນິດຕະຍະສານ	ຄອມມິກອາໄລຟ໌ ລາຍເດືອນ
ກຸ່ມເປົ້າໝາຍ	ເຊເນັງ
ວາງຈຳໜ່າຍຕັ້ງແຕ່	ວັນທີ27 ມິຖຸນາປີ2012 – ວັນທີ26 ມັງກອນປີ2013
ຈຳນວນເຫຼັ້ມ	2
ມັງງະ
4-ຊ່ອງ ພັນເຊີ ໂຟ້ຣ໌!
ແຕ້ມໂດຍ	ຢູມະ
ສຳນັກພິມ	ເກັກເກັນ
ນິດຕະຍະສານ	ນິດຕະຍະສານເມກາມິ ໂຈ້! ອະນິມີເດຍ(ອອນລາຍ)
ວາງຈຳໜ່າຍຕັ້ງແຕ່	ວັນທີ30 ກໍລະກົດປີ2012 – ວັນທີ26 ກໍລະກົດປີ2022
ຈຳນວນເຫຼັ້ມ	1
ຊຸດອະນິເມະໂທລະພາບ
ກຳກັບໂດຍ	ສຶໂຕມຸ ມິຊຶຊິມະ
ອຳນວຍການໂດຍ	ຄິໂຢຊິ ຊູກິຢາມະ * ໂຢອິຈິ ເຊກິເນະ * ຮິໂຣຊຶກຸ ໂອກິສຶ * ໂຢເຮ ຮາຢາຊິ * ທາເຄຊິ ອິຊິງາກິ
ຂຽນບົດໂດຍ	ເຣໂກະ ໂຢຊິດະ
ດົນຕີໂດຍ	ຊິໂຣະ ຮາມາກຸຈິ
ສະຕູດີໂອ	ແອັດຕັສ
ເຄືອຂ່າຍ	ໂຕກຽວເອັມເອັກຊ໌, ທີວີໂອຊາກ້າ, ທີວີໄອຈິ, ນິບປອນ ບີເອັສ, ເອທີ-ເອັກຊ໌
ສາຍ	ວັນທີ9 ຕຸລາປີ2012 – ວັນທີ25 ມີນາປີ2012
ຕອນ	12 + 2 ຕອນພິເສດ
ໄລທ໌ໂນເວລ
ຂຽນໂດຍ	ຢູ ຮິບິກິ
ແຕ້ມໂດຍ	ຟຸມິກະເນະ ຊິມະດະ ຊິນຄຽວ ໂກຄຸ
ສຳນັກພິມ	ມີເດຍແຟັກໂຕຣີ
ໃນເຄືອ	MF Bunko J
ວາງຈຳໜ່າຍຕັ້ງແຕ່	ວັນທີ22 ພະຈິກປີ2012 – ວັນທີ25 ມິຖຸນາປີ2013
ຈຳນວນເຫຼັ້ມ	3
ໂອວີເອ
ກຳກັບໂດຍ	ສຶໂຕມຸ ມິຊຶຊິມະ
ອຳນວຍການໂດຍ	ຄິໂຢຊິ ຊູກິຢາມະ * ໂຢອິຈິ ເຊກິເນະ * ຮິໂຣຊຶກຸ ໂອກິສຶ * ໂຢເຮ ຮາຢາຊິ * ທາເຄຊິ ອິຊິງາກິ
ຂຽນບົດໂດຍ	ເຣໂກະ ໂຢຊິດະ
ດົນຕີໂດຍ	ຊິໂຣະ ຮາມາກຸຈິ
ສະຕູດີໂອ	ແອັດຕັສ
ສາຍ	ວັນທີ21 ທັນວາປີ2012 – ວັນທີ21 ມິຖຸນາປີ2013
ຄວາມຍາວ	4-16ນາທີ
ຕອນ	6
ໂອວີເອ
ວິຊາສຶກສາລົດຖັງກັບອາຈານອາກິຢາມະ ຢູຄາຣິ
ອຳນວຍການໂດຍ	ຈຸນ ຢູກາວະ ຄິໂຢຊິ ຊູກິຢາມະ
ສະຕູດີໂອ	ແອັດຕັສ
ສາຍ	ວັນທີ21 ທັນວາປີ2012 – ວັນທີ21 ມິຖຸນາປີ2013
ຄວາມຍາວ	5-7ນາທີ
ຕອນ	6
ມັງງະ
ນີ້ແມ່ນປະຕິບັດການໆເພີ່ມຄວາມຮັກ!
ແຕ້ມໂດຍ	ມາຣູໂອະ ນິອິ
ສຳນັກພິມ	ມີເດຍແຟັກໂຕຣີ
ນິດຕະຍະສານ	ຄອມມິກອາໄລຟ໌ ລາຍເດືອນ
ກຸ່ມເປົ້າໝາຍ	ເຊເນັງ
ວາງຈຳໜ່າຍຕັ້ງແຕ່	ວັນທີ27 ພຶດສະພາປີ2013 – ປັດຈຸບັນ
ຈຳນວນເຫຼັ້ມ	19
ມັງງະ
ຄອມມິກ ແອນໂທໂລຈີ
ສຳນັກພິມ	ມີເດຍແຟັກໂຕຣີ
ໃນເຄືອ	MF ຊຸດຄອມມິກ ແຟລັບເປີ
ວາງຈຳໜ່າຍຕັ້ງແຕ່	ວັນທີ23 ຕຸລາປີ2013 – ວັນທີ22 ພະຈິກປີ2014
ຈຳນວນເຫຼັ້ມ	2
ເກມ
ມາສເຕີເຊັນຊະໂດ່!
ພັດທະນາໂດຍ	ບັນໄດ ນັມໂຄ ເກມສ
ວາງຈຳໜ່າຍໂດຍ	ບັນໄດ ນັມໂຄ ເກມສ
ປະເພດ	ເກມແອັກຊັ້ນ
ເຄື່ອງຫຼິ້ນ	ເພລສະເຕຊັນ ວີຕ້າ
ໂອວີເອ
ນີ້ແຫຼະຄືເສິກແອນສີໂອທີ່ແທ້ຈິງ!
ກຳກັບໂດຍ	ສຶໂຕມຸ ມິຊຶຊິມະ
ອຳນວຍການໂດຍ	ຄິໂຢຊິ ຊູກິຢາມະ * ໂຢອິຈິ ເຊກິເນະ * ຮິໂຣຊຶກຸ ໂອກິສຶ * ໂຢເຮ ຮາຢາຊິ * ຊິນິຈິ ຊູກາວາຣະ
ດົນຕີໂດຍ	ຊິໂຣະ ຮາມາກຸຈິ
ສະຕູດີໂອ	ແອັດຕັສ
ສາຍ	ວັນທີ5 ກໍລະກົດປີ2014
ຄວາມຍາວ	38ນາທີ
ມັງງະ
ນັກຮົບຣິມບອນແດງ
ແຕ້ມໂດຍ	ທາເກຊິ ໂນງາມິ ທາກາອາກິ ຊຸຊູກິ
ສຳນັກພິມ	ມີເດຍແຟັກໂຕຣີ
ນິດຕະຍະສານ	ຄອມມິກ ແຟລັບເປີ ລາຍເດືອນ
ກຸ່ມເປົ້າໝາຍ	ເຊເນັງ
ວາງຈຳໜ່າຍຕັ້ງແຕ່	ວັນທີ5 ກັນຍາປີ2014 – ວັນທີ5 ມີນາປີ2021
ຈຳນວນເຫຼັ້ມ	16
ມັງງະ
ຄອມມິກ ແອນໂທໂລຈີ SIDE
ສຳນັກພິມ	ອິຈິຈິນຊະ
ໃນເຄືອ	ດີເອັນເອ ມີເດຍ ຄອມມິກສ໌
ວາງຈຳໜ່າຍຕັ້ງແຕ່	ວັນທີ5 ພະຈິກປີ2014 – ປັດຈຸບັນ
ຈຳນວນເຫຼັ້ມ	9
ມັງງະ
ນີ້​ຄື​ເສິກ​ການຕໍ່​ສູ້ອັນດຸ​ເດືອດ​ແຫ່ງມາ​ຈິ​ໂນ!
ແຕ້ມໂດຍ	ຣຽວຮິຈິ ໄຊຕານິຢະ
ສຳນັກພິມ	ບໍລິສັດຄາໂດຄາວະ
ນິດຕະຍະສານ	ຄອມມິກວອກເກີ (ອອນລາຍ)
ວາງຈຳໜ່າຍຕັ້ງແຕ່	ວັນທີ19 ພະຈິກປີ2014 – ວັນທີ19 ເມສາປີ2015
ຈຳນວນເຫຼັ້ມ	2
ມັງງະ
ກອງທັບຕົວນ້ອຍ II
ແຕ້ມໂດຍ	ສືຈິອິ
ສຳນັກພິມ	ມີເດຍແຟັກໂຕຣີ
ນິດຕະຍະສານ	ຄອມມິກອາໄລຟ໌ ລາຍເດືອນ
ວາງຈຳໜ່າຍຕັ້ງແຕ່	ວັນທີ27 ເມສາປີ2015 – ວັນທີ26 ພຶດສະພາປີ2016
ຈຳນວນເຫຼັ້ມ	3
ເກມ
ປະຕິບັດການເຊັນຊະໂດ່ອັນຍິ່ງໃຫຍ່!
ພັດທະນາໂດຍ	ໂຊວ໌ເກດ
ວາງຈຳໜ່າຍໂດຍ	ມອດແຄດເກມສ໌
ປະເພດ	ເກມຈຳລອງສະຖານະການ
ເຄື່ອງຫຼິ້ນ	ແອນດຣອຍດ໌, ໄອໂອເອັສ, ພີຊີ
ມັງງະ
ຄອມມິກ ແອນໂທໂລຈີ 4-ຊ່ອງ
ສຳນັກພິມ	ມີເດຍແຟັກໂຕຣີ
ໃນເຄືອ	MF ຊຸດຄອມມິກສ໌ອາໄລຟ໌ ລາຍເດືອນ
ຕີພິມ	ວັນທີ21 ພະຈິກປີ2015
ຈຳນວນເຫຼັ້ມ	1
ມັງງະ
ການ​ແນະ​ນຳ​ເຫຼົ່າ​ລົດ​ຖັງ
ແຕ້ມໂດຍ	ມິໂດຣິ ຮາກິ
ສຳນັກພິມ	ມີເດຍແຟັກໂຕຣີ
ນິດຕະຍະສານ	ຄອມມິກ ແຟລັບເປີ ລາຍເດືອນ
ກຸ່ມເປົ້າໝາຍ	ເຊເນັງ
ວາງຈຳໜ່າຍຕັ້ງແຕ່	ວັນທີ5 ສິງຫາປີ2016 – ວັນທີ5 ມິຖຸນາປີ2019
ຈຳນວນເຫຼັ້ມ	5
ມັງງະ
ເຟສ ເອ​ຣິ​ກະ
ແຕ້ມໂດຍ	ຣຽວຮິຈິ ໄຊຕານິຢະ
ສຳນັກພິມ	ຄາໂດຄາວະ
ນິດຕະຍະສານ	ຄອມມິກວອກເກີ (ອອນລາຍ)
ວາງຈຳໜ່າຍຕັ້ງແຕ່	ວັນທີ19 ກັນຍາປີ2016 – ວັນທີ19 ມີນາປີ2018
ຈຳນວນເຫຼັ້ມ	3
ມັງງະ
ຊີວິດປະຈຳວັນຂອງເຫຼົ່າສາວໆໃນເກີຣລ໌ສ ອຸນ ພັນເຊີ: ຄອມມິກ ແອນໂທໂລຈີ 4-ຊ່ອງ
ສຳນັກພິມ	ມີເດຍແຟັກໂຕຣີ
ໃນເຄືອ	MF ຊຸດຄອມມິກສ໌ອາໄລຟ໌ ລາຍເດືອນ
ວາງຈຳໜ່າຍຕັ້ງແຕ່	ວັນທີ23 ມີນາປີ2017 – ວັນທີ23 ກຸມພາປີ2019
ຈຳນວນເຫຼັ້ມ	4 + 2ເຫຼັ້ມເສີມ
ມັງງະ
ເກກິກະ
ແຕ້ມໂດຍ	ໂມໂຕຟູມິ ໂຄບາຢາຊິ
ສຳນັກພິມ	ໂຊງາຄຸຄັງ
ນິດຕະຍະສານ	ໂກໂຣໂກໂຣ ອະນິກິ
ກຸ່ມເປົ້າໝາຍ	ເຊເນັງ
ວາງຈຳໜ່າຍຕັ້ງແຕ່	ວັນທີ15 ທັນວາປີ2017 – ວັນທີ15 ມີນາປີ2021
ຈຳນວນເຫຼັ້ມ	1
ເກມ
ການແຂ່ງຂັນລົດຖັງໃນຝັນ
ພັດທະນາໂດຍ	ນັດສຶເມະ ອາຕາຣິ
ວາງຈຳໜ່າຍໂດຍ	ບັນໄດນັມໂຄ ເອັນເຕີເທນເມັນ
ປະເພດ	ເກມແອັກຊັ້ນ
ເຄື່ອງຫຼິ້ນ	ເພລສະເຕຊັນ 4 ນິນເທັນໂດ ສະຫວິດຊ໌ (ເປັນ ການແຂ່ງຂັນລົດຖັງໃນຝັນ DX)
ມັງງະ
ບັນທຶກການຮົບຂອງອີຄັທຢູຊາແຫ່ງປຣາບຟດ້າ
ແຕ້ມໂດຍ	ຮາຈິເມະ ໂຢຊິດະ
ສຳນັກພິມ	ຄາໂດຄາວະ
ນິດຕະຍະສານ	ຄອມມິກວອກເກີ (ອອນລາຍ)
ວາງຈຳໜ່າຍຕັ້ງແຕ່	ວັນທີ19 ກໍລະກົດປີ2018 – ວັນທີ19 ທັນວາປີ2021
ຈຳນວນເຫຼັ້ມ	5
ເກມ
ລວມພົນ! ເຊັນຊະໂດ່ທຸກຄົນ!!
ພັດທະນາໂດຍ	ແຄລບເກມສ໌ ບັນໄດນັມໂຄ ເອັນເຕີເທນເມັນ
ວາງຈຳໜ່າຍໂດຍ	ບັນໄດນັມໂຄ ເອັນເຕີເທນເມັນ
ປະເພດ	ເກມຈຳລອງຊີວິດ
ເຄື່ອງຫຼິ້ນ	ແອນດຣອຍດ໌, ໄອໂອເອັສ
ມັງງະ
ຕົ້ນແປກ ແລະ ແມ່ມົດປີກເຫຼັກ
ແຕ້ມໂດຍ	ມິຈິໂອ ມຸຣາຄາວະ
ສຳນັກພິມ	ຄາໂດຄາວະ
ນິດຕະຍະສານ	ຄອມມິກວອກເກີ (ອອນລາຍ)
ວາງຈຳໜ່າຍຕັ້ງແຕ່	ວັນທີ16 ພະຈິກປີ2018 – ປັດຈຸບັນ
ຈຳນວນເຫຼັ້ມ	2
ມັງງະ
ອາ​ວັນ​ຕີ້! ໂຮງຮຽນແອນສີໂອ
ແຕ້ມໂດຍ	ບົງກາຣະ
ສຳນັກພິມ	ຄາໂດຄາວະ
ນິດຕະຍະສານ	ເອັກຊ(ທະວິດເຕີ)ຂອງນິດຕະຍະສານເດັນເກກິ (ອອນລາຍ)
ວາງຈຳໜ່າຍຕັ້ງແຕ່	ວັນທີ1 ກຸມພາປີ2019 – ວັນທີ21 ມິຖຸນາປີ2021
ຈຳນວນເຫຼັ້ມ	3
ມັງງະ
ເກີຣລ໌ສ ແພນເດີໂມນຽມ
ແຕ້ມໂດຍ	ຮາຈິເມະ ໂຢຊິດະ
ສຳນັກພິມ	ມີເດຍແຟັກໂຕຣີ
ໃນເຄືອ	ຄອມມິກອາໄລຟ໌+
ນິດຕະຍະສານ	ຄອມມິກວອກເກີ (ອອນລາຍ)
ວາງຈຳໜ່າຍຕັ້ງແຕ່	ວັນທີ7 ຕຸລາປີ2022 – ປັດຈຸບັນ
ຮູບເງົາອະນິເມະ
ເກຣລ໌ສ ອຸນ ພັນເຊີ ເດິ ຟລິມ (2015) ເກີຣລ໌ສ ອຸນ ພັນເຊີ ດັສ ໄຟນອລ໌ (2017–present)

ເກີຣລ໌ສ ອຸນ ພັນເຊີ (Girls und Panzer, ガールズ&パンツァー, ມີສ່ວນທີ່ເປັນພາສາເຢຍລະມັນແປວ່າ "ເດັກສາວກັບລົດຖັງ"), ຫຼື ຫຍໍ້ວ່າ GuP ຫຼື ກາຣູພັນ (ガルパン), ແມ່ນກາຕູນພາບເຄື່ອນໄຫວຍີ່ປຸ່ນທີ່ສ້າງດ້ວຍ ແອັດຕັສ ເຊິ່ງກ່ຽວກັບການແຂ່ງຂັນກິລາທີ່ໃຊ້ລົດຖັງມາຍິງກັນລະຫວ່າງໂຮງຮຽນຍິງລ້ວນ.

ກາຕູນເລື່ອງນີ້ກຳກັບໂດຍ ມິສຸສິມະ ສຶໂທມຸ, ຂຽນບົດໂດຍ ໂຢສິດະ ເຣັນໂກະ ແລະ ອຳນວຍການສ້າງໂດຍ ຊູງິຢາມາ ຄິໂຢຊິ ແລະ ສູຊຸກິ ທາກະອາກິ ທີ່ເປັນທີ່ປຶກສາທາງດ້ານປະຫວັດສາດທາງທະຫານ. ອອກອາກາດເທິງໂທລະທັດທີ່ຍີ່ປຸ່ນລະຫວ່າງເດືອນຕຸລາ ຫາ ເດືອນທັນວາປີ2012, ມີສອງຕອນເພີ່ມເຕີມອອກອາກາດເມື່ອເດືອນມີນາປີ2013 ແລະ ໂອວີເອ (OVA, ວີດີໂອຕົ້ນສະບັບ, ໃນທີ່ນີ້ໝາຍເຖິງວີດີໂອທີ່ຜະລິດຂຶ້ນມາເປັນພິເສດສະເພາະເລື່ອງນັ້ນໆ)ເປີດຕົວເມື່ອເດືອນກໍລະກົດປີ2014. ໜັງສືກາຕູນ9ເລື່ອງ ແລະ ສະບັບແປງເປັນໄລທ໌ໂນເວວ(ນິຍາຍກະຕູນ)ຂອງກະຕູນ ຕີພິມໂດຍ ມິເດຍແຟັກໂຕລີ. ໜັງທີ່ສາຍຢູ່ຍີ່ປຸ່ນອີກໜຶ່ງເລື່ອງ. ແລະ ຕອນຍາວທີ່ສາຍໃນໂຮງໜັງແບ່ງເປັນ6ສ່ວນ ເລີ່ມສາຍຕັ້ງແຕ່ປີ2017.

ເນື້ອເລື່ອງ

ການຈັດເລື່ອງ

ເລື່ອງລາວຈາກເກີດໃນໂລກທີ່ລົດຖັງສະໄໝສົງຄາມໂລກຄັ້ງທີ2ຖືກເກັບຮັກສາໄວ້ສຳລັບການແຂ່ງຂັນຍຸດທະສາດສົງຄາມໃນຮູບແບບກິລາ ແລະ ເຮືອບັນທຸກໃຫຍ່, ຫຼື ເອີ້ນວ່າ ເຮືອໂຮງຮຽນ, ເປັນປຽບສະເໝືອນຊຸມຊົນເຄື່ອນທີ່ກາງທະເລ. ຈາກກິດຈະກຳຫຼາຍໆຢ່າງຂອງເຫຼົ່ານັກຮຽນທີ່ເຂົ້າລວມ, ໜຶ່ງໃນນັ້ນທີ່ເປັນທີ່ນິຍົມທີ່ສຸດແມ່ນ "ເຊັນຊະໂດ່" (戦車道, ວິຖີແຫ່ງລົດຖັງ, ໃນເວີຊັນພາສາອັງກິດທາງການຈະໃຊ້ຄຳເຢຍລະມັນວ່າ "Panzerfahren", ແຕ່ບາງສະບັບກໍໃຊ້ "Tankery"), ສີລະປະແຫ່ງການບັນຊາການລົດຖັງ, ເຊິ່ງຖືວ່າເປັນສີລະປະການຕໍ່ສູ້ແບບດັ້ງເດີມ "ສຳລັບຜູ້ຍິງ".

ໂຄງເລື່ອງ

ນິຊິຊຶມິ ມິໂຮະ, ເດັກສາວທີ່ເກີດໃນຄອບຄົວນັກຂັບລົດຖັງ ແລະ ຜູ້ເຝີກເຊັນຊະໂດ່ທີ່ມີຊື່ສຽງ ເຊິ່ງຈິດໃຈເບາະຊໍ້າຈາກເຫດການໃນອະດີດ, ລາວໄດ້ຍ້າຍມາຢູ່ໂຮງຮຽນສະຕີໂອ່ອາໄຣເພື່ອໜີຈາກເຊັນຊະໂດ່, ເຊິ່ງລາວຄິດວ່າໂຮງຮຽນນີ້ບໍ່ມີການເຝີກກິລານີ້ອີກແລ້ວ. ລາວໄດ້ເລີ່ມໃຊ້ຊີວິດໃໝ່ໃນໂຮງຮຽນ ແລະ ໄດ້ຮູ້ຈັກກັບໝູ່ເພື່ອນໃໝ່ໆ, ຫຼັງຈາກນັ້ນບໍ່ດົນ, ສະພານັກຮຽນໄດ້ປະກາດວ່າຈະມີການເຝີກເຊັນຊະໂດ່ອີກຄັ້ງ ແລະ ບັງຄັບໃຫ້ມິໂຮະ ເຊິ່ງເປັນພຽງຜູ້ດຽວທີ່ມິປະສົບການເຂົ້າລວມ. ລາວປະຕິເສດເທົ່າທີ່ໃນຊ່ວງແຮກ, ແຕ່ເມື່ອຮູ້ວ່າຖືກບັງຄັບລາວກໍເກີດອາກາດຊັອກ, ຢ້ານກົວ ແລະ ບໍ່ມີກະຈິດກະໃຈເຮັດຫຍັງທັງສິ້ນ, ເຮັດໃຫ້ໝູ່ເພື່ອນເປັນຫ່ວງ ຈຶ່ງພະຍາຍາມໃຫ້ກຳລັງໃຈ ແລະ ໄດ້ເຂົ້າລວມເຊັນຊະໂດ່ນຳ, ເຮັດໃຫ້ລາວສາມາດກ້າວຂ້າມເຫດການໃນອະດີດໄປໄດ້ ແລະ ໄດ້ເລີ່ມເຝີກເຫຼົ່ານັກຮຽນຄົນອື່ນໆໃນຖານະຜູ້ບັນຊາການ ແລະ ໄດ້ເຂົ້າລວມການແຂ່ງຂັນເຊັນຊະໂດ່ລະດັບປະເທດ, ເຊິ່ງຈະຕ້ອງສູ້ກັບຫຼາກຫຼາຍໂຮງຮຽນ, ແຕ່ການແຂ່ງຂັນກໍເຄັ່ງຕຶງຂຶ້ນ ເນື່ອງຈາກພວກເຂົາໄດ້ຮູ້ວ່າຫາກພວກເຂົາບໍ່ຊະນະການແຂ່ງຂັນ, ໂຮງຮຽນຂອງພວກເຂົາຈະຖືກປິດ.

ນອກນີ້ຍັງມີ ເກີຣລ໌ ອຸນ ພັນເຊີ: ກອງທັບຕົວນ້ອຍ, ເຊິ່ງເລົ່າເຖິງມິໂຮະສະໄໝປະຖົມທີ່ໄດ້ເຂົ້າລວມເຊັນຊະໂດ່ກັບໝູ່ເພື່ອນເດັກປະຖົມຂອງລາວ, ແລະ ຍັງມີພາກແຍກອື່ນໆອີກທີ່ເລົ່າກ່ຽວກັບເບື້ອງເລິກເບື້ອງຫຼັງຂອງໂຮງຮຽນ ແລະ ຕົວລະຄອນຕ່າງໆພາຍໃນເລື່ອງ.

ສື່

ອະນິເມະ

ເກີຣລ໌ສ ອຸນ ພັນເຊີ ອອກອາກາດຕອນແຮກເປັນຄັ້ງທຳອິດເທິງຊ່ອງໂຕກຽວເອັມເອັກຊເມື່ອວັນທີ9, ເດືອນຕຸລາ ປີ2012, ເທິງຊ່ອງທີວີໂອຊາກ້າ ແລະ ທີວີໄອຈິເມື່ອວັນທີ11, ເດືອນຕຸລາ, ຊ່ອງບີເອັສ11 (BS11)ເມື່ອວັນທີ14, ເດືອນຕຸລາ, ແລະ ຊ່ອງເອທີ-ເອັກຊ (AT-X)ເມື່ອວັນທີ17, ເດືອນຕຸລາ, ແລະ ຈົບລົງເມື່ອວັນທີ25, ເດືອນມີນາ ປີ2013, ລວມມີ12ຕອນ. ຕົວຊຸດອະນິເມະຜະລິດໂດຍແອັດຕັສ ແລະ ກຳກັບໂດຍມິສຸຊິມະ ສຶໂຕມຸ ແລະ ຂຽນບົດໂດຍໂຢຊິດະ ເຣໂກະ. ໂດຍມີຮາມາກູສິ ຊິໂຣ ເປັນຜູ້ປະພັນເພງໃຫ້. ແລະ ມີໂຈວໂຈະ ເປັນຜູ້ຮ້ອງເພງເປີດເລີ່ມຕອນໃຫ້ອະນິເມະທີ່ຊື່ວ່າ "ດຣີມ ໄຣເສີ (Dream Riser)", ແລະ ຟູຈິກະມິ ໄມ, ຄາຢາໂນະ ໄອ, ໂອຊາກິ ມາມິ, ນາກາງາມິ ອິຄຸມິ, and ອິກູຈິ ຢູກະ, ເຊິ່ງເປັນຜູ້ພາກສຽງໃຫ້ກັບ5ຕົວລະຄອນຫຼັກຂອງກາຕູນ, ຮ້ອງເພງຈົບທ້າຍຕອນຂອງອະນິເມະທີ່ຊື່ວ່າ "ເອັນເຕີ ເອັນເຕີ ມິດສຊັນ! (Enter Enter Mission!)" ທັງໝົດຖືກລວມໄວ້ໃນຊຸດແຜ່ນບລູ-ເຣ ແລະ ດີວີດີທີ່ວາງຈຳໜ່າຍທີ່ຍີ່ປູ່ນເມື່ອວັນທີ21, ເດືອນທັນວາ ປີ2012, ເຖິງວັນທີ21, ເດືອນມິຖຸນາ ປີ2013. ແຕ່ລະຊຸດຈະມີວີດີໂອໂອວີເອ (OVA, ວີດີໂອຕົ້ນສະບັບ)ຂອງອະນິເມະ ແລະ ວີດີໂອຕອນພິເສດທີ່ເລົ່າກ່ຽວກັບຄຳອະທິບາຍລາຍລະອຽດຂອງລົດຖັງຕ່າງໆຂອງອາກິຢາມະ ຢູຄາຣິທີ່ເປັນໜຶ່ງໃນຕົວລະຄອນຫຼັກທີ່ມັກຈະເວົ້າຂໍ້ມູນຕ່າງໆຂອງລົດຖັງອອກມາເມື່ອພົບກັບລົດຖັງຕ່າງໆຕະຫຼອດທັງເລື່ອງ, ຄຳອະທິບາຍເຫຼົ່ານັ້ນລວມໄວ້ໃນວີດີໂອນີ້ທີ່ຊື່ວ່າ "ວິຊາສຶກສາລົດຖັງກັບອາຈານອາກິຢາມະ ຢູຄາຣິ" (不肖 秋山優花里の戦車道講座).

ວີດີໂອໂອວີເອໃໝ່ທີ່ສະແດງໃຫ້ເຫັນເຖິງການຕໍ່ສູ້ລະຫວ່າງໂຮງຮຽນສະຕີໂອ່ອາໄຣກັບໂຮງຮຽນສະຕີແອນສີໂອທີ່ບໍ່ໄດ້ເຫັນໃນຕອນທີ7ຂອງອະນິເມະ, ມີຊື່ວ່າ "ເກີຣລ໌ສ ອຸນ ພັນເຊີ: ນີ້ແຫຼະຄືເສິກແອນສີໂອທີ່ແທ້ຈິງ! (ガールズ&パンツァー これが本当のアンツィオ戦です！)", ສາຍໃນໂຮງຮູບເງົາ 14ແຫ່ງ ແລະ ຊ່ອງທາງອອນລາຍຕ່າງງໃນຍີ່ປຸ່ນເມື່ອວັນທີ5, ເດືອນກໍລະກົດ ປີ2014. ສະບັບແຜ່ນບລູ-ເຣ ແລະ ດີວີດີວາງຈຳໜ່າຍໃນຍີ່ປຸ່ນເມື່ອວັນທີ25, ເດືອນກໍລະກົດ ປີ2014, ເຊິ່ງລວມມີຕອນໃໝ່ຂອງວິຊາສຶກສາລົດຖັງກັບອາຈານອາກິຢາມະ ຢູຄາຣິ ທີ່ໄດ້ອະທິບາຍກ່ຽວກັບລົດຖັງອີຕາລີຂອງຝ່າຍແອນສີໂອທີ່ປາກົດໃນເລື່ອງ. ຕົວໂອວີເອຖືກສາຍອອກອາກາດເທິງຊ່ອງເອທີ-ເອັກຊໃນຍີ່ປູ່ນເມື່ອວັນທີ21, ເດືອນມິຖຸນາ ປີ2015, ເທິງຊ່ອງບີເອັສ11 ເມື່ອວັນທີ30, ເດືອນທັນວາ, ແລະ ເທິງຊ່ອງໂຕກຽວເອັມເອັກຊເມື່ອວັນທີ3, ເດືອນມັງກອນ ປີ2016.

ໜັງແອນິເມຊັນຜະລິດໂດຍມິສຸຊິມະ ເປັນພາກຕໍ່ຈາກອະນິເມະທີ່ມີຊື່ວ່າ "ເກີຣລ໌ສ ອຸນ ພັນເຊີ ເດິ ຟຣິມ (Girls und Panzer der Film, ガールズ＆パンツァー 劇場版)", ສາຍຮອບປະຖົມມະທັດທີ່ຍີ່ປຸ່ນເມື່ອວັນທີ20, ເດືອນພະຈິກ ປີ2015, ແລະ ສາຍໃນໂຮງຮູບເງົາທີ່ຍີ່ປຸ່ນເມື່ອວັນທີ21, ເດືອນພະຈິກ. ສະບັບແຜ່ນບລູ-ເຣ ແລະ ດີວີດີວາງຈຳໜ່າຍທີ່ຍີ່ປຸ່ນເມື່ອວັນທີ27, ເດືອນພຶດສະພາ ປີ2016, ເຊິ່ງລວມມີຕອນໂອວີເອໃໝ່ທີ່ຊື່ວ່າ "ອາລິດ ວໍ່ຣ໌! (アリス・ウォー！, Alice War!)", ເຊິ່ງເປັນເລື່ອງລາວຫຼັງຈາກໜັງ ແລະ ຕອນໃໝ່ຂອງວິຊາສຶກສາລົດຖັງກັບອາຈານອາກິຢາມະ ຢູຄາຣິ. ຊຸດໜັງເລື່ອງຖັດມາທີ່ແບ່ງອອກເປັນຫົກພາກ ແລະ ຜະລິດໂດຍມິສຸຊິມະທີ່ມີຊື່ວ່າ "ເກີຣລ໌ສ ອຸນ ພັນເຊີ ດັດສ ໄຟນໍ່ອ໌ (Girls und Panzer das Finale, ガールズ&パンツァー 最終章)", ໜັງພາກແຮກສາຍໃນໂຮງຮູບເງົາທີ່ຍີ່ປຸ່ນເມື່ອວັນທີ9, ເດືອນທັນວາ ປີ2017. ຈົນເຖິງວັນທີ26, ເດືອນມີນາ ປີ2021, ໄດ້ສາຍໄປແລ້ວ3ພາກ. ໜັງທີ່ໄດ້ລວບລວມຕອນທັງໝົດຂອງອະນິເມະ ແລະ ຕອນໂອວີເອ ນີ້ແຫຼະຄືເສິກແອນສີໂອທີ່ແທ້ຈິງ! ໃນ2ຊົ່ວໂມງທີ່ມີຊື່ວ່າ "ເກີຣລ໌ສ ອຸນ ພັນເຊີ: ບັນທຶກການແຂ່ງຂັນເຊັນຊະໂດ່ຊັ້ນມັດທະຍົມລະດັບປະເທດຄັ້ງທີ63 (ガールズ＆パンツァー 第63回戦車道全国高校生大会 総集編, Girls und Panzer: 63rd National High School Senshadō Tournament Compilation)", ສາຍໃນໂຮງຮູບເງົາ110ແຫ່ງ ແລະ ໂຮງສາຍແບບ4DX ແລະ MX4D ຫຼາຍແຫ່ງທີ່ຍີ່ປຸ່ນເມື່ອວັນທີ29, ເດືອນກັນຍາ ປີ2018. ສະບັບແຜ່ນບລູ-ເຣ ແລະ ດີວີດີວາງຈຳໜ່າຍທີ່ຍີ່ປຸ່ນເມື່ອວັນທີ23, ເດືອນກຸມພາ ປີ2019.

ເຊັນໄຕ ຟລິມເວີກໄດ້ປະກາດຊື້ລິຂະສິດເກີຣລ໌ສ ອຸນ ພັນເຊີເມື່ອເດືອນກັນຍາ ປີ2012, ແລະ ເຜີຍແຜ່ອະນິເມະທັງ12ຕອນໃນຮູບແບບແຜ່ນບລູ-ເຣ ແລະ ດີວີດີໃນອາເມຣິກາເໜືອເມື່ອວັນທີ3, ເດືອນທັນວາ ປີ2013, ແລະ ໂອວີເອ6ຕອນໃນຮູບແບບດຽວກັນເມື່ອວັນທີ25, ເດືອນກຸມພາ ປີ2014. ຄຣັນຊີໂຣ ໄດ້ສະຕຣິມເລື່ອງນີ້ໃນສະຫະລັດອາເມຣິກາ, ຄານາດາ, ສະຫະລາຊະອານາຈັກ, ອຽກລັງ, ອົດສະຕຣາລີ, ນູແວນເຊລັງ, ໂຮນລັງ, ສະກັງດີນາວີ, ແລະ ອາຟຣິກາໃຕ້ ຕັ້ງແຕ່ວັນທີ10, ເດືອນຕຸລາ ປີ2012, ເຖິງວັນທີ31, ເດືອນມີນາ ປີ2022. ໃນຕອນທີ8ສະບັບຕົ້ນສະບັບ, ເຊິ່ງມີສາກໜຶ່ງທີ່ຕົວລະຄອນ ຄັທຢູຊາ ແລະ ນອນນາ ຮ້ອງເພງພື້ນບ້ານໂຊວຽດ "ຄັທຢູຊາ", ຖືກລົບອອກໃນສະບັບທີ່ສາຍເທິງຄຣັນຊີໂຣ, ເຈັບຟ ສວາງ ຈາກສາຂາຍີ່ປຸ່ນໄດ້ລະບຸວ່າ "ບັນຫາດ້ານລິຂະສິດໜ້າຈະເປັນສາເຫດທີ່ເປັນໄປໄດ້ທີ່ສຸດວ່າເປັນຫຍັງສາກນັ້ນຈຶ່ງຖືກລົບອອກ". ເຊັນໄຕ ຟລິມເວີກໄດ້ກູ້ສາກດັ່ງກ່າວກັບມາໃນສະບັບຂອງພວກເຂົາ, ແຕ່ໄດ້ມີການປ່ຽນດົນຕີເປັນເພງ"ໂຄໂຣເບີຍນີກີ". ໃນເດືອນຕຸລາ ປີ2012, ອະນິເມະ ເນັດເວີກ ໄດ້ຮັບລິຂະສິດສຳລັບການສາຍໃນເດືອນພະຈິກ. ເອັມວີເອັມ ເອັນເຕີເທນເມັນ ໄດ້ຊື້ລິຂະສິດເລື່ອງເມື່ອເດືອນຕຸລາ ປີ2013. ໂດຍໄດ້ວາງຈຳໜ່າຍແຜ່ນບລູ-ເຣ ແລະ ດີວີດີຂອງອະນິເມະໃນສະຫະລາຊະອານາຈັກເມື່ອເດືອນເມສາ ປີ2014 ແລະ ໂອວີເອໃນຮູບແບບດຽວກັນໃນເດືອນມິຖຸນາ. ຮານາບີ ເອັນເຕີເທນເມັນ ໄດ້ຊື້ລິຂະສິດສຳລັບການເຜີຍແຜ່ໃນອົດສະຕຣາລີເມື່ອເດືອນພະຈິກ ປີ2013, ແລະ ວາງຈຳໜ່າຍແຜ່ນບລູ-ເຣ ແລະ ດີວີດີຂອງອະນິເມະ ແລະ ໂອວີເອເມື່ອວັນທີ5, ເດືອນມີນາ ປີ2014. ໄຮໄດຟ ໄດ້ສະຕຣິມເລື່ອງນີ້ຫຼັງຈາກການຊື້ລິຂະສິດມາຈາກອະນິເມະ ເນັດເວີກເມື່ອເດືອນມິຖຸນາ ປີ2017.

ມັງງະ/ໜັງສືກະຕູນ

ສະບັບດັດແປງເປັນໜັງສືກາຕູນຂອງເກີຣລ໌ສ ອຸນ ພັນເຊີ, ແຕ້ມໂດຍໄຊຕານິຍະ ຣຽວຮິຈິ, ຕີພິມໂດຍມີເດຍ ແຟັກໂຕລີ ລົງໃສ່ນິຕະຍາສານຄອມມິກ ແຟລັບເປີ ລາຍເດືອນ ຕັ້ງແຕ່ວັນທີ5, ເດືອນມິຖຸນາປີ2012, ເຖິງວັນທີ5, ເດືອນມີນາປີ2014. ເຫຼັ້ມແຮກຕີພິມຄັ້ງທຳອິດທີ່ຍີ່ປຸ່ນເມື່ອວັນທີ5, ເດືອນກັນຍາປີ2012, ແລະ ເຫຼັ້ມທີ4 ແລະ ສຸດທ້າຍເມື່ອວັນທີ23, ເດືອນເມສາປີ2014. ເຊເວັນ ສີ່ສ ເອັນເຕີເທນເມັນ ໄດ້ຊື່ລິຂະສິດຂອງມັງງະສຳລັບການຕີພິມທີ່ອາເມຣິກາເໜືອເມື່ອເດືອນກໍລະກົດປີ2013, ໂດຍເຫຼັ້ມແຮກເປີດຕົວເມື່ອວັນທີ3, ເດືອນມິຖຸນາປີ2014, ແລະ ເຫຼັ້ມສຸດທ້າຍເມື່ອວັນທີ9, ເດືອນມິຖຸນາປີ2015.

ເກັກເກັນ ໄດ້ຕີພິມໜັງສືກາຕຸນ4-ຊ່ອງສຳລັບເລື່ອງນີ້ໃນນິຕະຍາສານເມກາມິເມື່ອວັນທີ30, ເດືອນກໍລະກົດປີ2012. ແຕ້ມໂດຍຢູມະ, ຊື່ວ່າ "ເກີຣລ໌ສ ອຸນ ພັນເຊີ: 4-ຊ່ອງ ພັນເຊີ ໂຟ້ຣ໌! (Girls und Panzer: 4-koma Panzer Vor!, ガールズ＆パンツァー 4コマでパンツァー・フォー！)" ແລະ ດຳເນີນການຕີພິມໂດຍ ໂຈ້! ເວັບໄຊອະນິມີເດຍຕັ້ງແຕ່ວັນທີ10, ເດືອນກຸມພາປີ2015, ເຖິງວັນທີ26, ເດືອນມິຖຸນາປີ2022, ຢຸດຕິການຕີພິມເນື່ອງຈາກ "ສາເຫດດ້ານການຜະລິດ". ສະບັບລວມເຫຼັ້ມດຽວເປີດຕົວເມື່ອວັນທີ28, ເດືອນກັນຍາປີ2018ທີ່ຍີ່ປຸ່ນ. ໜັງສືກາຕູນເກກິກະ(ລາຍເສັ້ນສະຕາຍດາຣມ້າ)ຂອງເລື່ອງນີ້ມີຊື່ວ່າ "ເກີຣລ໌ສ ອຸນ ພັນເຊີ: ເກກິກະ (Girls und Panzer: Gekiga, 劇画 ガールズ＆パンツァー)", ແຕ້ມໂດຍໂມໂຕຟຸມິ ໂຄບາຍາຊິ ແລະ ຕີພິມໂດຍໂຊກາຄຸຄັນ ລົງໃສ່ນິດຕະຍະສານ ໂກໂຣໂກໂຣຕັ້ງແຕ່ວັນທີ15, ເດືອນທັນວາປີ2017, ເຖິງວັນທີ15, ເດືອນມີນາປີ2021. ລວມເຫຼັ້ມດຽວເປີດຕົວເມື່ອວັນທີ26, ເດືອນມີນາປີ2021.

ພາກແຍກ

ພາກແຍກແຮກຂອງເລື່ອງ ເລົ່າກ່ຽວກັບນິຊິສຸມິ ມິໂຮະໃນຕອນປະຖົມ ມີຊື່ວ່າ "ເກີຣລ໌ສ ອຸນ ພັນເຊີ: ກອງທັບຕົວນ້ອຍ (Girls und Panzer: Little Army, ガールズ&パンツァー リトルアーミー)", ແຕ້ມໂດຍສືຈິອິ ແລະ ພິມໂດຍມີເດຍ ແຟັກໂຕລີ ແລະ ລົງໃນນິດຕະຍະສານຄອມມິກອາໄລຟ໌ ລາຍເດືອນ ຕັ້ງແຕ່ວັນທີ27, ເດືອນມິຖຸນາປີ2012, ເຖິງວັນທີ26, ເດືອນມັງກອນປີ2013. ສະບັບລວມເຫຼັ້ມໆແຮກຕີພິມເມື່ອວັນທີ23, ເດືອນຕຸລາປີ2012 ທີ່ຍີ່ປຸ່ນ, ແລະ ເຫຼັ້ມທີສອງ ແລະ ສຸດທ້າຍເມື່ອວັນທີ23, ເດືອນກຸມພາປີ2013. ເຊເວັນ ສີ່ສ ເອັນເຕີເທນເມັນ ໄດ້ຊື່ລິຂະສິດຂອງປື້ມມາປ່ຽນເປັນອັງກິດເມື່ອເດືອນກໍລະກົດປີ2013, ແລະ ເປີດຕົວເຫຼັ້ມແຮກໃນອາເມຣິກາເໜືອເມື່ອວັນທີ16, ເດືອນທັນວາປີ2014, ແລະ ເຫຼັ້ມສຸດທ້າຍເມື່ອວັນທີ10, ເດືອນມິນາປີ2015. ນອກນີ້ຍັງມີພາກຕໍ່ໃນຊື່ "ເກີຣລ໌ສ ອຸນ ພັນເຊີ: ກອງທັບຕົວນ້ອຍ II (Girls und Panzer: Little Army II, ガールズ&パンツァー リトルアーミー II), ລົງໃນນິດຕະຍະສານຄອມມິກອາໄລຟ໌ ລາຍເດືອນ ຕັ້ງແຕ່ວັນທີ27, ເດືອນເມສາປີ2015, ເຖິງວັນທີ26, ເດືອນມີນາປີ2016. ເລື່ອງນີ້ມີທັງໝົດສາມເຫຼັ້ມ ເຊິ່ງຕີພິມທີ່ຍີ່ປຸ່ນ.

ພາກແຍກທີສອງທີ່ເຮັດໂດຍນິອິ ມາຣູໂອະ ແລະ ຊື່ວ່າ "ເກີຣລ໌ສ ອຸນ ພັນເຊີ: ນີ້ແມ່ນປະຕິບັດການໆເພີ່ມຄວາມຮັກ! (Girls und Panzer: It's More Love Love Operation!, ガールズ＆パンツァー もっとラブラブ作戦です！)", ເລີ່ມຕີພິມໂດຍມີເດຍ ແຟັກໂຕລີ ແລະ ລົງໃນນິດຕະຍະສານຄອມມິກອາໄລຟ໌ ລາຍເດືອນເມື່ອວັນທີ27, ເດືອນພຶດສະພາປີ2013. ເຫຼັ້ມແຮກຕີພິມທີ່ຍີ່ປຸ່ນເມື່ອວັນທີ23, ເດືອນຕຸລາ, ປີ2015. , ອີງຕາມວັນທີ22, ເດືອນກັນຍາປີ2023, ເລື່ອງນີ້ມີທັງໝົດ20ເຫຼັ້ມ.

ພາກແຍກຕໍ່ມາເຮັດໂດຍໂນງາມິ ທາເກຊິ ແລະ ສູຊຸກິ ທາກາອາກິ ມີຊື່ວ່າ "ເກີຣລ໌ສ ອຸນ ພັນເຊີ: ນັກຮົບຣິມບອນແດງ (Girls und Panzer: Ribbon Warrior, ガールズ&パンツァー リボンの武者)", ເລົ່າເລື່ອງລາວຂອງນາງເອກຄົນໃໝ່, ສຶຣຸກິ ຊິສຸກະ ກັບມ້າ- ຄູ່ຫູຂອງລາວ ມັດສຶເກະເສະ ຣິນ ໃນການແຂ່ງຂັນແທັງກັດລອນ, ອີກຮູບແບບໜຶ່ງຂອງເຊັນຊະໂດ່, ພິມໂດຍມີເດຍ ແຟັກໂຕລີ ແລະ ລົງໃນນິດຕະຍະສານຄອມມິກ ແຟລັບເປີ ລາຍເດືອນຕັ້ງແຕ່ວັນທີ5, ເດືອນກັນຍາປີ2014, ເຖິງວັນທີ5, ເດືອນມີນາປີ2021. ມີທັງໝົດ16ເຫຼັ້ມນັບແຕ່ວັນທີ5, ເດືອນກັນຍາປີ2015, ເຖິງວັນທີ23, ເດືອນເມສາປີ2021. ພາກແຍກອີກພາກເຮັດໂດຍໂຊທານິຍ້າ, ເລົ່າເຖິງເສິກການແຂ່ງຂັນຂອງໂອ່ອາໄຣກັບວິທະຍາໄລມາຈິໂນ, ຊື່​ວ່າ "ເກ​ຣ​ລ໌​ສ ອຸນ ພັນ​ເຊີ: ນີ້​ຄື​ເສິກ​ການຕໍ່​ສູ້ອັນດຸ​ເດືອດ​ກັບມາ​ຈິ​ໂນ! (Girls und Panzer: Fierce Fight! It's the Maginot Battle!!, ガールズ＆パンツァー 激闘！マジノ戦ですっ!!), ລົງ​ໂດຍ​ຄາ​ໂດ​ກາ​ວະ ເທິງ​ບໍ​ລິ​ການ​ເວັບ​ຄອມ​ມິກ ຄອມ​ມິກວອກ​ເກີຕັ້ງ​ແຕ່​ວັນ​ທີ19, ເດືອນ​ພະ​ຈິກ​ປີ2014, ເຖິ​ງວັນ​ທີ19, ເດືອນ​ສິງ​ຫາ​ປີ2015. ​ສະ​ບັບ​ລວມ​ເຫຼັ້ມ​ມີ​ທັງ​ໝົດ2ເຫຼັ້ມ ຕີ​ພິມ​ທີ່​ຍີ່​ປຸ່ນ​ຕັ້ງ​ແຕ່​ວັນ​ທີ23, ເດືອນ​ມີ​ນາ ​ເຖິງວັນ​ທີ23, ເດືອນ​ກັນ​ຍາ​ປີ2015.

ພາກ​ແຍກ​ຕະ​ຫຼົກ​ທີ່​ແຕ້ມ​ໂດຍ​ຮາ​ກິ ມິ​ໂດ​ຣິ, ຊື່​ວ່າ "ເກີ​ຣ​ລ໌​ສ ອຸນ ພັນ​ເຊີ: ການ​ແນະ​ນຳ​ເຫຼົ່າ​ລົດ​ຖັງ (Girls und Panzer: Tankery Recommendation, ガールズ＆パンツァー 戦車道ノススメ)", ກ່ຽວ​ກັບ​ການ​ອະ​ທິ​ບາຍ​ປະ​ຫວັດ, ການ​ພັດ​ທະ​ນາ ແລະ ເຕັກ​ນິກ​ລາຍ​ລະ​ອຽດ​ຂອງ​ລົດ​ຖັງ ແລະ ພາ​ຫະ​ນະ​ຕ່າງໆ​ທີ່​ປາ​ກົດ​ໃນ​ເລື່ອງ. ​ມີ​ເດຍ ແຟັກ​ໂຕ​ລີ ໄດ້​ລົງ​ເລື່ອງນີ້​ໃນ​ນິດຕະຍະສານຄອມ​ມິກ ແຟ​ລັບ​ເປີ ປະ​ຈຳ​ເດືອນ ຕັ້ງ​ແຕ່​ວັນ​ທີ5, ເດືອນ​ສິງ​ຫາ​ປີ2016, ເຖິງວັນ​ທີ5, ເດືອນ​ມິ​ຖຸ​ນາ​ປີ2019. ​ມີ​ທັງ​ໝົດ5ເຫຼັ້ມ​ຕີ​ພິມ​ທີ່​ຍີ່​ປຸ່ນ​ຕັ້ງ​ແຕ່​ວັນ​ທີ23, ເດືອນ​ກຸມ​ພາ​ປີ2017, ເຖິງວັນ​ທີ22, ເດືອນ​ມິ​ຖຸ​ນາ​ປີ2019.

ພາກ​ແຍກ​ອີກ​ພາກ​ທີ່​ມີ​ຊື່​ວ່າ "ເກີ​ຣ​ລ໌​ສ ອຸນ ພັນ​ເຊີ: ເຟດສ ເອ​ຣິ​ກະ (Girls und Panzer: Phase Erika, ガールズ＆パンツァー フェイズ エリカ)", ເລົ່າ​ເລື່ອງ​ລາວຂອງ ອິ​ສຶ​ມິ ເອ​ຣິ​ກະ​ທີ່​ຫາ​ກໍ່​ໄດ້​ເຂົ້າ​ໂຮງ​ຮຽນ​ສະຕີມັດ​ທະ​ຍົມຄຸ​ໂຣໂມ​ຣິ​ມິ​ເນະ, ເຊິ່ງ​ໄດ້​ເລົ່າ​ການ​ກ້າວ​ຂຶ້ນ​ສູ່​ການ​ເປັນ​ຮອງ​ຜູ້​ບັນ​ຊາ​ການ​ຂອງ​ລາວ ແລະ ເປັນ​ການ​ສະ​ເຫຼີຍ​ສາ​ເຫດ​ທີ່ເຮັດໃຫ້​ມິ​ໂຮະ​ມີ​ຄວາມ​ເບາະ​ຊ້ຳ​ທາງ​ຈິດ​ໃຈ​ ແລະ ນັ້ນເປັນ​ຫຍັງ​ເອ​ຣິ​ກະຈຶ່ງຊັງມິ​ໂຮະ, ແຕ້ມ​ໂດຍ​ໂຊ​ທາ​ນິ​ຍະ ແລະ ລົງ​ໂດຍ​ຄາ​ໂດ​ກາ​ວະ​ໃນ​ເວັບ​ໄຊ ຄອມ​ມິກວອດ​ເກີ ຕັ້ງ​ແຕ່​ວັນ​ທີ19, ເດືອນ​ກັນ​ຍາ​ປີ2016, ​ເຖິງວັນ​ທີ19, ເດືອນ​ມີ​ນາ​ປີ2018. ​ສະ​ບັບ​ລວມ​ເຫຼັ້ມ​ມີ​ທັງ​ໝົດ​ສາມ​ເຫຼັ້ມ ຕີ​ພິມ​ທີ່​ຍີ່​ປຸ່ນ​ຕັ້ງ​ແຕ່​ວັນ​ທີ23, ເດືອນ​ກຸມ​ພາ​ປີ2017, ເຖິງວັນ​ທີ23, ເດືອນ​ເມ​ສາ​ປີ2018. ພາກ​ແຍກ​ອີກ​ພາກ​ແຍກ​ທີ່​ມີ​ຊື່​ວ່າ "ເກີ​ຣ​ລ໌​ສ ອຸນ ພັນ​ເຊີ: ບັນທຶກການຮົບຂອງອີຄັທຢູຊາແຫ່ງປຣາບຟດ້າ (Girls und Panzer: Saga of Pravda, ガールズ＆パンツァー プラウダ戦記)", ເລົ່າເລື່ອງລາວຂອງຄັທຢູຊາ ແລະ ສະຫາຍຂອງລາວ ນອນນາທີ່ຫາກໍ່ເຂົ້າໂຮງຮຽນສະຕີມັດທະຍົມປຣາບຟດ້າ, ເຊິ່ງທັງສອງສະຫາຍໄດ້ລວມມືກັນໃນການກ້າວສູ່ຈຸດສູງສຸດ ແລະ ຍຶດອຳນາດຂອງປຣາບຟດ້າ ແລະ ແນ່ນອນວ່າມັນຄົງບໍ່ແມ່ນຫົນທາງທີ່ຂາວສະອາດ, ແຕ້ມໂດຍໂຢຊິດະ ຮາຈິເມະ ແລະ ລົງໂດຍ ຄາໂດກາວະໃນເວັບໄຊຄອມມິກວອດເກີ ຕັ້ງແຕ່ວັນທີ19, ເດືອນກໍລະກົດປີ2018, ເຖິງວັນທີ19, ເດືອນທັນວາປີ2021. ສະບັບລວມເຫຼັ້ມມີທັງໝົດຫ້າເຫຼັ້ມ ຕີພິມທີ່ຍີ່ປຸ່ນຕັ້ງແຕ່ວັນທີ23, ເດືອນມັງກອນປີ2019, ເຖິງວັນທີ22, ເດືອນທັັນວາປີ2021. ພາກແຍກອີກພາກທີ່ມີຊື່ວ່າ "ເກີຣລ໌ສ ອຸນ ພັນເຊີ: ຕົ້ນແປກ ແລະ ແມ່ມົດປີກເຫຼັກ (Girls und Panzer: The Fir Tree and the Iron-winged Witch, ガールズ＆パンツァー 樅の木と鉄の羽の魔女)", ເລົ່າເລື່ອງລາວຂອງໂຄຮິຍາມະ ໂນເອມິກັບໝູ່ຂອງລາວພ້ອມດ້ວຍ ຮຸ່ນເອື້ອຍແມ່ມົດຂອງ​ໂຮງ​ຮຽນ​ມັດ​ທະຍົມເຄົາທ໌ໃນ​ການ​ຕໍ່​ສູ້​​ກັບ​ໂຮງ​ຮຽນ​ມັດ​ທະ​ຍົມ​ຊັນ​ເດີ, ເລີ່ມ​ຕົ້ນ​ລົງ​ໂດຍຄາ​ໂດ​ກາ​ວະໃນເວັບ​ໄຊ​ຄອມ​ມິກວອດ​ເກີ​ເມື່ອ​ວັນ​ທີ16, ເດືອນ​ພະ​ຈິກປີ2018. ອີງ​ຕາມ​ວັນ​ທີ23, ເດືອນ​ກໍ​ລະ​ກົດ​ປີ2023, ສະ​ບັບ​ລວມ​ເຫຼັ້ມ​ມີ​ທັງ​ໝົດ​ສອງ​ເຫຼັ້ມ ແລະ ຕີ​ພິມ​ທີ່​ຍີ່​ປຸ່ນ.

ພາກ​ແຍກ​ແກັກ(ຕະຫຼົກ)ອີກ​ພາກ ເລົ່າ​ເລື່ອງ​ລາວ​ຂອ​ງ​ເຫຼົ່າ​ນັກ​ຮຽນ​ຂອງ​ໂຮງ​ຮຽນ​ສະຕີ​ແອນ​ສີ​ໂອ ຫຼັງ​ເສິກ​ໃນ​ພາກ​ເກີ​ຣ​ລ໌​ສ ອຸນ ພັນ​ເຊີ ເດິ ຟ​ຣິມ, ມີ​ຊື່​ວ່າ "ເກີ​ຣ​ລ໌​ສ ອຸນ ພັນ​ເຊີ: ອາ​ວັນ​ຕີ້! ແອນສີໂອ (ລຸຍເລີຍ! ແອນສີໂອ) (Girls und Panzer: Avanti! Anzio Girls' High School, ガールズ＆パンツァー アバンティ！ アンツィオ高校), ລົງໂດຍຄາໂດກາວະເທິງບັນຊີທະວິດເຕີ ຫຼື ເອັກຊຂອງນິດຕະຍະສານເດັນເກກິ ຕັ້ງແຕ່ວັນທີ1, ເດືອນກຸມພາປີ2019, ເຖິງວັນທີ21, ເດືອນມິຖຸນາປີ2021. ສະບັບລວມເຫຼັ້ມຕີພິມທີ່ຍີ່ປຸ່ນ ມີທັງໝົດສາມເຫຼັ້ມ ຕັ້ງແຕ່ວັນທີ27, ເດືອນກັນຍາປີ2019, ເຖິງວັນທີ25, ເດືອນມິຖຸນາປີ2021. ພາກແຍກຕະຫຼົກສັ້ນອີກພາກເຮັດໂດຍໂຢຊິດະທີ່ມີຊື່ວ່າ "ເກີຣລ໌ສ ແພນເດີໂມນຽມ (ຄວາມໂກລາຫົນຈິບຫາຍຂອງສາວໆ) (Girls Pandemonium, ガルパンデモニウム)", ລົງໂດຍເວັບໄຊຄອມມິກ ອາໄລຟ໌+ ຂອງນິດຕະຍະສານລາຍເດືອນຂອງພວກເຂົາເທິງເວັບໄຊຄອມມິກວອດເກີ ແລະ ນິໂກນິໂກ ເຊກະເມື່ອວັນທີ7, ເດືອນຕຸລາປີ2022.

ຊຸດລວມກາຕູນສັ້ນ/ແອນໂທໂລຈີ

ມີກະວີນິພົນຫຼາຍໆເຫຼັ້ມທີ່ໄດ້ອີງຕາມເນື້ອເລື່ອງຂອງເກີຣລ໌ສ ອຸນ ພັນເຊີທີ່ໄດ້ເຜີຍແຜ່ທີ່ຍີ່ປຸ່ນ. ເລື່ອງແຮກແມ່ນ "ເກີຣລ໌ສ ອຸນ ພັນເຊີ: ຄອມມິກ ແອນໂທໂລຈີ (Girls und Panzer: Comic Anthology, ガールズ＆パンツァー コミックアンソロジー)", ມີທັງໝົດສອງເຫຼັ້ມ ຕີພິມໂດຍມີເດຍ ແຟັກໂຕລີ ຕັ້ງແຕ່ວັນທີ23, ເດືອນຕຸລາປີ2013, ເຖິງວັນທີ22, ເດືອນພະຈິກປີ2014. ໂດຍມີ ອາກິ★ເອດະ, EXCEL (ເອັກເສວ), ກຽວໂກຄຸ ຊິນ, ໂຄບາຍາຊິ, ໄຊທານິຍະ, ທາການາງາ ໂຄວເຮ, ທາເກະ ຊິໂນບຸ, ມາຣຸໂກະ, ສຶຈິອິ ນີ, ໂນກາມິ ທາເກຊິ, ຮາງິ, ມາກິໂນະ ຢາສຸຮິໂຣະ, ມັດສຸດະ ມິກິ, ມຸດົນ ເອຈິ, ແລະ ໂມຣິຊິເກ ທາຄຸມະ ໄດ້ມີສ່ວນລວມໃນເຫຼັ້ມແຮກ, ແລະ ນັກພາກອະນິເມະອີກ15ຄົນຊ່ວຍຂຽນບົດໃນເຫຼັ້ມທີສອງ. ເລື່ອງທີສອງແມ່ນ "ເກີຣລ໌ສ ອຸນ ພັນເຊີ: ຄອມມິກ ແອນໂທໂລຈີ SIDE (Girls und Panzer Comic Anthology Side, ガールズ＆パンツァー コミックアンソロジー SIDE)", ເລື່ອງລາວໄດ້ເນັ້ນໃສ່ໂຮງຮຽນຕ່າງໆທີ່ປາກົດໃນເລື່ອງ. ເຫຼັ້ມແຮກເລົ່າກ່ຽວກັບໂຮງຮຽນສະຕີ ເຊັ້ນ.ໂກລເຣຍນ້າ ຕີພິມໂດຍອິຈິຈິນຊະເມື່ອວັນທີ5, ເດືອນພະຈິກປີ2014. ອີງຕາມວັນທີ31, ເດືອນມັງກອນປີ2020, ມີທັງໝົດເກົ້າເຫຼັ້ມ. ເລື່ອງທີສາມແມ່ນ "ເກີຣລ໌ສ ອຸນ ພັນເຊີ: ຄອມມິກ ແອນໂທໂລຈີ 4-ຊ່ອງ (Girls und Panzer: 4-koma Comic Anthology, ガールズ＆パンツァー 4コマアンソロジーコミック)", ຕີພິມໂດຍມີເດຍ ແຟັກໂຕລີຕັ້ງແຕ່ວັນທີ23, ເດືອນມີນາປີ2015. ເລື່ອງທີສີ່ແມ່ນ "ຊີວິດປະຈຳວັນຂອງເຫຼົ່າສາວໆໃນເກີຣລ໌ສ ອຸນ ພັນເຊີ: ຄອມມິກ ແອນໂທໂລຈີ 4-ຊ່ອງ (Daily Life of Girls und Panzer: 4-koma Comic Anthology', ガールズ＆パンツァーの日常 4コマコミックアンソロジー)", ມີທັງໝົດສີ່ເຫຼັ້ມ ຕີພິມໂດຍມີເດຍ ແຟັກໂຕລີຕັ້ງແຕ່ວັນທີ23, ເດືອນມີນາປີ2017, ເຖິງວັນທີ23, ເດືອນມີນາປີ2018, ໂດຍມີເຫຼັ້ມເສີມອີກສອງເຫຼັ້ມກ່ຽວກັບສັດ ແລະ ອາຫານເມື່ອວັນທີ23, ເດືອນກຸມພາປີ2019.

ໄວທ໌ໂນເວວ/ນິຍາຍກະຕູນ

ສະບັບດັດແປງເປັນໄລທ໌ໂນເວວຂອງເກີຣລ໌ສ ອຸນ ພັນເຊີ, ຂຽນໂດຍຮິບິກິ ຢູ ແລະ ແຕ້ມໂດຍຊິມະດະ ຟຸມິກະເນະ ແລະ ຄຽວໂກຄຸ ຊິນ, ເຜີຍແຜ່ໂດຍມີເດຍ ແຟັກໂຕລີທີ່ຍີ່ປຸ່ນ ຕັ້ງແຕ່ວັນທີ22, ພະຈິກປີ2012, ເຖິງວັນທີ25, ມິຖຸນາປີ2013. ເລົ່າເລື່ອງລາວຕາມສະບັບດັ້ງເດີມ ແຕ່ເລົ່າຜ່ານມຸມມອງຂອງທາເກເບະ ຊາໂອຣິ. ຕົວໄລທ໌ໂນເວວມີທັງໝົົດສາມເຫຼັ້ມ.

ວີດີໂອເກມ

ນິຈິບອນ ໄດ້ພັດທະນາເກມທີ່ຫຼິ້ນຜ່ານສື່ໂຊຊຽວທີ່ອີງຕາມເລື່ອງເກີຣລ໌ສ ອຸນ ພັນເຊີ, ເຊິ່ງເປີດຕົວທີ່ຍີ່ປຸ່ນເທິງໂມບາເກະ, ກຣີ, ແລະ ມິຊິ່ ເມື່ອວັນທີ7, ທັນວາປີ2012, ແລະ ພິຊິຟ ເມື່ອວັນທີ10, ມັງກອນປີ2013. ຕົວເກມປິດໃຫ້ບໍລິການເມື່ອວັນທີ5, ເມສາປີ2015. ບັນໄດນຳໂຄເກມສ ໄດ້ປະກາດເຮັດເກມທີ່ອີງຕາມຕົວເລື່ອງສຳລັບເຄື່ອງເກມເພລສະເຕຊັນ ວີຕ້າ, ຊື່ວ່າ "ເກີຣລ໌ສ ອຸນ ພັນເຊີ: ມາສເຕີເຊັນຊະໂດ່! (Girls und Panzer: Master the Tankery!, ガールズ＆パンツァー 戦車道、極めます！)", ໃນເດືອນພະຈິກປີ2013. ພັດທະນາ ແລະ ວາງຈຳໜ່າຍໂດຍບັນໄດນຳໂຄເກມສ, ຕົວເກມເຜີຍແຜ່ເມື່ອວັນທີ26, ມິຖຸນາປີ2014.

ເກມຈຳລອງສະຖານະການທີ່ອີງຕາມຕົວເລື່ອງ, ຊື່ວ່າ "ເກີຣລ໌ສ ອຸນ ພັນເຊີ: ປະຕິບັດການເຊັນຊະໂດ່ອັນຍິ່ງໃຫຍ່ (Girls und Panzer: Great Tankery Operation!, ガールズ＆パンツァー 戦車道大作戦！)", ພັດທະນາໂດຍໂຊວ໌ເກດສຳລັບແອນດອຍດ໌ ແລະ ໄອໂອເອັສ, ເຜີຍແຜ່ໂດຍມອດແຄດເກມສໃນຍີ່ປຸ່ນເມື່ວັນທີ11, ພະຈິກປີ2015. ໜັງສືພາບປະກອບຂອງເກມໄດ້ຮັບການຈັດວາງຈຳໜ່າຍໃນຍີ່ປຸ່ນເມື່ອ28, ມິຖູນາປີ2022. ອີກເກມໜຶ່ງທີ່ສ້າງສຳຳລັບເຄື່ອງເກມເພລສະເຕຊັນ4, ຊື່ວ່າ "ເກີຣລ໌ສ ອຸນ ພັນເຊີ: ການແຂ່ງຂັນລົດຖັງໃນຝັນ (Girls und Panzer: Dream Tank Match, ガールズ＆パンツァードリームタンクマッチ)", ປະກາດເຮັດໂດຍບັນໄດນຳໂຄເອັນເຕີເທນເມັນໃນເດືອນກໍລະກົດປີ2017. ພັດທະນາໂດຍນັດສຶເມະ ອາຕາຣິ, ຕົວເກມເຜີຍແຜ່ໂດຍບັນໄດນຳໂຄເອັນເຕີເທນເມັນໃນຍີ່ປຸ່ນເມື່ອວັນທີ22, ກຸມພາປີ2018, ແລະ ໃນບັນດາປະເທດອາຊີອາຄະເນເມື່ອວັນທີ27, ກຸມພາຂອງປີດຽວກັນ. ຕໍ່ມາ, ຕົວເກມໄດ້ປ່ອຍລົງເຄື່ອງເກມນິນເທັນໂດ ສະຫວິດສພາຍໃຕ້ຊື່ "ເກີຣລ໌ສ ອຸນ ພັນເຊີ: ການແຂ່ງຂັນລົດຖັງໃນຝັນ DX (Girls und Panzer: Dream Tank Match DX, ガールズ＆パンツァードリームタンクマッチ DX)"ທັງໃນຍີ່ປຸ່ນ ແລະ ອາຊີອາຄະເນເມື່ອວັນທີ21, ກຸມພາປີ2019.

ເກມຈຳລອງຊີວິດທີ່ເກີດຈາກການລວມມືກັນຂອງແຄລບເກມສ ກັບ ບັນໄດນຳໂຄ ເອັນເຕີເທນເມັນສຳລັບແອນດຣອຍດ໌ ແລະ ໄອໂອເອັສ, ຊື່ວ່າ "ເກີຣລ໌ສ ອຸນ ພັນເຊີ: ລວມຕົວ! ເຊັນຊະໂດ່ທຸກຄົນ!! (Girls und Panzer: Gather! Everyone's Tankery!!, ガールズ＆パンツァー あつまれ！みんなの戦車道!!)", ເຜີຍແຜ່ໂດຍບັນໄດນຳໂຄ ເອັນເຕີເທນເມັນເມື່ອວັນທີ27, ພະຈິກປີ2018. ຕົວເກມປິດໃຫ້ບໍລິການເມື່ອວັນທີ27, ພະຈິກປີ2019.

ສື່ອື່ນໆ

ໃນປີ2013, ໄດ້ມີໂຄງການລວມມືລະຫວ່າງທີມແອນິເມຊັນຂອງເກີຣລ໌ສ ອຸນ ພັນເຊີກັບທີມພັດທະນາເກມຄອມພິວເຕີສັນຊາດເບລາຣຸດຊີ ວໍ່ເກມມິງ, ໂດຍເນັ້ນໃສ່ການໂປຣໂມດເກມເວີດ໌ ອອບ ແທັງສ (World of Tanks)ໃນຍີ່ປຸ່ນ. ເນື້ອໃນຂອງໂຄງການແມ່ນການໂປຣໂມດເກມໃນຮູບແບບໂຄສະນາ ແລະ ກິດຈະກຳສະເພາະເຂດ, ໂດຍວໍ່ເກມມິງມີຄວາມຕ້ອງການໃນການເຈາະຕະຫຼາດເກມຍີ່ປຸ່ນ.

ໃນເຊີບເວີອາຊີອາຄະເນຂອງເວີດ໌ ອອບ ແທັງສ ຍັງມີເອກະສານການສອນໃນຮູບແບບໜັງສືກາຕູນມັງງະ, ຊື່ວ່າ "ເຊັນຊະໂດ່ຄັ້ງແຮກຂອງຂ້ອຍ - WoT ສຳລັບຜູ້ມືໃໝ່ (Hajimete no Senshado - WoT for Beginners, はじめての戦車道～ WoT for Beginners)". ແຕ້ມໂດຍຮາງິ ມິໂດຣິ, ໂດຍກ່ຽວກັບ ຕົວລະຄອນຂອງເກີຣລ໌ສ ອຸນ ພັນເຊີສອນວິທີການຫຼິ້ນຂອງເກມ. ຕົວມັງງະມີພາສາອັງກິດ, ໄທ, ຈີນດັ້ງເດີມ (ໄຕ້ຫວັນ), ແລະ ຍີ່ປຸ່ນ; ເລົ່າເຖິງສະມາຊິກທັງຫ້າຂອງທີມອັງໂກະ(ອັງເກີຟິດຊ)ຂອງທີມເຊັນຊະໂດ່ຂອງໂຮງຮຽນສະຕີໂອ່ອາໄຣ ໃນຂະນະທີ່ພວກເຂົາກຳລັງຮຽນຮູ້ວິທີຫຼິ້ນເວີດ໌ ອອບ ແທັງສ, ພະຍາຍາມອະທິບາຍວິທີຫຼິ້ນພື້ນຖານຂອງເກມໃຫ້ກັບຜູ້ຫຼິ້ນໃໝ່ດ້ວຍຄວາມສະໜຸກສະໜານ ແລະ ໜ້າສົນໃຈ. ຕົວມັງງະນີ້ຍັງມີຜົນຂ້າງຄ່ຽງໃນການນຳສະເໜີເກີຣລ໌ສ ອຸນ ພັນເຊີໃຫ້ເຫຼົ່າຜູ້ຫຼິ້ນຂອງເວີດ໌ ອອບ ແທັງສເປັນຈຳນວນຫຼາຍ, ເພີ່ມຄວາມນິຍົມຂອງເລື່ອງຢ່າງຫຼາຍ ໂດຍສະເພາະເຂດອາຊີ.

ມອດຕີມເກີຣລ໌ສ ອຸນ ພັນເຊີສຳລັບຕົວເກມເວີດ໌ ອອບ ແທັງສໄດ້ປະກາດໃນງານໂຕກຽວເກມໂຊວ໌; ມອດເກມນີ້ໄດ້ແຈກໃຫ້ດາວໂຫຼດຟຣີສຳລັບຜູ້ຫຼິ້ນໃນເຊີບເວີພາກອາຊີອາຄະເນ, ໂດຍມີກຸ່ມເປົ້າໝາຍຫຼັກແມ່ນຊຸມຊົນທີ່ໃຊ້ພາສາຍີ່ປຸ່ນ. ໃນເບື້ອງຕົ້ນ, ມີການເປີດຕົວຊຸດສຽງ6ຊຸດ, ເຊິ່ງມີສຽງພາກຂອງສະມາຊິກທັງຫ້າຂອງທີມອັງໂກະ, ແລະ ຍັງມີຊຸດສຽງຂອງນອນນາ, ຮອງຜູ້ບັນຊາການຂອງທີມເຊັນຊະໂດ່ປຣາບຟດ້າ; ໂດຍພົນລົດຖັງທັງຫ້າຂອງທີມອັງໂກະຈະມີສຽງພາກທີ່ແຕກກັນໄປຕາມຕຳແໜ່ງນັ້ັນໆຂອງພວກເຂົາ ເຊິ່ງມີ: ຜູ້ບັນຊາການ, ພົນປືນ, ພົນໃສ່/ໂຣດກະສຸນ, ພົນສື່ສານ ແລະ ພົນຂັບ. ຊຸດສຽງພາກຈະແທນທີ່ສຽງພາກເດີມຂອງເກມເປັນສຽງພາກຂອງຕົວລະຄອນເກີຣລ໌ສ ອຸນ ພັນເຊີ, ເມື່ອອອກຄຳສັ່ງລົດຖັງ ເຊັ່ນ: "ພົບເປົ້າໝາຍ!" ຫຼື "ຖືກເປົ້າໝາຍ!" ຫຼື "ກຳລັງໃສ່ກະສຸນ!" ເປັນຕົ້ນ. ຈັ່ງໃດກໍຕາມ, ຊຸດສຽງເຫຼົ່ານີ້ມີສະເພາະພາສາຍີ່ປຸ່ນ. ຫຼັງຈາກນັ້ນ, ມອດໂຮງເກັບລົດຖັງກໍເປີດຕົວ, ເຊິ່ງຜູ້ຫຼິ້ນສາມາດປ່ຽນໂຮງລົດຖັງຈາກດັ້ງເດີມໄປເປັນໂຮງລົດຖັງຂອງທີມເຊັນຊະໂດ່ຂອງໂຮງຮຽນສະຕີໂອ່ອາໄຣ. ມອດອີກອັນໄດ້ເປີດຕົວຕໍ່ມາ ໂດຍອະນຸຍາດໃຫ້ຜູ້ຫຼິ້ນສາມາດປ່ຽນລາຍລົດຖັງເປັນລາຍລົດຖັງຈາກເລື່ອງເກີຣລ໌ສ ອຸນ ພັນເຊີໄດ້. ລວມມີລົດຖັງ: ພັນເຊີ IV H (Panzer IV H)ຂອງໂຮງຮຽນສະຕີໂອ່ອາໄຣ, ເຊີຊິ້ວ VII (Churchill VII)ຂອງໂຮງຮຽນສະຕີເຊັ້ນ. ໂກລເຣຍນ້າ ແລະ ຢາກດ໌ທີເກີ (Jagdtiger)ຂອງໂຮງຮຽນສະຕີຄຸໂຣໂມຣິມິເນະ. ມອດສຸດທ້າຍແມ່ນໃຫ້ອະນຸຍາດຜູ້ຫຼິ້ນສາມາດປ່ຽນຮູບແບບການຖືກທຳລາຍຂອງລົດຖັງ; ຈາກປົກກະຕິ ເມື່ອລົດຖັງຖືກທຳລາຍຈະລະເບີດກາຍເປັນຊາກເຫຼັກ, ປ່ຽນເປັນ: ສະແດງໃຫ້ເຫັນລົດຖັງໃນສະພາບເສຍຫາຍປານກາງ, ໂດຍມີທຸງຂາວປາກົດຢຸຸ່ເທິງລົດຖັງ, ຄ້າຍຄືກັບການທີ່ລົດຖັງຖືກຄັດອອກໃນເກີຣລ໌ສ ອຸນ ພັນເຊີ, ເພື່ອສະແດງໃຫ້ຮູ້ວ່າລົດຖັັງຖືກທຳລາຍແລ້ວ.

ມອດເຫຼົ່ານີ້ຕໍ່ມາໄດ້ລວມເຂົ້າກັບຊຸດມອດທີ່ໃຫ້ດາວໂຫຼດຟຣີໃນເຊັບເວີພາກອາຊີອາຄະເນຂອງເກມWoT. ໃນວັນທີ31, ມັງກອນປີ2016, ເວີດ໌ ອອບ ແທັງສພູມມິພາກອາຊີອາຄະເນໄດ້ປ່ອຍອັບເດດຊຸດມອດເກີຣລ໌ສ ອຸນ ພັນເຊີ, ສຳລັບການສະເຫຼີມສະຫຼອງການເປີດຕົວຂອງເກີຣລ໌ສ ອຸນ ພັນເຊີ ເດິ ຟຣິມ. ໂດຍມີການເພີ່ມສຽງຂອງພົນລົດຖັງທີມອັງໂກະຂອງທີມເຊັນຊະໂດ່ໂຮງຮຽນສະຕີໂອ່ອາໄຣ ແລະ ປ່ຽນໂຮງລົດຖັງທຳມະດາເປັນໂຮງລົດຖັງຂອງທີມເຊັນຊະໂດ່ໂຮງຮຽນສະຕີໂອ່ອາໄຣ. ຍັງມີການເພີ່ມລາຍລົດຖັງໃໝ່ເຊັ່ນ: ພັນເຊີ IV D (Panzer IV D), ກ່ອນຈະປ່ຽນເປັນໂມເດັມ/ຮຸ່ນອາບຟິວອ໌ຮົງຄ໌ H (Ausführung H, ແປວ່າ ເວີຊັນ H), ແລະ ຍັງມີທີ95 (T95), ເອັມ24 ຄັບຟີ (M24 Chaffee), ເອັມ26 ເປີຊິ້ງ (M26 Pershing)ຂອງທີມເຊັນຊະໂດ່ມະຫາວິທະຍາໄລ, ສ່ວນມອດທີ່ຜ່ານໆມາກໍລວມໃນອັບເດດນີ້ນຳ.

ຜົນຕອບຮັບ

ໃນການອອກອາກາດທາງໂທລະທັດສິບຕອນແຮກໃນປີ2012 ໄດ້ຮັບເຣດຕິ່ງທີ່ໜ້າເພິ່ງພໍໃຈ ແລະ ຈຳນວນຜູ້ເບິ່ງສູງ. ຊ່ວງເວລາອອກອາກາດທີ່ຄ່ອນຂ້າງໄວຂອງຕົວແອນິເມຊັ້ນເຮັດໃຫ້ໄດ້ຮັບຄວາມສົນໃຈຈາກຜູ້ເບິ່ງຫຼາຍຂຶ້ນ. ຍອດຂາຍຂອງແອນິເມະສະບັບແຜ່ນບລູ-ເຣແຜ່ນແຮກໃນຍີ່ປຸ່ນໄດ້ທະຍັນສູ່ອັນດັບທີສາມເທິງຊັ້ນຂາຍຂອງໂອຣິຄອນໃນກາງເດືອນກຸມພາປີ2013, ຕໍ່ມາຍອດຂາຍຂອງແຜ່ນທີສອງກໍຂຶ້ນອັນດັບທີສອງໃນຊ່ວງປາຍເດືອນກຸມພາດ້ວຍຍອດຂາຍ24,733ຊຸດພາຍໃນອາທິດແຮກຂອງການວາງຂາຍ. ແຜ່ນບລູ-ເຣທີສາມກໍໄດ້ຮັບຄວາມປະສົບຜົນສຳເລັດເຊັ່ນກັນໃນເດືອນມີນາ, ດ້ວຍຍອດຂາຍ23,528ຊຸດພາຍໃນອາທິດແຮກ, ຂຶ້ນເປັນອັນດັບທີສາມຕາມຫຼັງໂມບິວສູດ ກັນດໍ້າ ຍູນິຄອນ ແລະ ສາວນ້ອຍຈອມເວດ ນາໂນຮະ ພາກສອງ A's. ໃນອາທິດແຮກຂອງການຂາຍບລູ-ເຣແຜ່ນທີສີ່ໄດ້ຂຶ້ນອັນດັບທີສອງດ້ວຍຍອດຂາຍ28,410ຊຸດ, ຕາມຫຼັງເອວານເກລຽນ: 3.33 You Can (Not) Redo, ເຊິ່ງວາງຂາຍໃນອາທິດດຽວກັນ. ອາທິດແຮກຂອງການວາງຂາຍບລູ-ເຣແຜ່ນທີຫ້າ ແລະ ຫົກໄດ້ຂຶ້ນອັນດັບທີໜຶ່ງໃນຊັ້ນຂາຍຂອງໂອຣິຄອນລາຍເດືອນ, ດ້ວຍຍອດຂາຍ33,450ຊຸດ ແລະ 32,385ຊຸດ ຕາມລຳດັບ. ໃນອາທິດແຮກຂອງການວາງຂາຍບລູ-ເຣໂອວີເອ ເກີຣລ໌ສ ອຸນ ພັນເຊີ: ນີ້ແຫຼະຄືເສິກແອນສີໂອທີ່ແທ້ຈິງ! ໄດ້ຂຶ້ນອັນດັບທີສາມເທິງຊັ້ນຂາຍຂອງໂອຣິຄອນ, ດ້ວຍຍອດຂາຍ35,909ຊຸດ.

ໂມເດັມຟິກເກີຂອງຕົວເລື່ອງເຄີຍມີຍອດຂາຍສູງສຸດໃນຍີ່ປຸ່ນ, ປັດຈຸບັນກໍຍັງຂາຍດີຢູ່.

ບົດຄວາມສະແດງຄວາມຄິດເຫັນທີ່ຕີພິມເມື່ອວັນທີ22, ມັງກອນປີ2013ໃນໜັງສືພິມກະລາໂຫມແຫ່ງຊາດຈີນ, ເຊິ່ງແມ່ນບໍລິສັດໃນເຄືອສືຂອງກອງທັບປົດປ່ອຍປະຊາຊົນ ທີ່ເປັນຂອງລັດ, ໄດ້ວິພາກວິຈານຕົວແອນິເມະໃນທາງທີ່"ບໍ່ດີປານໃດ"ສຳລັບການສົ່ງເສີມ"ແນວຄິດທາງທະຫານພາຍໃຕ້ຕົວລະຄອນທີ່ໜ້າຮັກ".

ຟາມິຊື່ ໄດ້ເປັນຜູ້ຈັດເຮັດເກມ ເກີຣລ໌ສ ອຸນ ພັນເຊີ: ມາສເຕີເຊັນຊະໂດ່! ຄະແນນຣີວິວ 23/40. ເພລສະເຕຊັນ ໄລຟ໌ສະຕາຍໃຫ້ຄະແນນ 8/10, ໂດຍຊົມເຊີຍລະບົບການຕໍ່ສູ້ຂອງລົດຖັງທີ່ຮຽບງ່າຍ ແລະ ເນື້ອເລື່ອງທີ່ມີສະເນ. ຕົວເກມຂາຍໄດ້31,526ຊຸດໃນຮ້ານຂາຍປີກພາຍໃນອາທິດແຮກຂອງການຂາຍໃນຍີ່ປຸ່ນ.

ໃນປີ2017, ນັກວິຊາການ ຍາມາມູຣະ ທາກາໂຢຊິ ໄດ້ອະທິບາຍວ່າເກີຣລ໌ສ ອຸນ ພັນເຊີເປັນຕົວຢ່າງສຳຄັນຂອງການຮ່ວມມືລະຫວ່າງກອງກຳລັງປ້ອງກັນຕົນເອງຍີ່ປຸ່ນກັບການຜະລິດແອນິເມະ, ໂດຍສັງເກດວ່າເຈົ້າໜ້າທີ່ຝ່າຍຜະລິດໄດ້ຮວບຮວມຂໍ້ມູນທີ່ສຳຄັນໂດຍມີຄວາມຊ່ວຍເຫຼືອຂອງກອງກຳລັງປ້ອງກັນຕົນເອງພາກພື້ນດິນຍີ່ປຸ່ນ, ເຖິງຂະໜາດໃຫ້ອະນຸຍາດໃຫ້ຂີ່ລົດຖັງຢູ່ໂຮງຮຽນສຳພະວຸດຂອງຕົວກອງກຳລັງ. ຕົວເລື່ອງຍັງໄດ້ຮັບຄວາມຊ່ວຍເຫຼືອຈາກສຳນັກງານຄວາມຮ່ວມມືຈັງຫວັດອິບາຣາກິຂອງກອງກຳລັງປ້ອງກັນຕົນເອງຍີ່ປຸ່ນນຳອີກ. ຈັ່ງໃດກໍຕາມ, ການທີ່ຕົວກອງກຳລັງໄດ້ໃຫ້ອະນຸຍາດການເຂົ້າເຖິງລົດຖັງໄດ້ຖືກວິພາກວິຈານຢ່າງໜັກຈາກພັກກອມມູນິດຍີ່ປຸ່ນ. ນອກຈາກນີ້, ຍາມາມູຣະ ຍັງຕັ້ງຂໍ້ສັງເກດອີກວ່າສຳນັກງານເຈົ້າໜ້າທີ່ພາກພື້ນດິນຂອງພະແນກປະຊາສຳພັນກອງກຳລັງປ້ອງກັນຕົນເອງພາກພື້ນດິນຍ້ອງຍໍການຮ່ວມມືນີ້ວ່າເປັນການສະແດງໃຫ້ເຫັນເຖິງ "ຜົນກະທົບຂອງຄວາມນິຍົມຂອງລົດຖັງຕໍ່ສູ້".

ໂອ່ອາໄຣ

ລົດໄຟຕຣິມ ເກີຣລ໌ສ ອຸນ ພັນເຊີຢູ່ໂອ່ອາໄຣ, ປີ2016.

ດ້ວຍຄວາມນິຍົມຂອງເກີຣລ໌ສ ອຸນ ພັນເຊີໄດ້ປ່ຽນເມືອງໂອ່ຣາໄຣ, ອິບາຣາກິໃນໂລກຄວາມເປັນຈິງ, ໃຫ້ກາຍເປັນທີ່ດຶງດູດຂອງເຫຼົ່າແຟນໆ; ເຫຼົ່າແຟນເມະ(ແອນິເມະ) ໄດ້ໄປຢ້ຽມຢາມສະຖານທີ່ທີ່ຖືກກ່າວເຖິງໃນແອນິເມະເຊັ່ນ: ໂຮງແຮມທີ່ຖືກທຳລາຍຕາມໃນເລື່ອງ. ເພື່ອສະເຫຼີມສະຫຼອງຄວາມນິຍົມຂອງຕົວແອນິເມະ, ລັດຖະບານທ້ອງຖິ່ນ ແລະ ກິດຈະກຳເທດສະການຕ່າງໆໄດ້ຮ່ວມມືກັບຕົວເລື່ອງ ແລະ ລວມໄວ້ໃນຕີມຂອງເກີຣລ໌ສ ອຸນ ພັນເຊີ . ຕົວຢ່າງເຊັ່ນ: ບໍລິສັດຈັດການການສ້າງສັນໂອ່ອາໄຣໄດ້ຮັບລາງວັນຊົມເຊີຍຈາກໜ່ວຍງານການທ່ອງທ່ຽວຍີ່ປຸ່ນສຳລັບການມີສ່ວນຮ່ວມໃນການສົ່ງເສີມການທ່ອງທ່ຽວໃນທ້ອງຖິ່ນ. ໃນທຳນອງດຽວກັນ, ລາງວັນໃຫຍ່ສຳລັບການປັບປຸງພາບລັກຂອງແຂວງອິບາຣາກິ ໃຫ້ກັບການຮ່ວມມືຂອງໂອ່ອາໄຣກັບເກີຣລ໌ສ ອຸນ ພັນເຊີ ດ້ວຍເຫດນີ້, ເມືອງໂອ່ອາໄຣຈຶ່ງປະສົບກັບພາວະເສດຖະກິດທີ່ດີຂຶ້ນຈາກການຂາຍສິນຄ້າພາຍໃຕ້ຕີມຂອງຕົວເລື່ອງ; ຕົວຢ່າງເຊັ່ນ: ລະຫວ່າງປີ2015 ແລະ 2016, ລາຍໄດ້ຂອງເມືອງເພີ່ມຂຶ້ນ21ເທົ່າ. ສະນັ້ນ, ຫຼັງເຫດແຜ່ນດິນໄຫວ ແລະ ສືນາມິເມື່ອປີ2011, ການທ່ອງທ່ຽວຈຶ່ງຊ່ວຍໃຫ້ຕົວເມືອງມີຊີວິດຊີວາຂຶ້ນ.

ສະຖານີໂອ່ອາໄຣ ກ່ອນການປັບປຸງໃໝ່ (2016)

ເທດສະການ ແລະ ກິດຈະກຳຕ່າງໆໃນເມືອງໄດ້ລວມເອົາອົງປະກອບຕາມຕີມເລື່ອງ ແລະ ຄົງໄວ້ຢ່າງຖາວອນນັບຕັ້ງແຕ່ການສາຍຂອງແອນິເມະມາ. ນີ້ລວມເຖິງເທດສະການລະດູໃບໄມ້ບານໃໝ່ປະຈຳປີ ແລະ ເທດສະການປາອັງໂກະໃນທ້ອງຖິ່ນທີ່ຈັດຂຶ້ນທຸກປີ. ໃນເທດສະການລະດູໃບໄມ້ບານໃໝ່ປີ2013ໄດ້ມີການສາທິດລົດຖັງ ແລະ ການຂາຍສິນຄ້າກ່ຽວກັບຕົວແອນິເມະ. ເທດສະການປາອັງໂກະ ນອກເໜືອຈາກການຕຶກປາແບບດັ້ງເດີມແລ້ວ, ຍັງມີການຈັດສະແດງຕູ້ປາ ແລະ ອິຕະຊະ(ພາບຈຳລອງ)ເທິງໜ້າຈໍຂະໜາດໃຫຍ່, ແລະ ເປັນເຈົ້າພາບຈັດລາຍການທອດຄ໌ໂຊວ໌ໃນປີ2013. ມີສື່ທາງການ, ເຊັ່ນໜັງຕອນປີ2015, ກໍຖືກປະກາດໃນຊ່ວງເທດສະການ. ເດີມທີມີຜູ້ເຂົ້າຮ່ວມປະມານ25,000ຫາ30,000ຄົນ, ແຕ່ການມາຂອງເຫຼົ່າແຟນເມະທັງຫຼາຍເຮັດໃຫ້ເພີ່ມຂຶ້ນເປັນ140,000ຄົນໃນປີ2019 ກ່ອນຊ່ວງການເວັ້ນ. ເນື່ອງຈາກການແຜ່ລະບາດຂອງໂຄວິດ-19, ກິດຈະກຳຕ່າງໆຈຶ່ງຢຸດລົງ ແລະ ຍ້າຍໄປຈັດໃນໂລກສະເໝືອນ. ດັງນັ້ນ, ຈຶ່ງມີການຈັດເທດສະການຄົບຮອບ10ປີຂອງແອນິເມະແບບໄລຟ໌ສົດຜ່ານສື່ອອນລາຍ. ເທດສະການອັງໂກະໄດ້ກັບມາອີກຄັ້ງໃນປີ2023ໂດຍມີນັກພາກສຽງຮ່ວມງານນຳ.