ທ່າພະຈັນ

ຈາກ ວິກິພີເດຍ
Jump to navigation Jump to search
ທ່າພະຈັນໃນຍຸກປັດຈຸບັນ

ທ່າພະຈັນ (ໄທ: ท่าพระจันทร์) ເປັນທ່າເຮືອຮິມຝັ່ງແມ່ນ້ຳເຈົ້າພະຍາ ຕັັ້ັ້ັ້ັ້ັ້ງຢູູ່ບໍລິເວນສຸດ ຖະໜົນພະຈັນ ຂ້າງມະຫາວິທະຍາໄລທຳມະສາດ ແຂວງພະບໍລົມມະຫາລາດຊະວັງ ເຂດພະນະຄອນ ບາງກອກ ໃຫ້ບໍລິການສະເພາະເຮືອຂ້າມຟາກໃນເສັ້ນທາງທ່າພະຈັນ-ວັງຫລັງ ແລະທ່າພະຈັນ-ພະປິ່ນເກົ້າ

ບໍລິເວນທ່າເຮືອແຫ່ງນີ້ເຄີຍເປັນທີ່ຕັ້ງຂອງປ້ອມພະຈັນ ເຊິ່ງເປັນປ້ອມແຫ່ງໜຶ່ງທີ່ພະບາດສົມເດັດພະພຸດທະຍອດຟ້າຈຸລາໂລກ ໂປດເກົ້າຯ ໃຫ້ສ້າງຂຶ້ນຕາມແນວກຳແພງພະນະຄອນ ດ້ານຕາເວັນຕົກ ຕໍ່ມາໃນລັດຊະສະໄໝພະບາດສົມເດັດພະຈຸລະຈອມເກົ້າເຈົ້າຢູ່ຫົວໂປດເກົ້າຯ ໃຫ້ໃຊ້ບໍລິເວນພະລາຊະວັງບໍວອນສະຖານມົງຄົນເປັນທ້ອງສະໜາມຫລວງ ຖະໜົນໜ້າພະທາດ ປ້ອມຕ່າງ ໆ ຮອບກຳແພງພະລາຊະວັງບໍວອນສະຖານມົງຄົນຖືກລື້ລົງໝົດຮວມເຖິງປ້ອມພະຈັນນຳ ຖະໜົນທີ່ຕັດກົງສູ່ບໍລິເວນທີ່ເຄີຍເປັນທີ່ຕັ້ງຂອງປ້ອມພະຈັນຈຶ່ງມີຊື່ວ່າ "ຖະໜົນພະຈັນ" ແລະທ່ານ້ຳໃນບໍລິເວນທີ່ເຄີຍເປັນທີ່ຕັ້ງຂອງປ້ອມພະຈັນຈຶ່ງຮຽກວ່າ "ທ່າພະຈັນ" ມາຈົນເຖິງປັດຈຸບັນ ໃຊ້ເປັນທ່າເຮືອໂດຍສານເຊິ່ງມີບໍລິສັດເອກກະຊົນເປັນຜູ້ດຳເນິນກິດຈະການເດີນເຮືອຂ້າມຟາກທີ່ປະມູນມາຈາກບາງກອກ

ປັດຈຸບັນ ບໍລິເວນທ່າພະຈັນເປັນແຫຼ່ງການຄ້າທີ່ຄຶກຄັກຫຼາຍ ໂດຍສະເພາະໃນຊ່ວງຕອນແລງ ໂດຍເປັນທີ່ຮູ້ຈັກກັນດີຂອງການເປັນຕະຫຼາດພະເຄື່ອງແລະວັດຖຸມົງຄົນຕ່າງ ໆ ຮວມເຖິງຮ້ານຄ້າ, ຮ້ານອາຫານ, ຮ້ານໜັງສືຕ່າງ ໆ ອີກດ້ວຍ

ອ້າງອິງ[ແກ້ໄຂ]

ແຫຼ່ງຂໍ້ມູນອື່ນ[ແກ້ໄຂ]

ພິກັດພູມສາດ: 13°45′23″N 100°29′19″E / 13.756518°N 100.488635°E / 13.756518; 100.488635

Commons:Category
Commons ມີພາບກ່ຽວກັບ:
ທ່າພະຈັນ