ວາລາດິເມຍ ເລນິນ

ເກີດ: 22 ເມສາ 1870; Ulyanovsk
ເຖິງແກ່ກຳ: 21 ມັງກອນ 1924; Bolshiye Gorki
ປະເທດ: ສະຫະພາບໂຊວຽດ
ຊື່ເກິດ: Владимир Ильич Ульянов

ຂໍ້ມູນຢ່າງເປັນທາງການ

ຕຳແໜ່ງ: Chairman of the Council of People's Commissars of the Russian SFSR, Chairman of the Council of People's Commissars, president of the Council of Labour and Defence of the USSR, Member of the Politburo of the CPSU Central Committee, Member of the Politburo of the CPSU Central Committee, Member of the Politburo of the CPSU Central Committee, legal document assistant
ອາຊີບ: ນັກການເມືອງ, revolutionary
ນາຍຈ້າງ: Saint Petersburg State University

ສະມາຄົມ

ຝ່າຍ: Russian Social Democratic Labour Party, Russian Social Democratic Labour Party (bolshevik), Communist Party of the Soviet Union
ສາສະຫນາ: ອະເທວະນິຍົມ, ອອກໂຕດົກ

ຄອບຄົວ

ພໍ່ແມ່: Ilya Ulyanov; Maria Ulyanova
ຄູ່ສົມລົດ: Nadezhda Krupskaya
ນາມສະກຸນ: Blank family

ຄວາມຊງຈຳ

ລາງວັນ: Work order of Corasmia, honorary citizen of Kazan
ຝັງ: Lenin's Mausoleum

ວາລາດິເມຍ ອິລລິດ ອຸລຍານອບ^[1] (22 ເມສາ [ຕາມປະຕິທິນດັ້ງເດີມ 10 ເມສາ] ຄ.ສ. 1870 – 21 ມັງກອນ ຄ.ສ. 1924) ແມ່ນທີ່ຮູ້ຈັກກັນຫຼາຍວ່າ ວາລາດິເມຍ ເລນິນ^[2]^[3] ແມ່ນນັກປະຕິວັດ ນັກການເມືອງ ແລະນັກທິດສະດີການເມືອງຊາວລັດເຊຍ ລາວໄດ້ດຳລົງຕຳແໜ່ງເປັນຫົວໜ້າລັດຖະບານຂອງລັດເຊຍໂຊວຽດ ຕັ້ງແຕ່ປີ 1917 ຫາປີ 1924 ແລະຂອງສະຫະພາບໂຊວຽດຕັ້ງແຕ່ປີ 1922-1924 ພາຍໃຕ້ການບໍລິຫານຂອງລາວ ລັດເຊຍແລະຕໍ່ມາເປັນສະຫະພາບໂຊວຽດໄດ້ກາຍເປັນລັດສັງຄົມນິຍົມພັກດຽວທີ່ປົກຄອງໂດຍພັກຄອມມູນິດໂຊວຽດ ທີ່ມີອຸດົມການແບບມາກຊິສຕ໌ ລາວໄດ້ພັດທະນາແນວຄິດຂອງອຸດົມການຄອມມູນິດນີ້ຈົນກາຍເປັນ "ລັດທິເລນິນ" (Lininism)

ລາວເກີດໃນຄອບຄົວປານກາງທີ່ມີຄວາມຈະເລີນຮຸ່ງເຮືອງປານກາງໃນຊິມບຣິສຄ໌ ເລນິນໄດ້ເຂົ້າຮ່ວມການເມືອງປະຕິວັດສັງຄົມນິຍົມຫຼັງຈາກອ້າຍຂອງລາວຖືກສັງຫານໃນປີ 1887 ລາວຖືກໄລ່ອອກຈາກມະຫາວິທະຍາໄລຄາຊານອິມພີຣຽລ ເພາະເຂົ້າຮ່ວມການປະທ້ວງຕໍ່ຕ້ານລັດຖະບານພະເຈົ້າຊາຣ໌ຂອງຈັກກະວັດລັດເຊຍ ລາວໄດ້ໃຊ້ເວລາຫຼາຍປີໃນການຮຽນກົດໝາຍ ລາວໄດ້ຍ້າຍໄປເຊນຕ໌ປີເຕີສ໌ເບິຣ໌ກໃນປີ 1893 ແລະໄດ້ກາຍເປັນນັກເຄື່ອນໄຫວດ້ານມາກຊິສຕ໌ຊັ້ນສູງ ໃນປີ 1897 ລາວໄດ້ຖືກຈັບກຸມໃນການກໍ່ຄວາມວຸ້ນວາຍແລະຖືກເນລະເທດໄປຊູເຊນສະໂກເຍ (Shushenskoye) ເປັນເວລາສາມປີ ບ່ອນທີ່ລາວແຕ່ງງານກັບນາເດດດາ ຄຸບສະກາຍາ ຫຼັງຈາກທີ່ລາວຖືກເນລະເທດ ລາວໄດ້ຍ້າຍໄປຢູ່ປະເທດເອີຣົບຕາເວັນຕົກ ບ່ອນທີ່ລາວກາຍເປັນນັກທິດສະດີມາກຊິສຕ໌ຂອງພັກແຮງງານປະຊາທິປະໄຕສັງຄົມລັດເຊຍ (RSDLP) ໃນປີ 1903 ລາວໄດ້ມີບົດບາດທີ່ສໍາຄັນໃນການແຍກອຸດົມການຂອງພັກປະຊາທິປະໄຕສັງຄົມ ນໍາພາຝ່າຍໂບເຊວິກຕ້ານກັບເມນເຊວິກຂອງຈູລີອັດ ມາຣ໌ຕັອບ ຫຼັງຈາກການປະຕິວັດຂອງຣັດເຊຍລົ້ມເຫລວໃນປີ 1905 ລາວໄດ້ໂຄສະນາເຄື່ອນໄຫວສຳລັບສົງຄາມໂລກຄັ້ງທີໜຶ່ງ ເພື່ອຫັນເປັນການປະຕິວັດຂອງຊາວກຳມະກອນໃນທົ່ວເອີຣົບ ຊຶ່ງໃນຖານະເປັນນັກມາກຊິສຕ໌ ລາວເຊື່ອວ່າຈະເຮັດໃຫ້ລັດທິທຶນນິຍົມຫລົ້ມສະຫລາຍ ແລະຖືກທົດແທນດ້ວຍລັດທິສັງຄົມນິຍົມ ຫຼັງຈາກການປະຕິວັດເດືອນກຸມພາປີ 1917 ໄດ້ຂັບໄລ່ພະເຈົ້າຊາຣ໌ແລະສ້າງຕັ້ງລັດຖະບານຊົ່ວຄາວ ລາງໄດ້ກັບຄືນມາປະເທດລັດເຊຍເພື່ອມີບົດບາດນຳພາໃນການປະຕິວັດເດືອນຕຸລາ ຊຶ່ງພັກໂບເຊວິກໄດ້ໂຄ່ນລົ້ມລະບອບປົກຄອງໃໝ່ ແລະສ້າງຕັ້ງລັດເຊຍໂຊວຽດໃນປີດຽວກັນ

ຮູບ

ເຮືອນໄວເດັກຂອງເລິນໃນຊິມບຣິສຄ໌
ຮູບພາບຂອງເລນິນ (ເບື້ອງຊ້າຍ) ຕອນອາຍຸສາມປີ
ເລນິນໄດ້ຕົກຢູ່ພາຍໃຕ້ອິດອິດທິພົນຂອງຄາຣ໌ລ ມາກຊ໌
ເລນິນ (ກາງ) ກັບສະມາຊິກອື່ນໆຂອງ League of Struggle for the Emancipation of the Work ໃນປີ 1897
ເລນິນໃນປີ 1916 ໃນຂະນະທີ່ຢູ່ສະວິດເຊີແລນດ໌

ອ້າງອິງ

↑ ລັດເຊຍ: Владимир Ильич Ульянов (ກ່ອນປີ 1918: Владиміръ Ильичъ Ульяновъ), IPA: [vlɐˈdʲimʲɪr ɨˈlʲjitɕ ʊˈlʲjanəf]
↑ ອັງກິດ: /ˈlɛnᵻn/; ລັດເຊຍ: Владимир Ленин (ກ່ອນປີ 1918: Владиміръ Ленинъ), IPA: [ˈlʲenʲɪn]
↑ Random House Webster's Unabridged Dictionary

ບັນນານຸກົມ

Lenin. Random House Webster's Unabridged Dictionary. Archived from the original on 8 March 2016. Retrieved 8 January 2021.

[1] ລັດເຊຍ: Владимир Ильич Ульянов (ກ່ອນປີ 1918: Владиміръ Ильичъ Ульяновъ), IPA: [vlɐˈdʲimʲɪr ɨˈlʲjitɕ ʊˈlʲjanəf]

[2] ອັງກິດ: /ˈlɛnᵻn/; ລັດເຊຍ: Владимир Ленин (ກ່ອນປີ 1918: Владиміръ Ленинъ), IPA: [ˈlʲenʲɪn]

[3] Random House Webster's Unabridged Dictionary

[1]

[2]

[3]