ລາຊະວົງພະຣ່ວງ

ຈາກ ວິກິພີເດຍ
Jump to navigation Jump to search

ລາຊະວົງພະຣ່ວງ (ໄທ: ราชวงศ์พระร่วง ຣາຊວົງພຣະຣ່ວງ) ແມ່ນລາຊະວົງທຳອິດແລະລາຊະວົງດຽວຂອງຊົນຊາດໄທສະຫຍາມທີ່ປົກຄອງອານາຈັກສຸໂຂໄທຫຼັກຖານຈາຣຶກປູ່ສະບົດຫຼານລະຫວ່າງກະສັດສຸໂຂໄທແລະນ່ານ ແລ້ວມີການຮຽງລຳດັບພະນາມກະສັດຂອງລາຊະວົງສຸໂຂໄທຕັ້ງແຕ່ບັນພະບຸລຸດລົງມາ ສ່ວນຫຼັກຖານທາງປະຫວັດສາດມັກພົບວ່າຜູ້ຄົນພາຍໃນເຂດສຸໂຂໄທຫຼືບ້ານເມືອງແຄວ້ນອື່ນ ມັກຮຽກພະມະຫາກະສັດສຸໂຂໄທໃນນາມວ່າ "ພະຣ່ວງ" ເຊິ່ງເປັນນາມທີ່ຮູ້ຈັກກັນໄປຢ່າງກວ້າງຂອງຜູ້ຄົນກຸ່ມໄທສະຫຍາມສະໄໝບູຮານ ເຊື້ອສາຍຂອງລາຊະວົງພະຣ່ວງນີ້ສືບທອດມາຍາວນານໃນການປົກຄອງສະໄໝສຸໂຂໄທ ລາຊະວົງພະຣ່ວງມີການສານສັມພັນກັບລາຊະວົງອູ່ທອງແຫ່ງອານາຈັກລະໂວ້ອະໂຍທາແລະລາຊະວົງສີທຳມາໂສກະລາດແຫ່ງອານາຈັກສີທຳມະລາດມາຮອດສະໄໝອະຍຸທະຍາ ລາຊະວົງສຸພັນນະພູມຮວມເຖິງລາຊະວົງສຸໂຂໄທ ແລ້ວກໍຍັງປາກົດຢູ່ຜ່ານຄວາມສັມພັນທາງເຄືອຍາດລະຫວ່າງອານາຈັກ ສັນຍາລັກຫຼືອະນຸສອນອັນສັກສິດຂອງລາຊະວົງພະຣ່ວງທີ່ສືບທອດມາຮອດປັດຈຸບັນ ຄື ຮູບພະຣ່ວງພະລື ໃນຊຸ້ມພະຣ່ວງພະລືທີ່ວັດພະສີລັດຕະນະມະຫາທາດລາຊະວໍລະມະຫາວິຫານ ອຳເພີສີສັດຊະນາໄລ ຈັງຫວັດສຸໂຂໄທຕາມຄວາມເຊື່ອຂອງຄົ້ນລຸ້ນເກົ່າແກ່ໃນຈັງຫວັດສຸໂຂໄທ ລະບຸວ່າ ບ່ອນນີ້ຄືຖິ່ນຖານເດີມຫຼືຕົ້ນກຳເໜີດຂອງລາຊະວົງພະຣ່ວງ