ປານີ ຍາທໍ່ຕູ້
ປານີ ຢາທໍ່ຕູ້ | |
|---|---|
 ປານີຢາທໍ່ຕູ້ ປີ 2019 | |
| ຮອງປະທານປະເທດ | |
| ດຳລົງຕຳແໜ່ງ 22 ມີນາ 2021 | |
| ປະທານປະເທດ | ທອງລຸນ ສີສຸລິດ |
| ກ່ອນໜ້າ | ພັນຄຳ ວິພາວັນ |
| ປະທານສະພາແຫ່ງຊາດ | |
| ດຳລົງຕຳແໜ່ງ 23 ທັນວາ 2010 – 22 ມີນາ 2021 | |
| ກ່ອນໜ້າ | ທອງສິງ ທຳມະວົງ |
| ຖັດໄປ | ໄຊສົມພອນ ພົມວິຫານ |
| ຂໍ້ມູນສ່ວນບຸກຄົນ | |
| ເກີດ | 18 ກຸມພາ ຄ.ສ. 1951 ແຂວງຊຽງຂວາງ, ປະເທດລາວ, ອິນດູຈີນຝຣັ່ງ |
| ພັກການເມືອງ | ພັກປະຊາຊົນປະຕິວັດລາວ |
ທ່ານນາງ ປານີ ຢາທໍ່ຕູ້ ເກີດວັນທີ 18 ກຸມພາ 1951 ຢູ່ບ້ານສາມແຈ, ເມືອງໜອງແຮດ, ແຂວງຊຽງຂວາງ. ຊົນເຜົ່າມົ້ງ. ປະຈຸບັນ ຢູ່ບ້ານໜອງບົວທອງເໜືອ, ເມືອງສີໂຄດຕະບອງ, ນະຄອນຫລວງວຽງຈັນ. ຊັ້ນຕຳແໜ່ງ ແລະ ໜ້າທີ່ຮັບຜິດຊອບ: ກຳມະການກົມການເມືອງສູນກາງພັກ, ກຳມະການ ຄະນະປະຈຳ, ຜູ້ປະຈຳການຄະນະປະຈຳ ສະພາແຫ່ງຊາດ.
ລະດັບສຶກສາສາມັນ ມ.6 ລະດັບວິຊາສະເພາະຊັ້ນສູງ, ລະດັບທິດສະດີການເມືອງ ຊັ້ນສູງ.
ວັນເດືອນປີເຂົ້າການປະຕິວັດ 19/05/1976.
ວັນເດືອນປີເຂົ້າພັກ 19/10/1979
ການເຄື່ອນໄຫວໂດຍຫຍໍ້ໃນແຕ່ລະໄລຍະ
[ດັດແກ້]1959-1970 ເປັນນັກຮຽນສາມັນສຶກສາ.
1971- 1975 ເປັນນັກສຶກສາທີ່ ສາທາລະນະລັດ ສັງຄົມນີຍົມ ຫວຽດນາມ.
1976-1977 ເປັນຮອງພະແນກງົບປະມານ ຢູ່ທະນາຄານພິເສດນະຄອນຫລວງວຽງຈັນ.
1977-1978 ເປັນພະນັກງານຂົນຂວາຍ ຢູ່ນະຄອນຫລວງວຽງຈັນ ແລະ ເປັນຫົວໜ້າ ສູນຝຶກອົບຮົມວິຊາການ ທະນາຄານ ແຫ່ງລັດ.
1978-1979 ເປັນຮອງກົມເງິນຕາ.
1979-1982 ເປັນຫົວໜ້າເງິນຕາ.
1982-1983 ເປັນຫົວໜ້າກົມເສດຖະກິດ ແລະ ແຜນການ.
1983-1986 ເປັນຫົວໜ້າກົມລົງທຶນ ກໍ່ສ້າງພື້ນຖານ.
1986-1987 ເປັນຮອງຜູ້ວ່າການທະນາຄານ ແຫ່ງ ສປປ ລາວ.
1987-1992 ເປັນກຳມະການສຳຮອງສູນກາງພັກ, ຜູ້ວ່າການທະນາຄານ ແຫ່ງ ສປປ ລາວ.
1996-1997 ເປັນກຳມະການສູນກາງພັກ, ຜູ້ວ່າການທະນາຄານ ແຫ່ງ ສປປ ລາວ.
1997-2001 ເປັນກຳມະການສູນກາງພັກ, ສະມາຊິກສະພາແຫ່ງຊາດຊຸດທີ IV, ກຳມະການຄະນະປະຈຳ,
ຜູ້ປະຈຳການ ຄະນະປະຈຳສະພາແຫ່ງຊາດ ແລະ ທັງເປັນຫົວໜ້າຄະນະກຳມະການບັນດາເຜົ່າ.
2002-2006 ເປັນກຳມະການສູນກາງພັກ, ສະມາຊິກສະພາແຫ່ງຊາດຊຸດທີ V, ຮອງປະທານສະພາແຫ່ງຊາດ,
ກຳມະການຄະນະປະຈຳ, ຜູ້ປະຈຳການຄະນະສະພາແຫ່ງຊາດ.
21/3/2006 ກອງປະຊຸມໃຫຍ່ຄັ້ງທີ VIII ຂອງພັກປະຊາຊົນ ປະຕິວັດລາວ ຖືກເລືອກຕັ້ງ ເປັນກຳມະການກົມ ການເມືອງສູນກາງພັກ.
2006 – 2010 ເປັນກຳມະການກົມການເມືອງສູນກາງພັກ, ຮອງປະທານສະພາແຫ່ງຊາດ, ຄະນະປະຈຳ ສະພາແຫ່ງຊາດ.
ໃນວັນທີ 23 ທັນວາ 2010 ໄດ້ຮັບການເລືອກຕັ້ງເປັນປະທານສະພາແຫ່ງຊາດ ຊຸດທີ VI.
21/3/2011 ກອງປະຊຸມໃຫຍ່ ຄັ້ງທີ IX ຂອງພັກປະຊາຊົນ ປະຕິວັດລາວ ຖືກເລືອກຕັ້ງ ເປັນກຳມະການກົມ ການເມືອງສູນກາງພັກ.
15/6/2011 ໃນກອງປະຊຸມຄັ້ງປະຖົມມະລືກ ຂອງສະພາແຫ່ງຊາດ ຊຸດທີ VII ກໍໄດ້ຮັບການເລືອກຕັ້ງເປັນປະທານສະພາແຫ່ງຊາດ ຊຸດທີ VII.
