ຊື່ໂດເມນ

ຈາກ ວິກິພີເດຍ
Wiki letter w.svg ກະລຸນາຊ່ວຍ ປັບປຸງ ບົດຄວາມ ຫຼື ພາກນີ້ ໂດຍ ການຂະຫຍາຍມັນອອກຕື່ມ.
ການສົນທະນາກັນ ອາດຈະມີ ຢູ່ ໜ້າສົນທະນາ ຫຼື ຢູ່ ຂໍໃຫ້ຂະຫຍາຍ.

ຊື່ໂດເມນ(Domain name) ຫລືຊື່ຂອບເຂດໃນລະບົບເຄືອຂ່າຍເນັຕເວີກ ທີ່ບົ່ງບອກເຖິງຊື່ແລະທີ່ຢູ່ ຂອງເຄື່ອງອຸປະກອນຄອມພິວເຕີຣ໌.

ໃນລະບົບເຄືອຂ່າຍເນັຕເວີກ ເຄື່ອງອຸປະກອນຄອມພິວເຕີຣ໌ ຈະມີຫມາຍເລກໄອພີ ຫມາຍເລກສະເພາະຂອງອຸປະກອນດັ່ງກ່າວ. ແຕ່ເພື່ອງ່າຍໃນການຈື່ແລະເຂົ້າໃຈ ຈະຖືກຂຽນດວ້ຍຊື່ໂດເມນ ທີ່ເປັນໂຕອັກສອນໂຣມັນ.

ຢູອາຣ໌ແອລ[ດັດແກ້]

ຊື່ໂດເມນ ໃນລະບົບເຄືອຂ່າຍອິນເຕີຣ໌ເນັຕ ທີ່ບົ່ງບອກເຖີງຊື່ແລະທີ່ຢູ່ ຂອງເວ໊ບໄຊຕ໌ ເອີ້ນວ່າ ຢູອາຣ໌ແອລ ແລະ ຈະຖືກຂຽນເທິງເວັບເບຣົາວ໌ເຊີຣ໌‍.

ຢູອາຣ໌ແອລ ຈະຖືກປ່ຽນໃຫ້ເປັນຫມາຍເລກໄອພີ ໂດຍຜ່ານລະບົບຊື່ໂດເມນ(DNS) ຫລື ໃນທາງກົງກັນຂ້າມ.

  • ຊື່ໃນຮູບແບບຫມາຍເລກໄອພີ
http://208.77.188.166/
  • ຊື່ໃນຮູບແບບຢູອາຣ໌ແອລ
http://www.example.com/

ຊັ້ນເທິງສຸດຂອງໂດເມນ[ດັດແກ້]

ໃນລະບົບເຄືອຂ່າຍອິນເຕີຣ໌ເນັຕ ຢູອາຣ໌ແອລຂອງເວ໊ບໄຊຕ໌ ແມ່ນລົງທ້າຍດວ້ຍຊັ້ນເທິງສຸດຂອງໂດເມນ.

ເວ໊ບໄຊຕ໌ທີ່ຈົດທະບຽນໃນປະເທດລາວ ຈະລົງທ້າຍດວ້ຍຊັ້ນເທິງສຸດຂອງໂດເມນດັ່ງລ່ມນີ້:

  • .com.la ສໍາຫລັບເວັບໄຊຕ໌ໂດຍທົ່ວໄປ, ເວັບໄຊຕ໌ຂອງບໍລິສັດຕ່າງໆ
  • .net.la ສໍາຫລັບເວັບໄຊຕ໌ໂດຍທົ່ວໄປ, ເວັບໄຊຕ໌ທີ່ກ່ຽວຂ້ອງກັບເນັຕເວີກ
  • .edu.la ສໍາຫລັບເວັບໄຊຕ໌ທີ່ກ່ຽວຂ້ອງກັບການສຶກສາ
  • .org.la ສໍາຫລັບເວັບໄຊຕ໌ຂອງອົງການຕ່າງໆ
  • .gov.la ສໍາຫລັບເວັບໄຊຕ໌ທີ່ກ່ຽວຂ້ອງກັບລັດຖະບານ

ໂຕຢ່າງ:

http://www.buylaos.com.la/
http://www.laonix.net.la/
http://www.simt.edu.la/
http://www.laoepf.org.la/
http://www.maf.gov.la/

LANIC (Lao National Internet Committee) ເປັນຜູ້ໃຫ້ບໍລິການຈົດທະບຽນຊື່ໂດເມນໃນປະເທດລາວ.

ແຕ່ຍ້ອນວ່າ LA ແມ່ນຄ້າຍຄືກັບຊື່ຫຍໍ້ຂອງລັດ Los Angeles ໃນປະເທດອະເມຣິກາ, ສະນັ້ນ .la ຂອງປະເທດລາວ ຈິ່ງຖືກລະເມີດໃຊ້ ໂດຍບໍລິສັດ CentralNic ໃນປະເທດອັງກິດ ແລະ ໃຫ້ບໍລິການຈົດທະບຽນຊື່ໂດເມນລົງທ້າຍດວ້ຍ .la.

ລິ້ງຄ໌ພາຍນອກ[ດັດແກ້]