ປະເທດກຳປູເຈຍ

ຈາກ ວິກິພີເດຍ


ທຸງຊາດ	ເຄື່ອງໝາຍຊາດ

ຄຳຂວັນ:

ຊາດ ສາດສະໜາ ພະມະຫາກະສັດ

ເພງຊາດ: ເພງຊາດກຳປູເຈຍ

ນະຄອນຫລວງ

ພະນົມເປັນ
11°33′ N 104°55′ E

ເມືອງໃຫຍ່ສຸດ ພະນົມເປັນ

ພາສາລັດຖະການ

ພາສາກຳປູເຈຍ

ລັດຖະບານ

ປະຊາທິປະໄຕແບບລັດຖະສະພາ ໂດຍມີພະມະຫາກະສັດເປັນປະມຸກ

- ພະມະຫາກະສັດ ສົມເດັດພະເຈົ້າມະຫາຊີວິດ
ໂນຣະດົດ ສີຫາໂມນີ

- ນາຍົກລັດຖະມົນຕີ ທ່ານ ຮູນເຊັນ

ເອກະລາດ

- ຈາກ ຝຣັ່ງ ວັນທີ 9 ເດືອນພະຈິກ ປີ 1954

ພື້ນທີ່
- ທັ້ງໝົດ

- ພື້ນນ້ຳ(%) 181,035 ກມ.² (ອັນດັບທີ່ 88)
ໄມລ໌²
2.5

ປະຊາກອນ
- ກໍລະກົດ 2008ປະມານ
- 1998
- ປະຊາກອນ 14,241,640 (ອັນດັບທີ່ 63)
11,437,656
78/ກມ.² (ອັນດັບທີ່ 112)
/ໄມລ໌²

GDP (PPP)
-ລວມ
-ຕໍ່ປະຊາກອນ 2006ຄ່າປະມານ
$36.82 ພັນລ້ານໂດລາສະຫະລັດ (ອັນດັບທີ່ 89)
2,600 ໂດລາສະຫະລັດ (ອັນດັບທີ່ 133)

HDI (2007) 0.598 (ອັນດັບທີ່ 131) – ປານກາງ

ສະກຸນເງິນ ຣີເອລ ([[ISO 4217|]])

ເຂດເວລາ (UTC+7)

ລະຫັດອິນເຕີເນັດ

.kh

ລະຫັດໂທລະສັບ +855

ລາຊະອານາຈັກກຳປູເຈຍ (: Preăh Réachéanachâkr Kâmpŭchea) ແມ່ນ ປະເທດໜຶ່ງ ຢູ່ ອາຊີອາຄະເນ ທີ່ມີປະຊາກອນ ຫຼາຍກວ່າ 14 ລ້ານຄົນ.^[໑]. ປະເທດກຳປູເຈຍ ຫລື ກຳປູເຈຍ ແມ່ນ ລັດສືບທອດ ຂອງ ຈັກກະພົບຂະເໝນ ເຊິ່ງ ແມ່ນ ລັດຮິນດູ ແລະ ພຸດ ທີ່ ປົກຄອງ ເກືອບທັງໝົດ ແຫຼມອິນດູຈີນແຕ່ ສັດຕະວັດ ທີ່ 11 ຫາ 14. ແຕ່ປະສົບໄພສົງຄາມ ຕັງແຕ່ ລັດຖະປະຫານ ໂດຍ ນາຍພົນ ລົນນອນ ໃນປີ 1970 ຈົນຮອດ ປີ 1993 ການເລືອກຕັງທີ່ຈັດຂຶນໂດຍ ຫ້ອງການອົງການສະຫະປະຊາດປະຈຳປະເທດກຳປູເຈຍ ນຳໂດຍ ທ່ານ ຢະຊຶຊິ ອະກະຊິ ໃນເວລານັ້ນ. ນອກຈາກ ຄົນຂະແໝນ ທີ່ນັບຖືສາດສະຫນາພຸດເທຣະວະດາ ເປັນສ່ວນຫຼາຍ ຍັງມີ ຄົນຈຳ ທີ່ ນັບຖືສາດສະໜາມຸດສະລິມ, ຄົນເຊື້ອສາຍຫວຽດນາມ, ຄົນເຊື້ອສາຍຈີນ ແລະ ຊາວພູດອຍທີ່ນັບຖື ບັນພະບູລຸດ ອີກ.

ປະເທດກຳປູເຈຍ ມີ ຊາຍແດນຕິດກັບ ປະເທດລາວ ຢູ່ທາງພາກຕາເວັນອອກສຽງເໜືອ, ປະເທດຫວຽດນາມ ຢູ່ທາງພາກຕາເວັນອອກ ແລະ ຕາເວັນອອກສຽງໃຕ້, ອ່າວສະຫຍາມ ຢູ່ທາງພາກໃຕ້, ປະເທດໄທ ຢູ່ທາງພາກຕາເວັນຕົກ ແລະ ຕາເວັນຕົກສຽງເໜືອ. ປະເທດກຳປູເຈຍ ມີ ສອງແມ່ນໍ້າໃຫຍ່ ທີ່ມີຄວາມສຳຄັນ ທັງທາງດ້ານພູມສາດ ແລະ ການດຳລົງຊີວິດ ຄື: ແມ່ນໍ້າຂອງ (ພາສາກຳປູເຈຍ ແມ່ນ ທົງເລທົມ) ແລະ ທະເລສາບ (ພາສາກຳປູເຈຍ ແມ່ນ ທົງເລສາບ).

ອຸດສາຫະກຳຫລັກ ຂອງ ກຳປູເຈຍ ແມ່ນ ອຸດສາຫະກຳຕັດຫຍິບ, ອຸດສາຫະກຳ ແລະ ການກໍ່າສ້າງ. ໃນຫລາຍປີຫລັງ, ມູນຄ່າສົ່ງອອກໂດຍອຸດສາຫະກຳຕັດຫຍິບ ກວມຫລາຍກວ່າ 80 ສ່ວນຮ້ອຍ ຂອງມູນຄ່າສົ່ງອອກທັງຫມົດ.ໃນປີ 2007, ມີນັກທ່ອງທ່ຽວຢ້ຽມຢາມ ອັງກໍວັດ ຫລາຍກວ່າ 4 ລ້ານ ຄົນ. ນອກຈາກນີ ຍັງມີການຄົ້ນພົບ ນໍ້າມັນ ແລະ ອາຍແກັສທຳມະຊາດ ຢູ່ ທະເລໃນອານາເຂດຂອງ ກຳປູເຈຍ ໃນ ປີ 2005 ທີ່ວ່າກັນວ່າ ຈະສາມາດພັດທະນາເພື່ອເລີ່ມສົ່ງອອກ ໃນ ປີ 2011 ແລະ ຄາດວ່າຈະສົ່ງຜົນກະທົບຢ່າງໃຫຍ່ຫລວງ ຕໍ່ການພັດທະນາທາງເສດຖະກິດ ຂອງປະເທດນີ.

[ດັດແກ້] ນະຄອນ ແລະ ແຂວງ

ປະເທດກຳປູເຈຍ ແບ່ງເຂດປົກຄອງອອກເປັນ 20 ແຂວງ (ພາສາອັງກິດ: provinces; ພາສາກຳປະເຈຍ: កណ្ដាល(ເຂດ)) ແລະ 4 ນະຄອນ (ພາສາອັງກິດ: municipalities; ພາສາກຳປູເຈຍ: ក្រុង(ຄຣອງ))

ຊື່	ເມືອງເອກ	ເນື້ອທີ່ (km²)	ປະຊາກອນ (ປີ 1998)
1. ແຂວງບັນເຕຍມຽນເຈີຍ (Banteay Meanchey)	ເມືອງສີສົມພອນ	6,679	577,772
2. ແຂວງບັດຕຳບັງ (Battambang)	ເມືອງບັດຕຳບັງ	11,702	793,129
3. ແຂວງກຳປົງຈຳ (Kampong Cham)	ເມືອງກຳປົງຈຳ	9,799	1,608,914
4. ແຂວງກຳປົງຈະນັງ (Kampong Chhnang)	ເມືອງກຳປົງຈະນັງ	5,421	417,693
5. ແຂວງກຳປົງສະເປີ (Kampong Speu)	ເມືອງກຳປົງສະເປີ	7,017	598,882
6. ແຂວງກຳປົງທົມ (Kampong Thom)	ເມືອງກຳປົງທົມ	13,814	569,060
7. ແຂວງຄຳພົດ (Kampot)	ເມືອງຄຳພົດ	4,873	528,405
8. ແຂວງກັນດານ (Kandal)	ເມືອງທ່າເຂມາ	3,568	1,075,125
9. ແຂວງໂກກົງ (Koh Kong)	ເມືອງໂກກົງ	11,160	132,106
10. ນະຄອນເຄບ (Kep)	-	336	28,660
11. ແຂວງກະເຈ (Kratié)	ເມືອງກະເຈ	11,094	263,175
12. ແຂວງມົງດຸນຄີຣີ (Mondulkiri)	ເມືອງສະແຫນມໂນຣົມ	14,228	32,407
13. ແຂວງໂອດາເມນເຈຍ (Oddar Meancheay)	ເມືອງສຳໂຣງ	6,158	68,279
14. ນະຄອນໄພລິນ (Pailin)	-	803	22,906
15. ນະຄອນພະນົມເປັນ (Phnom Penh)	-	376	2,009,264
16. ນະຄອນສີຫານຸກວິນ (Sihanoukville, Kampong Som)	-	868	235,190
17. ແຂວງເພຣວິຮຽຍ (Preah Vihear)	ເມືອງພະນົມຕະເບັງມຽນເຈີຍ	13,788	119,261
18. ແຂວງໂພທິສັດ (Pursat)	ເມືອງໂພທິສັດ	12,692	360,445
19. ແຂວງເພຣວຽງ (Prey Veng)	ເມືອງເພຣວຽງ	4,883	946,042
20. ແຂວງຣັດຕະນະຄີຣີ (Ratanakiri)	ເມືອງບ້ານລຸງ	10,782	94,243
21. ແຂວງສຽມຣຽບ (Siem Reap)	ເມືອງສຽມຣຽບ	10,299	696,164
22. ແຂວງສະຕຸງເຕຣັງ (Stung Treng)	ເມືອງສະຕຸງເຕຣັງ	11,092	81,074
23. ແຂວງສະວາຍຣຽງ (Svay Rieng)	ເມືອງສະວາຍຣຽງ	2,966	478,252
24. ແຂວງຕາແກ້ວ (Takéo)	ເມືອງຕາແກ້ວ	3,563	790,168