Jump to content

ໂຣບລັອກຊ໌

ຈາກ ວິກິພີເດຍ
ໂຣບລັອກຊ໌
ໂລໂກ້ໂຣບລັອກຊ໌ ຕັ້ງແຕ່ປີ 2022
ຜູ້ພັດທະນາໂຣບລັອກຊ໌ ຄໍປໍເຣຊັນ
ຜູ້ວາງຈຳໜ່າຍໂຣບລັອກຊ໌ ຄໍປໍເຣຊັນ
ຜູ້ກຳກັບເດວິດ ບາສຊຸກີ, ເອຣິກ ແຄສເຊລ[1]
ເຄື່ອງຫຼິ້ນໄມໂຄຣຊອບວິນໂດ, ແມກໂອເອສ, ໄອໂອເອສ, ແອນດຣອຍ, ເອກຊ໌ບອກວັນ
ວັັນວາງຈຳໜ່າຍຄອມພິວເຕີສ່ວນຕົວ
1 ກັນຍາ 2006[2][3]
ໄອໂອເອສ
11 ທັນວາ 2012[4]
ແອນດຣອຍ
16 ກໍລະກົດ 2014[5]
ເອກຊ໌ບອກວັນ
20 ພະຈິກ 2015[6]
ເພລສະເຕຊັນ 4
10 ຕຸລາ 2023[7]
ແນວເກມເອນຈິນ, ເກມອອນລາຍຫຼາຍຜູ້ຫຼິ້ນ
ຮູບແບບຜູ້ຫຼິ້ນດ່ຽວ, ຫຼາຍຜູ້ຫຼິ້ນ
ໂລໂກ້ແອັບເກມໂຣບລັອກຊ໌ ຕັ້ງແຕ່ປີ2022

ໂຣບລັອກຊ໌ (ອັງກິດ: Roblox /ˈroʊblɒks/) ແມ່ນແພລັດຟອມເກມອອນລາຍ ແລະ ໂປຣແກຣມພັດທະນາເກມທີ່ພັດທະນາໂດຍໂຣບລັອກຊ໌ ຄໍປໍເຣຊັນ, ເຊິ່ງໃຫ້ຜູ້ໃຊ້ຕິດຕັ້ງໂປຣແກຣມເກມ ແລະ ຫຼິ້ນເກມທີ່ສ້າງໂດຍຜູ້ໃຊ້ຄົນອື່ນໆ. ສ້າງຂຶ້ນໂດຍເດວິດ ບາສຊຸກິ ແລະ ເອຣິກ ຄັສເສລ ໃນປີ 2004 ແລະ ເປີດຕົວໃນປີ 2006, ຕົວແພລັດຟອມມີເກມຢູ່ຫຼາກຫຼາຍປະເພດທີ່ສ້າງໂດຍຜູ້ໃຊ້ເອງ ແລະ ຖືກຂຽນໂຄດຂຶ້ນດ້ວຍພາສາລວາ (Lua). ຕະຫຼອດປະຫວັດສາດຂອງໂຣບລັອກຊ໌ທີ່ຜ່ານມາ, ສ່ວນຫຼາຍແລ້ວແມ່ນຖືວ່າເປັນແພລັດຟອມທີ່ຄ່ອນຂ້າງນ້ອຍ, ນີ້ກໍລວມເຖິງຕົວບໍລິສັດເອງນຳ. ແຕ່ໂຣບລັອກຊ໌ກໍເລີ່ມເຕີບໂຕຂຶ້ນຢ່າງວ່ອງໄວໃນຊ່ວງເຄິ່ງຫຼັງຂອງຍຸກ2010, ແລະ ເຕີບໂຕຂຶ້ນຢ່າງກ້າວກະໂດດໃນຊ່ວງການແຜ່ລະບາດຂອງໂຄວິດ-19.[8][9]

ໂຣບລັອກຊ໌ແມ່ນເກມຫຼິ້ນຟຣີ, ທີ່ປະກອບໂດຍລະບົບຊື້ເຄື່ອງໃນເກມທີ່ໃຊ້ສະກຸນເງິນສະເໝືອນທີ່ເອີ້ນວ່າ ໂຣບັກຊ໌. ອີງຕາມເດືອນສິງຫາປີ2020, ໂຣບລັອກຊ໌ມີຜູ້ໃຊ້ງານຫຼາຍກວ່າ164ລ້ານຄົນຕໍ່ເດືອນ, ເຊິ່ງລວມເອົາປະຊາກອນເດັກອາເມຣິກາທີ່ມີອາຍຸຕໍ່າກວ່າ16ປີຫຼາຍກວ່າເຄິ່ງ.[10][11] ເຖິງແມ່ນວ່າໂຣບລັອກຊ໌ຈະໄດ້ຮັບຄຳວິຈານທີ່ດີຈາກນັກວິຈານ, ແຕ່ກໍມີຄຳວິຈານແງ່ລົບຈຳນວນໜຶ່ງທີ່ເວົ້າເຖິງການກັ່ນກອງທີ່ບໍ່ມີປະສິດຕິພາບ, ໄມໂຄຣທານເສັກຊັນສ(ຮູບແບບທຸລະກິດຂະໜາດຜ່ານວີດີໂອເກມ)ໃນເກມເດັກນ້ອຍ ແລະ ການສະແຫວງຫາຜົນປະໂຫຍດຂອງຄົນກຸ່ມໜຶ່ງ, ເຊິ່ງອາດສົ່ງຜົນກະທົບຕໍ່ເດັກໄດ້.

ພາບລວມ

[ດັດແກ້]

ໂຣບລັອກຊ໌ ສະຕູດີໂອ

[ດັດແກ້]
Two blue polygons with a gap in between them.
ກາຂອງໂຣບລັອກຊ໌ ສະຕູດີໂອ

ໂຣບລັອກຊ໌ ອະນຸຍາດໃຫ້ຜູ້ຫຼິ້ນສ້າງເກມຂອງຕົນເອງໂດຍໃຊ້ເອນຈິ້ນ(ໂປຣແກຣມພັດທະນາເກມ)ຂອງທາງໂຣບລັອກຊ໌ເອງເອີ້ນວ່າ ໂຣບລັອກຊ໌ ສະຕູດີໂອ, ເຊິ່ງຜູ້ຫຼິ້ນຄົນອື່ນສາມາດເຂົ້າມາຫຼິ້ນໄດ້.[12] ເກມ (ທາງການເອີ້ນວ່າ ເອັກຊ໌ເປີຣຽນສ໌(experience))ແມ່ນສ້າງຂຶ້ນໂດຍພາສາໂປຣແກຣມລວາ.[13][14] ຜູ້ສ້າງສາມາດສ້າງເນື້ອຫາທີ່ສາມາດຊື້ໄດ້ຄັ້ງດຽວທີ່ເອີ້ນວ່າ ເກມພາສ.[15][16] ເກມສ່ວນຫຼາຍຖືກພັດທະນາໂດຍເດັກນ້ອຍ ແລະ ໄວຮຸ່ນ, ແລະ ມີປະມານ20ລ້ານເກມທີ່ຖືກສ້າງຂຶ້ນໃນປີໜຶ່ງໂດຍໃຊ້ໂປຣແກຣມນີ້ .[17][10]

ໄອເທັມ ແລະ ສະກຸນເງິນ

[ດັດແກ້]
ກາສະກຸນເງິນສະເໝືອນ "ໂຣບັກຊ໌"

ໂຣບລັອກຊ໌ ອະນຸຍາດໃຫ້ຜູ້ຫຼິ້ນຊື້, ຂາຍ ແລະ ສ້າງໄອເທັມສະເໝືອນທີ່ສາມາດນຳມາຕົກແຕ່ງຕົວລະຄອນ ຫຼື ອາວະຕາຣຂອງຜູ້ຫຼິ້ນເທິງແພລັດຟອມໄດ້.[10] ແຕ່ກ່ອນ, ມີພຽງແຕ່ຜູ້ດູແລຂອງໂຣບລັອກຊ໌ເທົ່ານັ້ນທີ່ສາມາດຂາຍເຄື່ອງຕົກແຕ່ງເສີມ, ພາກສ່ວນຮ່າງກາຍ ແລະ ອຸປະກອນ ພາຍໃຕ້ບັນຊີທາງການຂອງໂຣບລັອກຊ໌,[18] ໂດຍໝວກ ແລະ ເຄື່ອງຕົກແຕ່ງເສີມຍັງພໍສາມາດຂາຍເອງໄດ້ໂດຍຜູ້ໃຊ້ທີ່ມີປະສົບການເຮັດວຽກນຳບໍລິສັດໂຣບລັອກຊ໌.[19][20] ນະໂຍບາຍນີ້ດຳເນີນໄປຈົນກະທັ່ງມີການເປີດຕົວຄະຕະລັອກຢູຈີຊີ(UGC),[21][22] ເຊິ່ງອະນຸຍາດໃຫ້ບຸກຄົນທີ່ໄດ້ຮັບອະນຸຍາດໃນຊຸມຊົນໂຣບລັອກຊ໌ສາມາດສ້າງ ແລະ ຂາຍເຄື່ອງຕົກແຕ່ງອາວະຕາຣ ຫຼື ເອີ້ນວ່າ ຢູຈີຊີ (UGC, ເນື້ອຫາທີ່ສ້າງໂດຍຜູ້ໃຊ້)ພາຍໃຕ້ໂຄງການຢູຈີຊີ.[23][24][25] ຫຼາຍຄົນໄດ້ເຮັດວຽກອອກແບບໄອເທັມເຫຼົ່ານີ້ເປັນງານຫຼັກຂອງຕົນ, ໂດຍສາມາດສ້າງລາຍໄດ້ໆຫຼາຍກວ່າ100,000ໂດລາສະຫະລັດຕໍ່ປີຈາກການຂາຍໄອເທັມ.[26]

ເຄື່ອງທີ່ເປັນຮຸ່ນຈຳນວນຈຳກັດ ຫຼື ໄອເທັມລີມີເຕັດສາມາດແລກປ່ຽນ ຫຼື ຂາຍໄດ້ໂດຍຜູ້ໃຊ້ທີ່ສະໝັກສະມາຊິກໂຣບລັອກຊ໌ພຣີມຽມເທົ່ານັ້ນ.[27] ໄອເທັມລີມີເຕັດເຫຼົ່ານີ້ມີລາຄາສະເລ່ຍຫຼ້າສຸດ(ຄ່າອາຣເອພີ) ແລະ ມູນຄ່າຂອງໄອເທັມຈະຜັນຜວນໄປຕາມຄວາມຕ້ອງການ ແລະ ຄວາມຫາຍາກຂອງມັນ. ເຖິງເມ່ນວ່າການຂາຍເຄື່ອງເຫຼົ່ານີ້ດ້ວຍສະກຸນເງິນແທ້ຈະຖືເປັນການລະເມີດຂໍ້ກຳນັດໃນການໃຫ້ບໍລິການຂອງໂຣບລັອກຊ໌, ແຕ່ກໍບໍ່ອາດຢຸດກຸ່ມຄົນກຸ່ມໜຶ່ງຈາກການກະທຳນັ້ນໄດ້ ໂດຍຂາຍຜ່ານເວັບໄຊຕະຫຼາດມືດ ແລະ ຊຸມຊົນຂອງຕົນ, ບາງອັນກໍຖືກລັກ, ສ່ວນຫຼາຍແລກປ່ຽນຊື້ຂາຍກັນຜ່ານຄຣິບໂຕເຄີເຣນຊີ ຫຼື ເພພາວລ໌.[28] ແຕ່ກ່ອນ, ມີພຽງແຕ່ທາງໂຣບລັອກຊ໌ເທົ່ານັ້ນທີ່ສາມາດຂາຍເຄື່ອງລີມີເຕັດໄດ້ຈົນກະທັ່ງການເປີດຕົວ"ຢູຈີຊີ ລີມີເຕັດ"ໃນເດືອນເມສາປີ2023,[29] ເຊິ່ງໃຫ້ອະນຸຍາດຄົນທີ່ຢູ່ໂຄງການຢູຈີຊີສາມາດຂາຍໄອເທັມຂອງພວກເຂົາໃນຮູບແບບຈຳນວນຈຳກັດໄດ້.[30][31] ແຕ່ກໍບໍ່ຄືກັບເຄື່ອງລີມີເຕັດຂອງທາງໂຣບລັອກຊ໌, ໄອເທັມຢູຈີຊີບໍ່ສາມາດແລກປ່ຽນໄດ້. ແຕ່ຈັ່ງໃດກໍຕາມ, ພວກເຂົາກໍຍັງສາມາດຂາຍຕໍ່ໄດ້ຫຼັງຈາກ30ມື້ຫຼັງການຊື້.[32]

ຜູ້ຫຼິ້ນສາມາດໃຊ້ໂຣບັກຊ໌ຊື້ເຄື່ອງຕ່າງໆພາຍໃນແພລັດຟອມ, ສາມາດຮັບເອົາໄດ້ຜ່ານການຊື້ດ້ວຍເງິນແທ້, ໄດ້ຈາກຄ່າຕອບແທນປະຈຳເດືອນຂອງການເປັນສະມາຊິກໂຣບລັອກຊ໌ພຣີມຽມ ແລະ ຈາກການສ້າງ ແລະ ຂາຍເນື້ອຫາໃດໜຶ່ງພາຍໃນໂຣບລັອກຊ໌.[33][34] ກ່ອນເຖິງປີ2016, ໂຣບລັອກຊ໌ຍັງເຄີຍມີອື່ນສະກຸນໜຶ່ງຄື ຕິກຊ໌ (ຫຍໍ້ຈາກ ທິກເກັດ), ແຕ່ກໍຖືກຍົກເລີກໄປໃນເດືອນເມສາຂອງປີດຽວກັນນັ້ນ.[35] [ຕ້ອງການແຫຼ່ງອ້າງອີງທີ່ດີກວ່ານີ້] ໂຣບັກຊ໌ທີ່ໄດ້ຮັບຈາກຂາຍເນື້ອຫາທີ່ຜູ້ໃຊ້ສ້າງຂຶ້ນສາມາດແລກປ່ຽນເປັນສະກຸນເງິນແທ້ຜ່ານເວັບໄຊ.[36]

ປະຫວັດສາດຄວາມເປັນມາ ແລະ ການພັດທະນາ

[ດັດແກ້]
ວິວັດທະນາການຂອງກາໂຣບລັອກຊ໌. ນັບຈາກຊ້າຍເທິງຫາຂວາເທິງລົງໄປ: ກາແຮກຂອງ"ໂຣບລັອກຊ໌"ອອກແບບໃນປີ2004, (2004–05), (2005–06), (2006–17), (2017–18), (2018–22).[37][38]

ເວີຊັນເບຕ້າຂອງໂຣບລັອກຊ໌ຖືກສ້າງຂຶ້ນໂດຍຜູ້ສ້າງຕັ້ງລວມເດວິດ ບາສຊຸກິ ແລະ ເອຣິກ ຄັສເສລໃນປີ2004ພາຍໃຕ້ຊື່ໄດນາບລັອຊ໌ກສ.[39] ບາສຊຸກິເລີ່ມທົດສອບຕົວເກມເວີຊັນນີ້ໃນປີດຽວກັນ.[40] ໃນປີ2005, ກໍໄດ້ປ່ຽນຊື່ທັງຊື່ບໍລິສັດ ແລະ ເກມເປັນໂຣບລັອກຊ໌,[40] ແລະ ເປີດຕົວຢ່າງເປັນທາງການເມື່ອວັນທີ1, ກັນຍາປີ2006. ໃນປີ2007, ໂຣບລັອກຊ໌ໄດ້ປະຕິບັດຕາມຂໍ້ກຳນັດຄວາມເປັນສ່ວນຕົວຂອງເດັກຂອງສະຫະລັດດ້ວຍການເພີ່ມຄວາມປອດໄພຂອງການແຊັດ, ປ່ຽນໃຫ້ຜູ້ໃຊ້ທີ່ມີອາຍຸ13ປີຂຶ້ນໄປສາມາດໃຊ້ແຊັດສົນທະນາໄດ້.[41] ໃນເດືອນສິງຫາ, ໂຣບລັອກຊ໌ ໄດ້ປັບປຸງເຊັບເວີຣ໌ ແລະ ເປີດຕົວບໍລິການສະໝັກສະມາຊິກພິເສດ "ບິວລດ໌ເດີຣ໌ສ ຄລັບ".[42] ຕໍ່ມາ, ຖືກປ່ຽນໃໝ່ເປັນລະບົບ ໂຣບລັອກຊ໌ ພຣີມຽມໃນເດືອນກັນຍາປີ2019.[43]

ໃນເດືອນທັນວາປີ2011, ໂຣບລັອກຊ໌ໄດ້ຈັດງານແຮັກວີກຄັ້ງແຮກ, ເຊິ່ງແມ່ນງານປະຈຳປີທີ່ໃຫ້ເຫຼົ່ານັກພັດທະນາມາຊ່ວຍກັນຊອກຫາແນວຄິດນອກຂອບສຳລັບການພັດທະນາໃໝ່ໆ, ເພື່ອນຳມາສະເໜີໃຫ້ແກ່ບໍລິສັດນຳເປັນພັດທະນາ.[44][45] ໃນວັນທີ11, ທັນວາປີ2012, ເວີຊັນໄອໂອເອັສຖືກເຜີຍແຜ່ ແລະ ເວີຊັນແອນດອຍດ໌ເມື່ອວັນທີ1, ຕຸລາປີ2014.[46] ໃນວັນທີ1, ຕຸລາປີ2013, ໂຣບລັອກຊ໌ໄດ້ເປີດຕົວໂຄງການແລກປ່ຽນລາຍໄດ້ນັກພັດທະນາ, ຊ່ວຍໃຫ້ນັກພັດທະນາສາມາດແລກປ່ຽນໂຣບັກຊ໌ທີ່ໄດ້ຈາກເກມຂອງຕົນແປງເປັນສະກຸນເງິນແທ້.[47]

ໃນວັນທີ31, ພຶດສະພາປີ2015, ໄດ້ມີການເພີ່ມລະບົບ"ພູມສັນຖານຮຽບ", ເຊິ່ງເພີ່ມຄວາມສະເໝີພາບຂອງຕົວກຣາຟິກຂອງພື້ນດິນ ແລະ ປ່ຽນກົນໄກເອນຈິ້ນຟີຊິກຈາກຮູບແບບເປັນບລັອກລ່ຽມໆເປັນຮູບແບບມົນໆຮາບພຽງ ແລະ ສົມຈິງຂຶ້ນ.[48] ໃນວັນທີ20, ພະຈິກ, ໂຣບລັອກຊ໌ໄດ້ເປີດຕົວເຖິງເຄື່ອງເກມເອັກຊບັອກຊ໌ ວັນ, ໂດຍມີເກມໃຫ້ຫຼິ້ນ15ເກມໃນເບື້ອງຕົ້ນໂດຍເລືອກໂດຍທີມງານໂຣບລັອກຊ໌.[6] ເກມໂຣບລັອກຊ໌ທີ່ຈະລົງໃຫ້ກັບເຄື່ອງເອັກຊບັອກຊ໌ຕ້ອງຜ່ານຂະບວນການອະນຸມັດພາຍໃຕ້ມາດຕະຖານຂອງຄະນະກຳມະການຈັດເຣດຊອບແວບັນເທິງ.[49]

ໃນເດືອນເມສາປີ2016, ໂຣບລັອກຊ໌ໄດ້ເປີດຕົວ ໂຣບລັອກຊ໌ ວີອາຣ ສຳລັບເຄື່ອງອັອກຄຸລັສ ຣິຟຕ໌. ເຊິ່ງໃນເວລານັ້ນມີປະມານສິບລ້ານກວ່າເກມທີ່ໃຫ້ຫຼິ້ນໃນແບບສາມມິຕິ.[50] ນອກນີ້ຍັງມີການລົບລະບົບແຊັດທ໌ປອດໄພອອກແລ້ວແທນທີ່ດ້ວຍລະບົບລາຍຊື່ຄຳທີ່ອະນຸຍາດໃຫ້ຜູ້ໃຊ້ທີ່ມີອາຍຸຕໍ່າກວ່າ13ປີພິມໄດ້ ແລະ ລາຍຊື່ຄຳທີ່ບໍ່ສາມາດພິມໄດ້ສຳລັບຜູ້ໃຊ້ຄົນອື່ນໆແທນ.[51] [ການກວດສອບຄວາມຖືກຕ້ອງຂອງຂໍ້ມູນລົ້ມແຫຼວ] ໃນເດືອນມິຖຸນາ, ທາງບໍລິສັດໄດ້ເປີດຕົວເວີຊັນສຳລັບເຄື່ອງຄອມພິວເຕີວິນໂດ 10. ເຖິງແມ່ນວ່າຕົວແພລັດຟອມເກມຈະເຮັດຂຶ້ນສຳລັບເຄື່ອງພີຊີ(ຄອມພິວເຕີສ່ວນບຸກຄົນ)ມາຕັ້ງແຕ່ປີ2004, ແຕ່ຫາກນັບຕັ້ງແຕ່ສະໄໝທີ່ຍັງເປັນເກມເວັບ, ນີ້ຖືເປັນຄັ້ງທຳອິດທີ່ຕົວແພລັດຟອມໄດ້ມີການອັບເກຣດປັບປຸງດ້ວຍການໃຊ້ໂປຣແກຣມຕົວຫຼິ້ນແບບດ່ຽວ, ເຊິ່ງສ້າງຂຶ້ນສຳລັບລະບົບປະຕິບັດການວິນໂດ.[52]

ຕະຫຼອດປີ2017, ໂຣບລັອກຊ໌ ມີການປັບປຸງເຊີບເວີຣ໌ຢູ່ຫຼາຍຄັ້ງ, ເນື່ອງຈາກເຕັກໂນໂລຊີຂອງຕົວເຊີບເວີຣ໌ທີ່ເຮັດວຽກຢູ່ນັ້ນມາເຖິງຈຸດສຸດຍຸກຂອງມັນແລ້ວ ຫຼື ເວົ້າໄດ້ວ່າຫຼ້າສະໄໝແລ້ວ, ເຮັດໃຫ້ນຳໄປສູ່ການລົ້ມຂອງເຊີບເວີຣ໌ຫຼາຍເທື່ອ.[53] ນອກຈາກນີ້ໃນປີດຽວກັນ, ໂຣບລັອກຊ໌ໄດ້ປິດຕົວຟໍຣໍ່າທາງການຂອງໂຣບລັອກຊ໌.[54] ໃນເດືອນພະຈິກປີ2018, ລະບົບທີ່ຄົນສາມາດຫຼິ້ນເກມໄດ້ບໍ່ຈຳເປັນຕ້ອງສ້າງບັນຊີ ຫຼື ຫຼິ້ນເປັນ"ເກສັຕ໌ (ແຂກ)", ໄດ້ຖືກທາງໂຣບລັອກຊ໌ຈຳກັດອອກຢ່າງຕໍ່ເນື່ອງໃນໄລຍະທີ່ຜ່ານມາສອງປີກໍໄດ້ຖືກລົບອອກຢ່າງສົມບູນ.[55] ໃນເດືອນກໍລະກົດປີ2020, ໂຣບລັອກຊ໌ ໄດ້ປະກາດການສ້າງ"ສະຖານທີ່ປາຣຕີ້", ເຊິ່ງແມ່ນສ້າງເພື່ອເປັນສະຖານທີ່ພົບປະກັນທາງອອນລາຍ. ລະບົບນີ້ສ້າງຂຶ້ນໂດຍເຕັກໂນໂລຊີໃໝ່ທີ່ເຄີຍໃຊ້ໃນງານບລັອກຊີ້ ອາວອດສປີ2020 ແລະ ໄດ້ຮັບການອອກແບບໃໝ່ເພື່ອຕອບສະໝອງຕໍ່ການລະບາດຂອງໂຄວິດ19.[56] ໂຮບລັອກຊ໌ ໄດ້ຮັບອະນຸຍາດໃນການເຜີຍແຜ່ໃນປະເທດຈີນເມື່ອວັນທີ3, ທັນວາປີ2020.[57] ໃນເດືອນຕຸລາປີ2021, ໂຣບລັອກຊ໌ ປະສົບການລົ້ມຂອງລະບົບເຊີບເວີຣ໌ທີ່ຍາວນານທີ່ສຸດເທົ່າທີ່ເຄີຍມີມາ, ໂດຍລະບົບ ແລະ ບໍລິການຕ່າງໆບໍ່ສາມາດໃຊ້ງານໄດ້ເປັນເວລາສາມມື້.[58][59][60]

ໃນເດືອນທັນວາປີ2021, ໂຣບລັອກຊ໌ໄດ້ປິດເຊີບເວີຣ໌ຈີນ, ໂດຍໄດ້ລະບຸວ່າພວກເຂົາກຳລັງສ້າງຕົວເກມທີ່ອະນຸຍາດໃຫ້ຜູ້ຫຼິ້ນຈີນສາມາດເຂົ້າເຖິງຕົວເກມໄດ້.[61] ໃນເດືອນກໍລະກົດປີ2022, ເອກະສານພາຍໃນທີ່ກ່ຽວຂ້ອງກັບກິດຈະກຳຂອງແພລັດຟອມຈີນຖືກເປີດໂປງຂຶ້ນໂດຍແຮັກເກີນິລະນາມ. ເອກະສານນີ້ເປີດເຜີຍວ່າ ທາງໂຣບລັອກຊ໌ ຄັອບໂປເຣຊັນໄດ້ມີການດັດແກ້ຫຼາຍໆຕໍ່ແພລັດຟອມ ເພື່ອໃຫ້ສອດຄ່ອງກັບກົດໝາຍເຊັນເຊີສື່ອິນເຕີເນັດຈີນ, ແລະະະ ກ່ອນທິ່ຈະປິດໃຫ້ບໍລິການໃນປະເທດຈີນ, ພວກເຂົາຍັງມີຄວາມກັງວົນວ່າເທັນເຊັນຕ໌ຈະແຮັກແພລັດຟອມ ແລະ ກາຍເປັນຄູ່ແຂ່ງ.[62]

ໃນເດືອນກັນຍາປີ2022, ທາງໂຣບລັອກຊ໌ໄດ້ປະກາດວ່າຈະມີການເພີ່ມລະບົບຈັດເຣດຕິ່ງອາຍຸ, ເຊິ່ງຈະຊ່ວຍແບ່ງແຍກປະເພດເກມຕ່າງໆໃຫ້ມີຄວາມເໝາະສົມກັບໄວອາຍຸຂອງຜູ້ຫຼິ້ນ ແລະ ແບ່ງເກມທີ່ມີການສະແດງຄວາມຮຸນແຮງໃຫ້ສະແດງໃຫ້ຫຼິ້ນສະເພາະຜູ້ຫຼິ້ນທີ່ມີອາຍຸ13ປີຂຶ້ນໄປ ຫຼື ຫຼາຍກວ່າ. ທາງບໍລິສັດລະບຸວ່າພວກເຂົາມີຄວາມຕ້ອງການເພີ່ມຄວາມໜ້າສົນໃຈຂອງແພລັດຟອມຕໍ່ໃຫ້ກັບຖານຜູ້ຫຼິ້ນຜູ້ໃຫຍ່ໜຸ່ມ ຫຼື ທີ່ມີອາຍຸ17ຫາ24ປີ, ເຊິ່ງແມ່ນກຸ່ມຜູ້ຫຼິ້ນທີ່ເພີ່ມຂຶ້ນໄວທີ່ສຸດເທິງໂຣບລັອກຊ໌.[63] ໃນວັນທີ20, ເດືອນມິຖຸນາປີ2023, ໂຣບລັອກຊ໌ໄດ້ອະນຸຍາດໃຫ້ສ້າງເກມເຣດ17ປີ, ເຊິ່ງຈະມີເນື້ອຫາທີ່ຮຸນແຮງ, ໂຣແມນຕິກ ແລະ ສິ່ງເສບຕິດແອວກໍຮໍ ແລະ ອື່ນໆ.[64]

ໃນວັນທີ27, ເດືອນກໍລະກົດປີ2023, ໂຣບລັອກຊ໌ໄດ້ເປີດຕົວເກມເວີຊັນເບຕ້າສາທາລະນະສຳລັບເຄື່ອງເມຕ້າ ເຄດສຕ໌ 2 ແລະ ເມຕ້າ ເຄດສຕ໌ ໂປຣ. ຕົວເບຕ້າຖືກດາວໂຫຼດຫຼາຍກວ່າໜຶ່ງລ້ານເທື່ອພາຍໃນຫ້າມື້.[65]

ໃນເດືອນກັນຍາປີ2023, ມີການປະກາດວ່າໂຣບລັອກຊ໌ຈະເຜີຍແຜ່ວາງຈຳໜ່າຍເກມເທິງເພລສະເຕຊັນໃນເດືອນໜ້າ, ແລະ ຍັງໄດ້ເປີດຕົວເວີຊັນເຕັມສຳລັບເມຕ້າ ເຄດສຕ໌ຢ່າງເປັນທາງການໃນປາຍເດືອນດຽວກັນ. ນອກນີ້ຍັງມີການຮ່ວມມືກັບບໍລິສັດສະຕາດອັບເອໄອທີ່ມີສຳນັກງານຫຼັກຢູ່ເມືອງເຮວຊິນກິ(ນະຄອນຫຼວງປະເທດແຟງລັງ)ໃນການພັດທະນາລະບົບສື່ສານດ້ວຍສຽງພາຍໃນເກມ.[66]

ຜົນຕອບຮັບ ແລະ ລາຍໄດ້

[ດັດແກ້]

ຜົນຕອບຮັບທີ່ສຳຄັນ

[ດັດແກ້]

ໂຮບລັອກຊ໌ ໄດ້ຮັບຜົນຕອບຮັບສ່ວນຫຼາຍໃນແງ່ບວກ. ຄອມມອນ ເຊັນສ໌ ມິເດຍໄດ້ໃຫ້ຄະແນນ4/5ດາວ, ໂດຍຊົມເຊີຍຄວາມຫຼາກຫຼາຍຂອງເກມເທິງແພລັດຟອມ ແລະ ຄວາມສາມາດໃນການຊ່ວຍເສີມສ້າງຄວາມຄິດສ້າງສັນຂອງເດັກ ໃນຂະນະທີ່ພົບວ່າລັກສະນະໃນການຈັດແຍກເກມຂອງແພລັດຟອມເຮັດໃຫ້ຄຸນນະພາບເກມມີຄວາມຫຼາກຫຼາຍໆ ແລະ ຍັງແນະນຳໃຫ້ປິດລະບົບແຊັດທ໌ສຳລັບຜູ້ຫຼິ້ນໄວນ້ອຍເພື່ອປ້ອງກັນອັນຕະລາຍທີ່ອາດເກີດຂຶ້ນ.[67] ແພັດທຣິເຊຍ ອີ. ແວນຊ໌ຈາກສະຖາບັນຄວາມປອດໄພອອນລາຍຂອງຄອບຄົວແນະນຳໃຫ້ຜູ້ປົກຄອງຕິດຕາມປະຕິສຳພັນຂອງລູກຫຼານຕໍ່ເກມເທິງແພລັດຟອມ ແຕ່ລາວກໍຍ້ອງຍໍຕົວແພລັດຟອມນີ້ວ່າ "...ເຮັດໃຫ້ເຫຼົ່າເດັກນ້ອຍໄດ້ຫຼິ້ນ, ໄດ້ສຳຫຼວດ, ໄດ້ເຂົ້າສັງຄົມ, ໄດ້ສ້າງສັນສິ່ງຕ່າງໆ ແລະ ຮຽນຮູ້ໃນແນວທາງທີ່ຕົນເອງເລືອກ", ແລະ ຍ້ອງຍໍເປັນພິເສດໃຫ້ກັບໂຣບລັອກຊ໌ ສະຕູດີໂອທີ່ໃຫ້ເດັກໄດ້ມີປະສົບການກັບການພັດທະນາເກມ.[68] ທຣັສນທ໌ ຣີວິວສໄດ້ຊົມເຊີຍພາບລວມຂອງແພລັດຟອມ, ແລະ ຍັງຍໍຍ້ອງໂຣບລັອກຊ໌ ສະຕູດີໂອໂດຍລະບຸວ່າ "ສຳລັບໃຜກໍຕາມທີ່ຕ້ອງພັດທະນາທັກສະທາງດ້ານວິທະຍາສາດຄອມພິວເຕີຂອນຕົນ ຫຼຶ ສ້າງໂປຣເຈັກທີ່ໄດ້ຮັບຄວາມຄິດເຫັນຈາກຜູ້ຫຼິ້ນຈຳນວນຫຼາຍໃນທັນທີ, ສິ່ງນີ້ແມ່ນຄຳຕອບທີ່ຊັດເຈນ".[69] ເຄຣັກ ຮູຣ໌ດາ, ຂຽນໃນແອນດອຍດ໌ ກາຍສ, ໃຫ້ຄຳວິຈານໃນລະດັບປານກາງ, ໂດຍຊົມເຊີຍຈຳນວນຫຼາຍທີ່ມີເທິງແພລັດຟອມ ແລະ ພົບວ່າເກມນີ້ໃຫ້ຄວາມບັນເທີງສຳລັບເດັກ, ໂນຂະນະດຽວກໍພົບວ່າລະບົບຂອງເກມນີ້ນັ້ນມີລັກສະນະ"ຖືກ ຫຼື ພາດ" ແລະ ຍັງກ່າວສ່າຕົວເກມນັ້ນມີຄວາມຈຳກັດຫຼາຍສຳລັບຜູ້ຫຼິ້ນທີ່ເປັນຜູ້ໃຫຍ່.[70]

ລາຍໄດ້

[ດັດແກ້]

ໂນລະຫວ່າງການປະຊຸມນັກພັດທະນາໂຣບລັອກຊ໌ປີ2017, ທາງໂຣບລັອກຊ໌ກ່າວວ່າ ຜູ້ສ້າງເກມເທິງແພລັດຟອມ, ເຊິ່ງມີປະມານ1.7ລ້ານຄົນໃນປີນັ້ນ,[71] ໄດ້ຮັບລາຍໄດ້ຫຼາຍກວ່າ30ລ້ານໂດລາສະຫະລັດໃນປີ2017.[72] ເວີຊັນໄອໂອເອັສຕະຫຼອດແຕ່ເປີດຕົວມາເຮັດລາຍໄດ້ໆໜຶ່ງພັນລ້ານໂດລາສະຫະລັດໃນເດືອນກັນຍາປີ2019,[73] 1.5ພັນລ້ານໂດລາສະຫະລັດໃນເດືອນມິຖຸນາປີ2020,[74] ແລະ 2ພັນລ້ານໂດລາສະຫະລັດໃນເດືອນຕຸລາປີ2020,[75] ເຮັດໃຫ້ເວີຊັນນີ້ກາຍເປັນແອັບທີ່ເຮັດລາຍໄດ້ສູງທີ່ສຸດເປັນອັນດັບສອງຂອງແອັບ ສະຕໍ.[8] ເກມຫຼາຍເກມເທິງໂຣບລັອກຊ໌ມີລາຍໄດ້ສະສົມລວມຫຼາຍກວ່າສິບລ້ານໂດລາສະຫະລັດ,[76] ໂດຍລາຍໄດ້ລວມທີ່ເຫຼົ່ານັກພັດທະນາເກມເທິງແພລັດຟອມເຮັດມີປະມານ250ລ້ານໂດລາສະຫະລັດໃນປີ2020.[77] ຕົວເກມກາຍເປັນເກມທີ່ເຮັດລາຍໄດ້ສູງທີ່ສຸດເປັນອັນດັບສາມຂອງປີ2020ດ້ວຍລາຍໄດ້ລວມ2.29ພັນລ້ານໂດລາສະຫະລັດ, ເຊິ່ງເປັນຮອງເກມຈາກເທັນເຊັນຕ໌ຢ່າງພັບຈີ (PUBG) ແລະ ຮໍເນີ ອອບ ຄິງສ (ROV).[78]

ອ້າງອີງ

[ດັດແກ້]
  1. ↑ Knapp, Alex (September 17, 2018). "How Roblox Is Training The Next Generation Of Gaming Entrepreneurs". Forbes. Retrieved April 23, 2019.
  2. ↑ "Roblox Company Information". Roblox Support (in ອັງກິດ (ອາເມລິກັນ)). Retrieved September 9, 2019.
  3. ↑ Yaden, Joseph (May 4, 2020). "What is Roblox?". Digital Trends. Retrieved June 1, 2020.
  4. ↑ Grubb, Jeff (December 12, 2012). "Block-builder Roblox goes mobile in time for the holidays". VentureBeat. Archived from the original on November 29, 2018. Retrieved November 29, 2018.
  5. ↑ Haak, Andrew (July 16, 2014). "Roblox Arrives on Android". Roblox Blog. Retrieved June 26, 2020.
  6. ↑ 6.0 6.1 Grubb, Jeff (September 24, 2015). "Roblox comes to Xbox One, joins Minecraft in the growing player-made content space on consoles". VentureBeat. Archived from the original on November 30, 2018. Retrieved November 30, 2018. Cite error: Invalid <ref> tag; name "XboxOneRelease" defined multiple times with different content
  7. ↑ Lyles, Taylor (8 September 2023). "Roblox Is Coming to PlayStation Next Month". IGN (in ອັງກິດ). Retrieved 18 October 2023.
  8. ↑ 8.0 8.1 Levy, Ari. "While parents Zoom, their kids are flocking to an app called Roblox to hang out and play 3D games", April 8, 2020 Cite error: Invalid <ref> tag; name "Levy" defined multiple times with different content
  9. ↑ "How Roblox avoided the gaming graveyard and grew into a $2.5B company". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  10. ↑ 10.0 10.1 10.2 Browning, Kellen. "You May Not Know This Pandemic Winner, but Your Tween Probably Does", August 16, 2020
  11. ↑ "Over half of US kids are playing Roblox, and it's about to host Fortnite-esque virtual parties too". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  12. ↑ Dredge, Stuart. "All you need to know about Roblox", September 29, 2019
  13. ↑ "The best Roblox games". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  14. ↑ "How to Learn Roblox and Roblox Studio". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  15. ↑ "Why is kids' video game Roblox worth $38 billion and what do parents need to know?". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  16. ↑ Cao, Jing. "Roblox Unearths $92 Million to Challenge Microsoft's Minecraft", March 14, 2017
  17. ↑ "Dubit Guide to Roblox for Brands". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  18. ↑ "Roblox lets users build their own virtual world", May 17, 2017
  19. ↑ "Paving the Road to a User-Generated Catalog". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  20. ↑ "UGC Catalog is Now Live!". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  21. ↑ "Roblox Venture Capital Investors, listed", 19 September 2023 (in en-CA)
  22. ↑ "Roblox CEO says April bookings are starting to turn around after a difficult March", 11 May 2022 (in en)
  23. ↑ "Roblox is letting game creators sell 3D virtual goods as it looks for ways to boost revenue", 8 September 2023 (in en)
  24. ↑ "Roblox adds avatar bodies and heads to UGC marketplace", 16 August 2023
  25. ↑ "Roblox is about to let users sell custom-made avatar bodies and heads", 16 August 2023 (in en)
  26. ↑ "Digital fashion surges in a sales downturn". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  27. ↑ "Roblox 101: Getting Started With Robux and The Builders Club". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  28. ↑ "How Roblox 'Beamers' Get Rich Stealing from Children", February 14, 2022 (in en)
  29. ↑ "Roblox is making some changes to how creators can sell limited-run virtual gear", May 25, 2023
  30. ↑ "Roblox creators can now make and sell limited-run avatar gear", 14 April 2023 (in en)
  31. ↑ "Roblox introduces Limiteds for creators to make, sell limited-run avatar gear", 17 April 2023 (in en)
  32. ↑ "Roblox UGC limiteds are now available in the marketplace", 6 April 2023
  33. ↑ "Roblox: 5 Fast Facts You Need to Know". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  34. ↑ "Roblox 101: How To Avoid Free Robux Scams". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  35. ↑ Sidhwani, Priyansh. "The History Of Roblox : From 2004 Until Now", March 12, 2021
  36. ↑ "How to make money with DevEx on Roblox". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  37. ↑ Baszucki, David (January 10, 2017). "Introducing Our Next-Generation Logo". Roblox Blog. Archived from the original on January 10, 2017. Retrieved July 16, 2020.
  38. ↑ Meers, Whitney. "New Roblox logo and tagline show the company is growing up", PCGamesN, August 30, 2022
  39. ↑ "David Baszucki : Founder of Roblox, the Biggest Video Game Building Platform". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  40. ↑ 40.0 40.1 "How This User-Generated Video Game Is Leading The Way With Innovation and VR". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  41. ↑ "SuperAwesome and Roblox join forces on kid-safe advertising". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  42. ↑ Basic ROBLOX Lua Programming.
  43. ↑ "Roblox Premium is here!". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  44. ↑ Milian, Mark. "Hackathons move beyond Silicon Valley", December 2, 2012
  45. ↑ Chaykowski, Kathleen. "Lua language helps kids create software", August 31, 2012
  46. ↑ Grubb, Jeff (December 12, 2012). "Block-builder Roblox goes mobile in time for the holidays". VentureBeat. Archived from the original on November 29, 2018. Retrieved November 29, 2018.
  47. ↑ "Roblox is gaming's quiet giant – and it's only getting bigger". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  48. ↑ "Roblox user-generated world moves from blocky terrain to smooth 3D". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  49. ↑ "Roblox launches on Xbox One with 15 player-created games – watch us play them". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  50. ↑ "This Company Just Introduced 20 Million People to Oculus Rift". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  51. ↑ "Roblox". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  52. ↑ "After Xbox One success, Roblox now has a dedicated Windows 10 app". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  53. ↑ "How Roblox completely transformed its tech stack". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  54. ↑ "Roblox is facing accusations of being unsafe for children". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  55. ↑ "Roblox guest – what are guests and what happened to them". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  56. ↑ "Roblox launches Party Place, a private venue for virtual birthday parties and other meetups". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  57. ↑ "Roblox cleared for launch in China". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  58. ↑ Plant, Logan. "Roblox's Servers Are Down And Fans Are Blaming Chipotle", October 30, 2021
  59. ↑ Finnis, Alex. "Is Roblox down? Why the gaming platform isn't working today with thousands of users reporting login problems", October 29, 2021
  60. ↑ "Roblox has been down for more than a day and it's not because of Chipotle". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  61. ↑ "Roblox takes down China app, says building another version". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  62. ↑ "Revealed: Documents Show How Roblox Planned to Bend to Chinese Censorship". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  63. ↑ Liao, Shannon. "Roblox wants to advertise to gamers ages 13 and up in the metaverse", September 9, 2022
  64. ↑ "Roblox will allow exclusive experiences for people 17 and over". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  65. ↑ "The Meta Quest Roblox Beta Has Over 1 Million Downloads Already". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  66. ↑ "Roblox acquires AI voice moderation start-up Speechly". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  67. ↑ "Roblox". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  68. ↑ "What Parents Need To Know About Roblox". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  69. ↑ "What is Roblox? The world's most popular game you might not have heard of". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  70. ↑ "Roblox is waaayy more than a game (Review)". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  71. ↑ Weinberger, Matt. "This game turned players into $50,000-a-month entrepreneurs – now it has a plan to help them make $1.68 million a year", May 9, 2017
  72. ↑ "Hobbyist developers will make $30 million via 'Roblox' this year". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  73. ↑ "'Roblox Mobile' Crosses $1B in Lifetime Revenue". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  74. ↑ "Roblox Mobile hits $1.5 billion in lifetime revenue". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  75. ↑ "Roblox surpasses $2 billion in player spending on mobile". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  76. ↑ "Adopt Me: The most popular game you've never played". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  77. ↑ "Roblox Developers To Make $250 Million In 2020 Thanks To Explosive Growth". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
  78. ↑ "Games and interactive media earnings rose 12% to $139.9B in 2020". {{cite web}}: |archive-url= requires |archive-date= (help); |archive-url= requires |url= (help); Missing or empty |url= (help)
ດຶງຂໍ້ມູນຈາກ "https://lo.wikipedia.org/w/index.php?title=ໂຣບລັອກຊ໌&oldid=107490"