ຫໍພະແກ້ວ

ຫໍພະແກ້ວ
ຫໍພຣະແກ້ວ
ຂໍ້ມູນທົ່ວໄປ
ຊື່	ຫໍພຣະແກ້ວ
ທີ່ຕັ້ງ	ນຄຣຫລວງວຽງຈັນທນ໌
ປະເພດ	ບູຮານສຖານຄູ່ປເທສລາວ
- ສຖານທີ່ເຄີຍປຣະດິສຖານພຣະແກ້ວມໍຣກົຕ
ຈຸດສົນໃຈ	ຊົມວິຫາຣຫລວງເກົ່າທີ່ເຄີຍປຣະດິສຖານພຣະແກ້ວມໍຣກົຕ ແລະ ພິພິທພັນທ໌ພາຍໃນຫໍພຣະແກ້ວ

ຫໍພຣະແກ້ວ ເປັນອດີຕວັດໃນວຽງຈັນທນ໌ ຕັ້ງຢູ່ຖນົນເຊສຖາທິຣາຊທາງຕາເວັນຕົກສຽງໃຕ້ວັດສີສະເກດ. ວັດນີ້ສ້າງຂື້ນໃນປີຄ.ສ 1565 ສຳລັບເປັນບ່ອນປຣະດິສຖານພຣະແກ້ວມໍຣກົຕ, ໂດຍພຣະເຈົ້າໄຊຍເຊສຖາທິຣາຊ ໃນເວລາທີ່ໄດ້ຕັດສິນໃຈຍ້າຍນະຄອນຫຼວງ ຈາກຫຼວງພຣະບາງມາຢູ່ວຽງຈັນ, ພາຍຫຼັງການສິ້ນພຣະຊົນມ໌ຂອງພຣະເຈົ້າໂພທິສາລຣາຊ ຜູ້ເປັນພຣະບິດາ.

ບໍຣິເວນດ້ານນອກສິມຂອງບູຮານສຖານຫໍພຣະແກ້ວອ້ອມຮອບໄປດ້ວຍພຣະພຸທທຮູປຫຼໍ່ຈາກທອງ ໃນປາງຕ່າງໆ ທີ່ແຕກຕ່າງກັນ ແລະ ມີຄວາມສງ່າງາມໂດດເດັ່ນ ສແດງອອກເຖິງສິລປະທີ່ງົດງາມ ແລະ ໂດດເດັ່ນຂອງຄົນລາວໃນແຕ່ລະຍຸຄສມັຍ.

ປັຈຈຸບັນວັດນີ້ກາຍເປັນຫໍພິພິທພັນທ໌. ສ່ວນອົງຄ໌ພຣະແກ້ວມໍຣກົຕປັຈຈຸບັນແມ່ນຖືກເອົາໄປປຣະດິສຖານຢູ່ທີ່ ວັດພຣະສີລັດຕະນະສາດສະດາລາມ ຫຼື ວັດພຣະແກ້ວ ທີ່ ບາງກອກ, ປະເທດໄທຍ໌.