ຫໍພະແກ້ວ

ຈາກ ວິກິພີເດຍ

ຕັ້ງຢູ່ກົງກັນຂ້າມກັບວັດສີສະເກດ ຊຶ່ງແຕ່ກ່ອນເຄີຍເປັນວັດທີ່ສຳຄັນ ໃຊ້ໃນການປະຕິບັດພິທີກຳຕ່າງໆຂອງ ບ້ານເມືອງໃນອາດີດຕະ ການ.ວັດນີ້ ສ້າງຂື້ນໃນປີ 1565 ສຳລັບເປັນບ່ອນປະດິດສະຖານ ຂອງພະແກ້ວມໍຣະກົດ, ໂດຍພະເຈົ້າໄຊເຊດຖາທິຣາດ ໃນເວລາທີ່ໄດ້ຕັດສິນໃຈ ຍົກຍ້າຍນະຄອນຫຼວງເດີມຂອງປະເທດ ແມ່ນຢູ່ຫຼວງພຣະບາງ ມາຕັ້ງຢູ່ວຽງຈັນ,ພາຍຫຼັງການສິ້ນພຣະຊົນຂອງ ພະເຈົ້າໂພທິຊາຣາດ ຜູ້ເປັນບິດາ. ປະຈຸບັນວັດນີ້ກາຍເປັນຫໍພິພິດຕະພັນ. ສ່ວນອົງພະແກ້ວມໍຣະກົດ ປະຈຸບັນແມ່ນຖືກເອົາໄປປະ ດິດສະຖານຢູ່ທີ່ ວັດພະສີຣັດຕະນະສາດສາສະດາຣາມ ຫຼື ວັດພະແກ້ວ ທີ່ ບາງກອກ ປະເທດໄທ.ບູຣານສະຖານ ຫໍພະແກ້ວ ບໍລິເວນດ້ານນອກສິມ ແມ່ນອ້ອມຮອບໄປດ້ວຍ ພະພຸດທະຮູບຫຼໍ່ຈາກທອງແດງ ໃນປາງຕ່າງໆ ທີ່ແຕກຕ່າງກັນ ແລະ ມີຄວາມສະຫງ່າງາມໂດດເດັ່ນ ຊຶ່ງສະແດງອອກເຖິງ ສິລະ ປະທີ່ງົດງາມ ແລະ ໂດດເດັ່ນ ຂອງຄົນລາວໃນແຕ່ລະຍຸກສະໄໝ.