ສວນເບນຈະກິຕິ

ລະວັງສັບສົນກັບ: ສວນເບນຈະສິຣິ

ສວນເບນຈະກິຕິໃນບາງກອກ

ປະເພກ	ສວນຊຸມຊົນ
ທີ່ຕັ້ງ	ຖະໜົນລັດຊະດາພິເສກ
ພິກັດພູມິສາດ	13.729005°N 100.559084°E / 13.729005; 100.559084
ເນື້ອທີ່	130 ໄຣ່
ວັນເປີດທຳການ	9 ທັນວາ ຄ.ສ. 2004
ສະຖານະທຳການ	05.00 - 21.00 ນ. ທຸກວັນ
ຜູ້ດຳເນິນການ	ແມ່ແບບ:Icon name bma

ສວນເບນຈະກິຕິ ຫຼືສະກົດອີກຢ່າງວ່າ ສວນເບນຈະກິດຕິ (ໄທ: สวนเบญจกิติ) (ອັງກິດ: Benchakitti Park) ແມ່ນສວນສາທາລະນະເພື່ອສະເຫຼີມພະກຽດສົມເດັດພະນາງເຈົ້າສິຣິກິດ ພະບໍລົມລາຊິນີນາດ ໃນວາລະພະຊົນມາຍຸຄົບ 60 ພັນສາເມື່ອປີ ຄ.ສ. 1992 ຕັ້ງຢູ່ໃນບໍລິເວນພື້ນທີ່ໂຮງງານຍາສູບເດີມຂ້າງສູນປະຊຸມແຫ່ງຊາດສິຣິກິດ ຖະໜົນລັດຊະດາພິເສກຊ່ວງລະຫວ່າງຖະໜົນພະຮາມທີ່ 4 ກັບ ຖະໜົນສຸຂຸມວິດ ແຂວງຄອງເຕີຍ ເຂດຄອງເຕີຍ ບາງກອກ

ສວນເບນຈະກິຕິ ເປັນການພັດທະນາພື້ນທີ່ໂດຍຮອບ "ບຶງຍາສູບ" ຂະໜາດ 200x800 ແມັດ ທີ່ເກີດຈາກການຂຸດດິນຖົມທີ່ ບໍລິເວນອາຄານໂຮງງານຍາສູບ ໂຄງການສວນສາທາລະນະນີ້ເປັນສ່ວນຂອງໂຄງການພັດທະນາທົດແທນໂຮງງານຍາສູບລະຍະທີ 1 ຕາມມັດຕິຄະນະລັດຖະມົນຕີໃນລັດທະບານທ່ານອານັນ ປັນຍາຣະຊຸນ ທີ່ໃຫ້ຍ້າຍໂຮງງານຍາສູບອອກໄປນອກບາງກອກ

ຊື່ສວນເບນຈະກິຕິໄດ້ຮັບພະລາຊະທານຈາກສົມເດັດພະນາງເຈົ້າສິຣິກິດ ພະບໍລົມລາຊິນີນາດ ສະເດັດມາຊົງເຮັດພິທີເປີດເມື່ອວັນທີ 9 ທັນວາ ຄ.ສ. 2004

ໃນວັນທີ 1-9 ທັນວາ ຄ.ສ. 2014 ສວນເບນຈະກິດຕິໄດ້ໃຊ້ເປັນສະຖານທີ່ຈັດສະແດງລະຄອນເວທີປະກອບເພງ ແລະເທັກນິກຕະການຕາສະເຫຼີມພະກຽດພະບາດສົມເດັດພະເຈົ້າຢູ່ຫົວ ເລື່ອງ "ພະມະຫາຊະນົກ ເດີຟີໂນມີນອລ ໄລຟ໌ໂຊວ໌" ໂດຍເວທີສະແດງຢູ່ກາງບຶງຄວາມຍາວກວ່າ 100 ແມັດ

ຕໍ່ມາໂຮງງານຍາສູບໄດ້ມອບພື້ນທີ່ເພີ່ມຂຶ້ນອີກ 61 ໄຣ່ ເພື່ອເຮັດເປັນ "ສວນປ່າເບນຈະກິຕິ" ສຳລັບໃຊ້ເປັນພື້ນທີ່ປູກໄມ້ຍືນຕົ້ນຂະໜາດໃຫຍ່ ເຊັ່ນ ແຄນາ, ເສລາ ແລະກະໂດນ ໃນລັກສະນະຂອງສວນປ່າທີ່ມີຄວາມຮົ່ມຮື່ນ ແຕ່ໂປ່ງແສງສະຫວ່າງສ່ອງເຖິງ ໃນວະໂຣກາດທີ່ສົມເດັດພະນາງເຈົ້າສິຣິກິດ ພະບໍລົມລາຊິນີນາດ ຈະເລີນພະຊົນມະພັນສາຄົບ 7 ຮອບ ໃນປີ ຄ.ສ. 2016 ໂດຍມີກຳໜົດເປີດໃນວັນທີ 12 ສິງຫາ ຄ.ສ. 2016 ຈຶ່ງນັບວ່າສວນເບນຈະກິຕິເປັນສວນທາລະນະແຫ່ງທຳອິດໃນບາງກອກທີ່ມີສວນປ່າ

ແຫຼ່ງຂໍ້ມູນອື່ນ

• ແຜນຜັງສວນເບນຈະກິດຕິ Archived 2013-01-10 at the Wayback Machine

• ແຜນທີ່ແລະພາບຖ່າຍທາງອາກາດຂອງ ສວນເບນຈະກິຕິ
  • ພາບຖ່າຍດາວທຽມຈາກວິກິແມເປຍ ຫຼືກູເກິ້ນແມປສ໌
  • ແຜນທີ່ຈາກມັລຕິແມປ ຫຼືໂກລບອລໄກດ໌
  • ພາບຖ່າຍທາງອາກາດຈາກເທີຣາເຊິຣ໌ຟເວີ

• ภาพถ่ายทางอากาศของ ສວນເບນຈະກິຕິ