ປະຕູໄຊ

ປະຕູໄຊ
ປະຕູໄຊ
	ພາບດ້ານໜ້າຂອງປະຕູໄຊ, ນະຄອນຫຼວງວຽງຈັນ
	Location within ປະເທດລາວ
ຊື່ເດີມ	ອານຸສາວະລີ
ຄວາມໝາຍ	ປະຕູໄຊຊະນະ
ຂໍ້ມູນທົ່ວໄປ
ປະເພດ	ອະນຸສອນສົງຄາມ
ຮູບແບບສະຖາປັດຕະຍະກຳ	ຊາວລາວ
ທີ່ຕັ້ງ	ວຽງຈັນ, ປະເທດລາວ
ທີ່ຢູ່	ຖະໜົນລ້ານຊ້າງ
ພິກັດ	17°58′14″N 102°37′07″E / 17.97056°N 102.61861°E
ເລີ່ມກໍ່ສ້າງ	1957
ສຳເລັດ	1968
ເປີດຢ່າງເປັນທາງການ	2010 (ຄົບຮອບ 450 ປີນະຄອນຫຼວງວຽງຈັນ)
ຄ່າໃຊ້ຈ່າຍ	63 ລ້ານກີບ
ເຈົ້າຂອງ	ລັດຖະບານລາວ
ລາຍລະອຽດດ້ານວິຊາການ
ລະບົບໂຄງສ້າງ	ເບຕົງ
ຈຳນວນຊັ້ນ	ເຈັດ
ການອອກແບບ ແລະ ການກໍ່ສ້າງ
ນັກສະຖາປະນິກ	ທຳ ໄຊຍະສິດເສນາ

ປະຕູໄຊ (ຄຳເຄົ້າ: ປະຕູຊັຍ; Patuxay) ຫລື ອານຸສາວະລີ ແມ່ນສິ່ງກໍສ້າງ ເພື່ອເປັນອານຸສອນ ແກ່ການປະກາດເອກກະລາດຈາກການປົກຄອງຂອງປະເທດຝຣັ່ງ. ຮູບຊົງແມ່ນຮຽນແບບ ປະຕູໄຊເມືອງປາຣີ (Arc de Triomphe) ແຕ່ຕົບແຕ່ງໂດຍສິນລະປະພື້ນເມືອງລາວ. ຖືກສ້າງຂື້ນເມື່ອປີ ຄ.ສ1957 - ຄ.ສ1968 ທີ່ໃຈກາງເມືອງວຽງຈັນ^[1] ແລະ ລະຫວ່າງກາງຖະຫນົນລ້ານຊ້າງ, ແຕ່ຍ້ອນໄພສົງຄາມກາງເມືອງ ການກໍ່ສ້າງຈຶ່ງບໍ່ສໍາເລັດສົມບູນ ແລະ ຖືກປະໄວຈົນເຖິງປັດຈຸບັນ.

ປະຕູໄຊ ເຊິ່ງຊື່ເດີມເອີ້ນວ່າ “ ອະນຸສາວະລີໄຊຊະນະ ”ເຊິ່ງນັກທ່ອງທ່ຽວມັກປຽບທຽບວ່າເປັນ “ ອາກເດີ ທຣີອົມ ” (ຢູ່ໃນນະຄອນປາຣີ ປະເທດຝຣັ່ງ) ອະນຸສາວະລີ ປະຕູໄຊມີລັກໂດດເດັ່ນທີ່ຕັ້ງຢູ່ໃຈກາງນະຄອນຫຼວງວຽງຈັນ ບໍລິເວນຕອນປາຍຂອງຖະໜົນລ້ານຊ້າງ (ຄົນສະໄໝກ່ອນມັກເອີ້ນກັນວ່າ “ຊ້ອງ ເອລິເຊ້” ເຊິ່ງເປັນຖະໜົນຢູ່ໃນປາຣີເຊັ່ນກັນ)