ນາງເງືອກນ້ອຍ (ຮູບເງົາ 2023)
| ນາງເງືອກນ້ອຍ | |
|---|---|
 ໂປສເຕີຮູບເງົາ | |
| ກຳກັບ | ຣັອບ ມາຣ໌ແຊລ |
| ບົດຮູບເງົາ | |
| ສ້າງຈາກ | |
| ອຳນວຍການສ້າງ |
|
| ນັກສະແດງນຳ | |
| ກຳກັບພາບ | Dion Beebe |
| ຕັດຕໍ່ | Wyatt Smith |
| ດົນຕີປະກອບ | ອະລັນ ເມນເຄນ |
| ບໍລິສັດຜູ້ສ້າງ |
|
| ຈຳໜ່າຍ/ເຜີຍແຜ່ | ວໍລ ດິສນີ ສະຕູດິໂອສ໌ ໂມຊັນ ພິກເຈີ |
| ວັນສາຍ | 26 ພຶດສະພາ 2023 (ສະຫະລັດອາເມຣິກາ) 25 ພຶດສະພາ 2023 (ລາວ) |
| ປະເທດ | ສະຫະລັດອາເມຣິກາ |
| ພາສາ | ອັງກິດ |
| ທຶນສ້າງ | 250 ລ້ານໂດລາສະຫະລັດ[1] |
| ລາຍໄດ້ | 569.6 ລ້ານໂດລາສະຫະລັດ[2][3] |
ນາງເງືອກນ້ອຍ (ອັງກິດ: The Little Mermaid) ເປັນຮູບເງົາຈິນຕະນາການດົນຕີອາເມຣິກາ ໃນປີ 2023 ກຳກັບ ແລະ ຮ່ວມອຳນວຍການສ້າງໂດຍຣັອບ ມາຣ໌ແຊລ ຂຽນບົດຮູບເງົາໂດຍ ເດວິດ ມາກີ ຮ່ວມອຳນວຍການສ້າງໂດຍວໍລ ດິສນີ ພິກເຈີ, ລຸຄາມາຣ໌ ໂປຣດັກຊັນ ແລະ ມາກ ແພຼັດ ໂປຣດັກຊັນ ເປັນຮູບເງົາຄົນສະແດງ/ຊີຈີໄອທີ່ດັດແປງຈາກຮູບເງົາແອນິເມຊັນຊື່ດຽວກັນຂອງດິສນີໃນປີ 1989 ເຊິ່ງມີເນື້ອຮ້ອງອີງມາຈາກນິທານເລື່ອງເງືອກນ້ອຍໂດຍຮັນສ໌ ຄຣິສຕຽນ ແອນເດີເຊນ ຮູບເງົານຳສະແດງໂດຍຮັລລີ ເບລີໃນບົດແອຣຽລ ຮ່ວມດ້ວຍໂຈນາ ຮາວເອີຣ໌-ຄິງ, ເດວິດ ດິກຊ໌, ອະຄວາຟິນາ, ເຈຄັອບ ເທຣມເບຼ, ໂນມາ ດູເມຊເວນີ, ຈາບິເອີ ບາເດັມ ແລະ ເມລິສຊາ ແມັກຄາທີ ຮູບເງົາເປັນເລື່ອງລາວຂອງແອຣຽລທີ່ເຮັດຂໍ້ຕົກລົງກັບເອີຊູລາ ເພື່ອແລກສຽງຂອງນາງກັບຂາມະນຸດເພື່ອສ້າງຄວາມປະທັບໃຈໃຫ້ກັບເຈົ້າຊາຍເອຣິກຜູ້ເຊິ່ງຖືກນາງຊ່ວຍໄວ້ຈາກເຮືອຫຼົ້ມ[ຕ້ອງການອ້າງອີງ]
ແຜນການນຳຮູບເງົາແອນິເມຊັນໃນປີ 1992 ເລື່ອງນາງເງືອກນ້ອຍກັບມາສ້າງໃໝ່ໃນຮູບແບບຄົນສະແດງ ໄດ້ຮັບການຢືນຢັນໃນເດືອນພຶດສະພາ ປີ 2016 ມາຊໍ ໄດ້ຮັບການຕິດຕໍ່ຈາກດິສນີໃຫ້ກຳກັບຮູບເງົາເລື່ອງນີ້ໃນເດືອນທັນວາ ປີ 2021 ແລະ ນັກສະແດງຫຼັກສ່ວນໃຫຍ່ເຊັນສັນຍາຕັ້ງແຕ່ເດືອນມິຖຸນາ ຫາ ເດືອນພະຈິກ ປີ 2019 ແຕ່ເດີມຄາດວ່າຈະເລີ່ມການຜະລິດໃນລອນດອນລະຫວ່າງປາຍເດືອນມີນາ ຫາ ຕົ້ນເດືອນເມສາ ປີ 2020 ແຕ່ເກີດຄວາມຫຼ້າຊ້າເນື່ອງຈາກການລະບາດທົ່ວຂອງໂຄໂຣນາໄວຣັສ 2019-2020 ໃນທີ່ສຸດການຖ່າຍທຳຈຶ່ງເກີດຂຶ້ນທີ່ໄພນ໌ວູດ ສະຕູດິໂອສ໌ໃນອັງກິດຕັ້ງແຕ່ເດືອນມັງກອນ ຫາ ເດືອນກໍລະກົດ ປີ 2021 ລິນ-ມານູເອວ ມິແຣນດາຮ່ວມຂຽນເພງໃໝ່ສຳລັບຮູບເງົາສ້າງໃໝ່ ໃນຖານະຜູ້ແຕ່ງເນື້ອຮ້ອງ ອະລັນ ເມນເຄນ ກັບມາເຮັດໜ້າທີ່ຜູ້ປະພັນເພງປະກອບຮູບເງົາ[ຕ້ອງການອ້າງອີງ]
ນາງເງືອກນ້ອຍ ມີກຳນົດສາຍໃນສະຫະລັດອາເມຣິກາໃນວັນທີ 26 ພຶດສະພາ 2023 ໂດຍ ວໍລ ດິສນີ ສະຕູດິໂອສ໌ ໂມຊັນ ພິກເຈີ ແລະ ມີກຳນົດສາຍໃນປະເທດລາວໃນວັນທີ 25 ພຶດສະພາ 2023 ໜຶ່ງມື້ກ່ອນການສາຍໃນສະຫະລັດອາເມຣິກາ ຮູບເງົາໄດ້ຮັບຄວາມຊື່ນຊົມໃນດ້ານຂອງນັກສະແດງຢ່າງ ເບລີ, ຮາວ ເອິ-ຄິງ, ແມັກຄາທີ ແລະ ອາເລັກຊານເດີ ລວມເຖິງສາກ ແລະ ຮຽບຮຽງເພງປະກອບ ແຕ່ວິຈານເຖິງງານສ້າງ ແລະ ການອອກແບບຕົວລະຄອນ[4] ຮູບເງົານີ້ເຮັດລາຍໄດ້ທົ່ວໂລກປະມານ 560 ລ້ານໂດລາສະຫະລັດ ຈາກທຶນສ້າງ 250 ລ້ານໂດລາສະຫະລັດ (ບໍ່ລວມຄ່າໂຄສະນາ) ໂດຍຮູບເງົາເປີດຕົວສູງສຸດອັນດັບທີ 5 ໃນປະຫວັດສາດຂອງວັນລະນຶກສະຫະລັດອາເມຣິກາ ແລະ ເປັນຮູບເງົາທີ່ເຮັດເງິນສູງທີ່ສຸດເປັນອັນດັບທີ 7 ຂອງປີ 2023
ເນື້ອເລື່ອງ
[ດັດແກ້]ແອຣຽລ ລູກສາວຫຼ້າຂອງລາຊາໄທຣຕັນຜູ້ປົກຄອງອານາຈັກອັດລັງຕິກາ ນາງແມ່ນເງືອກຜູ້ຫຼົງໃຫຼໃນໂລກມະນຸດ ແຕ່ນາງນັ້ນຖືກພຣະລາຊະບິດາຫ້າມບໍ່ໃຫ້ເຂົ້າໄປສຳຫຼວດໂລກມະນຸດ ຫຼັງຈາກແອຣຽລຊ່ວຍເຈົ້າຊາຍເອຣິກຈາກອຸບັດເຫດທາງເຮືອ ແລະ ຕົກຫຼຸມຮັກເຂົາ ນາງກໍມຸ່ງໝັ້ນທີ່ຈະໄປຢູ່ກັບເຂົາໃນໂລກເໜືອນ້ຳ ການກະທຳເຫຼົ່ານີ້ນຳໄປສູ່ການປະເຊີນໜ້າກັບພໍ່ຂອງນາງ ແລະ ການໄດ້ພົບກັບເອີຊູລາ ແມ່ມົດແຫ່ງທ້ອງທະເລຜູ້ໝາຍຈະຄອງແຕ່ອັດລັງຕິກາ ແອຣຽລຕົກລົງກັບຂໍ້ຕົກລົງເອີຊູລາເພື່ອແລກສຽງອັນນີ້ມນວນຂອງນາງກັບຂາມະນຸດ ເພື່ອທີ່ນາງຈະໄດ້ຂຶ້ນໄປໃນໂລກເໜືອນ້ຳ ແລະ ສ້າງຄວາມປະທັບໃຈໃຫ້ກັບເຈົ້າຊາຍເອຣິກ ແຕ່ໃນທີ່ສຸດສິ່ງນີ້ເຮັດໃຫ້ຊີວິດຂອງນາງ ແລະ ບັນລັງຂອງພຣະບິນານາງ ຕົດຢູ່ໃນອັນຕະລາຍ ແລະ ອັດລັງຕິກາກໍຕົກຢູ່ພາຍໃຕ້ອຳນາດຂອງເອີຊູລາ[5]
ນັກສະແດງ
[ດັດແກ້]- ຮັລລີ ເບລີ ຮັບບົດເປັນ ເຈົ້າຍິງແອຣຽລ ເຈົ້າຍິງເງືອກນ້ອຍ ແລະ ລູກສາວຫຼ້າຂອງລາຊາໄທຣຕັນ ຜູ້ຫຼົງໃຫຼໃນໂລກມະນຸດ ເຖິງກັບຍອມຕົກລົງກັບເອີຊູລາວ່າ ຈະແລກສຽງອັນນີ້ມນວນກັບຂາມະນຸດ ເພື່ອທີ່ຈະໄດ້ຂຶ້ນໄປຢູ່ໃນໂລກເໜືອຜິວນ້ຳ ແຕ່ນັ້ນເຮັດໃຫ້ຕົວນາງເອງ ບັນລັງພຣະບິດາ ແລະ ມະຫາສະໝຸດຕົກຢູ່ໃນອັນຕະລາຍ[6]
- ໂຈນາ ຮາວເອີ-ຄິງ ຮັບບົດເປັນ ເຈົ້າຊາຍເອຣິກ ເຈົ້າຊາຍແຫ່ງອານາຈັກມະນຸດເຊິ່ງແອຣຽລຕົກຫຼຸມຮັກຫຼັງຈາກຊ່ວຍລາວຈາກການຈົມນ້ຳ ແລະ ເປັນຮັກແລກພົບ ແລະ ຮັກແທ້ຂອງແອຣຽລ[7]
- ເດວິດ ດິກຊ໌ ຮັບບົດເປັນ ເຊບາສຕຽນ ປູຜູ້ຊື່ສັດ ແລະ ເປັນຄົນຮັບໃຊ້ຄົນສະໜິດກັບເປັນນັກປະພັນຫຼວງຂອງລາຊາໄທຣຕັນ ແລະ ຍັງເປັນອ້າຍລ້ຽງທີ່ຄ່ອຍເບິ່ງແຍງແອຣຽລ ຢູ່ສະເໝີ[7][8]
- ອະຄວາຟິນາ ຮັບບົດເປັນ ສະຄັດເທິລ ນົກການ້ຳສະໝອງນ້ອຍ ແລະ ເປັນໝູ່ຂອງແອຣຽລ ເຊິ່ງມັກໃຫ້ຄຳອະທິບາຍຜິດໆ ຂອງສິ່ງຂອງຈາກໂລກເໝືອນທີ່ແອຣຽລໄດ້ພົບ[9] ຕົວລະຄອນຈະເປັນນົກການ້ຳໂຕເມຍທີ່ດຳນ້ຳໄດ້ແທນທີ່ຈະເປັນນົກຍາງໂຕຜູ້ຄືໃນຮູບເງົາຕົ້ນສະບັບ ເພື່ອນຳສະເໜີຕົວລະຄອນໃນສາກໃຕ້ນ້ຳ [10]
- ເຈຄັອບ ເທຣມເບຼ ຮັບບົດເປັນ ຟລາວເດີ ປາເຂດຮ້ອນຂີ້ກັງວົນແຕ່ມີກຽດ ເຊິ່ງເປັນໝູ່ທີ່ດີສຸດຂອງແອຣຽລ[11]
- ໂນມາ ດູເວຊເວນີ ຮັບບົດເປັນ ລາຊິນີເຊລິນາ ເຊິ່ງເປັນຕົວລະຄອນໃໝ່ຂອງຮູບເງົາເລື່ອງນີ້[12]
- ຈາບິເອີ ບາເດັມ ຮັບບົດເປັນ ລາຊາໄທຣຕັນ ພໍ່ຂອງແອຣຽລຜູ້ຫວງລູກສາວຫຼາຍເກີນໄປ ແລະ ເປັນລາຊາແຫ່ງອັດລັງຕິກາຜູ້ມີອະຄະຕິຕໍ່ມະນຸດ[13][14]
- ເມລິສຊາ ແທັກຄາທີ ຮັບບົດເປັນ ເອີຊູລາ ແມ່ມົດແຫ່ງທ້ອງທະເລ ເອື້ອຍສາວຂອງລາຊາໄທຣຕັນ ປ້າແທ້ໆ ຂອງແອຣຽລ ຜູ້ເຊິ່ງແອຣຽລເຮັດຂໍ້ຕົກລົງເພື່ອການເປັນມະນຸດ ເຊິ່ງເປັນສ່ວນໜຶ່ງຂອງແຜນການລັບຂອງເອີຊູລາທີ່ຈະຄອບຄອງສາມງ່າມຂອງລາຊາໄທຣຕັນເພື່ອຍຶດຄອງອັດລັງຕິກາ[9]
- ເຈສຊິກ້າ ອາເລັກຊານເດີ ຮັບບົດເປັນ ວາເນສຊາ ຮ່າງຈຳແລງຂອງເອີຊູລາ ຜູ້ໃຊ້ສຽງທີ່ລັກມາຈາກແອຣຽລ ສະກົດຈິດເອຣິກໃຫ້ແຕ່ງງານ
ອ້າງອີງ
[ດັດແກ້]- ↑ Rubin, Rebecca (May 24, 2023). "Box Office: 'The Little Mermaid' Swimming to $120 Million-Plus Over Memorial Day Weekend". Variety. ຄົ້ນຫາເມື່ອ May 24, 2023.
- ↑ "The Little Mermaid (2023)". Box Office Mojo. IMDb. ຄົ້ນຫາເມື່ອ September 16, 2023.
- ↑ ແມ່ແບບ:Cite the numbers
- ↑ Bryant, Zoe Rose (2023-05-22). ""THE LITTLE MERMAID" - Review". Next Best Picture (ພາສາອັງກິດ (ອາເມລິກັນ)).
- ↑ Kopal (2022-12-05). "'The Little Mermaid': Release Date, Cast, Trailer, and Everything We Know so Far About the Live Action Remake". Collider. ຄົ້ນຫາເມື່ອ 2023-02-17.
- ↑ Kroll, Justin (July 3, 2019). "Disney's Live-Action 'Little Mermaid' Casts Halle Bailey as Ariel". Variety. ຄົ້ນຫາເມື່ອ July 3, 2019.
- ↑ 7.0 7.1 "'Little Mermaid' Live-Action Remake Finds Its Prince Eric in Jonah Hauer-King". The Hollywood Reporter. November 12, 2019. ເກັບບັນທຶກໄວ້ຈາກແຫຼ່ງດັ້ງເດີມເມື່ອ November 13, 2019. ຄົ້ນຫາເມື່ອ November 13, 2019.
- ↑ Ong-Pizarro, Abigail (August 29, 2021). "Little Mermaid Has The Craziest Filmmaking Sebastian Actor Has Ever Seen". Screen Rant.
- ↑ 9.0 9.1 Geisinger, Gabriella (July 2, 2019). "The Little Mermaid cast: These stars in talks for the Disney remake – who will be in it?". Express.co.uk. ເກັບບັນທຶກໄວ້ຈາກແຫຼ່ງດັ້ງເດີມເມື່ອ July 3, 2019. ຄົ້ນຫາເມື່ອ July 3, 2019.
- ↑ Kit, Borys (July 1, 2019). "Jacob Tremblay, Awkwafina in Talks for Disney's Live-Action 'Little Mermaid'". The Hollywood Reporter. ເກັບບັນທຶກໄວ້ຈາກແຫຼ່ງດັ້ງເດີມເມື່ອ July 1, 2019. ຄົ້ນຫາເມື່ອ July 1, 2019.
- ↑ Hipes, Patrick; D'Alessandro, Anthony (September 24, 2019). "'The Little Mermaid': 'Krypton's Cameron Cuffe, Jonah Hauer-King Testing For Prince Eric Role". Deadline. ເກັບບັນທຶກໄວ້ຈາກແຫຼ່ງດັ້ງເດີມເມື່ອ September 26, 2019. ຄົ້ນຫາເມື່ອ September 28, 2019.
- ↑ Eddy, Cheryl (September 10, 2022). "Disney's Live-Action Little Mermaid Shares Its First Teaser". Gizmodo. ຄົ້ນຫາເມື່ອ September 10, 2022.
{{cite web}}: CS1 maint: url-status (link) - ↑ N'Duka, Amanda (July 17, 2019). "Javier Bardem In Talks For Disney's 'The Little Mermaid' Remake". Deadline. ເກັບບັນທຶກໄວ້ຈາກແຫຼ່ງດັ້ງເດີມເມື່ອ July 17, 2019. ຄົ້ນຫາເມື່ອ July 17, 2019.
- ↑ "Daveed Diggs in Talks to Play Sebastian in Disney's Live-Action 'Little Mermaid'". The Hollywood Reporter. October 8, 2019. ເກັບບັນທຶກໄວ້ຈາກແຫຼ່ງດັ້ງເດີມເມື່ອ October 8, 2019. ຄົ້ນຫາເມື່ອ October 8, 2019.