ອຸດົມ ຊົງແສງ

ຈາກ ວິກິພີເດຍ
Jump to navigation Jump to search
ດົມ ຊວນຊື່ນ
ຊື່ເກີດອຸດົມ ຊົງແສງ
ຊື່ຫຼີ້ນດົມ
ເກີດ
ຄູ່ສົມລົດ 4 ຄົນ
ບຸດ ນົບພະດົນ ຊົງແສງ, ແສງດາວ ຊົງແສງ,ຜະດຸງ ຊົງແສງ
ອາຊີບ ນັກສະແດງຕະຫຼົກ

ອຸດົມ ຊົງແສງ ຫຼື ພໍ່ດົມ ຊວນຊື່ນ ແມ່ນນັກສະແດງຕະຫຼົກຊາວໄທ ໃນຄະນະຊວນຊື່ນ ມີຜົນງານສະແດງລະຄອນຫຼາຍຕໍ່ຫຼາຍເລື່ອງ ເຂົາມີພັນລະຍາທັງໝົດ 4 ຄົນ ບຸດ 15 ຄົນ ເຊິ່ງຖືວ່າເປັນນັກສະແດງຕະຫຼົກທີ່ມີພັນລະຍາຫຼາຍທີ່ສຸດໃນວົງການຕະຫຼົກໄທ

ປະຫວັດ[ແກ້ໄຂ]

ອຸດົມ ຊົງແສງ ເກີດທີ່ອຳເພີບ້ານໂປ່ງ ຈັງຫວັດລາຊະບຸລີ ຄອບຄົວມີອາຊີບເປັນລິເກ ເຂົາຈຶ່ງຖືກດຶງເຂົ້າສູ່ທຸລະກິດແລະສິລະປະຂະແໜງນີ້ຢ່າງຫຼີກລ່ຽງບໍ່ໄດ້ ເຂົາຊອບເລື່ອງດົນຕີ ຈຶ່ງສາມາດຫຼີ້ນເຄື່ອງດົນຕີໄດ້ທຸກຊິ້ນ ແຕ່ໃຈຈິງເຂົາຢາກເປັນນັກດົນຕີສາກົນຫຼາຍກວ່າ ເພາະເຫັນວ່າເທ່ດີ ເຂົາຈຶ່ງບໍ່ຄ່ອຍມັກ ເມື່ອຕ້ອງນຳມາຫັດຮ້ອງຮຳລິເກ ແລະກໍມັກຈະຫຼົບໜີການເຝິກຊ້ອມຢູ່ເປັນປະຈຳ ແຕ່ດວງຂອງເຂົາຜູກພັນກັບເລື່ອງລິເກຢ່າງຊ່ອຍບໍ່ໄດ້ ຈົນໃນທີ່ສຸດ ກໍຕ້ອງເຂົ້າມາຮັບບົດພະເອກລິເກຈົນໄດ້ ເມື່ອພະເອກລິເກໃນຄະນະຂາດເຂົາຈຶ່ງຖືກນຳໂຕຂຶ້ນຮັບບົດພະເອກແທນຢ່າງກະທັນຫັນ ແຕ່ດ້ວຍໄຫວພຣິບ ການຮູ້ຈັງຫວະດົນຕີ ແລະປະຕິພານທີ່ມີຢູ່ເຫຼືອລົ້ນ ກໍເຮັດໃຫ້ເຂົາສາມາດສະແດງຈົນຜ່ານພົ້ນໄປໄດ້ດ້ວຍດີ ຫຼັງຈາກນັ້ນ ກໍຈຶ່ງໄດ້ເຮັ່ງຫັດລິເກຢ່າງເປັນກິດຈະລັກສະນະ ໂດຍລິເກຄະນະທຳອິດທີ່ເຂົາຮັບບົດເປັນພະເອກກໍຄືຄະນະສິນສົ່ງເສີມ

ເຊິ່ງປະສົບຄວາມສຳເລັດໃນລະດັບທີ່ນ່າພໍໃຈຢ່າງຍິ່ງ ກ່ອນຈະແຍກອອກມາຕັ້ງຄະນະລິເກອຸດົມສິນແລະໄດ້ສະແດງລິເກອອກລາຍການວິທະຍຸໃນນາມຄະນະ ອຸດົມ - ແວວດາວ ເຊິ່ງເປັນນ້ອງສາວ ແລະກໍປະສົບຄວາມສຳເລັດຢ່າງຫຼາຍທີ່ຈັນທະບຸລີ ຫລັງຈາກທີ່ສະແດງໄປໄດ້ແຄ່ 7 ມື້

ໃນລະຫວ່າງທີ່ເປັນນັກສະແດງລິເກຄວາມທີ່ຊື່ນຊອບເລື່ອງດົນຕີທັ້ງໄທແລະສາກົນຈຶ່ງສາມາດຫຼີ້ນເຄື່ອງດົນຕີທີ່ໃຊ້ໃນການສະແດງລິເກໄດ້ທຸກຊິ້ນ ແລະມີຄວາມສົນໃຈໃນແຊກໂຊໂຟນ ຈຶ່ງໄດ້ຊື້ມາເຝິກຫຼີ້ນດ້ວຍຕົນເອງ ຕໍ່ມາພໍ່ດົມຈຶ່ງໄດ້ຄິດວິທີການດຶງຜູ້ຊົມໃຫ້ເຂົ້າມາເບິ່ງລິເກດ້ວຍການຫຼີ້ນດົນຕີສາກົນໃນຊ່ວງຫົວຄ່ຳກ່ອນການສະແດງ ຄະນະລິເກຂອງພໍ່ດົມຈຶ່ງມີທັ້ງແອັກຄໍດຽນ ກີຕ້າ ເບສ ແລະກອງຊຸດ ເຄື່ອງດົນຕີເຫຼົ່ານີ້ກໍຖືກນຳໄປຫຼີ້ນຮວມກັບເຄື່ອງດົນຕີລິເກ ນັບເປັນຄະນະລິເກຄະນະທຳອິດຂອງເມືອງໄທຈົນເປັນຕົ້ນແບບໃຫ້ກັບຄະນະລິເກໃນຍຸກປັດຈຸບັນ

ຂະນະອາຍຸໄດ້ 30 ປີ ຫລັງຈາກທີ່ໄດ້ຍິນຄົນເບິ່ງບົ່ນໃຫ້ຟັງເລື່ອງອາຍຸຫຼາຍເກີນທີ່ຈະເປັນພະເອກ ພໍ່ດົມກໍຕັດສິນໃຈລ້າງມືຈາກການເປັນພະເອກລິເກແລະຫນີເຂົ້າກຸງເທບພ້ອມກັບແຊກໂຊໂຟນຄູ່ໃຈເຂົ້າຮ່ວມວົງດົນຕີລູກທຸ່ງຂອງປະຈວບ ຈຳປາທອງ ສັງທອງ ສີໃສ ຊາຕີ ສີຊົນ ເພີນ ພົມແດນ ນັກຮ້ອງລູກທຸ່ງຊື່ດັງໃນຍຸກນັ້ນ ຢູ່ໃນຕຳແໜ່ງເຄື່ອງເປົ່າ ພ້ອມກັບໃຫ້ນົບພະດົນ ຊົງແສງ (ຈິ້ມ) ລູກຊາຍເຂົ້າຮ່ວມວົງອີກຄົນໃນຕຳແໜ່ງມືກອງ ໃນລະຫວ່າງພໍ່ດົມແລະຈິ້ມໄດ້ເລິ່ມຫັນມາສະແດງຕະຫລົກແທນຕະຫລົກໃນຄະນະທີ່ຫຍຸດພັກ ໂດຍໄດ້ຄ່າຕົວເຖິງຄືນລະ 500 ບາດ ຫຼີ້ນຕະຫລົກຢູ່ຮາວ 1 ປີ ຈົນກະທັ່ງວົງດົນຕີຂອງເພີນ ພົມແດນໄດ້ຍຸບໄປ

ໃນປີ ຄ.ສ. 1982 ຂະນະອາຍຸໄດ້ 47 ປີ ພໍ່ດົມໄດ້ຮວບຮວມສະມັກພັກພວກກໍ່ຕັ້ງຄະນະຕະຫລົກຄະນະຊວນຊົມຂຶ້ນໃນຮູບແບບຕະຫລົກຄອບຄົວແຕ່ບໍ່ໄດ້ຮັບຄວາມນິຍົມຫຼາຍນັກຈຶ່ງໄດ້ປ່ຽນຊື່ເປັນຊວນຊື່ນ ເຮັດໃຫ້ເລິ່ມມີຊື່ສຽງຂຶ້ນມາໂດຍຮັບງານສະແດງຕະຫລົກຕາມທີ່ຕ່າງ ໆ ລວມໄປເຖິງກໍ່ຕັ້ງບໍລິສັດຮັບຈັດງານສະແດງ ໂຊ ແລະຜະລິດລາຍການໂທລະທັດອອກມາຫຼາຍ ໃນເວລາຕໍ່ມາດ້ວຍອາຍຸທີ່ຫຼາຍຂຶ້ນພໍ່ດົມຈຶ່ງຍົກຄະນະໃຫ້ ຈິ້ມ ຊວນຊື່ນ ເປັນຜູ້ດູແລແທນແຕ່ພໍ່ດົມກໍຍັງຮ່ວມສະແດງຕະຫລົກກັບຊາວຄະນະຢູ່ສະເໝີຈົນກະທັ່ງຈິ້ມຍຸບຄະນະຊວນຊື່ນໄປໃນທີ່ສຸດ

ນອກຈາກນີ້ ພໍ່ດົມຍັງເປັນນັກແຕ່ງເພງເຊິ່ງໄດ້ຮັບຄຳແນະນຳມາຈາກ ພອນ ພິລົມ ໃນຊ່ວງທີ່ໄປຫຼີ້ນລິເກນຳກັນດົນ 2 ປີ ພໍ່ດົມໄດ້ປະພັນເພງໄວ້ຫຼາຍບົດເພງໃຫ້ກັບນັກຮ້ອງຊື່ດັງຫຼາຍທ່ານ ອາທິ ຄຳພີ ແສງທອງ ຍອດຮັກ ສະລັກໃຈ ເອກກະໄຊ ສີວິໄຊ ແລະບົດເພງທີ່ສ້າງຊື່ສຽງໃຫ້ກັບພໍ່ດົມຫຼາຍທີ່ສຸດຄືເພງ ພິດຮັກພິດສະນຸໂລກ ເດີມພໍ່ດົມຕັ້ງໃຈແຕ່ງເອົາໃວ້ໃຫ້ຈິ້ມຕອນອາຍຸ 14 ປີ ພາຍຫລັງໄດ້ຖືກນຳໄປເປັນເພງປະກອບຮູບເງົາເລື່ອງ ຄົນປີມະ ຂັບຮ້ອງໂດຍ ສີຫນຸ່ມ ເຊີນຍິ້ມ ເປັນຜູ້ຂັບຮ້ອງຄົນທຳອິດ ຕໍ່ມາ ສັນຕິ ດວງສະຫວ່າງ ແລະ ຫນູ ມິເຕີ້ ໄດ້ນຳເພງນີ້ໄປຂັບຮ້ອງໃໝ່

ເດືອນມິຖຸນາ ຄ.ສ. 2018 ພໍ່ດົມໄດ້ຕວດພົບວ່າຕົວເອງເປັນໂຮກມະເລັງຕັບໃນລະຍະທີ່ 3 ກະທັ່ງພໍ່ດົມໄດເສຍຊີວິດລົງທີ່ໂຮງພະຍາບານພະນັ່ງເກົ້າເມື່ອວັນຈັນທີ່ 24 ທັນວາ ຄ.ສ. 2018 ດ້ວຍໄວ 83 ປີ 7 ເດືອນ 4 ມື້