ວັງວຽງ
ວັງວຽງ | |
|---|---|
 ທິວທັດເມືອງວັງວຽງຈາກບໍລລູນອາກາດຮ້ອນ | |
  ວັງວຽງ ຕຳແໜ່ງໃນປະເທດລາວ | |
| ພິກັດ: 18°56′N 102°27′E / 18.933°N 102.450°Eພິກັດພູມສາດ: 18°56′N 102°27′E / 18.933°N 102.450°E | |
| ປະເທດ |  ປະເທດລາວ |
| ພື້ນທີ່ປົກຄອງ | ແຂວງວຽງຈັນ |
| ປະຊາກອນ | |
| • ທັງໝົດ | 25,000 ຄົນ |
| • ສາສະໜາ | ພຸດ |
| ເຂດເວລາ | UTC+7 (ICT) |
ວັງວຽງ ເປັນເມືອງທ່ອງທ່ຽວໃນແຂວງວຽງຈັນ, ປະເທດລາວ ຫ່າງຈາກນະຄອນຫຼວງວຽງຈັນ ປະມານ 160 ກິໂລແມັດ ຈົນໄດ້ຮັບນາມວ່າ ເມືອງກຸ້ຍຫຼິນແຫ່ງເມືອງລາວ ໂດຍມີຈຸດເດັ່ນທີ່ພູມສັນຖານອ້ອມຮອບຕົວເມືອງເປັນຄລາດສ໌ ເປັນທົ່ງພຽງລະຫວ່າງພູຫີນປູນ ແລະ ປ່າໄມ້ສົມບູນ[1]
ຄັ້ງໜື່ງວັງວຽງຂຶ້ນຊື່ໃນການເປັນຈຸດໝາຍຂອງນັກທ່ອງທ່ຽວທີ່ມັກຈັດສັນມ່ວນຊື່ນ, ແຕ່ປັດຈຸບັນໄດ້ມີຄວາມພະຍາຍາມໃນການສົ່ງເສີມການທ່ອງທ່ຽວແບບຍືນຍົງ ໂດຍຫັນມາໃສ່ກິດຈະກຳທີ່ໃກ້ຊິດກັບທຳມະຊາດ ແລະ ປະສົບການດ້ານວັດທະນະທຳ. ໃນປີ 2023, ວັງວຽງ ມີປະຊາກອນປະມານ 25,000 ຄົນ, ເຊິ່ງອຸດສາຫະກຳທ່ອງທ່ຽວນັ້ນເປັນຕົ້ນຕໍທາງເສດຖະກິດທີ່ສຳຄັນ.
ປະຫວັດ
[ດັດແກ້]ວັງວຽງ ໄດ້ມີຄົນມາຕັ້ງຖິ່ນຖານຄັ້ງທຳອິດໃນຊ່ວງປີ 1353 ເປັນບ່ອນຕັ້ງລະຫວ່າງນະຄອນຫຼວງພະບາງ ແລະ ວຽງຈັນ.
ໃນອະດີດ, ພື້ນທີ່ນີ້ເຄີຍເປັນສູນກາງການຄ້າ ແລະ ການເດີນທາງລະຫວ່າງພູມີພາກ ໂດຍສະເພາະໃນສະຕະວັດທີ 16 ຫາ 18. ຕໍ່ມາ, ໃນສະຕະວັດທີ 19, ວັງວຽງ ກາຍເປັນສ່ວນໜຶ່ງຂອງລາຊະອານາຈັກລາວ ແລະ ມີບົດບາດໃນການຕໍ່ສູ້ກັບກຳລັງຕ່າງຊາດ. ໃນຊ່ວງສົງຄາມອິນດູຈີນ, ວັງວຽງ ໄດ້ຮັບຜົນກະທົບຈາກການລົງທຶນຂອງຝຣັ່ງ ແລະ ກາຍເປັນສູນກາງການທະຫານ. ຫຼັງປີ 1975, ວັງວຽງ ພັດທະນາມາເປັນເມືອງທ່ອງທ່ຽງທີ່ມີຊື່ສຽງດ້ານທຳມະຊາດສວຍງາມ ແລະ ວັດທະນະທຳອັນເປັນເອກະລັກ.[2]
ນັບແຕ່ລາວເປີດປະເທດຮັບນັກທ່ອງທ່ຽວໃນຊ່ວງປີ 1990, ວັງວຽງກໍ່ມີການຂະຫຍາຍຕົວຢ່າງຫຼວງຫຼາຍ ເນື່ອງຈາກກະແສຂອງນັກທ່ອງທ່ຽວແບັກແພັກເກີ (backpackers) ພ້ອມກັບການຂະຫຍາຍຕົວຂອງທຸລະກິດຕ່າງໆ. ເມືອງນີ້ກາຍເປັນທີ່ນິຍົມຂອງນັກທ່ອງທ່ຽວໂດຍສະເພາະແມ່ນຍ້ອນໂອກາດໃນການທ່ອງທ່ຽວຜະຈົນໄພ (adventure tourism) ຕາມແຄມແມ່ນ້ຳຊອງ ທັງການລ່ອງແພ ແລະ ສຳຫຼວດຖ້ຳໃນພູຫີນປູນທີ່ສະຫງ່າງາມອ້ອມຮອບເມືອງ.
ອ້າງອີງ
[ດັດແກ້]- ↑ "Vang Vieng". VangVieng.org. 2011. ຂໍ້ມູນເກົ່າທີ່ຖືກບັນທຶກຈາກແຫຼ່ງດັ້ງເດີມເມື່ອ 1 July 2014.
- ↑ http://www.muonglao.com/vangvieng.html