ງານມະຫະກຳກິລາແຫ່ງຊາດ
ງານມະຫະກຳກິລາແຫ່ງຊາດ ແມ່ນການແຂ່ງຂັນກິລາລະດັບທົ່ວປະເທດ ຊື່ງຈັດຂຶ້ນ ທຸກໆ 3 ປີ ເພື່ອສົ່ງເສີມ, ຊຸກຍູ້ຂະບວນການກິລາຢູ່ພາຍໃນປະເທດຢ່າງຕໍ່ເນື່ອງ, ທັງເປັນການ ປຸກລະດົມມະຫາຊົນເຂົ້າຣ່ວມວຽກງານກິລາໃຫ້ນັບມື້ກ້ວາງຂວາງ, ເພື່ອສົ່ງເສີມສຸຂະພາບຈິດ, ສຸ ຂະພາບຮ່າງກາຍ, ສ້າງພົນລະເມືອງລາວທຸກຄົນໃຫ້ມີສຸຂະພາບແຂງແຮງ. ປະຕິບັດທິດຊີ້ນຳທີ່ ວ່າ: “ ຫັນກິລາກາຍເປັນທົ່ວປວງຊົນ, ກາຍເປັນຄວາມຮັບຜິດຊອບຂອງສັງຄົມ “ ງານມະຫະກຳກິລາແຫ່ງຊາດແຕ່ລະຄັ້ງ ແມ່ນການປຸກລະດົມຊາວໜຸ່ມ ເຍົາວະຊົນ, ນັກຮຽນ, ນັກສຶກສາ, ທະຫານ, ພະນັກງານ ແລະ ປະຊາຊົນບັນດາເຜົ່າ ໃຫ້ຫັນມາຫລີ້ນ ກິລາ, ໃຊ້ ເວລາຫວ່າງໃຫ້ເປັນປະໂຫຍດ, ຝຶກຝົນຮ່າງກາຍໃຫ້ສົມບູນແຂງແຮງ ເພື່ອສືບຕໍ່ ພາລະກິດປ່ຽນແປງໃໝ່ອັນມີກຽດສະຫງ່າຂອງພັກ.
ງານມະຫະກຳກິລາແຫ່ງຊາດ ແມ່ນການແຂ່ງຂັນກິລາ ເພື່ອຄັດເລືອກເອົານັກກິລາທີ່ມີຄວາມສາມາດ, ນັກກິລາທີ່ດີເດັ່ນ, ນັກກິລາທີ່ມີຜົນສຳເລັດຈາກການຝຶກຊ້ອມ ເພື່ອເປັນຕົວແທນ ທີມຊາດ ເຂົ້າຮ່ວມແຂ່ງຂັນລາຍການສຳຄັນຕ່າງໆທັງພາຍໃນ ແລະ ຕ່າງປະເທດກໍ່ຄື ເວທີສາກົນ ເພື່ອສ້າງຊື່ສຽງມາໃຫ້ປະເທດຊາດ. ການພັດທະນາກິລາກາຍະກຳຂອງລາວໃນໄລຍະຜ່ານມາ ກໍ່ຄື ປະຈຸບັນ ພັກ ແລະ ລັດ ຖະບານ ໄດ້ເອົາໃຈໃສ່ຊີ້ນຳບັນດາຂະແໜງການຕ່າງໆນັບແຕ່ສູນກາງຈົນຮອດ ທ້ອງຖິ່ນ ໂດຍມີການຜັດປ່ຽນກັນເປັນເຈົ້າພາບຈັດງານມະຫະກຳກິລາແຫ່ງຊາດທຸກໆ 3 ປີ
ເຈົ້າພາບທີ່ຜ່ານມາ
[ດັດແກ້]| ຄັ້ງທີ | ປີ | ເຈົ້າພາບ | ວັນທີ | ປະເພດກິລາ | ຈຳນວນທີມເຂົ້າຮ່ວມ | ຈຳນວນນັກກິລາເຂົ້າຮ່ວມ (ຄົນ) | ເຈົ້າຫຼຽນຄຳ |
|---|---|---|---|---|---|---|---|
| 1 | 1985 | ນະຄອນຫຼວງວຽງຈັນ | N/A | 10 | 5 ເຂດ ແລະ 8 ກະຊວງ | 620 | ນະຄອນຫຼວງວຽງຈັນ |
| 2 | 1987 | ສະຫວັນນະເຂດ | N/A | 12 | 7 ເຂດ ແລະ 9 ກະຊວງ | 1376 | ນະຄອນຫຼວງວຽງຈັນ |
| 3 | 1991 | ຄຳມ່ວນ | N/A | 11 | 9 ເຂດ | 950 | ນະຄອນຫຼວງວຽງຈັນ |
| 4 | 1994 | ຈຳປາສັກ | N/A | 14 | 9 ເຂດ | 1600 | ນະຄອນຫຼວງວຽງຈັນ |
| 5 | 1997 | ຫຼວງພະບາງ | N/A | 14 | 9 ເຂດ | 1668 | ນະຄອນຫຼວງວຽງຈັນ |
| 6 | 2000 | ນະຄອນຫຼວງວຽງຈັນ | N/A | 22 | 18 ແຂວງ ແລະ 16 ກະຊວງ | 3210 | ນະຄອນຫຼວງວຽງຈັນ |
| 7 | 2005 | ສະຫວັນນະເຂດ | N/A | 22 | 17 ແຂວງ ແລະ 13 ກະຊວງ | 3257 | ນະຄອນຫຼວງວຽງຈັນ |
| 8 | 2008 | ຈຳປາສັກ | 13-22 ທັນວາ 2008 | 24 | N/A | N/A | N/A |
| 9 | 2011 | ຫຼວງພະບາງ | N/A | 25 | N/A | N/A | N/A |
| 10 | 2014 | ອຸດົມໄຊ | 13-21 ທັນວາ 2014 | 28 | 18 ແຂວງ ແລະ 7 ກະຊວງ | N/A | ກະຊວງປ້ອງກັນປະເທດ |
| 11 | 2022 | ຊຽງຂວາງ | 13-22 ທັນວາ 2022 | 25 | N/A | N/A | N/A |