ຂ່າວສານປະເທດລາວ
'ຂ່າວສານປະເທດລາວ (ຂປລ) ເປັນ ສຳນັກຂ່າວສານປະເທດລາວ ສ້າງຕັ້ງຂຶ້ນ ໃນວັນທີ 6 ເດືອນມັງກອນປີ 1968 ຢູ່ຖ້ຳແຫ່ງໜຶ່ງ ທີ່ບ້ານບັກ ທົ່ງນາໄກ (ປະຈຸບັນແມ່ນເມືອງວຽງໄຊ) ແຂວງຫົວພັນ ຊຶ່ງເປັນຖານທີ່ໝັ້ນຂອງການປະຕິວັດລາວ, ທ່ານ ສຸພານຸວົງ, ປະທານສູນກາງແນວລາວຮັກຊາດ ໄດ້ລົງນາມມະຕິຕົກລົງ ຂອງ ສູນກາງແນວລາວ ຮັກຊາດສະບັບໜຶ່ງ ວ່າດ້ວຍການສ້າງຕັ້ງສຳນັກຂ່າວສານປະເທດລາວ ທີ່ມີຕົວໜັງສືລາວ ຂຽນຫຍໍ້ວ່າ “ຂປລ“ ຫຼື “KPL“ ໃນໂອກາດລະນຶກວັນສ້າງຕັ້ງແນວລາວຮັກຊາດ ຄົບຮອບ 12 ປີ, ຂຶ້ນຢ່າງເປັນທາງການ ເພື່ອເຮັດໜ້າທີ່ຖະແຫລງ ຂ່າວຢູ່ພາຍໃນ ແລະ ຕໍ່ຕ່າງປະເທດ ກ່ຽວກັບຂະບວນການຕໍ່ສູ້ຢ່າງພິລະອາດຫານ ຂອງ ປະຊາຊົນລາວ ບັນດາເຜົ່າ ຕ້ານກັບຈັກກະພັດ ແລະ ລູກແຫລ້ງຕີນມື ຂອງ ພວກເຂົາ ທີ່ມີຕໍ່ປະຊາຊົນລາວ. [1]