ການປະຕິວັດອຸດສາຫະກຳ

ຈາກ ວິກິພີເດຍ

ການປະຕິວັດອຸດສາຫະກຳ (ອັງກິດ: Industrial Revolution, ຝະລັ່ງ: Révolution Industrielle) ແມ່ນຊ່ວງເວລາຕັ້ງແຕ່ ຄ.ສ. 1750 ຫາ ຄ.ສ. 1850 ເມື່ອການປ່ຽນແປງໃນພາກກະເສຕະກຳ, ການຜະລິຕ, ການເຮັດເໝືອງແຮ່, ການຄົມມະນາຄົມຂົນສົ່ງ ແລະເຕັກໂນໂລຊີ ສົ່ງຜົນກະທົບຢ່າງລຶກຊຶ້ງຕໍ່ສະພາບສັງຄົມ, ເສຖະກິດ ແລະວັດທະນະທຳໃນຂະນະນັ້ນ. ການປະຕິວັດເລີ່ມຕົ້ນໃນສະຫະລາຊະອານາຈັກ. ຈາກນັ້ນຈຶ່ງແພ່ຂະຫຍາຍໄປຍັງເອີລົບຕາເວັນຕົກ, ອາເມລິກາເໜືອ, ຍີ່ປຸ່ນ ຈົນຂະຫຍາຍໄປທົ່ວທັງໂລກໃນເວລາຕໍ່ມາ.