ການທ່ອງທ່ຽວໃນປະເທດລາວ
ການທ່ອງທ່ຽວໃນປະເທດລາວ ກາຍເປັນສ່ວນສຳຄັນຂອງເສດຖະກິດລາວ. ໃນປີ 2024, ຈຳນວນນັກທ່ອງທ່ຽວເກີນ 5 ລ້ານຄົນ, ຊ່ວຍເສີມເສດຖະກິດກວ່າ 1 ຕື້ໂດລາສະຫະລັດ.[1]
ການທ່ອງທ່ຽວເປັນອັນດັບ 3 ຂອງລາຍຮັບຕ່າງປະເທດຂອງລັດຖະບານລາວ, ຫຼັງຈາກການຂຸດຄົ້ນບໍ່ແຮ່ ແລະ ການຜະລິດໄຟຟ້າ. ໃນປີ 2019, ນັກທ່ອງທ່ຽວຕ່າງປະເທດ 4.79 ລ້ານຄົນໄດ້ເຂົ້າມາລາວ, ໃຊ້ຈ່າຍ 931 ລ້ານໂດລາສະຫະລັດ, ຄິດເປັນ 9.1% ຂອງເສດຖະກິດລາວ, ແລະ ສ້າງວຽກເຮັດງານກວ່າ 300,000 ຕຳແໜ່ງ.[2]
ໃນປີ 2019, ນັກທ່ອງທ່ຽວຕ່າງປະເທດສ່ວນໃຫຍ່ມາຈາກ 4 ປະເທດຄື: ໄທ (45%), ຈີນ (21.3%), ຫວຽດນາມ (19.3%), ແລະ ເກົາຫຼີໃຕ້ (4.2%).[3][2]
ລົດໄຟລາວ-ຈີນ ໄດ້ຊ່ວຍໃຫ້ມີນັກທ່ອງທ່ຽວເຂົ້າມາລາວຫຼາຍຂຶ້ນ, ໂດຍສະເພາະຈາກຈີນ, ແລະ ຊ່ວຍໃຫ້ການຂົນສົ່ງລະຫວ່າງວຽງຈັນ, ວັງວຽງ, ແລະ ຫຼວງພະບາງສະດວກຂຶ້ນ. [4]ລົດໄຟເປີດໃຊ້ງານໃນປີ 2021, ແລະ ບໍລິການຂ້າມຊາຍແດນລະຫວ່າງລາວ-ຈີນເລີ່ມໃນປີ 2023. ທຽບໃສ່ປະເທດເພື່ອນບ້ານຢ່າງໄທ, ລາວຍັງຄົງເປັນປະເທດທີ່ເຂົ້າຍາກກວ່າໂດຍທາງຍົນ, ໂດຍສະເພາະສາຍບິນຍາວ. ໃນປີ 2024, ມີບ່ອນນັ່ງຍົນໄປໄທກວ່າ 46 ລ້ານບ່ອນ, ແຕ່ມາລາວບໍ່ເກີນ 1.8 ລ້ານບ່ອນ. ສ່ວນໃຫຍ່ມາຈາກຈີນ ຫຼື ໄທ, ໝາຍຄວາມວ່ານັກທ່ອງທ່ຽວສ່ວນໃຫຍ່ຈະບໍ່ມາລາວຢ່າງດຽວ, ແຕ່ຈະລວມການໄປປະເທດໃກ້ຄຽງອີກ, ເພາະຕ້ອງຜ່ານປະເທດເຫຼົ່ານັ້ນເພື່ອມາລາວ.
ອ້າງອິງ
[ດັດແກ້]- ↑ Sitthixay, Phonethida (2024-11-19). "Laos Welcomes Over Five Million Tourists in 2024, Generating Over USD 1 Billion". Laotian Times (ພາສາອັງກິດ (ອາເມລິກັນ)). ຄົ້ນຫາເມື່ອ 2026-02-26.
- 1 2 "Lao PDR Tourism COVID-19 Recovery Roadmap for 2021-2025" (PDF). UNDP. 2021-10-21. ຄົ້ນຫາເມື່ອ 2026-02-26.
- ↑ https://www.vientianetimeslao.la/%e0%ba%99%e0%ba%b1%e0%ba%81%e0%ba%97%e0%bb%88%e0%ba%ad%e0%ba%87%e0%ba%97%e0%bb%88%e0%ba%bd%e0%ba%a7%e0%ba%88%e0%ba%b5%e0%ba%99-%e0%ba%a1%e0%ba%b2%e0%ba%97%e0%bb%88%e0%ba%bd%e0%ba%a7%e0%ba%ab%e0%ba%bc/[dead link]
- ↑ https://www.vientianetimeslao.la/%e0%ba%88%e0%ba%b3%e0%ba%99%e0%ba%a7%e0%ba%99%e0%ba%99%e0%ba%b1%e0%ba%81%e0%ba%97%e0%bb%88%e0%ba%ad%e0%ba%87%e0%ba%97%e0%bb%88%e0%ba%bd%e0%ba%a7%e0%bb%80%e0%ba%82%e0%ba%bb%e0%bb%89%e0%ba%b2%e0%ba%ad/[dead link]