ທຳນຽບລັດຖະບານໄທ

ທຳນຽບລັດຖະບານ (ໄທ: ทำเนียบรัฐบาล, ທຳເນີຍບຣັຖບາລ) ແມ່ນສະຖານທີ່ລາຊະການທີ່ສຳຄົນທີ່ສຸດແຫ່ງໜຶ່ງຂອງປະເທດໄທ ເນື່ອງຈາກເປັນສະຖານທີ່ທຳການຂອງລັດຖະບານໄທ ນາຍົກລັດຖະມົນຕີ ຮອງນາຍົກລັດຖະມົນຕີ ລັດຖະມົນຕີປະຈຳສຳນັກນາຍົກລັດຖະມົນຕີ ຕະຫຼອດຈົນຂ້າລາຊະການແລະເຈົ້າໜ້າທີ່ໃນສັງກັດສຳນັກນາຍົກລັດຖະມົນຕີ ສະຖານທີ່ປະຊຸມຂອງຄະນະລັດຖະມົນຕີ ສະຖານທີ່ຕ້ອນຮັບບຸກຄົນສຳຄັນລະດັບຜູ້ນຳຕ່າງປະເທດຊຶ່ງມາເຍືອນປະເທດໄທ ແລະຍັງໃຊ້ເປັນສະຖານທີ່ຈັດລັດຖະພິທີ ເຊ່ນ ງານສະໂມສອນສັນນິບາດຊະເຫຼິມພະກຽດ ເນື່ອງໃນວັນຊະເຫຼິມພະຊົນມະພັນສາຯ ເປັນຕົ້ນ ຕັ້ງຢູ່ທີ່ ເລຂທີ 1 ຖະໜົນພິດສະນຸໂລກ ແຂວງດຸສິດ ເຂດດຸສິດ ບາງກອກ

ປະຫວັດ

ທຳນຽບລັດຖະບານ ເດີມຊື່ "ບ້ານນໍຣະສິງ" ຊຶ່ງພະບາດສົມເດັດພະມົງກຸດເກົ້າເຈົ້າຢູ່ຫົວໂປດເກົ້າຯ ໃຫ້ສ້າງຂຶ້ນເພື່ອພະລາຊະທານແກ່ ເຈົ້າພະຍາຣາມຣາຄົບ (ໝ່ອມຫຼວງເຟື້ອ ພຶ່ງບຸນ) ຜູ້ເຄຍດຳລົງຕຳແໜ່ງຜູ້ສຳເຫຼັດລາຊະການມະຫາດເລັກ ແລະຜູ້ບັນຊາການກົມມະຫໍລະສົບ ແມ່ນຜູ້ທີ່ຊົງໄວ້ວາງພະລາຊະຫະລຶໄທ

ຊື່ບ້ານນໍຣະສິງ ບໍ່ປາກົດຫຼັກຖານແນ່ຊັດວ່າເປັນຊື່ພະລາຊະທານຫຼືເຈົ້າຂອງບ້ານຕັ້ງເອງ ຄາດວ່າ ເນື່ອງຈາກເຈົ້າພະຍາຣາມຣາຄົບເຄຍດຳລົງຕຳແໜ່ງຜູ້ບັນຊາການກົມມະຫໍລະສົບ ຊຶ່ງມີຕາເປັນຮູບນໍລະສິງອັນເປັນປາງໜຶ່ງຂອງພະນາລາຍ ອະວະຕານລົງມາປາບຍັກຫິລັນຍະກະສິປຸ ແຕ່ເດີມເຄຍມີຮູບປັ້ນນໍລະສິງເຕັມຕົວ ຕັ້ງຢູ່ກາງສະໜາມຫຍ້າໜ້າຕຶກໄກສອນ (ຕຶກໄທຄູ່ຟ້າ) ປັດຈຸບັນບໍ່ປາກົດຫຼັກຖານວ່າເຄື່ອນຍ້າຍໄປທີ່ໃດ

ຕໍ່ມາໃນເດືອນມີນາ ຄ.ສ. 1941 ເຈົ້າພະຍາຣາມຣາຄົບ ເຈົ້າຂອງບ້ານ ໄດ້ມີໜັງສືເຖິງ ທ່ານ ປີດີ ພະນົມຍົງ ລັດຖະມົນຕີວ່າການກະຊວງການຄັງ ເພື່ອສະເໜີຂາຍບ້ານແກ່ລັດຖະບານ ໃນລາຄາ 2,000,000 ບາດ ເພົາະເຫັນວ່າໃຫຍ່ໂຕເກີນຖານະ ແລະເສຍຄ່າບຳລຸງຮັກສາສູງ ແຕ່ກະຊວງການຄັງປະຕິເສດ

ລ່ວງມາເດືອນກັນຍາປີດຽວກັນ ທ່ານ ຈອມພົນ ແປກ ພິບູນສົງຄາມ ນາຍົກລັດຖະມົນຕີ ເຫັນຄວນໃຫ້ລັດຖະບານໄທຊື້ບ້ານນໍຣະສິງໄວ້ ເພື່ອເປັນສະຖານທີ່ຮັບຮອງແຂກເມືອງ ໃນທີ່ສຸດໄດ້ຕົກລົງຊື້ຂາຍກັນໃນລາຄາ 1,000,000 ບາດ ໂດຍຄະນະຜູ້ສຳເຫຼັດລາຊະການແທນພະອົງ ຄື ພະເຈົ້າວໍລະວົງເທີ ພະອົງເຈົ້າອາທິດທິບອາພາ ແລະເຈົ້າພະຍາພິຊະເຍນທະຣະໂຍມິນ (ອຸ່ມ ພິຊະເຍນທະຣະໂຍມິນ) ໄດ້ອະນຸມັດພາຍໃຕ້ພະບໍລົມລາຊານຸຍາດ ໃຫ້ກະຊວງການຄັງຈ່າຍເງິນຂອງສຳນັກງານຊັບສິນສ່ວນພະມະຫາກະສັດແກ່ເຈົ້າພະຍາຣາມຣາຄົບ ແລ້ວມອບກຳມະສິດບ້ານນໍຣະສິງເປັນຂອງສຳນັກນາຍົກລັດຖະມົນຕີ ຫຼັງຈາກນັ້ນ ທ່ານ ຈອມພົນ ແປກ ພິບູນສົງຄາມ ໄດ້ທຳການຍ້າຍທຳນຽບລັດຖະບານຈາກວັງສວນກຸຫຼາບມາທີ່ບ້ານນໍຣະສິງ ເມື່ອວັນທີ 31 ມີນາ ຄ.ສ. 1942

ລັດຖະບານໄດ້ຍ້າຍທີ່ທຳການຈາກທຳນຽບນາຍົກລັດຖະມົນຕີທີ່ວັງສວນກຸຫຼາບມາທີ່ "ບ້ານຍີ່ສິບສີ່ ມິຖຸນາ" (ປັດຈຸບັນຄືພື້ນທີ່ຕຶກບັນຊາການ 1 ທຳນຽບລັດຖະບານ) ເມື່ອວັນທີ 30 ມີນາ ຄ.ສ. 1942 ຕໍ່ມາໄດ້ປ່ຽນຊື່ເປັນ "ທຳນຽບສາມັກຄີໄຊ" ແລະ "ທຳນຽບລັດຖະບານ" ຕາມລຳດັບ ຕໍ່ມາວັນທີ 29 ພະຈິກ ຄ.ສ. 1963 ຄະນະລັດຖະມົນຕີມີມະຕິອະນຸມັດໃຫ້ຊື້ທຳນຽບລັດຖະບານຈາກສຳນັກງານຊັບສິນສ່ວນພະມະຫາກະສັດ ໂດຍທຳສັນຍາຊື້ຂາຍກັນໃນລາຄາ 17,780,802.36 ບາດ ແລ້ວຈຶງທຳການໂອນກຳມະສິດທີ່ສຳນັກງານທີ່ດິນຈັງຫວັດພະນະຄອນ ເມື່ອວັນທີ 1 ຕຸລາ ຄ.ສ. 1969

ກ່ອນໜ້ານັ້ນ ຄະນະກຳມະການລາຊະດອນ (ທຽບເທ່າຄະນະລັດຖະມົນຕີ) ໄດ້ໃຊ້ພະທີ່ນັ່ງອະນັນຕະສະມາຄົມ ເປັນສະຖານທີ່ປະຕິບັດລາຊະການຮ່ວມກັບສະພາຜູ້ແທນລາຊະດອນ ແມ້ຄະນະກຳມະການລາຊະດອນຈະແປສະພາບເປັນຄະນະລັດຖະມົນຕີຕາມລັດຖະທຳມະນູນແຫ່ງລາຊະອານາຈັກສະຫຍາມແລ້ວ ແຕ່ຍັງຄົງໃຊ້ພະທີ່ນັ່ງອະນັນຕະສະມາຄົມ ເປັນສະຖານທີ່ປະຕິບັດລາຊະການຕ່ໍໄປ ຈົນກະທັ່ງວັນທີ 21 ມິຖຸນາ ຄ.ສ. 1933 ນາຍົກລັດຖະມົນຕີມີຄຳສັ່ງໃຫ້ຍ້າຍສະຖານທີ່ປະຕິບັດລາຊະການມາທີ່ວັງປາຣຸດສະກະວັນ ເນື່ອງຈາກເປັນສະຖານທີ່ໜຶ່ງຊຶ່ງຄະນະລາຊະດອນເຂົ້າຍຶດໄວ້ເມື່ອຄາວການປະຕິວັດສະຫຍາມ ຄ.ສ. 1932 ແລະເປັນສະຖານທີ່ພັກຂອງພະຍາພະຫົນພົນພະຍຸຫະເສນາ (ພົດ ພະຫົນໂຍທິນ)​ ນາຍົກລັດຖະມົນຕີໃນຂະໜະນັ້ນດ້ວຍ ໂດຍໃຊ້ຊື່ວ່າ "ສຳນັກນາຍົກລັດຖະມົນຕີ ວັງປາຣຸດສະກະວັນ" ຕໍ່ມາ ວັນທີ 16 ທັນວາ ຄ.ສ. 1938 ສຳນັກນາຍົກລັດຖະມົນຕີຈຶງຍ້າຍສະຖານທີ່ປະຕິບັດລາຊະການອີກຄັ້ງ ມາຍັງວັງສວນກຸຫຼາບທີ່ຢູ່ໃກ້ຄຽງກັບວັງປາຣຸດສະກະວັນ ຊຶ່ງເປັນສະຖານທີ່ຫຼັງສຸດກ່ອນຈະຍ້າຍມາຍັງທຳນຽບລັດຖະບານໃນປັດຈຸບັນ