ຈຸລາລົງກອນມະຫາວິທະຍາໄລ

ຈາກ ວິກິພີເດຍ
Phra Kiao.svg

ຈຸລາລົງກອນມະຫາວິທະຍາໄລເປັນມະຫາວິທະຍາໄລແຫ່ງທຳອິດຂອງປະເທດໄທ[໑] ຕັ້ງຢູ່ທີ່ເຂດປະທຸມວັນ ກຸງເທບມະຫານະຄອນ ຖືກຳເນີດຈາກ"ໂຮງຮຽນສຳຫລັບເຝິກຫັດຂ້າລາດຊະນານຝ່າຍພົນລະເຮືອນ" ທີ່ພະບາດສົມເດັດພະຈຸລຈອມເກົ້າເຈົ້າຢູ່ຫົວ ໂປດເກົ້າຯ ໃຫ້ກໍ່ຕັ້ງຂຶ້ນພາຍໃນພະບຣົມມະຫາລາດຊະວັງ ເມື່ອປີພ.ສ. ໒໔໔໒ ພ້ອມທັງພະລາດຊະທານພະບຣົມລາຊາອະນຸຍາດໃຫ້ອັນເຊີນ"ພະກ້ຽວ"ມາເປັນເຄື່ອງຫມາຍປະຈຳໂຮງຮຽນ

ການດຳເນີນງານຂອງໂຮງຮຽນມີການພັດທະນາຢ່າງຕໍ່ເນື່ອງເປັນລຳດັບ ຈົນເມື່ອວັນທີ່ ໒໖ ມີນາ ພ.ສ. ໒໔໕໙ ພະບາດສົມເດັດພະມົງກຸດເຈົ້າຢູ່ຫົວໄດ້ສະຖາປະນາຂຶ້ນເປັນມະຫາວິທະຍາໄລ ແລະພະລາດຊະທານນາມວ່າ "ຈຸລາລົງກອນມະຫາວິທະຍາໄລ" ເພື່ອເປັນພະບຣົມລາຊານຸສາວະລີສະເຫລີມພະກຽດແຫ່ງພະບາດສົມເດັດພະຈຸລຈອມເກົ້າເຈົ້າຢູ່ຫົວ ສົມເດັດພະບຣົມຊົນກະນາດຂອງພະອົງ ນັບຕັ້ງແຕ່ ພ.ສ. ໒໔໖໐ ຮອດປະຈຸບັນ ຈຸລາລົງກອນມະຫາວິທະຍາໄລມີຜູ້ບັນຊາການ ແລະອະທິບໍດີດຳລົງຕຳແຫນ່ງມາແລ້ວ ໑໕ ຄົນ ອະທິການບໍດີຄົນປະຈຸບັນຄື ສາດສະດາຈານ ນາຍແພດ ພິຣົມ ກະມົນຣັດຕະນະກຸນ

ຈຸລາລົງກອນມະຫາວິທະຍາໄລໄດ້ຮັບການຍົກຍ່ອງໃຫ້ເປັນມະຫາວິທະຍາໄລຊັ້ນນຳຂອງໂລກ ທັງໃນສາຂາວິທະຍາສາດ ແລະເທັກໂນໂລຢີ ວິທະຍາສາດການແພດ ສັງຄົມສາດ ແລະມະນຸດສາດ[໒] ແລະໄດ້ຮັບການຮັບຮອງມາດຕະຖານການສຶກສາໃນລະດັບດີຫລາຍ ຈາກ ສຳນັກງານຮັບຮອງມາດຕະຖານແລະປະເມີນຄຸນນະພາບການສຶກສາ[໓] ປະຈຸບັນ ເປີດການຮຽນການສອນໃນ ໑໘ ຄະນະ ໑ ສຳນັກວິຊາ ບັນດິດວິທະຍາໄລ ວິທະຍາໄລ ແລະສະຖາບັນຕ່າງ ໆ ຮວມທັງຫມົດ ໔໙໒ ສາຂາວິຊາ ຫລັກສູດນານາຊາດ ແລະພາສາອັງກິດ ຮວມທັງຫມົດ ໗໐ ສາຂາວິຊາ[໔] ນອກຈາກນີ້ ຍັງໄດ້ຈັດຕັ້ງສະຖາບັນວິໄຈຂຶ້ນພາຍໃນມະຫາວິທະຍາໄລອີກຫລາຍແຫ່ງເພື່ອດຳເນີນການວິໄຈໃນສາດຕ່າງ ໆ ອີກນຳ

ໃນອະດີດ ຜູ້ທີ່ຈົບການສຶກສາຈາກຈຸລາລົງກອນມະຫາວິທະຍາໄລ ໄດ້ຮັບພະມະຫາກະລຸນາທິຄຸນ ໃຫ້ເຂົ້າຮັບ ພະລາດຊະທານປະລິນຍາບັດຈາກພະຫັດພະບາດສົມເດັດພະເຈົ້າຢູ່ຫົວພູມິພົນອະດຸນຍະເດດ ແຕ່ໃນປະຈຸບັນພະບາດສົມເດັດພະເຈົ້າຢູ່ຫົວ ຊົງພະກະລຸນາໂປດເກົ້າໂປດກະຫມ່ອມໃຫ້ ສົມເດັດພະເທບພຣະຣັຕນຣາຊສຸດາຯ ສະຫຍາມບຣົມລາດຊະກຸມາລີ ສະເດັດພະລາດຊະດຳເນີນມາປະຕິບັດພະລາດຊະກໍລະນີຍະກິດແທນພະອົງໃນການພະລາດຊະທານປະລິນຍາບັດແກ່ບັນດິດ ມະຫາບັນດິດ ແລະດຸດສະດີບັນດິດ ແຫ່ງຈຸລາລົງກອນມະຫາວິທະຍາໄລ ນັບເປັນກຽດຕິຍົດ ແລະຄວາມພູມໃຈຂອງຊາວຈຸລາຯ ຢ່າງສູງສຸດ.

ການສຶກສາ[ດັດແກ້]

ຫໍປະຊຸມໃຫຍ່ຂອງມະຫາວິທະຍາໄລຈຸລາລົງກອນ

ມະຫາວິທະຍາໄລຈຸລາລົງກອນປະກອບ ດ້ວຍ 20​ ຄະນະ, ວິທະຍາໄລ ແລະ ສະຖາບັນ:

  • ຄະນະສະຫະເວດສາດ
  • ຄະນະສະຖາປັດຕະຍາກຳສາດ
  • ຄະນະສິລະປະກຳສາດ
  • ຄະນະພານິດສາດ ແລະ ການບັນຊີ
  • ຄະນະນິເທດສາດ
  • ຄະນະທັນຕະແພດສາດ
  • ຄະນະເສດຖະສາດ
  • ຄະນະສຶກສາສາດ (ຄຣຸສາດ)
  • ຄະນະວິສະວະກຳສາດ
  • ຄະນະອັກສອນສາດ
  • ຄະນະນິຕິສາດ
  • ຄະນະແພດສາດ
  • ຄະນະພະຍາບານສາດ
  • ຄະນະເພສັດສາດ (ວິທະຍາສາດການຢາ)
  • ຄະນະລັດຖະສາດ
  • ຄະນະຈິດຕະວິທະຍາ
  • ຄະນະວິທະຍາສາດ
  • ຄະນະສັດຕະວະແພດສາດ
  • ວິທະຍາໄລບັນດິດ

ນອກຈາກນີ້ ຍັງມີ ວິທະຍາໄລການສາທາລະນະສຸກ, ວິທະຍາໄລປີໂຕຣລຽມແລະປີໂຕຣເຄມີ, ວິທະຍາໄລປະຊາກອນສາດ ແລະອື່ນໆ.

ໃນ ປີ 2005, ມະວິທະຍາໄລດັ່ງກ່າວ ຖືກຈັດເປັນມະຫາວິທະຍາໄລອັນດັບທີ 121 ໂດຍ Times Higher Education Supplement[໕]. ຖ້າບໍ່ລວມ ມະຫາວິທະຍາໄລ ຢູ່ ທະວີບອາເມລິກາເໜືອ ແລະ ເອີຣົບ, ຈະແມ່ນ ອັນດັບ ທີ 35. ຖ້າແຍກຕາມ ຂະແໜງ ຈະແມ່ນ ອັນດັບ ທີ 46 ສຳຫຼັບ ວິທະຍາສາດສັງຄົມ, 82 ສຳຫຼັບ ໄບໂອເມດີຊິນ, ແລະ 100 ສຳຫຼັບ ເທັກໂນໂລຢີ.

References[ດັດແກ້]

  1. ປະຫວັດຈຸລາລົງກອນມະຫາວິທະຍາໄລ
  2. ຈຸລາຯ ສ້າງຊື່ສຽງຕິດອັນດັບ ໑໒໑ ມະຫາວິທະຍາໄລຊັ້ນນຳໂລກ ຈາກການຈັດອັນດັບໂດຍ The Times Higher Education Supplement
  3. Cite error: Invalid <ref> tag; no text was provided for refs named .E0.BA.AA.E0.BA.A1.E0.BA.AA.
  4. ຫລັກສູດຈຸລາລົງກອນມະຫາວິທະຍາໄລ, ຫນ້າ ໘–໑໒
  5. ຈັດອັນດັບມະຫາວິທະຍາໄລໃນໂລກ