ໂສມງາມກັບເຈົ້າຊາຍອະສູນ

ຈາກ ວິກິພີເດຍ

ໂສມງາມກັບເຈົ້າຊາຍອະສູນ (ຝະລັ່ງ: La Belle et la Bête) ແມ່ນນິທານບູຮານດັ້ງເດີມ​ ສະບັບທຳອິດເຊິ່ງແມ່ນພາສາຝະລັ່ງ ປະພັນໂດຍມາດາມGabrielle-Suzanne Barbot de Villeneuve ໃນ ຄ.ສ.​ 1740 ສະບັບທີ່ມີຊື່ສຽງທີ່ສຸດ ແມ່ນສະບັບທີ່ໄດ້ຮັບການຫຍໍ້ເລື່ອງຂອງມາດາມ Villeneuve ໃນ ຄ.ສ. 1756 ໂດຍ ມາດາມ Jeanne-Marie Leprince de Beaumont ສະບັບພາສາອັງກິດສະບັບທຳອິດໄດ້ອອກມາໃນ ຄ.ສ. 1757[໑]

ຫຼາກຫຼາຍສະບັບຂອງນິທານເລື່ອງໂສມງາມກັບເຈົ້າຊາຍອະສູນ ໄດ້ເປັນທີ່ຮູ້ຈັກດີໃນເອີລົບ[໒] ຍົກໂຕຢ່າງ ໃນປະເທດຝະລັ່ງ Zémire et Azor ແມ່ນສະບັບໂອເປລາຂອງນິທານເລື່ອງນີ້ ປະພັນໂດຍ Marmontel ແລະຈັດບັນເລງໂດຍGrétry​ໃນ​ ຄ.ສ. 1771​​ ສະບັບໂອເປລານີ້ໄດ້ຮັບຊື່ສຽງຫຼາຍໃນສັດຕະວັດທີ 19[໓] ສະບັບນີ້ແມ່ນສະບັບທີ່ໃຊ້ໂຄງຮ່າງຂອງສະບັບມາດາມ Jeanne-Marie Leprince de Beaumont.

ບົດສະລຸບ[ແກ້ໄຂ]

ພາບປະກອບຂອງໂສມງາມກັບເຈົ້າຊາຍອະສູນໂດຍທ້າວ ວອນເທີ ຄະເລນ

ພໍ່ຄ້າຜູ້ຮັ່ງມີຜູ້ໜຶ່ງ ອາໄສຢູ່ໃນເມືອງກັບລູກສາວສາມຄົນ. ລູກສາວຄົນສຸດທ້ອງໄດ້ຮັບການຕັ້ງຊື່ວ່າ ເບວ (ແປວ່າຈົບງາມ ໃນພາສາຝະລັ່ງ: Belle) ຍ້ອນວ່າລາວເປັນເດັກທີ່ມີຈິດໃຈດີແລະບໍລິສຸດ. ພໍ່ຄ້າຜູ້ຮັ່ງມີ ໃນມີ່ສຸດ ກໍໄດ້ສູນເສຍຊັບສິນທີ່ລາວມີທັງໝົດໄປ. ຄວາມໂຊກຮ້າຍຂອງລາວ ເຮັດໃຫ້ລາວກັບລູກທັງສາມ ຕ້ອງຍ້າຍບ່ອນພັກອາໄສໄປຢູ່ແຖບຊົນນະບົດ ລຸນຫຼັງການອາໄສຢູ່ກັບຄວາມລຳບາກກາຍມາເປັນປີ ໆ ພໍ່ຄ້າກໍໄດ້ຮັບຂ່າວວ່າເຮືອສັບພະສິນຄ້າທີ່ລາວເຄີຍສົ່ງອອກຂາຍໃນອະດີດ ໄດ້ກັບຄືນມາສູ່ທ່າເຮືອ ເຊິ່ງແມ່ນເຮືອທີ່ລີ້ເຈົ້າໜີ້ມາໄດ້. ດັ່ງນັ້ນ ພໍ່ຄ້າຈຶ່ງຕັດສິນໃຈວ່າ ​ຈະໄປເບິ່ງໃນເມືອງວ່າ ເຮືອລຳນັ້ນຍັງມີຫຍັງຫຼົງເຫຼືອໃຫ້ລາວແລະລູກໆ​ ຢູ່. ກ່ອນທີ່ຈະຈາກລູກ ໆ ​ໄປ ໃນຊົນນະບົດໄປຍັງໃນເມືອງ ລາວໄດ້ຖາມລູກ ໆ ວ່າຢາກໄດ້ຂອງຂວັນຫຍັງແດ່ ລູກຄົນໂຕທັງສອງ ບອກກັບພໍ່ຂອງເຂົາເຈົ້າວ່າ ຢາກໄດ້ເຄື່ອງເພັດ ແລະຊຸດງາມ ໆ ໂດຍຄຶດວ່າພໍ່ຕ້ອງກັບມາພ້ອມກັບຄວາມຮັ່ງມີຢ່າງແນ່ນອນ. ເບວຜູ້ເປັນລູກສາວສຸດທ້ອງ ຢາກໄດ້ພຽງແຕ່ດອກກຸຫຼາບພຽງດອກດຽວ ຍ້ອນໃນຊົນນະບົດ​ ບໍ່ມີກຸຫຼາບຈັກດອກ. ເມື່ອພໍ່ຄ້າຮອດທ່າເຮືອ ກໍໄດ້ພົບພໍ້ກັບຄວາມຜິດຫວັງ ຍ້ອນວ່າເຮືອສັບພະສິນຄ້ານັ້ນ ໄດ້ຖືກເຈົ້າໜີ້ຍຶດເອົາໄປເສຍແລ້ວ ເຊິ່ງເຮັດໃຫ້ລາວບໍ່ມີເງິນທີ່ຈະຊື້ຫຍັງໃຫ້ລູກ ໆ.

ອ້າງອິງ[ແກ້ໄຂ]

  1. Jeanne-Marie Leprince de Beaumont, Beauty and the Beast (ອັງກິດ)
  2. Heidi Anne Heiner, "Tales Similar to Beauty and the Beast" (ອັງກິດ)
  3. Thomas, Downing. Aesthetics of Opera in the Ancien Régime, 1647-1785. Cambridge: Cambridge UP, 2002. (ອັງກິດ)

ລິງກ໌[ແກ້ໄຂ]