ເມືອງໄກສອນ ພົມວິຫານ

ຈາກ ວິກິພີເດຍ
Wiki letter w.svg ກະລຸນາຊ່ວຍ ປັບປຸງ ບົດຄວາມ ຫຼື ພາກນີ້ ໂດຍ ການຂະຫຍາຍມັນອອກຕື່ມ.
ການສົນທະນາກັນ ອາດຈະມີ ຢູ່ ໜ້າສົນທະນາ ຫຼື ຢູ່ ຂໍໃຫ້ຂະຫຍາຍ.


ແຂວງສະຫວັນນະເຂດ ຕັ້ງຢູ່ພາກກາງຂອງ ສປປ ລາວ ມີເຂດແດນຕິດຈອດກັບແຂວງ ແລະ ປະເທດໃກ້ຄຽງດັງນີ້:  ທິດເໜືອຕິດກັບແຂວງຄຳມ່ວນ ມີຄວາມຍາວເຖິງ 314 ກມ.  ທິດໃຕ້ຕິດກັບ ແຂວງ ສາລະວັນ ມີຄວາມຍາວເຖິງ 259 ກມ.  ທິດຕາເວັນອອກ ຕິດກັບປະເທດ ສາທາລະນະລັດ ສັງຄົມນິຍົມຫວຽດນາມ ມີຄວາມຍາວເຖິງ 122 ກມ.  ທິດຕາເວັນຕົກ ຕິດກັບປະເທດ ຣາຊາອານາຈັກໄທ ມີຄວາມຍາວເຖິງ 152 ກມ. ມີເນື້ອທີທັງໝົດ 21.774ກມ, ກວມເອົາ 9,2% ຂອງເນື້ອທີ່ທັງໝົດຂອງປະເທດ,ຈັດຢູ່ໃນອັນດັດສອງຮອງຈາກ ແຂວງ ວຽງຈັນ, ເປັນແຂວງທີມີປະຊາກອນຫຼາຍທີສຸດມີ 902.064 ຄົນ, ມີຄວາມໜາແໜ້ນຂອງ ພົນລະເມືອງແມ່ນ 42 ຄົນ/ກມ. ປະກອບມີ 15 ຕົວເມືອງ ເຊິ່ງມີ ເມືອງ ໄກສອນພົມວິຫານ ເປັນເມືອງເທດສະບານ.(ພະແນກແຜນການ ແລະ ການລົງທຶນ ແຂວງ ສະຫັວນນະເຂດ, 2016) ເມືອງໄກສອນພົມວິຫານ ເປັນເມື່ອງໜຶ່ງທີ່ນອນຢູ່ໃນເທດສະບານຂອງ ແຂວງ ສະຫວັນນະເຂດ ໃນຈຳນວນ 15 ເມືອງ ເຊິ່ງມີເນື້ອທີ 779,03ກມ ມົນທົນ ກວມເອົາ 3,57% ຂອງເນື້ອທີທົວແຂວງ (ເນື້ອທີແຂວງສະຫວັນນະເຂດ 21.774ກມ), ມີຊາຍແດນຕິດຈອດກັບ 4 ຕົວເມືອງຄື: ທິດເໜືອຕິດກັບ ເມືອງ ໄຊບູລີ, ທິດຕາເວັນອອກຕິດກັບ ເມືອງ ອຸທຸມພອນ, ທິດໃຕ້ຕິດກັບ ເມືອງ ໄຊພູທອງ, ທິດຕາເວັນອອກສ່ຽງເໜືອ ຕິດກັບ ເມືອງ ຈຳພອນ ແລະ ທິດຕາເວັນຕົກຍັງມີຊາຍແດນແມ່ນ້ຳຂອງ ຕິດກັບລາຊາອານາຈັກໄທ (ຈັງຫວັດມຸກດາຫານ) ເຊິ່ງມີຄວາມຍາວ 43 ກິໂລແມັດ. ທົ່ວເມືອງມີ 67 ບ້ານ, ແບ່ງອອກເປັນ 13 ກຸ່ມບ້ານ, ມີພົນລະເມືອງທັງໝົດ 123.190 ຄົນ, ຍິງ 62.310 ຄົນ, ມີ 19.624 ຄອບຄົວ ແລະ 22.663 ຫຼັງຄາ, ມີເຜົ່າລາວກວມ 98%, ເຜົ່າອື່ນໆ 02%, ມີນາຍບ້ານທັງໝົດ 67 ຄົນ, ຍິງ 04 ຄົນ, ຮອງນາຍບ້ານ 155 ຄົນ, ຍິງ 40 ຄົນ, ຜູ້ຊວ່ຍ 512 ຄົນ, ຍິງ 125 ຄົນ (ພະແນກກະສິກໍາ ແລະ ປ່າໄມ້ ເມືອງ ໄກສອນພົມວິຫານ ,ບົດສະຫຼຸບ ການຈັດຕັ້ງປະຕິບັດແຜນພັດທະນາເສດຖະກິດ - ສັງຄົມ 2015-2016).