ເມືອງປາກເຊ

ເມືອງປາກເຊ ປາກເຊ
ເມືອງ ແລະ ເທສະບານໃນລາວ
ນະຄອນປາກເຊ
ເມືອງປາກເຊ
ເມືອງປາກເຊ ທີ່ຕັ້ງຂອງນະຄອນປາກເຊໃນປະເທດລາວ
ພິກັດ: 15°07′N 105°47′E
ປະເທດ	ລາວ
ແຂວງ	ຈຳປາສັກ
ເມືອງ	ປາກເຊ
ປະຊາກອນ
• ທັງໝົດ	87,000 ຄົນ
• ສາສະໜາ	ພຸດ

ວັດແກ້ວສຳພັນ

ອາດີດພະລາຊະວັງສະເດັດບຸນອູ້ມ (ໂຮງແຮມຈຳປາສັກພາເລດສ໌)

ວັດຫຼວງ

ເມືອງປາກເຊ ຫຼື ນະຄອນປາກເຊ ເປັນເມືອງເອກຂອງແຂວງຈຳປາສັກ ຕັ້ງກວມເອົາປາກເຊໂດນທີ່ປ່ອງໃສ່ແມ່ນໍ້າຂອງ ມີເນື້ອທີ່ 180 ກມ² ມີປະຊາກອນ 87,000 ຄົນ (2022). ທິດເໜືອຕິດເມືອງຊະນະສົມບູນ ທິດຕາເວັນອອກຕິດເມືອງບາຈຽງຈະເລີນສຸກ ທິດໃຕ້ຕິດເມືອງປະທຸມພອນ ທິດຕາເວັນຕົກຕິດແມ່ນ້ຳຂອງ.

ປາກເຊຍັງຂຶ້ນຊື່ດ້ວຍຄວາມເປັນເອກະລັກ ແລະ ຄວາມງາມແບບເອີຣົບ, ຈຶ່ງຖືກເລືອກເປັນສະຖານທີ່ຖ່າຍຮູບເງົາດັງໆ ເຊັ່ນ: "ສະບາຍດີຫຼວງພະບາງ" ແລະ "ສະບາຍດີ 2 - ບໍ່ມີຄຳຕອບຈາກປາກເຊ".

ປະຫວັດ

ເມືອງປາກເຊຖືກສ້າງຕັ້ງໃນປີ 1905 ໂດຍຈັກກະພັດຝຣັ່ງ ແລະ ເປັນນະຄອນຫຼວງຂອງອານາຈັກຈຳປາສັກກ່ອນປີ 1946 ຫຼັງຈາກໄດ້ຮັບເອກະລາດຈາກຝຣັ່ງແລ້ວນັ້ນກໍໄດ້ເປັນສ່ວນໜື່ງຂອງພຣະຣາຊອານາຈັກລາວໃນໄລຍະຕໍ່ມາ.

ເນື່ອງຈາກຢູ່ໃຕ້ການປົກຄອງຂອງຝຣັ່ງ. ເມືອງປາກເຊໃນສະໄໝນັ້ນເປັນເມືອງຍຸດທະສາດສຳຄັນ ແລະ ເປັນສູນກາງຄວບຄຸມພາກໃຕ້ລາວຂອງຝຣັ່ງ. ດັ່ງນັ້ນ, ປາກເຊມື້ນີ້ຍັງຄົງມີຮອຍເລື່ອງລາວແບບເອີຣົບຢູ່, ໂດຍສະເພາະຕຶກເກົ່າໆທີ່ເປັນຈຸດດຶງດູດໃຈຜູ້ຄົນ.

ການສະເໜີປ່ຽນຊື່

ແຈ້ງການຂອງຄະນະຈັດຕັ້ງສູນກາງພັກ ເລກທີ 521/ຄຈສພ ນະຄອນຫຼວງວຽງຈັນ, ລົງວັນທີ 24 ມີນາ 2026

ວັນທີ 24 ມີນາ 2026 ໃນແຈ້ງການເລກທີ 521/ຄຈສພ ໄດ້ມີການຄົ້ນຄວ້າພິຈາລະນາປ່ຽນຊື່ເມືອງປາກເຊ ເປັນເມືອງຄຳໄຕ ສີພັນດອນ ເພື່ອເປັນກຽດແກ່ອະດີດປະທານປະເທດ ຄຳໄຕ ສີພັນດອນ. ເຊິ່ງປັດຈຸບັນຂໍ້ສະເໜີດັ່ງກ່າວກຳລັງຢູ່ໃນຂັ້ນຕອນທາງການ, ໂດຍເຈົ້າໜ້າທີ່ທ້ອງຖິ່ນກຳລັງກະກຽມເອກະສານ ແລະ ການປຶກສາຫາລືເພື່ອຂໍການອະນຸມັດຈາກສະພາແຫ່ງຊາດ. ຖ້າຫາກໄດ້ຮັບການອະນຸມັດ ແລະ ປ່ຽນຊື່ແລ້ວນັ້ນ ເມືອງນີ້ຈະເປັນເມືອງທີ່ສອງທີ່ໄດ້ຖືກຕັ້ງຕາມຊື່ອະດີດປະທານປະເທດລາວ ເຊິ່ງເປັນເມືອງໄກສອນ ພົມວິຫານ (ແຂວງສະຫວັນນະເຂດ)