ເມືອງຫຼວງພະບາງ

ນະຄອນຫຼວງພະບາງ ຫຼວງພະບາງ,ຫລວງພຣະບາງ Luang Prabang Capital
ເມືອງ ແລະ ເທສະບານໃນລາວ
ທິວທັດຂອງຫຼວງພະບາງຖ່າຍຈາກພູສີ
ນະຄອນຫຼວງພະບາງ
ພິກັດ: 19°53′24″N 102°08′05″E
ປະເທດ	ປະເທດລາວ
ສ່ວນໜຶ່ງຂອງ	ແຂວງຫຼວງພະບາງ
ການປົກຄອງ
• ປະເພດ	ເຈົ້າເມືອງ
• ໜ່ວຍງານ	ຄະນະກຳມະການປົກຄອງທ້ອງຖິ່ນເມືອງມໍລະດົກໂລກແຂວງຫຼວງພະບາງ
ຄວາມສູງ	305 ແມັດ (Bad rounding here1,000 ຟຸດ)
ປະຊາກອນ
• ທັງໝົດ	(82,630) ຄົນ
ເດມະນິມ	ລາວ
ເຂດເວລາ	UTC+7 (ICT)
ເວັບໄຊ	https://tourismluangprabang.gov.la

ນະຄອນຫຼວງພະບາງ (ອັງກິດ: Luang Prabang ; Louang Phabang) ເປັນເມືອງເອກຂອງ ແຂວງຫຼວງພະບາງ ມີອານາເຂດຕິດກັບ ເມືອງຈອມເພັດ, ເມືອງປາກອູ, ເມືອງນ້ຳບາກ ແລະ ເມືອງຊຽງເງິນ ແລະຕິດກັບແມ່ນ້ຳຂອງ,ແມ່ນ້ຳຄານ ແລະ ນະຄອນຫຼວງພະບາງໄດ້ຖືກຍົກລະດັບຈາກເມືອງເປັນນະຄອນຢ່າງເປັນທາງການໃນວັນທີ 15 ເມສາ ຄ.ສ 2018 (ພ.ສ 2561) , ເພື່ອຮັບຮູ້ເຖິງບົດບາດສຳຄັນຂອງແຂວງໃນຖານະທີ່ເປັນສູນກາງທາງປະຫວັດສາດ, ວັດທະນະທຳ, ທ່ອງທ່ຽວ ແລະ ການພັດທະນາໃນລາວ.

ມໍລະດົກໂລກ ອຸຍແນສໂກ
ເມືອງຫຼວງພະບາງ
ຊື່ທາງການ	Town of Luang Prabang
ຊື່ປັດຈຸບັນ	Luang Prabang Capital
ປະເທດ	ສ.ປ.ປ.ລາວ
ປະເພດ	ມໍລະດົກວັດທະນະທຳ
ເກນ	(ii), (iv), (v)
ID	479bis
ພາກພື້ນ	ອາຊີ-ປາຊີຟິກ
ປີຂຶ້ນທະບຽນ	ຄ.ສ 1995
ການຂຶ້ນທະບຽນ
ສະໄໝການປະຊຸມ	ຄັ້ງທີ່ 19
ວັນທີ	4–9 ທັນວາ ຄ.ສ 1995
ຄະນະກຳມະການ	ຄະນະກຳມະການມໍລະດົກໂລກຊຸດທີ່ 19
ມະຕິ	19 COM VIII.C.1
ສະຖານທີ່ການປະຊຸມ	ຫໍວັດທະນະທຳໂລກ (Haus der Kulturen der Welt), ເບີລິນ, ເຢຍລະມັນ
ຂໍ້ມູນພື້ນທີ່
ພິກັດຕຳແໜ່ງ	19°53′20.004″N 102°07′59.988″E
ເນື້ອທີ່	820 ເຮັກຕາ
ເຂດກັນຊົນ	12,560 ເຮັກຕາ
ການປ່ຽນແປງເຂດແດນ	ຄ.ສ 2013

ແຫຼ່ງມໍລະດົກໂລກ

ຫຼວງພະບາງໄດ້ຮັບການຂຶ້ນທະບຽນເປັນແຫຼ່ງມໍລະດົກໂລກ ເນື່ອງຈາກມີວັດວາອາຮາມເກົ່າແກ່ຈຳນວນຫຼາຍ ມີເຮືອນເກົ່າທີ່ມີເອກະລັກ ແລະຕົວເມືອງຕັ້ງຢູ່ລຽບແມ່ນ້ຳຂອງ ແລະແມ່ນ້ຳຄານ ທີ່ໄຫຼມາບັນຈົບກັນ ທ່າມກາງທຳມະຊາດອັນງົດງາມ. ຊາວຫຼວງພະບາງຍັງມີອັດທະຍາໄສຍິ້ມແຍ້ມ ເປັນມິດ ແລະມີຂະນົບທຳນຽມປະເພນີອັນງົດງາມ.

ເຊິ່ງກົງກັບເກນການພິຈາລະນາຂອງອົງການ ອຸຍແນສໂກ ດັ່ງນີ້

• (ii) - ເປັນສິ່ງທີ່ມີອິດທິພົນຢ່າງສຳຄັນ ແລະຜັກດັນໃຫ້ເກີດການພັດທະນາສືບຕໍ່ມາໃນດ້ານການອອກແບບສະຖາປັດຕະຍະກຳ ອະນຸສາວະລີ ປະຕິມາກຳ ສວນ ແລະພູມສັນຖານ ຕະຫຼອດຈົນເຖິງການພັດທະນາສິລະປະທີ່ກ່ຽວຂ້ອງ ຫຼືການພັດທະນາການຕັ້ງຖິ່ນຖານຂອງມະນຸດ ເຊິ່ງເກີດຂຶ້ນໃນຊ່ວງເວລາໃດເວລາໜຶ່ງ ຫຼືໃນພື້ນທີ່ໃດໜຶ່ງຂອງໂລກທີ່ມີວັດທະນະທຳ.

• (iv) - ເປັນຕົວຢ່າງອັນໂດດເດັ່ນຂອງປະເພດສິ່ງກໍ່ສ້າງ ອັນເປັນຕົວແທນຂອງການພັດທະນາດ້ານວັດທະນະທຳ ສັງຄົມ ສິລະປະ ວິທະຍາສາດ ເຕັກໂນໂລຊີ ແລະອຸດສາຫະກຳ ໃນປະຫວັດສາດຂອງມະນຸດ.

• (v) - ເປັນຕົວຢ່າງອັນໂດດເດັ່ນຂອງວັດທະນະທຳມະນຸດ ຂະນົບທຳນຽມປະເພນີດ້ານສະຖາປັດຕະຍະກຳ ວິທີການກໍ່ສ້າງ ຫຼືການຕັ້ງຖິ່ນຖານຂອງມະນຸດ ຊຶ່ງອາດເສື່ອມສະຫຼາຍໄດ້ງ່າຍຈາກຜົນກະທົບຂອງການປ່ຽນແປງທາງສັງຄົມ ແລະວັດທະນະທຳຕາມການເວລາ.

ເອກະສານຮັບຮອງ

ເອກະສານຮັບຮອງ ເມືອງຫຼວງພະບາງ ເປັນມໍລະດົກໂລກໃນວັນທີ 9 ທັນວາ ຄ.ສ 1995 (ພ.ສ 2538).

Documents certifying Luang Prabang as a World Heritage Site 9 December 1995 website www.luangprabangculture.com

ໃນຂະນະທີ່ແຫຼ່ງມໍລະດົກໂລກແຫ່ງອື່ນອາດໄດ້ຮັບການຂຶ້ນທະບຽນໂດຍສະເພາະເຈາະຈົງໃນໂບຮານສະຖານ ຫຼືແຫຼ່ງທຳມະຊາດ ແຕ່ຫຼວງພະບາງທັງເມືອງໄດ້ຮັບການຂຶ້ນທະບຽນເປັນມໍລະດົກຂອງມວນມະນຸດໃນເດືອນທັນວາ ຄ.ສ.1995 ແລະຍັງໄດ້ຮັບການຍົກຍ້ອງວ່າເປັນໜຶ່ງໃນເມືອງທີ່ຮັກສາສະພາບເດີມໄວ້ໄດ້ດີທີ່ສຸດໃນອາຊີຕາເວັນອອກສ່ຽງໃຕ້.

• 
  ແມ່ນ້ຳຂອງ
• 
  ພະສົງອອກໃສ່ບາດ
• 
  ຫໍພະບາງ
• 
  ວັດຫໍສ່ຽງ
• 
  ວັດແສນສຸຂາຣາມ
• 
  ວັດທາດຫຼວງ
• 
  ຕະຫຼາດສົດ

ການເດີນທາງ

ລົດໄຟ

ນະຄອນຫຼວງພະບາງມີສະຖານີລົດໄຟຫຼວງພະບາງ ຫ່າງຈາກຕົວເມືອງປະມານ 15 ກິໂລແມັດ. ມີລົດໄຟເຊື່ອມຕໍ່ກັບນະຄອນຫຼວງວຽງຈັນ, ວັງວຽງ, ເມືອງໄຊ ແລະ ບໍ່ເຕັນ ໂດຍມີທັງລົດໄຟດ່ວນ ແລະ ລົດໄຟທຳມະດາ. ນອກຈາກນີ້ ຍັງມີລົດໄຟສາກົນເຊື່ອມຕໍ່ກັບນະຄອນຄຸນໝິງ ປະເທດຈີນ ຜ່ານບໍ່ເຕັນ.

ເຄື່ອງບິນ

ການເດີນທາງທາງອາກາດໃຊ້ສະໜາມບິນສາກົນຫຼວງພະບາງ ເຊິ່ງຢູ່ຫ່າງຈາກໃຈກາງເມືອງປະມານ 4 ກິໂລແມັດ. ມີຖ້ຽວບິນພາຍໃນປະເທດ ເຊັ່ນ ຫຼວງພະບາງ–ນະຄອນຫຼວງວຽງຈັນ ແລະ ຖ້ຽວບິນສາກົນ ເຊັ່ນ ບາງກອກ, ຊຽງໃໝ່ ແລະ ຮ່າໂນ້ຍ. ທັງນີ້ ເສັ້ນທາງ ແລະ ຕາຕະລາງຖ້ຽວບິນອາດມີການປ່ຽນແປງຕາມໄລຍະເວລາ.

ລົດໂດຍສານ

ຫຼວງພະບາງມີສະຖານີຂົນສົ່ງທັງສາຍເໜືອ ແລະ ສາຍໃຕ້. ລົດໂດຍສານສາຍໃຕ້ເຊື່ອມຕໍ່ກັບເມືອງຕ່າງໆ ເຊັ່ນ ວັງວຽງ ແລະ ນະຄອນຫຼວງວຽງຈັນ. ສ່ວນສະຖານີຂົນສົ່ງສາຍເໜືອມີເສັ້ນທາງໄປຍັງເມືອງໄຊ, ແຂວງຫຼວງນໍ້າທາ, ຫ້ວຍຊາຍ ແລະ ເມືອງອື່ນໆທາງພາກເໜືອ.

ປະຫວັດ

ນະຄອນຫຼວງພະບາງແມ່ນເມືອງເອກຂອງແຂວງຫຼວງພະບາງ, ຕັ້ງຢູ່ທາງພາກເໜືອຂອງລາວ. ເປັນເມືອງທີ່ເກົ່າແກ່ ແລະ ມີຄວາມສຳຄັນທາງດ້ານປະຫວັດສາດ, ວັດທະນະທຳ, ແລະ ສິລະປະຂອງປະເທດລາວ. ຫຼວງພະບາງເຄີຍເປັນນະຄອນຫຼວງຂອງອານາຈັກລ້ານຊ້າງ ໃນສະຕະວັດທີ XIV ເຊິ່ງເປັນຍຸກທີ່ລາວມີຄວາມຈະເລີນຮຸ່ງເຮືອງທາງດ້ານວັດທະນະທຳ ແລະ ການເມືອງ. ເມືອງນີ້ຍັງເປັນສູນກາງທາງດ້ານສາສະໜາ ແລະ ການສຶກສາມາແຕ່ດົນນານ.

ໃນປີ 1995, ຫຼວງພະບາງໄດ້ຮັບການຍອມຮັບເປັນເມືອງມໍລະດົກໂລກຈາກອົງການອຸຍແນສໂກ ເນື່ອງຈາກມີຄຸນຄ່າທາງດ້ານວັດທະນະທຳ ແລະ ປະຫວັດສາດທີ່ເປັນເອກະລັກ.

ສະຖາປັດຕະຍະກຳຂອງຫຼວງພະບາງແມ່ນການປະສົມປະສານລະຫວ່າງສະຖາປັດຕະຍະກຳລາວດັ້ງເດີມ ແລະ ແບບອານານິຄົມຂອງຝຣັ່ງໃນສັດຕະວັດທີ XIX ແລະ XX. ນອກຈາກນີ້, ຫຼວງພະບາງຍັງມີວັດຫຼາຍແຫ່ງທີ່ສະແດງໃຫ້ເຫັນຄວາມອັດສະຈັນຂອງສິລະປະການກໍ່ສ້າງ ແລະ ຄວາມເຊື່ອຖືທາງສາສະໜາ.

ປັດຈຸບັນ, ຫຼວງພະບາງເປັນເມືອງທ່ອງທ່ຽວທີ່ມີຊື່ສຽງຂອງລາວ ແລະ ໂລກ. ມີສະຖານທີ່ທ່ອງທ່ຽວທີ່ສວຍງາມ ແລະ ມີຄວາມໝາຍທາງປະຫວັດສາດ ເຊັ່ນ:

•    ພະທາດພູສີ: ສະຖານທີ່ສຳຄັນທາງສາສະໜາ ຕັ້ງຢູ່ເທິງພູເປັນຈຸດຊົມວິວເມືອງທີ່ສວຍງາມ.
•    ວັດຊຽງທອງ: ວັດທີ່ມີຄວາມສຳຄັນທາງປະຫວັດສາດ ແລະ ສິລະປະການກໍ່ສ້າງ.
•    ນໍ້າຕົກຕາດກວາງຊີ: ທຳມະຊາດທີ່ສວຍງາມ ແລະ ເປັນທີ່ນິຍົມຂອງນັກທ່ອງທ່ຽວ.
•    ຕະຫຼາດກາງຄືນ: ສະຖານທີ່ຊື້ຂາຍສິນຄ້າພື້ນເມືອງ ແລະ ຫັດຖະກຳຂອງຊາວຫຼວງພະບາງ.
• ພະລາຊະວັງຫຼວງພະບາງ: ເຄີຍເປັນທີ່ປະທັບຂອງກະສັດລາວ ປັດຈຸບັນເປັນຫໍພິພິທະພັນແຫ່ງຊາດຫຼວງພະບາງ.

ບຸນປະເພນີ

•    ບຸນປີໃໝ່ລາວ (ບຸນສັງຂານ): ບຸນປີໃໝ່ລາວ ແມ່ນປະເພນີສຳຄັນຂອງລາວ ຈັດຂຶ້ນໃນເດືອນເມສາຂອງທຸກປີ ໂດຍມີການເຮັດບຸນ ສົງນ້ຳພະ ຮົດນ້ຳ ແລະຂະບວນແຫ່. ນະຄອນຫຼວງພະບາງເປັນໜຶ່ງໃນສະຖານທີ່ສຳຄັນທີ່ຈັດງານປີໃໝ່ລາວ.
•    ບຸນໄຫຼເຮືອໄຟ (ບຸນອອກພັນສາ): ແມ່ນປະເພນີສຳຄັນຂອງລາວ ຈັດຂຶ້ນໃນວັນອອກພັນສາ ໂດຍມີການເຮັດບຸນ ຈຸດປະທີບ ລອຍກະທົງ ແລະ ໄຫຼເຮືອໄຟລົງຕາມແມ່ນ້ຳ.
•    ບຸນຊ່ວງເຮືອ (ບຸນຫໍ່ເຂົ້າປະດັບດິນ): ບຸນຊ່ວງເຮືອແມ່ນປະເພນີແຂ່ງເຮືອຂອງຊາວຫຼວງພະບາງຈັດຂຶ້ນຕາມແມ່ນ້ຳໃນຫຼາຍພື້ນທີ່ ລວມທັງນະຄອນຫຼວງພະບາງ ໂດຍຈັດຂຶ້ນໃນຊ່ວງບຸນຫໍ່ເຂົ້າປະດັບດິນ ແລະມີການເຮັດບຸນ ແລະແຂ່ງເຮືອຍາວເປັນກິດຈະກຳສຳຄັນ.

ຫຼວງພະບາງຈຶ່ງເປັນເມືອງທີ່ມີຄວາມອຸດົມສົມບູນທາງດ້ານວັດທະນະທຳ, ປະຫວັດສາດ, ແລະ ທຳມະຊາດ ທີ່ດຶງດູດນັກທ່ອງທ່ຽວຈາກທົ່ວໂລກໃຫ້ເດີນທາງມາຢ້ຽມຢາມຢ່າງບໍ່ຢຸດຢັ້ງ.