ອຸດທິຍານບາຈຽງ
 | ບົດຄວາມນີ້ອາດຕ້ອງປັບປຸງໃຫ້ມີມຸມມອງທີ່ເປັນກາງ ເນື່ອງຈາກນຳສະເໜີມຸມມອງພຽງດ້ານດຽວ. ເບິ່ງໜ້າສົນທະນາປະກອບ ກະລຸນາຢ່ານຳປ້າຍອອກຈົນກວ່າຈະມີຂໍ້ສະຫຼຸບ. |
ອຸດທິຍານບາຈຽງ ແມ່ນອຸທິຍານໃນແຂວງຈຳປາສັກ ເຕັມໄປດ້ວຍຄວາມສວຍງາມຂອງນ້ຳຕົກຕາດ, ປ່າໄມ້ທຳມະຊາດ, ເອກະລັກວັດທະນະທຳແບບບູຮານຂອງ 11 ຊົນເຜົ່າ ໂຄງການຈັດສັນອອກແບບເຮືອນບູຮານຊົນເຜົ່າຢ່າງສວຍງາມ, ມີການບໍລິການດີຖືກໃຈລູກຄ້າ, ຮ້ານອາຫານປອດສານເຄມີ, ໃຫ້ຄວາມປອດໄພກັບການທ່ຽວຊົມສາມາດດຶງດູດນັກທ່ອງທ່ຽວພາຍໃນ ແລະ ຕ່າງປະເທດໄດ້ຫລາຍພັນຄົນຕໍ່ປີ.
ຫລັງການກໍ່ສ້າງອຸທິຍານບາຈຽງສຳເລັດທ່ານ ວິມົນ ກິດບຳລຸງ ເຈົ້າຂອງຜູ້ສຳປະທານໂຄງການອຸທິຍານບາຈຽງໃຫ້ຮູ້ວ່າ: “ແຕ່ປີ 2005 ເປັນຕົ້ນມາອຸທິຍານບາຈຽງດຶງດູດແຂກເຂົ້າ ທ່ອງທ່ຽວເພີ່ມຂຶ້ນເປັນສະຖິຕິທຽບກັບປີກ່ອນທີ່ຫາກໍ່ເປີດໃຫມ່ການຢ້ຽມຢາມເປັນແຂກລັດຖະບານຊັ້ນນຳທີ່ສາມາດຮູ້ໄດ້ມີຫລາຍກວ່າ 3 ພັນຄົນຕໍ່ປີ” ໃນນັ້ນ ທ່ານບໍ່ສາມາດບອກໄດ້ວ່າ ລາຍຮັບ ແລະ ນອກແຂກລັດຖະບານເປັນແຂກພາຍໃນ ແລະ ຕ່າງປະເທດເຂົ້າມາທ່ອງທ່ຽວຫລາຍ ຫລື ຫນ້ອຍ, “ທ່ານກ່າວຕື່ມວ່າ ຖ້າຫາກຈະເກັບຄ່າການບໍລິການສຸຂະນາໄມລ້າໆຈະມີລາຍຮັບເພີ່ມອີກ 7 ລ້ານກວ່າກີບຕໍ່ເດືອນ”.
ພ້ອມດຽວກັນນັ້ນ ທ່ານກໍ່ ເນັ້ນຕື່ມອີກວ່າ ເພື່ອຄວາມສວຍງາມເປັນລະບຽບ ແລະ ເປັນເອກະລັກຂອງໂຄງການຈະເອົາ ໃຈໃສ່ການບໍລິການ ແລະ ຄວາມປອດໄພຂອງແຂກທີ່ເຂົ້າມາທ່ອງທ່ຽວໄດ້ເປັນຢ່າງດີໂຄງການບໍ່ນຳເຫລົ້າ, ເບຍ, ສາວບໍລິ ການເຂົ້າມາຮັບໃຊ້ຢ່າງເດັດຂາດ, ການປຸງແຕ່ງອາຫານແມ່ນໃຫ້ຖືກຕ້ອງຕາມຫລັກອະນາໄມໄດ້ມາດຖານສາກົນ ໂດຍປາສະຈາກແປ້ງນົວ ຫລື ສານເຄມີອື່ນໆພິເສດໂຄງການໃຫ້ໂອກາດກັບຄົນພິການ ແລະ ບາງຄອບຄົວຊົນເຜົ່າໄດ້ຮຽນຮູ້ພາສາອັງກິດ, ພາສາເຢຍລະມັນ, ພາສາໄທ ເພື່ອບໍລິການແຂກທ່ອງທ່ຽວ, ໂຄງການໃຫ້ທີ່ພັກເຊົາ ພ້ອມມີໂອກາດຫາລາຍໄດ້ເຂົ້າຄອບຄົວອີກເຊັ່ນ ເຜົ່າແງະ ມີລາຍຮັບຈາກການຕ່ຳແພປະຈຳເຜົ່າທີ່ຂາຍໃຫ້ກັບນັກທ່ອງທ່ຽວ 5-6 ແສນກີບຕໍ່ເດືອນ ແລະ ມີພະນັກງານ ຫລາຍຄົນເຮັດວຽກກັບໂຄງການເຫັນວ່າຄອບຄົວດີຂຶ້ນ.
ໃນເວລາດຽວກັນນັ້ນ ນັກທ່ອງທ່ຽວຄົນຕ່າງຊາດໃຫ້ສຳພາດກັບທີມຂ່າວເສດຖະກິດ-ສັງຄົມວ່າ: ອຸທິຍານບາຈຽງເປັນແຫລ່ງທ່ອງທ່ຽວທີ່ພໍໃຈ ແລະ ປະທັບໃຈໄປກັບທຳມະຊາດນ້ຳ ຕົກຕາດ, ທິວທັດທຳມະຊາດວັດທະນະທຳຊົນເຜົ່າພ້ອມກັບການກິນດື່ມປອດສານເຄມີ ແລະ ສິ່ງມຶນເມົາ.
ທ່ານ ກ່າວຕື່ມອີກວ່າ: ເມື່ອກ່ອນໃນເຂດອຸທິຍານນີ້ ລ້ວນແຕ່ແມ່ນປ່າດົງດິບ ແລະ ໂຄ້ນຂອນໃຫຍ່ເຕັມໄປຫມົດ ຫລັງຈາກນັ້ນ ນັບແຕ່ປີ 1996 ເປັນຕົ້ນມາໄດ້ມີການຄົ້ນຄວ້າສຳຫລວດອອກແບບ ແລະ ກໍ່ສ້າງໃນປີ 1999 ໃຫ້ກາຍເປັນແຫລ່ງອາລະຍະທຳ ດ້ານທຳມະຊາດກັບເອກະລັກວັດທະນະທຳບູຮານຂອງຊົນເຜົ່າ, ໃນການກໍ່ສ້າງທັງຫມົດນີ້ ມີມູນຄ່າຫລາຍກວ່າ 5 ແສນໂດລາສະຫະລັດ ໃນນັ້ນ ທັງແຂວງຈຳປາສັກຖືຮຸ້ນ 20% ເສຍອາກອນໃຫ້ລັດ 100 ລ້ານກີບຕໍ່ປີ, ໂຄງການນີ້ ລວມມີພະນັກງານບໍລິການທັງຫມົດ 80 ຄົນ ມີຄົນພິການ 8 ຄົນກັບ 11 ເຜົ່າທີ່ຕັ້ງເປັນບ້ານຈັດສັນເປັນເອກະລັກວັດທະນະທຳຂອງເຜົ່າເພື່ອດຶງດູດນັກທ່ອງທ່ຽວ.