ສະຖາບັນການທະນາຄານ
I. ການກຳເນີດ
ສະຖາບັນການທະນາຄານ ໄດ້ຮັບການສ້າງຕັ້ງຂຶ້ນໃນວັນທີ 05 ມັງກອນ ປີ1979, ເຊິ່ງຕັ້ງຢູ່ບ້ານຕານມີໄຊ, ເມືອງໄຊທານີ, ນະຄອນຫລວງວຽງຈັນ, ຕັ້ງຢູ່ຫ່າງໄກຈາກທະນາຄານແຫ່ງ ສປປ ລາວ ປະມານ 10 ກິໂລແມັດ, ນໍາໃຊ້ເປັນສະຖານທີ່ກໍ່ສ້າງວິຊາການທະນາຄານ, ບຳລຸງຍົກລະດັບວິຊາສະເພາະໃຫ້ພະນັກງານທະນາຄານ ແລະ ບໍລິການ ເປີດກວ້າງແກ່ສັງຄົມ ເຊິ່ງມີການຂະຫຍາຍຕົວຢ່າງຕໍ່ເນື່ອງດັ່ງລາຍລະອຽດ ຕໍ່ໄປນີ້:
II. ຄະນະຮັບຜິດຊອບ ສທຄ ແຕ່ລະໄລຍະ
ຄະນະຮັບຜິດຊອບຂອງສະຖາບັນການທະນາຄານໄດ້ມີການ ປັບບຸງ, ຊັບຊ້ອນ, ປ່ຽນແທນ ໃຫ້ແທດເໝາະກັບສະພາບຄວາມເປັນຈິງໃນແຕ່ລະໄລຍະ, ເຊີ່ງເຫັນໄດ້ວ່ານັບຕັ້ງແຕ່ມື້ສ້າງ ຕັ້ງມາຮອດປະຈຸບັນໄດ້ມີການຊັບປ່ຽນຄະນະຮັບຜິດຊອບຂອງໂຮງຮຽນມີທັງໝົດ 12 ຄັ້ງ ລາຍລະດຽດແຕ່ລະໄລຍະມີດັ່ງລຸ່ມນີ້:
ໄລຍະປີ 1979 – 1980
- ທ່ານ ມະຫາປານ ເຄນສະບັບ ຜູ້ອຳນວຍການໂຮງຮຽນ
- ທ່ານ ໄຟດາ ໄພເພັງຢົວ ຮອງອຳນວຍການໂຮງຮຽນ
- ທ່ານ ບຸນທີ ວິມຸງຄຸນ ຄະນະອໍານວຍການ
ໄລຍະປີ 1981 - 1985
- ທ່ານ ໄຟດາ ໄພເພັງຢົວ, ຜູ້ອຳນວຍການໂຮງຮຽນ
- ທ່ານ ບຸນທີ ວິມຸງຄຸນ, ຮອງອຳນວຍການໂຮງຮຽນ
- ຄະນະອໍານວຍການ ປະກອບດ້ວຍອາຈານສອນ 3 ທ່ານ ( ຈົບມາຈາກ ສສ ຫວຽດນາມ )
- ທ່ານ ຈັນເພັງ
- ທ່ານ ນາງ ອຸ່ນໃຈ
- ທ່ານ ຄຳພອນ
ໄລຍະປີ 1986 - 1987 ບໍ່ມີການເຄື່ອນໄຫວດ້ານການຝຶກອົບຮົມ
- (ບໍ່ມີອຳນວຍການ)
- ທ່ານ ບຸນທີ ວິມຸງຄຸນ ເປັນຮອງອຳນວຍການໂຮງຮຽນ
ໄລຍະປີ 1987 - 1988
- ທ່ານ ວຽງທອງ ແກ້ວມະນີສີ, ຜູ້ອຳນວຍການໂຮງຮຽນ
- ທ່ານ ບຸນທີ ວິມຸງຄຸນ, ຮອງອຳນວຍການໂຮງຮຽນ
ໄລຍະ 1988 – 1993
ໃນໄລຍະນີ້ໂຮງຮຽນໄດ້ຢຸດການເຄື່ອນໄຫວດ້ານການຮຽນເປັນການຊົ່ວຄາວ, ໄດ້ຈົ່ງພະນັກງານຈຳນວນໜຶ່ງໄວ້ເພື່ອດູແລສູນຄວາມເປັນລະບຽບຮຽບຮ້ອຍ ຂອງໂຮງຮຽນ
ໄລຍະປີ 1993 – 1995
- ທ່ານ ພອນແກ້ວ ແກ້ວວົງວີຈິດ, ຜູ້ອຳນວຍການໂຮງຮຽນ
- ທ່ານ ຄຳເສີດ ມະໂຫລີ, ຮອງອຳນວຍການໂຮງຮຽນ
ໄລຍະປີ 1995 - 1997
ທ່ານ ຄຳເສີດ ມະໂຫລີ ຮັກສາການຜູ້ອຳນວຍການສູນຝຶກອົບຮົມປະກອບດ້ວຍອາຈານສອນ 3 ທ່ານ:
- ທ່ານ ນາງ ດວງດີ ພິມວົງສາ
- ທ່ານ ນາງ ກອງແກ້ວ ຄຳຕົ້ນ
- ທ່ານ ຄຳຕຸ່ນ ຄຳວົງສາ
ໄລຍະປີ 1997 ຮອດວັນທີ 20 ກໍລະກົດ 1998
- ທ່ານ ນາງ ດວງດີ ພິມວົງສາ ຮັກສາການແທນຜູ້ອຳນວຍການສູນຝຶກອົບຮົມ ທັງເປັນອາຈານສອນດ້ານການບັນຊີ
- ທ່ານ ນາງ ກອງແກ້ວ ຄຳຕົ້ນ ເປັນຜູ້ຊ່ວຍວຽກ
- ທ່ານ ຄຳຕຸ່ນ ຄຳວົງສາ ເປັນອາຈານສອນ
ໄລຍະແຕ່ເດືອນກໍລະກົດ ປີ 1998 ຮອດ ເດືອນມີນາ ປີ 2000
- ທ່ານ ພູຫລວງ ອະນຸລັກຄຳ, ຜູ້ອຳນວຍການສູນຝຶກອົບຮົມ ທັງເປັນອາຈານສອນ
- ທ່ານ ນາງ ດວງດີ ພິມວົງສາ, ຮອງອຳນວຍການ, ທັງເປັນອາຈານສອນ
- ທ່ານ ຄຳຕຸ່ນ ຄຳວົງສາ ເປັນອາຈານສອນ
ໄລຍະແຕ່ເດືອນມີນາ ປີ 2000 ຮອດທ້າຍປີ 2001
- ທ່ານ ນາງ ຄຳພາ ປານມະໄລທອງ, ວ່າການຜູ້ອຳນວຍການສູນຝຶກອົບຮົມ
- ທ່ານ ນາງ ດວງດີ ພິມວົງສາ, ຮອງອຳນວຍການ, ທັງເປັນອາຈານສອນ
- ທ່ານ ແສງຈັນ ສິງສະຫວ່າງ ເປັນອາຈານສອນ
ໄລຍະແຕ່ທ້າຍປີ 2001-2004
- ທ່ານ ນາງ ຄຳພາ ປານມະໄລທອງ, ຜູ້ອຳນວຍການວິທະຍາໄລການທະນາຄານ
- ທ່ານ ນາງ ດວງດີ ພິມວົງສາ ຮອງຜູ້ອຳນວຍການ,ຮັບຜິດຊອບວຽກງານຄຸ້ມຄອງ ນັກຮຽນ
- ທ່ານ ແສງຈັນ ສິງສະຫວ່າງ, ຮອງຜູ້ອຳນວຍການ, ຮັບຜິດຊອບວຽກງານວິຊາການ
- ມີອາສອນໃນວິຊາຕ່າງໆຈຳນວນ 15 ຄົນ (ລວມທັງຄະນະອຳນວຍການ 2 ທ່ານ)
ໄລຍະແຕ່ທ້າຍປີ 2005-2006
- ທ່ານ ນາງ ຄໍາພາ ປານມະໄລທອງ, ຫົວໜ້າສະຖາບັນການທະນາຄານ
- ທ່ານ ນາງ ດວງດີ ພິມວົງສາ, ຮອງຫົວໜ້າສະຖາບັນການທະນາຄານ, ຮັບຜິດຊອບວຽກງານຄຸ້ມຄອງນັກຮຽນ
- ທ່ານ ສັນຕິ ພົນເມືອງລາວ, ຮອງຫົວໜ້າສະຖາບັນການທະນາຄານ, ຮັບຜິດຊອບວຽກງານວິຊາການ
ມີພະນັກງານ - ຄູອາຈານທັງໝົດ 27 ຄົນ (ປີ 2005)
ໄລຍະແຕ່ທ້າຍປີ 2007-2008
- ທ່ານ ນາງ ຄຳພາ ປານມະໄລທອງ, ຫົວໜ້າສະຖາບັນການທະນາຄານ
- ທ່ານ ນາງ ດວງດີ ພິມວົງສາ, ຮອງຫົວໜ້າສະຖາບັນການທະນາຄານ, ຮັບຜິດຊອບຊີ້ນຳວຽກ ງານບໍລິ ຫານ-ການເງິນ
- ທ່ານ ພານທອງ ກອງວົງສາ, ຮອງຫົວໜ້າສະຖາບັນການທະນາຄານ, ຮັບຜິດ ຊອບຊີ້ນຳວຽກງານສູນຄົ້ນຄວ້າ ແລະ ພັດທະນາການສຶກສາ ແລະ ກິດຈະກຳ
- ທ່ານ ດຣ ນ. ມີມົວ ຢົງມາມົວ, ຮອງຫົວໜ້າສະຖາບັນການທະນາຄານ, ຮັບຜິດຊອບຊີ້ ນຳວຽກງານວິຊາການ
ມີພະນັກງານຄູ-ອາຈານທັງໝົດ 57 ຄົນ
III. ການເຄື່ອນໄຫວດ້ານວິຊາການ
ໃນໄລຍະແຕ່ປີ 1979 - 2008 ການເຄື່ອນໄຫວຕົ້ນຕໍດ້ານວິຊາການຂອງສະຖາບັນການທະນາຄານແມ່ນບຳລຸງຍົກລະດັບຄວາມຮູ້ຄວາມສາມາດດ້ານວິຊາສະເພາະໃຫ້ແກ່ພະນັກງານໃນລະບົບ ແລະ ນອກລະບົບທະນາຄານ; ພ້ອມທັງນັກສຶກສາສາມັນໃນຂອບເຂດທົ່ວປະເທດ.
ຂ້າງລຸ່ມນີ້ແມ່ນສະຖິຕິການເຄື່ອນໄຫວດ້ານການຮຽນ - ການສອນຂອງສູນຝຶກອົບຮົມໃນແຕ່ລະໄລຍະ:
- ສົກຮຽນ 1979 - 1980 ເປີດຊຸດຝຶກອົບຮົມໄດ້ 02 ຊຸດ, ມີຜູ້ເຂົ້າຮ່ວມຈຳນວນ 60 ຄົນ ( ຊຸດລະ 30 ຄົນ );
- ສົກຮຽນ 1980 -1981 ເປີດຮຽນວິຊາການທະນາຄານຊັ້ນກາງແບບເລັ່ງລັດຈຳນວນ 01 ຊຸດ, ມີນັກຮຽນ 56 ຄົນ;
- ສົກຮຽນ 1987 ເປີດຊຸດຝຶກອົບຮົມຈຳນວນ 1 ຊຸດມີຜູ້ເຂົ້າຮ່ວມຈຳນວນ 35 ຄົນ;
- ສົກຮຽນ 1993 - 94 ເປີດຊຸດບຳລຸງ ໄດ້ 03 ຊຸດ, ມີຜູ້ເຂົ້າຮ່ວມ 145 ຄົນ;
- ສົກຮຽນ 1994 - 95 ເປີດຊຸດບຳລຸງ ໄດ້ 02 ຊຸດ, ມີຜູ້ເຂົ້າຮ່ວມ 72 ຄົນ;
- ສົກຮຽນ 1996 ເປີດຊຸດບຳລຸງ ໄດ້ 02 ຊຸດ, ມີຜູ້ເຂົ້າຮ່ວມ 68 ຄົນ;
- ສົກຮຽນ 1997 ເປີດຊຸດບຳລຸງ ໄດ້ 04 ຊຸດ, ມີຜູ້ເຂົ້າຮ່ວມ 153 ຄົນ;
- ສົກຮຽນ 1998 ເປີດຊຸດບຳລຸງ ໄດ້ 03 ຊຸດ, ມີຜູ້ເຂົ້າຮ່ວມ 95 ຄົນ ແລະເປີດຮຽນຊັ້ນຕົ້ນໄລຍະ 6 ເດືອນ ໄດ້ໜຶ່ງຊຸດ, ມີນັກຮຽນທັງໝົດ 36 ຄົນ;
- ສົກຮຽນ 1999 ເປີດຊຸດບຳລຸງ ໄດ້ 02 ຊຸດ, ມີຜູ້ເຂົ້າຮ່ວມ 72 ຄົນ ແລະເປີດຮຽນຊັ້ນຕົ້ນໄລຍະ 6 ເດືອນ ໄດ້ໜຶ່ງຊຸດ, ມີນັກຮຽນທັງໝົດ 36 ຄົນ;
- ສົກຮຽນ 2000 ເປີດຊຸດບຳລຸງ ໄດ້ 07 ຊຸດ, ມີຜູ້ເຂົ້າຮ່ວມ 201 ຄົນ; ຈັດສຳມະນາໄດ້ໜຶ່ງຊຸດ, ມີຜູ້ເຂົ້າຮ່ວມ 34 ຄົນ;
- ສົກຮຽນ 2001 ເປີດຊຸດບຳລຸງ ໄດ້ 7 ຊຸດ, ມີຜູ້ເຂົ້າຮວ່ມ 291 ຄົນ. ໃນ ປີ 2001 ໄດ້ສຳເລັດການສ້າງຫລັກສູດການຮຽນວິທຊາການທະນາຄານຊັ້ນກາງ ແລະ ໄດ້ ຮັບການອະນຸມັດໃຫ້ຈັດຕັ້ງປະຕິບັດຈາກກະຊວງສຶກສາທິການໃນສົກ 2001 – 2002;
- ສົກຮຽນ 2002 ເປີດຊຸດບຳລຸງໄດ້ 6 ຊຸດ, ມີຜູ້ເຂົ້າຮວ່ມ 269 ຄົນ. ໃນວັນທີ່ 7 ມັງກອນ ປີ 2002 ໄດ້ເລີ່ມເປີດຮຽນວິຊາທະນາຄານຊັ້ນກາງລຸ້ນທຳອິດ ຢ່າງເປັນທາງການ, ມີນັກຮຽນເຂົ້າຮຽນທັງໝົດ 127 ຄົນ (ຍິງ 47 ຄົນ), ໃນນັ້ນພະນັກງານຈາກທະນາຄານຕ່າງໆ 77 ຄົນ, ນັກຮຽນຈົບ ມ ປາຍ 50 ຄົນ; ເສັງຈົບ 124 ຄົນ;
- ສົກຮຽນ 2003 - 2004 ເປີດຮັບນັກຮຽນເຂົ້າຮຽນຊັ້ນກາງ 436 ຄົນ (ຍິງ 257 ຄົນ), ໃນນັ້ນພະນັກງານ 28 ຄົນ ແລະ ນັກຮຽນຈົບ ມ ປາຍ 408 ຄົນ. ມີນັກຮຽນເສັງຈົບ 350 ຄົນ (ພະນັກງານຄົບ 28 ຄົນ). ຮັບນັກຮຽນເຂົ້າຮຽນຊັ້ນກາງລຸ້ນທີ່ 3 ຈຳນວນ 200 ຄົນ (ຍິງ 77 ຄົນ), ພະນັກງານ 75 ຄົນ (ຍິງ 15 ຄົນ);
- ສົກຮຽນ 2004 - 2005 ເປີດຮັບນັກຮຽນເຂົ້າຮຽນຊັ້ນສູງລຸ້ນທຳອິດ ຈຳນວນ 502 ຄົນ (ຍິງ 202 ຄົນ), ພະນັກງານ 156 ຄົນ (ຍິງ 59 ຄົນ); ຮັບນັກຮຽນເຂົ້າຮຽນຊັ້ນກາງລຸ້ນທີ່ 4 ຈຳນວນ 95 ຄົນ (ຍິງ 50 ຄົນ);
- ສົກຮຽນ 2005 - 2006 ຮັບນັກຮຽນເຂົ້າຮຽນຊັ້ນສູງລຸ້ນ 2 ທັງໝົດ 341 ຄົນ;
- ສົກຮຽນ 2006 - 2007 ຮັບນັກຮຽນເຂົ້າຮຽນຊັ້ນສູງລຸ້ນ 3 ທັງໝົດ 294 ຄົນ;
- ສົກຮຽນ 2007 - 2008 ຮັບນັກຮຽນເຂົ້າຮຽນຊັ້ນສູງລຸ້ນ 4 ທັງໝົດ 901 ຄົນ;
ສະຫລຸບລວມແລ້ວ, ໃນ 29 ປີທີ່ຜ່ານມາ (ນັບແຕ່ເປັນສູນຝຶກເຖິງປະຈຸບັນ) ສາມາດຍົກລະດັບ ແລະ ກໍ່ສ້າງພະນັກງານແລະນັກສຶກສາຈຳນວນທັງໝົດ 4.183 ຄົນ.