ວຽງຄຳ
ເມືອງວຽງຄຳ ເປັນໜຶ່ງໃນ 5 ເມືອງທຸກຍາກຂອງແຂວງຫຼວງພະບາງ ມີທີ່ຕັ້ງຢຸ່ຫ່າງຈາກເທດສະບານແຂວງ ປະມານ 200 Km ເມືອທາງທິດເໜືອ( ທາງອອກຊູ່ແຂວງຫົວພັນ ເສັ້ນທາງເລກ I )ເປັນເມືອງພູດອຍທຸກຍາກ.ເມືອງວຽງຄຳ ປະກອບມີ 69 ບ້ານ ແບ່ງ ເປັນ 9 ກຸ່ມບ້ານ ແລະ ມີ 1 ບ້ານໃຫຍ່ ມີປະຊາກອນທັງໝົດ 29.031 ຄົນ ຍິງ 14.358 ຄົນ ແຍກຕາມເຜົ່າໃຫຍ່: ເຜົ່າລາວລຸ່ມກວມ 10,86%, ກຶມມຸ ກວມ 79,17%, ເຜົ່າມົ້ງກວມ 9.95%.ພົບແຫຼ່ງທ້ອງຖ່ຽວ ແຕ່ຍັງບໍ່ທັນໄດ້ຮັບພັດທະນາເປັນແຫຼ່ງທ້ອງຖ່ຽວ: ນ້ຳຕົກຕາດ ຕາດຄ້ອງ ສູງປະມານ 15 - 20 ແມັດ ແລະ ຕາດນ້ອຍ ທີ່ສວຍງາມ ອີກ 3-4 ແຫ່ງ ຢູ່ບ້ານໂພນໂຮມ, ຕາດສະໜອງ ບ້ານນ້ຳລາວ ເຊີນບັນດາທ່ານທີ່ ມີຄວາມສົນໃຈ ເຂົ້າທ່ຽວຊົມ ແລະ ສຳຫຼວດ ( ຍັງລໍຖ້າການສຳຫຼວດ ) ແຫຼ່ງຂໍ້ມູນ ຈາກຫ້ອງວ່າການປົກຄອງເມືອງວຽງຄຳ ໂທ 0205608 4305
ເມືອງວຽງຄຳ ແຂວງວຽງຈັນ ກໍ່ເປັນອີກເມືອງຫນຶ່ງທີ່ມີຫມູ່ ບ້ານຫັດຖະກຳມີບຸນບັ້ງໄຟໃຫຍ່ໂພນຫມີ, ຟ້ອນງ້າວຕາແສງອ່າງ, ຟັງຂັບງື່ມທີ່ປາກກະຍຸງ ເມືອງທຸລະຄົມ, ມີງານເທດ ສະການໃຫຍ່ບຸນຊ່ວງເຮືອບ້ານເກີນ, ບຸນພະທາດມາຫລ້າ ເຊິ່ງເປັນທາດເກົ່າແກ່ສ້າງມາແຕ່ສະໄຫມພະເຈົ້າໄຊເຊດຖາ ແລະ ເມືອງອື່ນໆ ກໍ່ມີປະເພນີ ແລະ ບຸນປະຈຳເຜົ່າ ຖ້າຢາກຊົມໃຫ້ຄົບຖ້ວນ ຕ້ອງທຳຄວາມເຂົ້າໃຈໃນຈຸດພິເສດໃນແຕ່ລະບຸນ ຖ້າວ່າເປັນການທ່ອງທ່ຽວທຳມະຊາດແລ້ວມາທ່ຽວຍາມໃດກໍ່ສະດວກ ຖ້າຈະມາບຸນຊ່ວງເຮືອ ຫລື ບຸນບັ້ງໄຟ.