ນະຄອນ ສຸວັນນະໂຄມຄໍາ

ຈາກ ວິກິພີເດຍ
Jump to navigation Jump to search

ນະຄອນສຸວັນນະໂຄມຄໍາ ຖືກສ້າງຂື້ນໃນປະມານ1000ປີກ່ອນ ໂດຍຕັ້ງຢູ່ເມືອງຕົ້ນເຜີ້ງແຂວງບໍ່ແກ້ວ ສປປລາວປະຈຸບັນ.

ເຊີ່ງໃນບາງຕໍານານໄດ້ກ່າວໄວ້ວ່າ ນະຄອນແຫ່ງນີ້ໄດ້ປະພຶດຜິດປະເພນີ ຕໍ່ກັບຊາວນະຄອນຫຼວງພະບາງ ຕໍ່ມາຊາວຫຼວງພະບາງຈື່ງໄດ້ຍົກທັບມາຕີເຮັດໃຫ້ເຮືອນຊານຖືກທໍາລາຍ ຊາວເມືອງຕ່າງກໍພາກັນແຕກຊະໄປຄົນລະທິດ.

ຫຼັງຈາກນັ້ນຕໍ່ມາຮອດຍຸກອານາຈັກລາວລ້ານຊ້າງ ໃນສະໄຫມຂອງເຈົ້າໄຊຍະເສດຖາທິລາດ ພະອົງໄດ້ສັ່ງໃຫ້ມີການບູລະນະສ້າງສາໃຫ້ເປັນນະຄອນທີ່ສວຍງາມໂດຍມີສູນກາງຢູ່ເມືອງຕົ້ນເຜີ້ງປະຈຸບັນ ແຕ່ນະຄອນດັ່ງກ່າວກໍຖືກກອງທັບພະມ້າຍົກທັບມາທໍາລາຍຈົບບໍ່ເຫຼືອຫຍັງໃນຊ່ວງສົງຄາມ.

ດັ່ງນັ້ນນະຄອນສຸວັນນະໂຄມຄໍາເຊີ່ງເປັນຊື່ເອີ້ນທໍາອິດຂອງນະຄອນບູຮານແຫ່ງນີ້ ຈື່ງໄດ້ ຖຶກທໍາລາຍແລະສ້າງໃຫມ່ຂື້ນມາຫຼາຍເທື່ອ ຈົນເຫຼືອແຕ່ຮ່ອງຮອຍຂອງເມືອງຮ້າງ.

ປະຈຸບັນນີ້ພະແນກວັດທະນາທໍາແຂວງບໍ່ແກ້ວ ແລະ ກະຊວງຖະແຫຼງຂ່າວ ແລະ ວັດທະນາທໍາ ໄດ້ປະກາດໃຫ້ສະຖານທີ່ດັ່ງ ກ່າວເປັນປູຊະນີຍະສະຖານແຫ່ງຊາດ ເພື່ອເປັນແຫຼ່ງທ່ອງທ່ຽງແລະ ເປັນບ່ອນສໍາລັບການສືກສາຮຽນຮູ້ຂອງຄົ້ນຮຸ່ນຫຼັງ.

ອ້າງອີງ[ແກ້ໄຂ]

ບັນນານຸກົມ[ແກ້ໄຂ]

ແຫຼ່ງຂໍ້ມູນອື່ນ[ແກ້ໄຂ]