ພາສາລາວ

ພາສາລາວ
ອອກສຽງ	ພາສາລາວ
ປະເທດທີ່ມີການເວົ້າ	ລາວ, ໄທ, ມຽນມາ, ຫວຽດນາມ, ກຳປູເຈຍ, ອາເມຣິກາ, ຝຣັ່ງ, ການາດາ, ອົດສະຕຣາລີ, ຍີ່ປຸ່ນ
ຈຳນວນຜູ້ເວົ້າ	6 ລ້ານ (ປະມານ ຫລາຍກວ່າ ໒໐ ລ້ານຖ້າລວມຜູ້ເວົ້າພາກອິສານຂອງປະເທດໄທ)  (ບໍ່ພົບວັນທີ)
ຕະກຸນພາສາ	ກະ-ໄຕ ຄຳໄທ ບີ-ໄທ ໄທ-ແສກ ໄທ ໄທຕະເວັນຕົກສຽງໃຕ້ ລາວ-ຜູ້ໄທ ພາສາລາວ
ລະບົບການຂຽນ	ອັກສອນລາວ
ສະຖານະພາບທາງການ
ພາສາທາງການ	ປະເທດລາວ
ລະຫັດພາສາ
ISO 639-1	lo
ISO 639-2	lao
ISO 639-3	lao

ພາສາລາວ ແມ່ນພາສາທາງການຂອງປະເທດສາທາລະນະລັດ ປະຊາທິປະໄຕ ປະຊາຊົນລາວ ແລະພາສາແມ່ຂອງຊາວລາວ ແລະຊົນເຊື້ອສາຍອື່ນໃນປະເທດລາວ ພາສາລາວມີວັນນະຍຸດ ມີການໃຊ້ໃນພາກອີສານຂອງປະເທດໄທຍ (ສະນັ້ນຄົນໃນປະເທດໄທຍມັກຈະເອີ້ນພາສາລາວວ່າພາສາອີສານ) ຣະບົບການຂຽນຈະໃຊ້ ຕົວອັກສອນລາວຊື່ງເປັນຣະບົບອັກສອນສຣະປະກອບ (ຣະບົບການຂຽນທີ່ປະກອບດ້ວຍສັນຍາລັກແທນພະຍັນຊະນະແລະຕິດຕາມດ້ວຍສຣະທີ່ຈະຢູ່ທາງໜ້າ ທາງຫຼຼັງ ທາງເທິງ ທາງລຸ່ມ ຂອງພະຍັນຊະນະ) ແລະມີຄວາມສຳພັນໃກ້ຊິດກັບພາສາໄທຍ ພາສາລາວແມ່ນພາສາໃນກຸ່ມພາສາໄຕ ອັນເປັນກຸ່ມຍ່ອຍຂອງຕະກູນພາສາໄທ-ກະໄດ 

ຄວາມເປັນມາຂອງພາສາລາວ

ພາສາລາວສືບຖອດມາຈາກ ພາສາໄຕ ຢູ່ພາກໃຕ້ຂອງປະເທດຈີນຊື່ງເປັນຈຸດດັ່ງເດີມຂອງຫລາຍພາສາຕ່າງໆ ທີ່ຍັງໃຊ້ແລະເວົ້າຢູ່ໂດຍຫລາຍຊົນເຜົ່າ. ເນື່ອງຈາກຖືກຄວາມກົດດັນຈາກການຂະຫຍາຍຕົວຂອງອານາຈັກຈີນ, ການບຸກລຸກຂອງຊາວມົງໂກລ ແລະການປູກຝັງທຳນາຫາກີນ, ຄົນໄຕໃດ້ຍົກຍ້າຍລົງມາພາກໃຕ້ສູ່ພາກອີນເດັຍ ຕາມຮີມຝັ່ງແມ່ນ້ຳຂອງ. ການອົບພະຍົກຂອງຊາວໄຕກໍ່ໄດ້ມີກ່າວໄວ້ໃນຕຳນານຂອງເຈົ້າພະຍາ ຂຸນບູຣົມຣາຊາທິຣາສ.

ສໍານຽງທ້ອງຖິ່ນ

ສໍານຽງວຽງຈັນເປັນສໍານຽງທີ່ຊາວລາວຕ່າງເຂົ້າໃຈແລະຖືວ່າເປັນສໍານຽງທາງການທີ່ຄົນທົ່ວໄປມັກໃຊ້ໃນການເວົ້າລົມປະຈຳວັນ

ສໍານຽງ	ແຂວງ (ຢູ່ລາວ)
ພາກເໜືອ	ຫລວງພະບາງ, ໄຊຍະບູລີ
ພາກຕາເວັນອອກສຽງເໜືອ	ຊຽງຂວາງ, ຫົວພັນ
ພາກກາງ	ສະວັນນະເຂດ, ຄຳມ່ວນ
ພາກໃຕ້	ຈຳປາສັກ, ສາລະວັນ, ເຊກອງ, ອັດຕະປື
ວຽງຈັນ	ວຽງຈັນ

ລະບົບສຽງ

ພະຍັນຊະນະ

ສຽງສັດທະອັກສອນພະຍັນຊະນະໃນພາສາລາວ (ສຽງແປ) ມີຢູ່ນຳກັນ 21 ສຽງ

	ຮິມຝີປາກ ທັງສອງ			ຮິມຝີປາກລຸ່ມ -ແຂ້ວເທິງ	ປຸ່ມເຫງືອກ			ປຸ່ມເຫງືອກ -ເພດານແຂັງ		ເພດານແຂັງ	ເພດານອ່ອນ			ຜະໜັງຄໍ
ສຽງກັກ	/p/ ປ	/pʰ/ ຜ,ພ	/b/ ບ		/t/ ຕ	/tʰ/ ຖ,ທ	/d/ ດ				/k/ ກ	/kʰ/ ຂ,ຄ		/ʔ/ ອ*
ສຽງນາສິກ			/m/ ມ				/n/ ນ			/ɲ/ ຍ			/ŋ/ ງ
ສຽງສຽດແຊກ				/f/ ຝ,ຟ	/s/ ຊ,ສ									/h/ ຫ,ຮ
ສຽງປະສົມສຽດແຊກ								/t͡ɕ/ ຈ
ສຽງລົວລີ້ນ							/r/ ຣ
ສຽງເປີດ										/j/ ຢ			/w/ ວ
ສຽງຂ້າງລີ້ນ							/l/ ລ

^* ສຽງ /ʔ/ ມີປາກົດຢູ່ໃນຄຳທີ່ມີສະລະສຽງສັ້ນແລະບໍ່ມີພະຍັນຊະນະສະກົດ

ວັນນະຍຸດ

ພາສາລາວມີວັນນະຍຸດ 6 ສຽງ ສະແດງໃນຕາລາງດັ່ງຕໍ່ໄປນີ້. ໃນຄໍລັມເສັ້ນສະແດງຮູບຮ່າງສຽງວັນນະຍຸດ 1 ໝາຍເຖິງລະດັບສຽງຕ່ຳ, 3 ໝາຍເຖິງລະດັບສຽງກາງ, ແລະ 5 ໝາຍເຖິງລະດັບສຽງສູງ.

ຊື່	ສັນຍະລັກໃຊ້ນຳ /e/	ເສັ້ນສະແດງຮູບຮ່າງສຽງວັນນະຍຸດ	ໂຕຢ່າງ
ຈາກຕ່ຳໄປສູງ	ě	24 ຫຼື 214	ຂາ
ສູງ	é	4	ຄາ
ຈາກສູງໄປຕ່ຳ	ê	53	ຄ້າ
ກາງ	ē	3	ຄ່າ
ຕ່ຳ	è	1	ກາ
ຈາກກາງໄປຕ່ຳ	ḙ	31	ຂ້າ

ຄຳສັບ

ວັນເວລາ

ວັນ	Days
ຈັນ	Monday
ອັງຄານ	Tuesday
ພຸດ	Wednesday
ພະຫັດ	Thursday
ສຸກ	Friday
ເສົາ	Saturday
ອາທິດ	Sunday

ລາວ	English
ວິນາທີ	Second
ນາທີ	Minute
ໂມງ/ຊົ່ວໂມງ	Hour
ວັນ/ມື້	Day
ອາທິດ	Week
ເດືອນ	Month
ປີ	Year
ທົດຕະວັດ	Decade
ສັດຕະວັດ	Century
ສະຫະສະວັດ	Millennium

ເດືອນ (ປະຈຸບັນ)	ກ່ອນປີ 1975	Month
ມັງກອນ	ມົກຣາຄົມ	January
ກູມພາ	ກູມພາພັນ	February
ມີນາ	ມີນາຄົມ	March
ເມສາ	ເມສາຍົນ	April
ພຶດສະພາ	ພຶດສະພາຄົມ	May
ມິຖຸນາ	ມິຖຸນາຍົນ	June
ກໍລະກົດ	ກໍຣະກະດາຄົມ	July
ສິງຫາ	ສິງຫາຄົມ	August
ກັນຍາ	ກັນຍາຍົນ	September
ຕຸລາ	ຕຸລາຄົມ	October
ພະຈິກ	ພຶສຈິກາຍົນ	November
ທັນວາ	ທັນວາຄົມ	December

ແຫຼ່ງຂໍ້ມູນອື່ນ

• ພາສາລາວແລະອັກສອນລາວ ທີ່ Omniglot (ອັງກິດ)
• ພົດຈະນານຸກົມ ພາສາລາວ-ພາສາອັງກິດ (ອັງກິດ)
• ພາສາລາວແລະອັກສອນລາວ ທີ່ SEAsite Laos (ອັງກິດ)
• ພາສາລາວແລະອັກສອນລາວ ທີ່ AbcdLaos
• ພາສາລາວແລະອັກສອນລາວ ທີ່ Laocom