ຫ້ຽນ

ຄຳນິຍາມ

ຫ້ຽນ ເປັນຄໍາທີ່ດັດແປງມາຈາກຄໍາວ່າ ກຣຽນ (เกรียน) ໃນພາສາໄທ ໂດຍທົ່ວໄປແລ້ວ ຈະຫມາຍເຖິງບຸກຄົນທີ່ມັກກໍ່ກວນໃນອິນເຕີເນັດ ບໍ່ວ່າຈະເປັນກະດານສົນທະນາ ຫຼືໃນເວັບໄຊຕ່າງ ໆ ເປັນຕົ້ນ.

ຄໍາວ່າຫ້ຽນນີ້ມີຕົ້ນກໍາເນີດມາຈາກສະມາຊິກຄົນຫນຶ່ງໃນກະດານສົນທະນາ LaoZaa.com ເຊິ່ງໄດ້ດັດແປງຄຳສັບ ກຣຽນ ໃນພາສາໄທມາເປັນພາສາລາວ.

ຢ່າງໃດກໍຕາມ ວິວັດທະນາການຂອງຄໍາວ່າ ຫ້ຽນ ນີ້ ກໍໄດ້ປ່ຽນແປງໄປຕາມການໃຊ້ງານທີ່ຫລາກຫລາຍຂຶ້ນ ຈະສັງເກດໄດ້ວ່າ ໃນປັດຈຸບັນ ມີຫລາຍໆ ຄົນໃນກຸ່ມຄົນແວດວົງໄອທີ ແລະອິນເຕີເນັດຈະເລີ່ມເວົ້າຄໍາວ່າ “ຫ້ຽນ” ກັນຢ່າງຕິດປາກ ບໍ່ສະເພາະແຕ່ໃນອິນເຕີເນັດເທົ່ານັ້ນແຕ່ໃນໂລກນອກອິນເຕີເນັດ ກໍຍັງໃຊ້ຄຳວ່າ “ຫ້ຽນ” ກັບບຸກຄົນທີ່ມີພາວະ “ຫ້ຽນ” ອີກນຳ.

ລະບຸຄວາມເປັນຫ້ຽນ

ຕົວຢ່າງຂອງບຸກຄົນຜູ້ມີ “ພາວະຫ້ຽນ” ນັ້ນ ອາດມີພຶດຕິກຳຂໍ້ໃດຂໍ້ນຶ່ງ ຫຼືຫຼາຍຂໍ້ດັ່ງຕໍ່ໄປນີ້:

• ປອມຊື່ເປັນຄົນອື່ນເພື່ອກໍ່ກວນເຈົ້າຂອງຊື່ທີ່ແທ້ຈິງ.
• flood ຫຼືພິມຂໍ້ຄວາມຊໍ້າ ໆ ກັນເພື່ອເຫດຜົນດ້ານມືດ.
• ກັອບປີ້ເນື້ອຫາຈາກເວັບໄຊອື່ນ ໄປໃສ່ໃນເວັບໄຊຂອງຕົນ ໂດຍບໍ່ລະບຸທີ່ມາໃດໆເລີຍ ແລະເມື່ອມີຄົນທ້ວງ ກໍມັກຈະໄປລຶບຄຳເຫັນທີ່ທ້ວງນັ້ນອອກ (ໃນກໍລະນີທີ່ເຮັດໄດ້).
• ມັກໃຊ້ຄຳຫຍາບຄາຍໃນການສົນທະນາເມື່ອຖືກຈັບໄດ້ວ່າຕົນເອງຜິດ.
• ຂາດຄວາມເຄົາລົບໃນຄົນອື່ນເວລາຢູ່ໃນອິນເຕີເນັດ ຈະຄຶດວ່າບໍ່ມີໃຜສາມາດຮູ້ໄດ້ວ່າຕົນເອງແມ່ນໃຜໃນໂລກຄວາມຈິງ.

ທີ່ຢູ່ຂອງຫ້ຽນ

ໂດຍທົ່ວໄປແລ້ວ ຈະສາມາດພົບຫ້ຽນໄດ້ຕາມເວັບໄຊຕ່າງໆ ໂດຍສະເພາະແມ່ນເວັບໄຊທີ່ໃຫ້ບໍລິການເວັບບອດ ເຊັ່ນ Laozaa.com ຫຼື Punlao.com ເປັນຕົ້ນ ແລະອາດຈະຍ້າຍໄປເລື້ອຍໆ ຮວມເຖິງການປ່ຽນຊື່ຂອງຕົນເອງ ເມື່ອຖືກຜູ່ເບິ່ງແຍງເວັບໄຊລົງໂທດເນື່ອງຈາກປະພຶດຕົນມີລັກສະນະດັ່ງກ່າວ.

ແຫຼ່ງຂໍ້ມູນອື່ນ

• ເປັນຫຍັງຫ້ຽນຈຶ່ງຢາກຫຼິ້ນພັນລາວ?
• ເພິ່ນເອີ້ນພວກນີ້ວ່າ ພວກเกรียน
• ຫ້ຽນ (เหี้ยน) เวอร์ชั่นแปลไทย
• ກຳເນີດຫ້ຽນ ໔ ປະເພດ