Jump to content

ໜິວໄຫຼ

ຈາກ ວິກິພີເດຍ
ໜິວໄຫຼ
ໂປສເຕີຮູບເງົາ
 ຈີນດັ້ງເດີມ牛來
ຈີນປະຍຸກ牛来
Hanyu PinyinNiú Lái
ກຳກັບຊິນ ຢວີເໝີງ
ຂຽນບົດຊຸນ ລີ້ຟາງ
ອຳນວຍການສ້າງຊິນ ຢວີເໝີງ
ຊຸນ ລີ້ຟາງ
ນັກສະແດງນຳຊິນ ຢວີເໝີງ
ຊຸນ ລີ້ຟາງ
ກຳກັບພາບຊິນ ຢວີເໝີງ
ຕັດຕໍ່ຊິນ ຢວີເໝີງ
ດົນຕີປະກອບຊຸນ ລີ້ຟາງ
ແອນິເມຕີຊິນ ຢວີເໝີງ
ບໍລິສັດຜູ້ສ້າງ
ສື່ຮູບເງົາ ແລະ ໂທລະພາບວັດທະນະທຳຕ້າຫຼຽນຈິ່ງ-ຢວຽນ
ຈຳໜ່າຍ/ເຜີຍແຜ່ທຽນຈິນຢາມາຊາກິຟິມ
ວັນສາຍ5 ສິງຫາ ຄ.ສ. 2026
ຄວາມຍາວ86 ນາທີ
ປະເທດຈີນ
ພາສາຈີນກາງ
ລາຍໄດ້51.63 ລ້ານຢວນ

ໜິວໄຫຼ (ຈີນ: 牛来; ພິນອິນ: Niú Lái) ເປັນຮູບເງົາແອນິເມຊັນຈີນເມື່ອປີ ຄ.ສ 2026 ກຳກັບໂດຍ ຊິນ ຢວີເໝີງ ແລະ ຂຽນບົດໂດຍ ຊຸນ ລີ້ຟາງ. ຮູບເງົາຜະລິດໂດຍບໍລິສັດ ສື່ຮູບເງົາ ແລະ ໂທລະພາບວັດທະນະທຳຕ້າຫຼຽນຈິ່ງ-ຢວຽນ ຈຳກັດ ຊຶ່ງເດີມເປັນບໍລິສັດມັນທະນະສິລະປະ ແລະ ການຕົກແຕ່ງພາຍໃນ. ຮູບເງົາຈັດຈຳໜ່າຍໂດຍບໍລິສັດ ທຽນຈິນຢາມາຊາກິຟິມ ຈຳກັດ.

ແມ່ນວ່າລາຍໄດ້ຈາກການສາຍຮູບເງົາໃນໄລຍະທຳອິດ ຈະຍັງບໍ່ດີປານໃດ ໂດຍເຮັດລາຍໄດ້ບໍ່ເທົ່າໃດພັນຢວນ ແຕ່ຮູບເງົາພັດມີຊື່ສຽງຂຶ້ນມາກະທັນຫັນຈາກການເປັນແອນິເມຊັນຄຸນນະພາບຕໍ່າ ຄຳລໍ້ລຽນທີ່ຮູບເງົາໄດ້ຮັບພັດເຮັດໃຫ້ຮູບເງົາກາຍເປັນປາກົດການໄວຣັລໃນສື່ສັງຄົມຈີນ ສົ່ງຜົນເຮັດໃຫ້ຮູບເງົາກາຍເປັນຜົນງາກພິກຄວາມຄາດໝາຍທີ່ເຮັດລາຍໄດ້ຫຼາຍລ້ານຢວນໃນບັອກອັອຟຟິດ.

ການສ້າງ

[ດັດແກ້]

ໜິວໄຫຼ ກຳກັບໂດຍ ຊິນ ຢວີເໝີງ (ຈີນ: 信雨萌) ແລະ ຂຽນບົດໂດຍ ຊຸນ ລີ້ຟາງ (ຈີນ: 孙丽芳) ເປັນກຸ່ມຜູ້ສ້າງສອງແມ່ລູກ ທັງສອງເປັນສະມາຊິກກຸ່ມ ແລະ ຜູ້ພາກສຽງພຽງສອງຄົນໃນການເຮັດແອນິເມຊັນ[1][2] ໜິວໄຫຼ ເປັນຮູບເງົາເລື່ອງທຳອິດທີ່ຊິນ ຢວີເໝີງ ຮ່ວມສ້າງ ແລະ ຊຸນ ລີ້ຟາງຮຽນຮູ້ການຂຽນບົດດ້ວຍຕົນເອງ.[3] ທັງສອງໃຊ້ເວລາປະມານ 3 ຫາ 4 ເດືອນໃນການພັດທະນາຕົວລະຄອນ.[4]ຊຸນ ລີ້ຟາງຂຽນດົນຕີປະກອບ ແລະ ຮ້ອງເພງປະກອບຮູບເງົາ.[5][4]

ຊິນ ຢວີເໝີງ ເປັນຜູ້ແທນທາງກົດໝາຍຂອງບໍລິສັດ ສື່ຮູບເງົາ ແລະ ໂທລະພາບວັດທະນະທຳຕ້າຫຼຽນຈິ່ງ-ຢວຽນ ຈຳກັດ (大连璟园文化影视传媒有限公司 ຕ້າຫຼຽນຈິ່ຝ-ຢວຽນເຫວີນຮວາຫຍິງຊືສວານເໝີຍໂຢວຊຽນກົງຊື) ສ່ວນຊຸນ ລີ້ຟາງເປັນເຈົ້າໜ້າທີ່ການເງິນຂອງບໍລິສັດດຽວກັນ.[2][6] ບໍລິສັດນີ້ກໍ່ຕັ້ງໃນປີ ຄ.ສ. 2016 ໃນຊື່ບໍລິສັດ ວິສະວະກຳຕົກແຕ່ງຕ້າຫຼຽນຈິ່ງ-ຢວຽນ ຈຳກັດ (大连璟园装饰工程有限公司 ຕ້າຫຼຽນຈິ່ງ-ຢວຽນຈວາງຊືກົງເສີງໂຢ້ວຊຽນກົງຊື) ມຸ່ງເນັ້ນໃນດ້ານການມັນທະນະສິລະປະ ແລະ ການຕົກແຕ່ງພາຍໃນກ່ອນຈະປ່ຽນການຈົດທະບຽນທຸລະກິດເປັນບໍລິສັດຜະລິດສື່ໃນເດືອນກໍລະກົດປີ ຄ.ສ. 2021.[7]

ຊິນ ຢວີເໝີງ ເລີ່ມຄວາມຄິດການສ້າງຮູບເງົາ ໜິວໄຫຼ ເມື່ອປີ ຄ.ສ 2021 ແລະ ເລືອກທີ່ຈະໃຫ້ຮູບເງົາມີເນື້ອເລື່ອງກ່ຽວກັບງົວ ເນື່ອງຈາກພໍ່ຂອງ ຊິນ ຢວີເໝີງ ເກີດໃນປີສະລູ ແລະ ປີ 2021 ກໍເປັນປີສະລູເຊັ່ນກັນ.[4] ການຜະລິດຮູບເງົາໃຊ້ເວລາ 5 ປີ[8] ແລະ ມີທຶນສ້າງບໍ່ເທົ່າໃດພັນຢວນ[9] ຊິນ ຢວີເໝີງ ແລະ ຊຸນ ລີ້ຟາງຊື້ຮາດແວມືສອງທາງອອນລາຍ ເນື່ອງຈາກຮາດແວໃໝ່ມີລາຄາແພງເກີນໄປ[4][3] ສະເກັດອັບຊຶ່ງເປັນໂປຣແກຣມສ້າງແບບຈຳລອງທາງສະຖາປັດຕະຍະກຳ ຖືກນຳມາໃຊ້ໃນການສ້າງແອນິເມຊັນແທນທີ່ຈະໃຊ້ຊອບແວແອນິເມຊັນສະເພາະທາງ.[10]

ການສາຍ

[ດັດແກ້]

ສຳນັກບໍລິຫານຮູບເງົາແຫ່ງປະເທດຈີນອອກໃບອະນຸຍາດສາຍຮູບເງົາສາທາລະນະສຳລັບຮູບເງົາ ໜິວໄຫຼ ເມື່ອວັນທີ 25 ສິງຫາ ຄ.ສ. 2569[11] ບໍ່ມີການລົນນະລົງປະຊາສຳພັນໃດໆສຳລັບຮູບເງົາ ໜິວໄຫຼ ລວມເຖິງບໍ່ມີຮູບເງົາຕົວຢ່າງ ຫຼື ການຖະແຫຼງຂ່າວໃດໆໂຄສະນາດຽວຂອງຮູບເງົາມີພຽງໂປສເຕີຮູບເງົາໜຶ່ງແຜ່ນໃຊ້ພາບແຕ້ມມຶກແບບດັ້ງເດີມ[12] ພະນັກງານໂຮງຮູບເງົາບໍ່ມີໂປສເຕີປະຊາສຳພັນຕາມຄວນ ແລະ ພະນັກງານບາງຄົນຕ້ອງແຕ້ມໃບໂປສເຕີຮູບເງົາດ້ວຍຕົນເອງ.[13]

ບໍລິສັດ ທຽນຈິນຢາມາຊາກິຟິມ ຈຳກັດ[14] ຊຶ່ງເປັນຜູ້ຈັດຈຳໜ່າຍຮູບເງົາ ໄດ້ຮັບຄຳແນະນຳບໍ່ໃຫ້ປ່ອຍສາຍຮູບເງົາ ໜິວໄຫຼ ເນື່ອງຈາກມີຄຸນນະພາບຕໍ່າ ແຕ່ບໍລິສັດເລືອກທີ່ຈະປ່ອຍສາຍເນື່ອງຈາກບໍລິສັດບໍລິຫານໂດຍໝູ່ຂອງ ຊິນ ຢວີເໝີງ.[15] ຮູບເງົາອອກສາຍໃນໂຮງຮູບເງົາ 245 ແຫ່ງ[6] ໃນວັນທີ 5 ສິງຫາ ຄ.ສ 2026[16] ກ່ອນຈະຫຼຸດເຫຼືອພຽງ 4 ແຫ່ງໃນວັນທີ 14 ສິງຫາ[6] ຈຳນວນຮອບສາຍຕໍ່ມື້ເພີ່ມຂຶ້ນຈາກ 21 ຮອບໃນວັນທີ 14 ສິງຫາ ເປັນ 359 ຮອບໃນວັນທີ 15 ສິງຫາ.[11]

ຜົນຕອບຮັບ

[ດັດແກ້]

ບັອກອັອຟຟິດ

[ດັດແກ້]

ໜິວໄຫຼ ເຮັດລາຍໄດ້ 7,169 ຢວນ (ແມ່ແບບ:To USD/data/2021 ໂດລາສະຫະລັດ) ຈາກຜູ້ຊົມ 236 ຄົນໃນໄລຍະ 9 ມື້ທຳອິດການສາຍ[12] ແຕ່ຫຼັງຈາກຮູບເງົາຖືກລໍ້ລຽນຢ່າງໜັກໃນສື່ສັງຄົມ ຮູບເງົາກໍເຮັດລາຍໄດ້ຫຼາຍກວ່າ 100,000 ຢວນ ຈາກການຈຳໜ່າຍບັດຊົມຮູບເງົາລ່ວງໜ້າ ລວມເຖິງ 46,000 ຢວນ ເມື່ອວັນທີ 15 ສິງຫາ[1][16] ສົ່ງຜົນເຮັດໃຫ້ຮູບເງົາເຮັດລາຍໄດ້ກະທັນຫັນຫຼາຍລ້ານຢວນໃນບັອກອັອຟຟິດໃນມື້ຖັດມາ[5][17] ຮູບເງົາເຮັດລາຍໄດ້ລວມ 51.63 ລ້ານຢວນ (ແມ່ແບບ:To USD/data/2,021 ໂດລາສະຫະລັດ) ໃນບັອກອັອຟຟິດ.[18] ຮູບເງົາຕິດອັນດັບຮູບເງົາແອນິເມຊັນໃນປະເທດຈີນທີ່ເຮັດລາຍໄດ້ສູງສຸດ 10 ອັນດັບທຳອິດໃນປີ 2026[8] ແລະ ເປັນໜຶ່ງໃນຮູບເງົາທີ່ໄດ້ຜົນຕອບແທນຈາກການລົງທຶນສູງທີ່ສຸດ[9][19] ບໍລິສັດ ສື່ວັດທະນະທຳ ທຽນຈິນເມົາຢຽນເວີຍຢິງ ຈຳກັດ (天津猫眼微影文化传媒有限公司 ທຽນຈິນເມົາຢຽນເວີຍຢິງເຫວິນຮວາສວານເໝີຍໂຢ້ວຊຽນກົງຊື) ຊຶ່ງເປັນບໍລິສັດຈຳໜ່າຍບັດຊົມຮູບເງົາ ປະມານການວ່າຮູບເງົາ ໜິວໄຫຼ ຈະເຮັດເງິນໄດ້ 133–135 ລ້ານຢວນ.[14]

ຄຳວິຈານ

[ດັດແກ້]

ເອຟທີວີນິວຕັ້ງຂໍ້ສັງເກດວ່າຜູ້ຊົມຈຳນວນຫຼາຍພົບຄວາມແຕກຕ່າງກັນຢ່າງຮຸນແຮງລະຫວ່າງພາບແຕ້ມມຶກທີ່ໃຊ້ໃນໂປສເຕີຮູບເງົາກັບພາບທີ່ສ້າງໂດຍຄອມພິວເຕີຄຸນນະພາບຕໍ່າທີ່ໃຊ້ໃນຮູບເງົາ[12]

ໜິວໄຫຼ ໄດ້ຮັບການລະບຸວ່າເປັນຮູບເງົາເກີນວິໄສ[20][21] ບີບີຊີຕັ້ງຂໍ້ສັງເກດວ່າຜູ້ໃຊ້ສື່ສັງຄົມມັກແອນິເມຊັນຄຸນນະພາບຕໍ່າສ້າງໂດຍມະນຸດຫຼາຍກວ່າສິລະປະປັນຍາປະດິດ.[13] ໂຈວ ເຊີງວາຍ (周圣崴) ຜູ້ກຳກັບສິລະປະແອນິເມຊັນປຽບທຽບຄວາມນິຍົມຂອງ ໜິວໄຫຼ ກັບຮູບເງົາ ເດິຣັອກກີເຮີເຣີພິກເຈີໂຊ (ຄ.ສ. 1975) ແລະ ເດິ ຣູມ (ຄ.ສ. 2003)[22] ໄຣອັນ ຣາ (Ryan Ra) ນັກວິຈານຮູບເງົາຂຽນວ່າການອອກແບບຕົວລະຄອນ ແລະ ແອນິເມຊັນທີ່ບໍ່ເປັນໄປຕາມແບບແຜນເອີ້ນສຽງມ່ວນຫົວຈາກຜູ້ຊົມ[23]

ລີລີ ກົວ (Lily Kuo) ຂຽນໃນໜັງສືພິມເດິນິວຢອກທາມ ວ່າເນື້ອເລື່ອງຂອງຮູບເງົານັ້ນຊວນສັບສົນມຶນງົງ ແລະ ແອນິເມຊັນກໍທຽບໄດ້ກັບງານນຳສະເໜີຈາກໂປຣແກຣມໄມໂຄຣຊອບ ພາວເວີພອຍ[24] ເອັດ ພາວເວີ (Ed Power) ຂຽນໃນໜັງສືພິມ ເດີເດລີເທລິກຣາຟ ປຽບທຽບແອນິເມຊັນຂອງຮູບເງົາ ໜິວໄຫຼ ກັບມິວສິກວິດີໂອຂອງເພງ "ມັນນີຟໍນັອດທິງ" (Money for Nothing) ໂດຍວົງດຣາຍສະເຕຣດສ໌[10] ເຢັນນີ ຊຶນຄາ [de] (Jenni Zylka) ນັກວິຈານຮູບເງົາວິຈານວ່າບົດສົນທະນາໃນຮູບເງົາລົມໄປເລື້ອຍ ສຽງພາກບໍ່ກົງກັບການເໜັງປາກຂອງຕົວລະຄອນ ແລະ ປຽບທຽບຕົວແບບຂອງງົວກັບ ເທເລທັບບີ້ສ໌[25]

ໜັງສືພິມ ຊິນຈິງເປົ້າ (新京报) ວິຈານ ໜິວໄຫຼ ວ່າຫຼຸດລະດັບຄວາມຄາດຫວັງຕໍ່ຮູບເງົາທີ່ສ້າງອອກມາບໍ່ດີ ແລະ ຮຽກຮ້ອງໃຫ້ໂຮງຮູບເງົາຢຸດການສາຍຮູບເງົາເລື່ອງນີ້[13] ຊຸຍ ຈິ່ງຊວຽນ (崔景宣) ຜູ້ກຳກັບຂອງຮູບເງົາເລື່ອງ ສວຽນເສີງຈຸຍຈວີ (全城追缉; ຄ.ສ. 2026) ກ່າວວ່າ ໜິວໄຫຼ ນັ້ນ "ຈີກຜ້າປິດຂອງລັບຜືນສຸດທ້າຍຂອງວົງການຮູບເງົາຈີນໄປແລ້ວ"[25]

ອ້າງອີງ

[ດັດແກ້]
  1. 1 2 Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  2. 1 2 Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  3. 1 2 Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  4. 1 2 3 4 Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  5. 1 2 Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  6. 1 2 3 Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  7. ↑ Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  8. 1 2 Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  9. 1 2 Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  10. 1 2 Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  11. 1 2 Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  12. 1 2 3 Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  13. 1 2 3 Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  14. 1 2 Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  15. ↑ Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  16. 1 2 Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  17. ↑ Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  18. ↑ Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  19. ↑ Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  20. ↑ Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  21. ↑ Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  22. ↑ Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  23. ↑ Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  24. ↑ Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
  25. 1 2 Lua error in Module:Citation/CS1/Utilities at line 38: bad argument #1 to 'ipairs' (table expected, got nil).

ແຫຼ່ງຂໍ້ມູນອື່ນ

[ດັດແກ້]
ດຶງຂໍ້ມູນຈາກ "https://lo.wikipedia.org/w/index.php?title=ໜິວໄຫຼ&oldid=130576"