ໂຮງຮຽນ ເຕັກນິກ-ວິຊາຊີບແບບປະສົມ ແຂວງຫຼວງນ້ໍາທາ
ໂຮງຮຽນ ເຕັກນິກ-ວິຊາຊີບແບບປະສົມ ແຂວງຫຼວງນ້ຳທາ (Integrated Technical & Vocational school)[ດັດແກ້]
ໂຮງຮຽນເຕັກນິກ-ວິຊາຊີບແບບປະສົມ ແຂວງຫຼວງນ້ຳທາໄດ້ສ້າງຕັ້ງຂື້ນຕາມຂໍ້ຕົກລົງ ຂອງ ທ່ານລັດຖະມົນຕີວ່າການກະຊວງສຶກສາທິການ ແລະ ກິລາ ເລກທີ່ 1100/ສສອສ,ລົງວັນທີ 14/06/2006. ສະຖານທີ່ຕັ້ງຢູ່ບ້ານໂພນໄຊສະຫວ່າງ ເມືອງຫຼວງນ້ຳທາ ແຂວງຫຼວງນ້ຳທາ ເຊິ່ງມີເນື້ອທີ່ປູກສ້າງທັງໝົດ 3,4 ເຮັກຕາ. ໂຮງຮຽນດັ່ງກ່າວນີ້ໄດ້ດຳເນີນເປີດການຮຽນ-ການສອນຢ່າງເປັນທາງການໃນວັນທີ 15 ພະຈິກ 2006.
ໃນສົກຮຽນ 2018- 2019 ໄດ້ຈັດຕັ້ງປະຕິບັດການສອນ- ການຮຽນ ໃນ 3 ລະບົບຮຽນ ເຊັ່ນ 9+3, 12+2 ແລະ 12+2+1.5.6, ມີ 6 ສາຂາວິຊາຮຽນເຊັ່ນ; ປູກຝັງ- ວິທະຍາສາດດິນ, ລ້ຽງສັດ- ການປະມົງ, ກໍ່ສ້າງ- ເຄຫາສະຖານ, ປຸ່ງແຕ່ງອາຫານ- ການບໍລິການ, ຕິດຕັ້ງ ແລະ ສ້ອມແປງໄຟຟ້າ ແລະ ສ້ອມແປງກົນຈັກທົ່ວໄປ ແລະ ມີພະນັກງານທັງໝົດ 79 ຄົນ, 23 ຄົນ ແລະ ນັກຮຽນ- ນັກສຶກສາ 778 ຄົນ, ຍີງ 327 ຄົນ. ນອກຈາກການຈັດຕັ້ງປະຕິບັດການສອນ- ການຮຽນໃນ 3 ລະບົບປົກະຕິ, ໂຮງຮຽນຍັງໄດ້ເປີດການສອນ- ການຮຽນນອກລະບົບ (ການຝຶກອົບຮົມໄລຍະສັ້ນ, ຫຼັກສູດວິຊາຊີບລະດັບ 1 (C1) ໃຫ້ແກ່ກຸ່ມຄົນດ້ອຍໂອກາດ ໃນເຂດຫ່າງໄກສອກຫຼີກ, ໂດຍສະເພາະ ເພດຍີງ, ໄດ້ຂົ້າຮຽນຫຼັກສູດອາຊີວະສຶກສາ ແລະ ຝຶກອົບຮົມວິຊາຊີບ. ໂຮງຮຽນເຕັກນິກ- ວິຊາຊີບແບບປະສົມ ແຂວງ ຫຼວງນ້ຳທາ ໄດ້ສືບຕໍ່ປະຕິບັດການສອນ- ການຮຽນ ຕາມແຜນຍຸດທະສາດການພັດທະນາອາຊີວະສຶກສາ ແລະ ອົບຮົມວິຊາຊີບ 2006- 2020, ແຜນແມ່ບົດອາຊີວະສຶກສາ 2008- 2015, ກົມອາຊີວະສຶກສາ, ກະຊວງສຶກສາທິການ ແລະ ກິລາ, ເພື່ອພັດທະນາສີມືແຮງງານຂັ້ນພື້ນຖານໃຫ້ແກ່ການສ້າງເສດຖະກິດຄອບຄົວໃຫ້ດີຂີ້ນ.