ວີທູບເບີ
ເວີຣ໌ຊວລຢູທູບເບີຣ໌ (ອັງກິດ: virtual YouTuber) ຫຼື ຫຍໍ້ກັນວ່າ ວີທູບເບີຣ໌ (ອັງກິດ: VTuber) ຫຼືເອີ້ນກັນສັ້ນໆວ່າ ວີ ແມ່ນຜູ້ສ້າງຄວາມບັນເທີງອອນໄລນ໌ທີ່ໃຊ້ຮ່າງອະວາຕາຣ໌ສະເໝືອນຈິງ ເຊິ່ງສ້າງຂຶ້ນດ້ວຍກຣາຟິກຄອມພິວເຕີ ໂດຍມັກນຳໃຊ້ຊອບແວ ຫຼື ເຕັກໂນໂລຊີຈັບການເຄື່ອນໄຫວແບບຣຽລໄທມ໌(ແຕ່ກໍບໍ່ສະເໝີໄປ) ເພື່ອຈັບການເຄື່ອນໄຫວຂອງຜູ້ທີ່ກຳລັງສະແດງຢູ່. ວີທູບເບີກຳເນີດຄັ້ງທຳອິດທີ່ຍີ່ປຸ່ນໃນກາງຊຸມປີ2010 ແບະ ໄດ້ກາຍເປັນປາກົດການທາງສື່ອອນໄລນ໌ລະດັບໂລກໃນຊ່ວງປີ2020.[1][2] ວີທູບເບີສ່ວນໃຫຍ່ເປັນຢູທູບເບີ ຫຼື ສຕຣີມເມີທີ່ເວົ້າພາສາຍີ່ປຸ່ນ ແລະ ອັງກິດເຊິ່ງໃຊ້ການອອກແບບຮ່າງອະວາຕາຣ໌ໃນການດຶງດູດຜູ້ເບິ່ງ ແລະ ນຳສະເໜີຄອນເທນຕ໌. ໂດຍໃນປີ2020 ມີວີທູບເບີທີ່ຍັງຄົງແອັກທີຟຢູ່ເຖິງໝື່ນກວ່າຄົນ.[3] ແມ່ນຢູ່ວ່າຄຳວ່າ "ວີທູບເບີ" ແມ່ນມາຈາກແພລັດຟອມຢູທູບ ແຕ່ຄົນເຂົາກໍພາກັນໃຊ້ໃນແພລັດຟອມອື່ນໆນຳເຊັ່ນ: ນິໂກນິໂກ, ທວິຕຊ໌, ເຟສບຸກ ແລະ ບິລິບິລີເປັນຕົ້ນ.
ຜູ້ທີ່ໃຊ້ຄຳວ່າ "ວີຊວນຢູທູບເບີ" ເປັນຄົນທຳອິດແມ່ນ ຄິຊຶນະ ໄອ ເຊິ່ງໄດ້ລິເລີ່ມສ້າງຄອນເທນຕ໌ໃນຢູທູບຊ່ວງປາຍປີ2016, ຄວາມນິຍົມຂອງລາວໄດ້ຈຸດກະແສການເຮັດວີທູບເບີຂຶ້ນໃນຍີ່ປຸ່ນ ແລະ ນຳໄປສູ່ການກໍ່ຕັ້ງສັງກັດສະເພາະທາງເພື່ອສະໜັບສະໜຸນເຫຼົ່າວີທູບເບີເຊັ່ນ: ໂຮໂລໄລຟ໌ ໂປຣດັກຊັນ, ນິຈິຊັນຈິ ແລະ ວີໂຊວໂຈ. ນອກນີ້ ການແປຄລິບວີທູບເບີຂອງເຫຼົ່າແຟນຄລັບໄປເປັນພາສາຕ່າງໆກໍເປັນອີກແຮງໜຶ່ງທີ່ຊຸກຍູ້ໃຫ້ວີທູບເບີແຮ່ງໄດ້ຮັບຄວາມນິຍົມໄປທົ່ວໂລກ.[4] ປັດຈຸບັນວີທູບເບີປາກົດໃນງານກິດຈະກຳ ແລະ ການໂຄສະນາຕ່າງໆຢ່າງເປີດເຜີຍ ແລະ ວີບາງຄົນກໍຍັງສາມາດທຳລາຍສະຖິຕິໂລກກ່ຽວກັບການສຕຣີມໄດ້ອີກດ້ວຍ.
ອ້າງອີງ
[ດັດແກ້]- ↑ Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
- ↑ Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
- ↑ Lua error in Module:Citation/CS1/Utilities at line 38: bad argument #1 to 'ipairs' (table expected, got nil).
- ↑ Lua error in Module:Citation/CS1/Utilities at line 38: bad argument #1 to 'ipairs' (table expected, got nil).