ເຜົ່າແຊກ
ເຜົ່າແຊກ
ເຜົ່າແຊກຕັ້ງບ້ານເຮືອນຢູ່ເມືອງ ຄຳເກີດ ແຂວງ ບໍລິຄຳໄຊ ແລະ ເມືອງທ່າແຂກ, ຫີນບູນ, ນາກາຍ ແລະ ຍົມມະລາດ ຂອງ ແຂວງຄຳມ່ວນ. ເຜົ່າແຊກ ຢູ່ລາວ ມີປະຊາກອນທັງໝົດ 2.745 ຄົນ, ຍິງ 1.416 ຄົນ (ຕາມການສຳຫລວດປີ 1995).ເຜົ່າແຊກ ມີພາສາ ເປັນຂອງຕົນເອງ, ຈັດຢູ່ໃນໝວດພາສາລາວ-ໄຕ, ແຕ່ເຈືອນບົນກັບພາ ສາລາວ 30%, ພາສາຫວຽດ ນາມ 10%. ຮີດຄອງປະເພນີ: ເຜົ່າແຊກ ນັບຖືຜີ. ສ່ວນການມັກຮັກ ຂອງ ບ່າວ-ສາວ ສ່ວນຫລາຍຜູ້ເປັນ ພໍ່-ແມ່ ຈະເປັນຜູ້ຫາໃຫ້. ເຮືອນ ຂອງ ເຜົ່າແຊກມີລັກສະນະຄືກັບເຮືອນເຜົ່າເມີ້ຍຄື: ຫ້ອງບູ ຊາ, ຫ້ອງ ນອນພໍ່-ແມ່, ຫ້ອງລູກສາວ, ລູກຊາຍ ແລະ ລູກໄພ້. ຜູ້ຊາຍເຜົ່າແຊກ ນຸ່ງຜ້າສະໂລ່ງ ຫລື ຜ້າກະຕ້ອຍ. ແມ່ຍິງນຸ່ງສິ້ນທຳມະດາ. ດ້ານສິລະປະວັນນະຄະດີພື້ນເມືອງກໍ່ມີ: ເປົ່າປີ່, ສີຊໍ, ເປົ່າຂຸ່ຍ, ເປົ່າແຄນ, ການຟ້ອນ, ລຳ ມະຫາໄຊ (ເປັນພາສາລາວ) ແຕ່ເມື່ອສອຍ ຈະໃຊ້ພາສາແຊກ. ເຜົ່າແຊກທຳການຜະລິດດ້ວຍການເຮັດໄຮ່, ລ້ຽງສັດ.