ເຂື່ອນນ້ຳທາ III
ບໍລິສັດເຂື່ອນໄຟຟ້ານ້ຳທາ III ພວມເລັ່ງກໍ່ສ້າງປັບປຸງເຂື່ອນດັ່ງກ່າວຄືນໃໝ່ ໂດຍຈະໃຫ້ສຳເລັດໃນເດືອນກໍລະກົດ 2011 ນີ້ ເພື່ອສາມາດຜະລິດກະແສໄຟຟ້າຂາຍໃຫ້ລັດວິສາຫະກິດໄຟຟ້າລາວ ຕາມສັນຍາຂອງທັງສອງຝ່າຍໄດ້ຕົກລົງກັນ.
ໂຄງການເຂື່ອນໄຟຟ້ານ້ຳທາ III ຕັ້ງຢູ່ແຂວງຫຼວງນ້ຳທາ ໂດຍແມ່ນບໍລິສັດເຂື່ອນໄຟຟ້ານ້ຳທາ III ເປັນເຈົ້າຂອງໂຄງການ ເປັນໂຄງການທີ່ຖືກປັບປຸງສ້ອມແປງ ແລະ ກໍ່ສ້າງຄືນໃໝ່ ພາຍຫຼັງທີ່ໄດ້ຮັບຜົນກະທົບຈາກໄພນ້ຳຖ້ວມໃ ນປີ 2004 ຜ່ານມາ ໂດຍມີກຳລັງຕິດຕັ້ງ 1,25 ເມກາວັດ (MW) ສາມາດຜະລິດພະລັງງານໄດ້ 7,5 ລ້ານກິໂລວັດໂມງຕໍ່ປີ ພະລັງງານໄຟຟ້າທັງໝົດນີ້ຈະໄດ້ສົ່ງເຂົ້າລະບົບຕາຂ່າຍພາຍໃນແຂວງຫຼວງນ້ຳທາ ໃນລະດັບແຮງກາງ 22 ກິໂລໂວນ (KV) ລາຄາສະເລ່ຍໃນໄລຍະ 30 ປີແມ່ນ 6,00 ໂດລາ ຕໍ່ກິໂລວັດໂມງ ແລະ ຈະເພີ່ມຂຶ້ນໃນປີລະ 1% ຮອດປີທີ 10 ສ່ວນປີທີ 11 ແມ່ນຢູ່ໃນລາຄາ 5,50 ໂດລາ ຕໍ່ກິໂລວັດໂມງ ເພີ່ມຂຶ້ນ 1% ຕໍ່ປີ ແລະ ປີທີ 21 ຫຼຸດລົງເປັນ 5,00 ໂດລາ ຕໍ່ກິໂລວັດໂມງ ເພີ່ມຂຶ້ນ 1% ຕໍ່ປີ