ຮັກໄຮ້ສຽງ (ຮູບເງົາ)

ຮັກໄຮ້ສຽງ
ກຳກັບ	ນາໂອໂກະ ຢາມາດະ
ບົດຮູບເງົາ	ເຣໂກະ ໂຢຊິດະ
ນັກສະແດງນຳ	ມິຢຸ ອິຣິໂນະ ຊາໂອຣິ ຮາຢາມິ ອາໂອອິ ຢູກິ ເຄັນໂຊ ໂອໂນະ ຢູກິ ຄາເນໂກະ ຢູອິ ອິຊິກາວະ ເມງູມິ ຮັງ ໂທຊິຢູກິ ໂທໂຢນາງະ ມາຢຸ ມັດສຶໂອກະ
ດົນຕີປະກອບ	ເຄັນຊູເກະ ອູຊິໂອະ
ບໍລິສັດຜູ້ສ້າງ	ກຽວໂຕ ແອນິເມຊັ້ນ
ຈຳໜ່າຍ/ເຜີຍແຜ່	ໂຊຈິກຸ
ວັນສາຍ	17 ກັນຍາ ຄ.ສ. 2016 (2016-09-17)
ຄວາມຍາວ	130 ນາທີ
ປະເທດ	ປະເທດຍີ່ປຸ່ນ
ພາສາ	ຍີ່ປຸ່ນ
ລາຍໄດ້	20.1 ລ້ານໂດລາສະຫະລັດ

ຮັກໄຮ້ສຽງ (ຍີ່ປຸ່ນ: 聲の形; ອັງກິດ: A Silent Voice) ເປັນອະນິເມະຮູບເງົາແນວຊີວິດກ່ຽວກັບໄວຮຽນຈາກປະເທດຍີ່ປຸ່ນ ຄ.ສ 2016 ທີ່ຜະລິດໂດຍກຽວໂຕ ແອນິເມຊັ້ນ ກຳກັບໂດຍນາໂອໂກະ ຢາມາດະ ແລະ ຂຽນບົດໂດຍເຣໂກະ ໂຢຊິດະ ລວມເຖິງຜົນງານອັນໂດດເດັ່ນຈາກການອອກແບບຕົວລະຄອນໂດຍຟູໂຕຊິ ນິຊິຢະ ແລະດົນຕີປະກອບໂດຍເຄັນຊູເກະ ອູຊິໂອະ ຮູບເງົາເລື່ອງນີ້ອິງຈາກມັງງະຊື່ດຽວກັນທີ່ຂຽນແລະວາດພາບປະກອບໂດຍໂຢຊິໂຕກິ ໂອອິມະ ແລະມີການຈັດສາຍຮອບປະຖົມທັດໃນປະເທດຍີ່ປຸ່ນເມື່ອວັນທີ 17 ກັນຍາ ປີ ຄ.ສ. 2016

ເລື່ອງຫຍໍ້

ເລື່ອງຂອງໂຊຢະ ອິຊິດະ ຈອມອັນທະພານໃນໂຮງຮຽນປະຖົມຜູ້ລັງແກເພື່ອນຮ່ວມຊັ້ນຊື່ໂຊໂກະ ນິຊິມິຢະ ເຊິ່ງເປັນເດັກສາວພິການທີ່ມີບັນຫາເລື່ອງການໄດ້ຍິນ ເມື່ອຫຼາຍປີຕໍ່ມາ ລາວໄດ້ພົບກັບນາງອີກຄັ້ງແລະພະຍາຍາມທີ່ຈະລົບລ້າງຄວາມຜິດຂອງຕົນເອງ

ຜູ້ໃຫ້ສຽງພາກ

ຍີ່ປຸ່ນ: 石田将也 ໂຣມາຈິ: Ishida Shōya ທັບສັບ: ໂຊຢະ ອິຊິດະ

ໃຫ້ສຽງໂດຍ: ມິຢຸ ອິຣິໂນະ, ມາຢຸ ມັດສຶໂອກະ (ໄວເດັກ)

ຍີ່ປຸ່ນ: 西宮硝子 ໂຣມາຈິ: Nishimiya Shōko ທັບສັບ: ໂຊໂກະ ນິຊິມິຢະ

ໃຫ້ສຽງໂດຍ: ຊາໂອຣິ ຮາຢາມິ

ຍີ່ປຸ່ນ: 西宮結絃 ໂຣມາຈິ: Nishimiya Yuzuru ທັບສັບ: ຢຸຊຸຣຸ ນິຊິມິຢະ

ໃຫ້ສຽງໂດຍ: ອາໂອອິ ຢູກິ

ຍີ່ປຸ່ນ: 永束友宏 ໂຣມາຈິ: Nagatsuka Tomohiro ທັບສັບ: ໂທະໂມະຮິໂຣະ ນາກາສຶກະ

ໃຫ້ສຽງໂດຍ: ເຄັນໂຊ ໂອໂນະ

ຍີ່ປຸ່ນ: 植野直花 ໂຣມາຈິ: Ueno Naoka ທັບສັບ: ນະໂອະກະ ອຸເອະໂນະ

ໃຫ້ສຽງໂດຍ: ຢູກິ ຄາເນໂກະ

ຍີ່ປຸ່ນ: 佐原みよこ ໂຣມາຈິ: Sahara Miyoko ທັບສັບ: ມິໂຢະໂກະ ຊະຮະຣະ

ໃຫ້ສຽງໂດຍ: ຢູອິ ອິຊິກາວະ

ຍີ່ປຸ່ນ: 川井みき ໂຣມາຈິ: Kawai Miki ທັບສັບ: ມິກິ ຄະວະອິ

ໃຫ້ສຽງໂດຍ: ເມງູມິ ຮັງ

ຍີ່ປຸ່ນ: 真柴智 ໂຣມາຈິ: Mashiba Satoshi ທັບສັບ: ຊະໂຕະຊິ ມະຊິບະ

ໃຫ້ສຽງໂດຍ: ໂທຊິຢູກິ ໂທໂຢນາງະ

ການຜະລິດ

ສະບັບອະນິເມະດັດແປງຈາກມັງງະໄດ້ຮັບການປະກາດໃນຕອນສຸດທ້າຍຂອງມັງງະທີ່ວາງແຜງໃນວັນທີ່ 19 ພະຈິກ ປີ ຄ.ສ. 2014 ໂດຍຕໍ່ມາໄດ້ມີການລະບຸວ່າຈະມີການດັດແປງເປັນອະນິເມະສຳລັບໂຮງຮູບເງົາໃນວັນທີ 17 ທັນວາ ປີ ຄ.ສ. 2014 ໃນວາລະສານ ໂຊເນັນແມັກກາຊີນ ສະບັບທີ 46 ປີ ຄ.ສ 2015 ທີ່ວາງແຜງ ໃນວັນທີ 14 ຕຸລາ ໄດ້ປະກາດວ່າ ມີກຽວໂຕ ແອນິເມຊັ້ນເປັນສະຕູດິໂອແອນິເມຊັ້ນ ແລະ ນາໂອໂກະ ຢາມາດະ ເປັນຜູ້ກຳກັບສະບັບຮູບເງົາດັດແປງຕາມລຳດັບ ສ່ວນໂຊຈິກຸ ຊຶ່ງເປັນຜູ້ຈັດຈຳໜ່າຍຮູບເງົາເລື່ອງນີ້ໄດ້ເຮັດລາຍການເປີດຕົວພາຍໃນ 4 ເດືອນສຸດທ້າຍຂອງປີ ຄ.ສ 2016 ຈາກນັ້ນ ໃນວັນທີ 8 ເມສາ ປີ ຄ.ສ 2016 ກໍໄດ້ມີການເປີດເວັບໄຊຂອງຮູບເງົາຂຶ້ນຢ່າງເປັນທາງການ ໂດຍໄດ້ມີການປະກາດວ່າເຣໂກະ ໂຢຊິດະ ຈະເປັນຜູ້ຂຽນສະຄຣິບສຳລັບຮູບເງົາເລື່ອງນີ້ ສ່ວນຟູໂຕຊິ ນິຊິຢະ ຈະເປັນຜູ້ອອກແບບຕົວລະຄອນ ແລະ ຮູບເງົາໄດ້ຮັບການກຳນົດສຳລັບການເປີດຕົວໃນໂຮງຮູບເງົາທີ່ປະເທດຍີ່ປຸ່ນ ໃນ ວັນທີ 17 ກັນຍາ ປີ ຄ.ສ 2016 ສ່ວນເຄັນຊູເກະ ອູຊິໂອະ ແລະ ໂພນີແຄນຢອນ ເຮັດໃນສ່ວນຂອງດົນຕີປະກອບຮູບເງົາຊື່ "ໂຄອິໂອະຊິຕາໂນະວະ"(恋をしたのは) ໄດ້ຮັບການຂັບຮ້ອງໂດຍ ໄອໂກະ

ການຕອບຮັບ

ຮູບເງົາເປີດຕົວອັນດັບ 2 ຂອງ Boxoffice ປະເທດຍີ່ປຸ່ນຕໍ່ຈາກ ຫຼັບຕາຝັນ ເຖິງຊື່ເຈົ້າ ຂອງ ມາໂຄໂຕະ ຊິນໄຄ ໂດຍເຮັດລາຍໄດ້ທັງໝົດ 283 ລ້ານເຢນ ຈາກຍອດຈຳໜ່າຍປີ້ 200,000ໃບ ພາຍໃນວັນທີ່ສອງຂອງຮອບປະຖົມທັດທົ່ວໂຮງຮູບເງົາ 120 ແຫ່ງ ສ່ວນໃນວັນທີ 7 ພະຈິກ ປີ ຄ.ສ 2016 ຮູບເງົາເລື່ອງນີ້ເຮັດລາຍໄດ້ລວມກວ່າ 2.1 ຕື້ເຢນ ຈາກຍອດຈຳໜ່າຍປີ້ 1.6 ລ້ານໃບ