ອົງກອນເພື່ອພິທັກສິດທິຂອງສັດ
ອົງກອນເພື່ອພິທັກສິດທິຂອງສັດ (ອັງກິດ: People for the Ethical Treatment of Animals, ແປຕົງໂຕ: 'ປະຊາຊົນເພື່ອການປະຕິບັດຕໍ່ສັດຢ່າງມີຈະລິຍະທຳ') ແມ່ນອົງກອນບໍ່ຫວັງຜົນກຳໄລດ້ານສິດທິສັດຂອງອາເມລິກາ ທີ່ຕັ້ງຢູ່ໃນ Norfolk, Virginia, ແລະນໍາພາໂດຍ Ingrid Newkirk, ປະທານສາກົນຂອງຕົນ.
PETA ເປັນອົງກອນສິດທິສັດທີ່ມີຊື່ສຽງ ແລະ ເປັນທີ່ຖົກຖຽງຫຼາຍທີ່ສຸດໃນໂລກ. ນອກຈາກນັ້ນ ຍັງເປັນອົງກອນທີ່ຖືກຈຸດຕິວ່າມີພຶດຕິກຳຮຽກຮ້ອງແບບສຸດຂີດເຊັ່ນ: ການເຊີນຊວນບໍ່ໃຫ້ເອີ້ນສັດວ່າ "ມັນ"[1][2], ການຫ້າມບໍ່ໃຫ້ຫຼີ້ນເກມ ໂປເກມອນ (Pokémon) ເນື່ອງຈາກເຫັນວ່າເປັນເກມທີ່ໃຊ້ສັດຕໍ່ສູ້ກັນ[3], ເຖິງວ່າ Pokémon ຈະເປັນສັດສົມມຸດກໍຕາມ, ຫຼື ການຮຽກຮ້ອງໃຫ້ປ່ຽນຄຳເວົ້າໃນຊີວິດປະຈຳວັນ ເພາະມີຄວາມໝາຍທີ່ສະແດງເຖິງການໃຊ້ຄວາມຮຸນແຮງກັບສັດ ເປັນຕົ້ນ.