ສັນຍາອະນຸຍາດຄຣີເອທີຟຄອມມອນ
ສັນຍາອະນຸຍາດຄຣີເອທີຟຄອມມອນ (ອັງກິດ: Creative Commons License) ມັນເປັນໃບອະນຸຍາດທາງລິຂະສິດ, ອອກໃນວັນທີ 16 ທັນວາ 2002 ໂດຍຄຣີເອທີຟຄອມມອນ ເຊິ່ງເປັນອົງກອນບໍ່ຫວັງຜົນກຳໄລ ໃນສະຫະລັດອາເມຣິກາ ສ້າງຕັ້ງຂຶ້ນໃນປີ 2001.
ສັນຍາອະນຸຍາດ
[ດັດແກ້]ລາຍລະອຽດຂອງແຕ່ລະສັນຍາອະນຸຍາດມີດັ່ງຕໍ່ໄປນີ້: ຂຶ້ນກັບສະບັບສັນຍາແລະມັນປະກອບດ້ວຍທາງເລືອກສີ່ເງື່ອນໄຂ
- ບອກແຫຼ່ງທີ່ມາ (Attribution - BY) : ອະນຸຍາດໃຫ້ຜູ້ອື່ນເຮັດການຜະລິດ, ແຈກຢາຍ, ຫຼືສະແດງແລະປະຕິບັດວຽກງານດັ່ງກ່າວ. ແລະສ້າງຜົນງານທີ່ມາຈາກວຽກງານດັ່ງກ່າວ ພຽງແຕ່ຖ້າບຸກຄົນໄດ້ໃຫ້ບອກຜູ້ຂຽນ ຫຼື ຜູ້ອະນຸຍາດຕາມທີ່ໄດ້ກໍານົດໄວ້.
- ບໍ່ແມ່ນການນໍາໃຊ້ທາງການຄ້າ (Noncommercial - NC) : ອະນຸຍາດໃຫ້ຜູ້ອື່ນເຮັດການຜະລິດ, ແຈກຢາຍ, ຫຼືສະແດງແລະປະຕິບັດວຽກງານດັ່ງກ່າວ. ແລະສ້າງຜົນງານທີ່ມາຈາກວຽກງານດັ່ງກ່າວ ສະເພາະໃນກໍລະນີທີ່ບໍ່ໄດ້ນຳໃຊ້ເພື່ອຈຸດປະສົງທາງການຄ້າເທົ່ານັ້ນ.
- ບໍ່ດັດແປງ (No Derivative Works - ND) : ອະນຸຍາດໃຫ້ຜູ້ອື່ນຜະລິດພັນ, ແຈກຢາຍ, ຫຼືສະແດງແລະປະຕິບັດວຽກງານດັ່ງກ່າວພຽງແຕ່ໃນຮູບແບບທີ່ບໍ່ໄດ້ແກ້ໄຂ.
- ອະນຸຍາດແບບດຽວກັນ (Share Alike - SA) : ອະນຸຍາດໃຫ້ຜູ້ອື່ນແຈກຢາຍຜົນງານ. ເປັນໄປໄດ້ພຽງແຕ່ຖ້າວຽກທີ່ມາຈາກການເຜີຍແຜ່ພາຍໃຕ້ໃບອະນຸຍາດດຽວກັນກັບວຽກຕົ້ນສະບັບ.
ເງື່ອນໄຂເຫຼົ່ານີ້ສາມາດນໍາໃຊ້ໄດ້ເຖິງ 6 ແບບໄດ້ແກ່:
- ບອກແຫຼ່ງທີ່ມາ (cc-by)
- ບອກແຫຼ່ງທີ່ມາ-ບໍ່ແມ່ນການຄ້າ (cc-by-nc)
- ບອກແຫຼ່ງທີ່ມາ-ບໍ່ແມ່ນການຄ້າ-NoDerivatives (cc-by-nc-nd)
- ບອກແຫຼ່ງທີ່ມາ-ບໍ່ແມ່ນການຄ້າ-ShareAlike (cc-by-nc-sa)
- ບອກແຫຼ່ງທີ່ມາ-ບໍ່ດັດແປງ (cc-by-nd)
- ບອກແຫຼ່ງທີ່ມາ-ອະນຸຍາດແບບດຽວກັນ (cc-by-sa)
ເຫັນໄດ້ວ່າທຸກຕົວແບບລ້ວນແຕ່ມີການບອກທີ່ມາ (by) ຕະຫຼອດ.
ຄົນອື່ນອາດຈະສາມາດໃຊ້ວຽກໂດຍບໍ່ໄດ້ຂໍອະນຸຍາດ. ພຽງແຕ່ຕ້ອງປະຕິບັດຕາມເງື່ອນໄຂທີ່ກໍານົດໄວ້. ຖ້າຫາກວ່າມັນໄດ້ຮັບການນໍາໃຊ້ນອກເໜືອຈາກທີ່ກໍານົດໄວ້, ກໍຈໍາເປັນຕ້ອງໄດ້ຕິດຕໍ່ຫາເຈົ້າຂອງອີກເທື່ອຫນຶ່ງເພື່ອຮ້ອງຂໍການອະນຸຍາດ.