ວັນຊາດ (ເຫດການ 2 ທັນວາ 1975)

ການສະຖາປະນາ ສປປ ລາວ

ກາໝາຍຊາດຂອງ ສປປ ລາວ
ວັນທີ່	1–2 ທັນວາ 1975
ທີ່ຕັ້ງ	ວຽງຈັນ, ປະເທດລາວ
ຜູ້ເຂົ້າຮ່ວມ	ພັກປະຊາຊົນປະຕິວັດລາວ ຄະນະມົນຕີປະສົມການເມືອງແຫ່ງຊາດ
ຜົນ	ສິ້ນສຸດ ພະລາຊະອານາຈັກລາວ ພະມະຫາກະສັດສະລະລາຊະສົມບັດ ສ້າງຕັ້ງ ສາທາລະນະລັດ ປະຊາທິປະໄຕ ປະຊາຊົນລາວ

ວັນຊາດ ຂອງປະເທດລາວ ກົງກັບວັນທີ 2 ທັນວາ ຂອງທຸກປີ, ເຊິ່ງເປັນວັນລະນຶກເຖິງເຫດການ ການສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ໃນປີ ຄ.ສ. 1975 ພາຍຫຼັງການຍຶດອຳນາດຂອງຂະບວນການປະຊາຊົນ ແລະ ການສິ້ນສຸດຂອງສົງຄາມກາງເມືອງ.

ກອງປະຊຸມໃຫຍ່ຜູ້ແທນປະຊາຊົນທົ່ວປະເທດ

ໃນວັນທີ 1-2 ທັນວາ 1975, ກອງປະຊຸມໃຫຍ່ຜູ້ແທນປະຊາຊົນທົ່ວປະເທດ ໄດ້ຈັດຂຶ້ນທີ່ນະຄອນຫຼວງວຽງຈັນ ໂດຍມີຜູ້ແທນ 264 ທ່ານເຂົ້າຮ່ວມ. ກອງປະຊຸມມີມະຕິສຳຄັນດັ່ງນີ້:

1. ຮັບຮອງໃບລາອອກຂອງ ພະເຈົ້າສະຫວ່າງວັດທະນາ ຈາກຕຳແໜ່ງພະມະຫາກະສັດ.
2. ຮັບຮອງໃບລາອອກຂອງລັດຖະບານປະສົມຊົ່ວຄາວ (ນຳໂດຍ ເຈົ້າສຸວັນນະພູມາ).
3. ປະກາດລົບລ້າງລະບອບລາຊາທິປະໄຕ.
4. ສະຖາປະນາລະບອບ ສາທາລະນະລັດ ປະຊາທິປະໄຕ ປະຊາຊົນລາວ.
5. ແຕ່ງຕັ້ງ ເຈົ້າສຸພານຸວົງ ເປັນປະທານປະເທດ ແລະ ໄກສອນ ພົມວິຫານ ເປັນນາຍົກລັດຖະມົນຕີ.

ຄວາມສຳຄັນ

ວັນທີ 2 ທັນວາ ຖືເປັນວັນທີ່ມີຄວາມໝາຍທາງປະຫວັດສາດ ເປັນການເປີດສາກຍຸກໃໝ່ຂອງປະເທດລາວ ພາຍໃຕ້ການນຳພາຂອງ ພັກປະຊາຊົນປະຕິວັດລາວ. ທຸກໆປີຈະມີການສະເຫຼີມສະຫຼອງຢ່າງຍິ່ງໃຫຍ່ທົ່ວປະເທດ.