ວັດຈຸມຄ້ອງສຸຣິນທະຣາຣາມ

ຈາກ ວິກິພີເດຍ
Jump to navigation Jump to search

ສ້າງໃນປີ ຄ.ສ.1843 ໃນລາຊະສະໄໝພຣະເຈົ້າສຸກກະເສມ ປະຈຸບັນພຣະອຸໂປສົດ ຍັງຄົງສະພາບເດີມຢູ່ ມີສິລະປະແບບຫລວງພະບາງໂດຍທົ່ວໄປ ພາຍໃນແບ່ງເປັນ 3 ຫ້ອງຍາວ 4 ຫ້ອງຂວາງ ເມື່ອມາເຖິງທາງເຂົ້າພຣະອຸໂປສົດ ຈະສັງເກດເຫັນຈຸດເດັ່ນທີ່ບໍ່ເໝືອນວັດໃດ ໃນຫລວງພະບາງ ຄືມີຮູບສະຫຼັກລອຍຕົວ ເຮັດຈາກຫີນຊາຍສີຂຽວຕັ້ງຢູ່ເໜືອຮາວຂັ້ນໄດທາງຂຶ້ນພຣະອຸໂປສົດ ທັງສອງຂ້າງລັກສະນະຄ້າຍເທບພະເຈົ້າຂອງຈີນ ສູງປະມານ 50 ຊມ. ຊຶ່ງພຣະເຈົ້າຈັກກະພັດຂອງຈີນ ຖວາຍແກ່ພະເຈົ້າຈັນທະຣາດ ແຫ່ງນະຄອນຫລວງພະບາງ ໃນການບູລະນະພາຍຫລັງຫລາຍເທື່ອໄດ້ມີການຕົບແຕ່ງເພີ່ມເຕິມ ໂດຍປິດທອງຝາດ້ານຫລັງພຣະອຸໂປສົດທັງສອງດ້ານ ແລະ ແຕ້ມດອກດວງໃສ່ບານປະຕູ ແລະ ປ່ອງຢ້ຽມທຸກບານ ພາບຝາເກົ່າມີລັກສະນະງົດງາມເປັນເລື່ອງລາວພະເວດສັນດອນຊາດົກ.