ປີນຜາ ວັງວຽງ
 | ບົດຄວາມນີ້ອາດຕ້ອງປັບປຸງໃຫ້ມີມຸມມອງທີ່ເປັນກາງ ເນື່ອງຈາກນຳສະເໜີມຸມມອງພຽງດ້ານດຽວ. ເບິ່ງໜ້າສົນທະນາປະກອບ ກະລຸນາຢ່ານຳປ້າຍອອກຈົນກວ່າຈະມີຂໍ້ສະຫຼຸບ. |
ການປີນໄຕ່ຕາມຜາກໍ່ແມ່ນການທ່ອງທ່ຽວທີ່ມີລັກສະນະທ້າທາຍອີກຢ່າງຫນຶ່ງທີ່ກຳລັງໄດ້ຮັບຄວາມນິຍົມສູງຈາກ ບັນດານັກທ່ອງທ່ຽວຈຳນວນຫລາຍເພາະການທ່ອງທ່ຽວລັກສະນະນີ້ ຕ້ອງໃຊ້ຄວາມອົດທົນ ແລະ ມີສະມາທິສູງ, ສຳລັບ ສປປ ລາວ ກໍ່ໄດ້ເປີດໂອກາດໃຫ້ບັນດານັກທ່ອງທ່ຽວທີ່ເຂົ້າມາທ່ຽວພາຍໃນປະເທດ ສາມາດສະສົມປະສົບການໃຫມ່ໃນການປີນຜາ ເຊິ່ງຖືວ່າເປັນການຜະຈົນໄພທີ່ທ້າຍທາຍຫລາຍອີກແບບຫນຶ່ງ.
ຜູ້ນຳທ່ຽວຂອງບໍລິສັດທ່ອງທ່ຽວກຣີນ ດິສໂຄເວີຮີ ປະຈຳຢູ່ ວັງວຽງແຂວງວຽງຈັນ ໃຫ້ທັດສະນະສູ່ຟັງວ່າ: ບໍລິສັດຂອງພວກເຮົາເປັນບໍລິສັດຫນຶ່ງດຽວເທົ່ານັ້ນທີ່ເປີດບໍລິການດ້ານການ ທ່ອງທ່ຽວແບບຄົບວົງຈອນ ແຕ່ເວົ້າສະເພາະສຳລັບຜູ້ທີ່ມີຄວາມສົນໃຈໃນການປີນໄຕ່ຫນ້າຜາ ເພື່ອຊອກຫາປະສົບການດ້ວຍໂຕທ່ານເອງທ່ານສາມາດເຮັດໄດ້ໃນສະຖານທີ່ແຫ່ງນີ້, ດັ່ງ ນັ້ນ ສະຖານທີ່ທ່ອງທ່ຽວໃນວັງວຽງນັບວ່າເປັນສະຖານທີ່ຊັບຊ້ອນທັງເປັນເຂດຫນຶ່ງທີ່ມີຊື່ສຽງດ້ານການປີນຜາ ເນື່ອງຈາກສະຖານທີ່ດັ່ງກ່າວນັ້ນມີພູສູງຊັນປະກອບດ້ວຍຫນ້າຜາທີເປັນຮ່ອມຫີນ, ເຫວເລີກເຫມາະສຳລັບການປີນໄຕ່ແບບທ້າທາຍ, ໃນທ່າມກາງການຫຸ້ມລ້ອມຂອງບັນດາປ່າໄມ້ອັນອຸດົມສົມບູນຂຽວສົດງົດງາມພາໃຫ້ມີຊີວິດຊີວາ, ພ້ອມກັນນັ້ນການປີນຫນ້າ ຜາບາງຄັ້ງອາດຈະມີແສງແດດກ້າ, ບາງເທື່ອກໍ່ມີຝົນຕົກ ຫລື ຫມອກເຮັດໃຫ້ໜາວຈົນຄາງກະໄຕສັ່ນ, ທັງນີ້ທັງນັ້ນກໍ່ຂຶ້ນກັບການໂຊກດີຂອງໃຜຂອງລາວໃນການປີນ ແຕ່ລະຄັ້ງການໄປປີນບາງຄົນມັກຮ້ອນ ຫລື ມັກຫນາວເອົາແຕ່ຄວາມຖະຫນັດຂອງໃຜມັນ, ພ້ອມກັນນັ້ນ ການປີນຜາເປັນເລື່ອງແປກສຳລັບຜູ້ທີ່ມັກຄົນຫາປະສົບການອັນແປກໃຫມ່, ໂດຍສະເພາະໃນການ ປີນຜາແບບນີ້ບັນດານັກທ່ອງທ່ຽວຕ່າງປະເທດກໍ່ໃຫ້ ຄວາມສົນໃຈເປັນພິເສດ, ຢາກສຳຜັດ, ຢາກທົດສອບສິ່ງທ້າທ້າຍດ້ວຍຕົນເອງອີກຢ່າງຫນື່ງກັບສິ່ງໃຫມ່ໆ.
ສຳລັບຜູ້ທີ່ສົນໃຈຕ້ອງການຢາກສະແຫວງຫາປະສົບການດ້ານການປີນໄຕ່ຜາຄືນັກທ່ອງທ່ຽວຊາວຕ່າງຊາດທ່ານກໍ່ສາມາດເດີນທາງໄປໄດ້ໂດຍມຸ່ງຫນ້າເຂົ້າສູ່ດິນແດນວັງວຽງ ເມືອງແຫ່ງມົນຂັງຂອງຜາຕັ້ງ ແລະ ສາຍນ້ຳຊອງ ເຊິ່ງເປັນສະຖານທີ່ທ່ອງທ່ຽວທີ່ໂດ່ງດັງ ແລະ ລືຊື່ໃນແຂວງວຽງຈັນອີກບ່ອນຫນຶ່ງ ແຕ່ການທີ່ຈະໄປພົບເຫັນດ້ວຍຕົວທ່ານເອງບໍ່ວ່າຈະເປັນ ການເດີນທາງແບບໃດກໍ່ແລ້ວ ແຕ່ກໍ່ຄົງເປັນການຍາກ ຖ້າຫາກຈະໃຫ້ດີ ແລະ ສະດວກສະບາຍທັງມີຜູ້ນຳທາງນັ້ນ ກໍ່ແມ່ນໄປຫາຫ້ອງການທ່ອງທ່ຽວຂອງບໍລິສັດ ກຣີນ ດິສໂຄເວີຮີ ປະ ຈຳ ເມືອງວັງວຽງນີ້ເອງ.