ບ້ານຊ້າງຄ້ອງ

ຈາກ ວິກິພີເດຍ
Jump to navigation Jump to search

ບ້ານ​ຊ້າງ​ແມ່ນ​ຫມູ່​ບ້ານທີ່​ມີ​ຊື່​ສຽງ​ໃນ​ການ​ລ້ຽງ​ຊ້າງອີກແຫ່ງ​ຫນຶ່ງ​ຂອງ​ເມືອງ​ຫລວງ​ພະບາງ ແລະ ທັງ​ເປີດ​ໂອ­ກາດ​ໃຫ້ບັນ­ດາ​ນັກ​ທ່ອງ​ທ່ຽວ​ທັງ​ພາຍ​ໃນ ແລະ ຕ່າງ­ປະ­ເທດສາ­ມາດ​ສຳ­ຜັດ ແລະ ສຶກ​ສາ​ຮຽນ​ຮູ້​ກັບ​ວິ­ທີ​ການຕ່າງໆ​ໃນ​ການ​ເບິ່ງ­ແຍງ​ຮັກ­ສາຊ້າງ ລວມ​ເຖິງ​ການ​ບໍ­ລິ­ການ​ຂີ່ຊ້າງ​ນຳ​ອີກ.

ບ້ານ​ຊ້າງ​ຕັ້ງ​ຢູ່​ຫ່າງ​ຈາກ ເມືອງ​ຫລວງ​ພະ​ບາງ ພຽງ​ແຕ່ 15 ກິ­ໂລ­ແມັດ​ເທົ່າ​ນັ້ນ ແລະ ຫມູ່ບ້ານ​ດັ່ງ­ກ່າວ​ແມ່ນ​ຕັ້ງ​ຢູ່​ລຽບ​ຕາມແຄມ​ຝັ່ງ​ແມ່­ນ້ຳ​ຄານ, ພ້ອມ​ກັນ​ນັ້ນ ຍັງ​ຕັ້ງ​ຢູ່​ທ່າມ­ກາງ​ການ​ຫຸ້ມ​ລ້ອມຂອງ​ປ່າ­ໄມ້​ທີ່​ອຸ­ດົມ­ສົມ­ບູນ ຕາມການ​ເລົ່າ​ຂານ​ຂອງ​ປະ­ຊາ­ຊົນທ້ອງ­ຖິ່ນ​ພາຍ​ໃນ​ບ້ານ​ດັ່ງ­ກ່າວໄດ້​ຮູ້​ຕື່ມ​ວ່າ: ນັບ​ແຕ່​ປີ 1990 ຄືນ​ຫລັງ​ນັ້ນ​ການ​ອອກ​ໄປ​ຫາ​ກິນຕາມ​ປ່າ­ດົງ​ຂອງ​ປະ­ຊາ­ ຊົນ ລ້ວນແຕ່​ພົບ​ກັບ​ຄວາມ​ຫຍຸ້ງ­ຍາກ ເນື່ອງຈາກ​ມີ​ສັດ­ປ່າ​ຈຳ­ພວກ​ຊ້າງ, ເສືອ ແລະອື່ນໆ​ມັກ​ພາ­ກັນ​ມາ​ອາ­ໄສ​ຢູ່ຕາມ​ປ່າ​ໃກ້​ຫມູ່​ບ້ານຈົນ​ມາ​ເຖິງ​ປີ 2003 ຈິ່ງ​ໄດ້​ມີ​ການ​ປະ­ກາດ​ໃຫ້ບ້ານ​ຊ້າງ​ ກາຍ­ເປັນ​ບ້ານ​ທ່ອງ​ທ່ຽວທີ່​ຫນ້າ​ສົນ­ໃຈ​ພ້ອມ​ທັງ​ສ້າງ​ແຄ້ມຊ້າງ​ຂຶ້ນ ເນື່ອງ​ຈາກ​ມີ​ກິດ­ຈະ­ກຳຫລາຍ​ຢ່າງ ເຊິ່ງ​ກ່ຽວ​ພັນ​ກັບຊ້າງ​ໂດຍ​ກົງ ຫລືຈັດ​ໄດ້​ວ່າເປັນສູນ​ດູ​ແລ​ຮັກ­ສາ​ຊ້າງ​ແຫ່ງ​ທຳ​ອິດຂອງ​ ເມືອງ​ຫລວງ​ພະ​ບາງ​ກໍ່​ວ່າ ໄດ້ເນື່ອງ​ຈາກ​ສະ­ຖານ­ທີ່​ແຫ່ງ​ນີ້ ປະ­ກອບ​ດ້ວຍ​ໂຮງ­ຫມໍ​ປິ່ນ­ປົວ​ຊ້າງແບບ​ສະ­ເພາະ, ແຄ້ມ​ຊ້າງ, ສູນ​ສະຫນອງ​ຂໍ້​ມູນ​ກ່ຽວ​ກັບ​ຊ້າງ ແລະ ອື່ນໆ, ປະ­ຈຸ​ບັນ​ນີ້ ບ້ານ​ຊ້າງ​ມີຊ້າງ​ຄຳ­ຮູ້​ຈຳ­ນວນ 8 ໂຕ ໃນ​ນັ້ນ ຊ້າງ​ແມ່​ທີ່​ມີ​ອາ­ຍຸ​ລະ­ຫວ່າງ 40Œ-46 ປີ ຈໍາ­ນວນ 7 ໂຕ ແລະ ຊ້າງ​ນ້ອຍ​ອີກ 1 ໂຕ, ເມື່ອ​ເວົ້າ ເຖິງ​ບັນ­ດາ​ກິດ­ຈະ­ກຳ​ຕ່າງໆ​ທີ່​ບັນດາ​ນັກ​ທ່ອງ​ທ່ຽວ​ສາ­ມາດ​ສຳ­ຜັດນັ້ນ​ກໍ່​ຄື ການ​ຂີ່​ຊ້າງ, ການ​ຍ່າງປ່າ, ຂີ່​ເຮືອ​ລ່ອງ​ແກ້ງ ແລະ ອື່ນໆ, ພ້ອມ​ກັນ​ນັ້ນ ເຂດ​ດັ່ງ­ກ່າວ​ຍັງ​ມີຕູບ​ນ້ອຍ​ຕັ້ງ​ຢູ່​ແຄມ​ຝັ່ງ​ນ້ຳ​ຄານຕັ້ງ​ຢູ່ ເຊິ່ງ​ຫນ້າ​ກັບ​ແຄ້ມ​ຊ້າງ​ທີ່​ມີເນື້ອ­ທີ່​ກວ້າງ​ເຖິງ 4 ເຮັກ­ຕາ ແລະທາງ​ພາກ­ສ່ວນ​ກ່ຽວ­ຂ້ອງ​ສ້າງ​ໄວ້ສຳ­ລັບ​ໃຫ້​ນັກ​ທ່ອງ​ທ່ຽວ​ສາ­ມາດເຂົ້າ​ນັ່ງ​ຊົມ​ເວ­ລາ​ຊ້າງ​ລົງ​ອາບ­ນ້ຳໃນ​ແຕ່​ລະ​ວັນ​ນຳ​ອີກ ຫລື ທ່ານສາ­ມາດ​ລົງ​ຫລິ້ນ​ນ້ຳ​ຄານ​ທ່າມກາງ​ແສງ​ແດດ​ອ່ອນ​ໃນ​ຍາມ​ດວງຕາ­ເວັນ​ໃກ້​ອັດ­ສະ­ດົງ ພ້ອມ​ສຳຜັດ​ກິ່ນ​ອາຍ​ທຳ​ມະ​ຊາດ​ຂອງ​ພູ­ຜາປ່າ­ໄມ້​ຢ່າງ​ຫນ້າ​ປະ​ທັບ​ໃຈ.

ແນວ­ໃດ​ກໍ່​ດີ ເຖິງ​ແມ່ນ​ວ່າ​ຈຳນວນ​ຊ້າງ​ຈະ​ມີ​ຫນ້ອຍ​ແຕ່​ຊ້າງ ແຕ່​ລະ​ຕົວ​ລ້ວນ​ແຕ່​ມີ​ສຸ­ຂະ­ພາບແຂງ­ແຮງທັງ​ໄດ້​ຮັບ​ການ​ດູ​ແລລ້ຽງ​ຈາກ​ນາຍ​ຄວນ​ຊ້າງ​ເປັນ​ຢ່າງດີບໍ່​ວ່າ​ຈະ​ເປັນ​ດ້ານ​ອາ­ຫານ, ການ​ໄດ້​ຮັບ​ການ​ເບິ່ງ­ແຍງ​ໃນ​ເວລາ​ເຈັບ­ເປັນ ແລະ ການ​ບໍ­ລິ­ການຂີ່​ຊ້າງ ກໍ່​ບໍ່​ແມ່ນ​ເລື່ອງ​ການ​ໃຊ້ວຽກ​ຫນັກ​ສຳ­ລັບ​ຊ້າງ ເພາະ​ຈຳນວນ​ຊ້າງ​ດັ່ງ­ກ່າວ​ ບໍ່​ໄດ້​ມີ​ການຖືກ​ບັງ­ຄັບ​ໃຫ້​ເຮັດ​ວຽກ​ຫນັກ ແຕ່ຢ່າງ­ໃດ ແລະ ສ່ວນ​ໃຫຍ່​ແມ່ນ​ຮັບໃຊ້​ສະ­ເພາະ​ບັນ­ດາ​ນັກ​ທ່ອງ​ທ່ຽວເທົ່າ​ນັ້ນ, ສຳ­ລັບ​ທີ່​ພັກ​ແມ່ນ​ບໍ່​ຕ້ອງຫ່ວງທ່ານ​ສາ­ມາດ​ພັກ​ຢູ່​ເຮືອນພັກ​ແບບ​ອະ­ນຸ​ຮັກ​ປະ­ຊາ­ຊົນ​ມີສ່ວນ​ຮ່ວມ​ໃນ​ບ້ານ​ຊ້າງ ​ກໍ່​ໄດ້ອີກດ້ານ​ຫນຶ່ງ​ບ້ານ​ຊ້າງ​ກໍ່​ຕັ້ງ​ຢູ່​ບໍ່​ໄກຈາກ​ເມືອງ​ຫລວງ​ພະ​ບາງ ທ່ານຈິ່ງ​ບໍ່​ຕ້ອງ​ກັງ­ວົນ​ໃຈ​ກັບ​ເລື່ອງ​ນີ້ສິ່ງ​ສຳ­ຄັນ​ກໍ່​ຄືຈະ​ວາງ​ແຜນ­ການແບບ​ໃດເພື່ອ​ເຮັດ​ໃຫ້­ການ​ທ່ອງທ່ຽວ​ຄັ້ງ​ນີ້​ກຸ້ມ​ຄ່າແລະ ປະ​ທັບ​ໃຈທີ່​ສຸດ.