ຄາເມັນໄຣເດີ

ຄາເມັນໄຣເດີ
ສ້າງໂດຍ	ໂຊທາໂຣ ອິຊິໂນະໂມຣິ ອິຊິໂມຣິ ໂປຣດັກຊັນ ບໍລິສັດໂທເອ
ງານຕົ້ນສະບັບ	ຄາເມັນໄຣເດີ(1971)
ເຈົ້າຂອງ	ອິຊິໂມຣິ ໂປຣດັກຊັນ ບໍລິສັດໂທເອ MBS/NET (ແຕ່ປີ1971–1975ຈົນຮອດພາກອະມາຊອນ) MBS/TBS (ແຕ່ປີ1975–1989ຈາກພາກສະຕຣອງເກີຈົນຮອດBlack RX) TV ທີວີອາສະຮິ (ແຕ່ປີ2000ຮອດປັດຈຸບັນ) ADK (ແຕ່ປີ2000ຮອດປັດຈຸບັນ)
ປີ	ຕັ້ງແຕ່ປີ1971ຈົນຮອດປັດຈຸບັນ
ອື່ນໆ
ຜູ້ສະໜັບສະໜູນຫຼັກ	ບັນໄດ (ບໍລິສັດຍີ່ປຸ່ນ) ແມັກໂດນັລດ໌ ບໍລິສັດເຊບັນ(ສຳລັບກະເປົ໋າທີ່ມີແບຣນຂອງບໍລິສັດ) ບໍລິສັດໂອຊຶກະ ຟາມາຊູຕິເຄິນ (ສຳລັບເຄື່ອງດື່ມໂອໂຣນາມິນ ຊີ) ໂຊກັກຄຸຄັງ ໂຄດັນສະ
ເວັບໄຊທ໌ທາງການ
www.kamen-rider-official.com

ຄາເມັນໄຣເດີຣ໌ຊີຣີ້, ຄາເມນໄຣເດີຣ໌ (ຍີ່ປຸ່ນ: 仮面ライダ,ーシリーズ, ໂຣມາຈິ: Kamen Raidā Shirīzu, ຄາເມັນ ໄຣດ້າ ຊິຣີ້ຊຶ) ຫຼືວ່າ ມາສຄ໌ໄຣເດີຣ໌ (ອັງກິດ: Masked Rider, ໃຊ້ຈົນຮອດພາກດີເຄດ ແລະຍົກເວັ້ນແຕ່ໃນປະເທດໄທ) ຫຼືໃນໄທພາກທຳອິດແມ່ນໃຊ້ຊື່ ໄອ້ມົດແດງອາລະວາດ (ໄທ: ไอ้มดแดงอาละวาด) ແມ່ນແຟຣນຊາຍເລື່ອງຍອດມະນຸດຕໍ່ສູ້ຍີ່ປຸ່ນທີ່ມີຫຼາກຫຼາຍຮູບແບບເຊັ່ນ: ລະຄອນໂທລະພາບແນວໂທຄຸຊັດສຶ, ຮູບເງົາ, ມັງງະ ແລະ ອະນິເມະ ທີ່ສັນສ້າງຂຶ້ນໂດຍນັກແຕ້ມມັງງະ ໂຊທາໂຣ ອິຊິໂນະໂມຣິ. ເລື່ອງຄາເມັນໄຣເດີມັກຈະເນັ້ນໃສ່ເລື່ອງລາວຂອງກຸ່ມຍອດມະນຸດທີ່ມີລົດຈັກແລະມີລັກສະນະຄ້າຍຄືກັບແມງຕ່າງໆ ຕໍ່ສູ້ກັບເຫຼົ່າຕົວຮ້າຍ ຫຼື ຕົວສັດປະຫຼາດເຊິ່ງຕ່າງກັນໄປຕາມແຕ່ລະພາກ.

ພາກທຳອິດຂອງຊີຣີ້ເປີດຕົວຄັ້ງແຮກໃນປີ ຄ.ສ.1971 ດ້ວຍລະຄອນໂທລະພາບເລື່ອງ ຄາເມັນໄຣເດີ ໂດຍເລົ່າເລື່ອງລາວຂອງ ທາເຄຊິ ຮອນໂກ ນັກສຶກສາມະຫາວິທະຍາໄລທີ່ຕ້ອງມາຕໍ່ສູ້ກັບອົງການຮ້າຍຊັອກເກີ ທີ່ຫວັງຈະຍຶດຄອງໂລກ. ພາກທຳອິດນີ້ໄດ້ຮັບຄວາມນິຍົມເປັນຢ່າງຫຼາຍແລະໄດ້ຮັບການຕໍ່ຍອດໄປເປັນຮູບເງົາແລະພາກອື່ນໆຕື່ມອີກຫຼາຍພາກ ແລະຍັງເປັນຈຸດເລີ່ມຕົ້ນຂອງຍຸກເຟື່ອງຟູຂອງກາຕູນສັດປະຫຼາດຕີກັນຄັ້ງທີສອງ ຫຼືເອີ້ນອີກຢ່າງວ່າ ຍຸກແຫ່ງການເຮັນຊິນ(ແປງຮ່າງ) ອອກອາກາດໃນຍີ່ປຸ່ນຕັ້ງແຕ່ຕົ້ນທົດສະວັດທີ70ເປັນຕົ້ນມາ ໂດຍມີອິດທິພົນຕໍ່ເລື່ອງແນວຄົນເໜືອມະນຸດ ແລະ ຕໍ່ສູ້ຜະຈົນໄພເລື່ອງອື່ນໆໃນຍີ່ປຸ່ນເປັນຢ່າງສູງ.

ບໍລິສັດບັນໄດເປັນເຈົ້າຂອງສິດຂອງຫຼິ້ນຂອງຄາເມັນໄຣເດີໃນຍີ່ປຸ່ນ ແລະໃນຂົງເຂດອາຊີອື່ນໆ.