ຄາຕະວະ ໂຊວໂຈ

ຄາຕະວະໂຊວໂຈ
ຜູ້ພັດທະນາ	ໂຟຣ໌ ລິຟ ສະຕູດີໂອສ
ຜູ້ວາງຈຳໜ່າຍ	ໂຟຣ໌ ລິຟ ສະຕູດີໂອສ
ຜູ້ກຳກັບ	delta Raide yujovi
ຜູ້ອຳນວຍການຜະລິດ	Cam "cpl_crud" O'Neill Suriko
ຜູ້ຂຽນໂປຣແກຣມ	delta
ສິລະປິນ	gebyy-terar Kamifish moekki Rose "pimmy" Cote raemz Raide
ຜູ້ຂຽນບົດ	Anonymous22 (ຊິຊຶເນະ) Aura (ຣິນ) Cam "cpl_crud" O'Neill (ຮານາໂກະ) Suriko (ລິນລີ້) TheHivemind (ເອມິ)
ຜູ້ປະພັນ	Sebastien "NicolArmarfi" Skaf Andy "Blue123" Andi
ເອນຈິນ	Ren'Py
ເຄື່ອງຫຼິ້ນ	ວິນໂດ, ແມັກໂອເອັສເອັກຊ໌, ລີນຸກ
ວັັນວາງຈຳໜ່າຍ	ທີ4ມັງກອນປີ2012 (ອັງກິດ) ທີ8ກໍລະກົດປີ2013 (ຝຣັ່ງ) ທີ9ທັນວາປີ2013 (ຣັສເຊຍ) ທີ27ກໍລະກົດປີ2014 (ສະເປນ) ທີ1ເມສາປີ2015 (ຍີ່ປຸ່ນ) ທີ14ທັນວາປີ2015 (ອີຕາລີ) ທີ15ສິງຫາປີ2024 (ສຕີມ)
ແນວ	ວີຊວນໂນເວວ, nakige
ຮູບແບບ	ຜູ້ຫຼິ້ນດ່ຽວ

ຄາຕະວະ ໂຊວໂຈ (ຍີ່ປຸ່ນ: かたわ少女, ໂຣມາຈິ: Katawa Shōjo; ແປວ່າ "ສາວພິການ", ອັງກິດ: Katawa Shoujo) ແມ່ນເກມວີຊວນໂນເວວສະໄຕລ໌ບິໂຊໂຈທີສ້າງຂຶ້ນໂດຍໂຟຣ໌ ລິຟ ສະຕູດີໂອສ(Four Leaf Studios) ທີ່ເລົ່າເລື່ອງລາວຂອງເດັກໜຸ່ມຄົນໜຶ່ງກັບຍິງສາວອີກຫ້າຄົນທີ່ມີຄວາມພິການຕ່າງກັນ. ຕົວເກມແມ່ນໃຊ້ຮູບແບບໆວິຊວນໂນເວວແບບຂໍ້ຄວາມ ແລະໃຊ້ຕົວລະຄອນສອງມິຕິຕາມສະໄຕລ໌ເອດີວີ(ADV)ໂດຍຣັນດ້ວຍເອັນຈິ້ນ ເຣນ'ໄພ. ຕົວເກມແມ່ນຢູ່ພາຍໃຕ້ສັນຍາລິຂະສິດຄຣີເອທີຟ ຄອມມອນສ໌ CC-BY-NC-ND.

ເນື້ອເລື່ອງສ່ວນໃຫຍ່ເກີດຂຶ້ນທີ່ໂຮງຮຽນມັດທະຍົມຢາມາຄຸ ໂຮງຮຽນປະຈຳສຳລັບນັກຮຽນທີ່ມີຄວາມພິການ ເຊິ່ງຕັ້ງຢູ່ໃນເມືອງແຫ່ງໜຶ່ງທາງພາກເໜືອຂອງຍີ່ປຸ່ນ. ຜູ້ຫຼິ້ນຈະຮັບບົດເປັນ ຮິຊາໂອະ ນາຄາອິ ເດັກໜຸ່ມທຳມະດາຜູ້ໜຶ່ງທີ່ຊີວິດຕ້ອງພິກຜັນໄປຫຼັງຈາກການຫົວໃຈວາຍຈາກອາການຫົວໃຈເຕັ້ນຜິດຈັງຫວະເລື້ອລັງ. ຫຼັງຈາກການຮັກສາຕົວເປັນເວລາເຫີງນານ ລາວຈຳເປັນຕ້ອງຍ້າຍໄປຮຽນຢູ່ໂຮງຮຽນທີ່ມີຄວາມຊ່ຽວຊານໃນການໃຫ້ການສຶກສາ ແລະ ການດູແລສຸຂະພາບສຳລັບນັກຮຽນທີ່ມີຄວາມພິການ ໂດຍໃນເລື່ອງລາວນີ້ ຮິຊາໂອະຈະໄດ້ຜະເຊີນໜ້າກັບສະພາບຂອງຕົນເອງ ແລະ ການປັບຕົວເຂົ້າກັບໂຮງຮຽນແຫ່ງນີ້.

ຮູບແບບການຫຼິ້ນຂອງຄາຕະວະ ໂຊວໂຈ ເປັນແບບເລືອກເສັ້ນທາງຕ່າງໆ, ຜູ້ຫຼິ້ນຈະໄດ້ອ່ານເນື້ອຫາແລ້ວຕອບຄຳຖາມຫຼືເລືອກຕົວເລືອກທີ່ກຳໜົດໄວ້ແລ້ວ ເຊິ່ງການຕັດສິນໃຈຂອງຜູ້ຫຼິ້ນຈະສົ່ງຜົນໃຫ້ເກີດເຫດການ ຫຼື ບົດສົນທະນາສະເພາະຂຶ້ນຢູ່ກັບທາງທີ່ເລືອກ ເນື້ອເລື່ອງຈະແຕກອອກເປັນຫຼາຍເສັ້ນທາງ, ໂດຍແຕ່ລະເສັ້ນທາງຈະເລົ່າເຖິງຄວາມສຳພັນທີ່ຈະເລິດເຊິ່ງຂຶ້ນເລື້ອຍໆ ຫຼືຈົນກາຍເປັນຄວາມຮັກລະຫວ່າງຮິຊາໂອະກັບໜຶ່ງໃນຫ້າຕົວລະຄອນຍິງຫຼັກ ເຊິ່ງສາມາດຈົບລົງໄດ້ທັງແບບດີ ແບບ ຮ້າຍ ຫຼື ແບບກາງໆ.